Քուչեքն են հանել, գցել երեխեքին, մարզվելու տեղ չունեն, ի՞նչ է անում այս պետությունը, ինչու՞
Մանրամասները՝այստեղ
Category: MegaNews
-
Սահմանափակվում է պատգամավորների՝ քաղբանտարկյալներին այցելելու հնարավորությունը. Աբրահամյան
ԱԺ պատգամավոր Տիգրան Աբրահամյանը գրում է.
«Քաղբանտարկյալների գործերով մի առանձնահատկություն էլ կա, որը շատ քիչ է քննարկվում։
Ճնշող մեծամասնության դեպքում սահմանափակվում է նույնիսկ պատգամավորների՝ այդ մարդկանց այցելելու հնարավորությունը։
Իշխանությունն անում է առավելագույնը՝ վերջիններիս մեկուսացված պահելու, քաղաքական գործընթացներից հեռացնելու և ճնշումն ուժեղացնելու համար»։
-
Իշխանությունը նախապատրաստվում է նոր ընտրությունների. «Հրապարակ»
«Հրապարակ» թերթը գրում է . Ընտրությունների թանաքը դեռ չչորացած՝ իշխանությունը նախապատրաստվում է աշնանը սպասվող ՏԻՄ ընտրություններին։ Թեկնածուների փնտրտուքը սկսված է․ ոմանք արդեն քարոզարշավ են իրականացնում, առաջիկա շաբաթներին կակտիվանան տարածքային շտաբները։
Սյունիքի 3 խոշոր համայնքներում է ընտրություն լինելու՝ Գորիսում, որին միանալու են Տեղ եւ Տաթեւ համայնքները, Կապանում, Մեղրիում։ Մեղրիում թեկնածուն կարծես հայտնի է` Սամվել Բաբայանի նախկին թիմակից, ՔՊ արտագաղթած գործող համայնքապետ Խաչատուր Անդրեասյանն է, որը համայնքապետարանի էջով քարոզարշավ է իրականացնում: Բոլոր գրառումները սկսվում են՝ «համայնքապետ Խաչիկ Անդրեասյանի նախաձեռնությամբ»։
Թեպետ չեն բացառում, որ լավ թեկնածու գտնելու դեպքում ՔՊ-ն հրաժարվի նրանից, քանի որ Անդրեասյանը, ասում են՝ ջերմ հարաբերություններ ունի նախկին քաղաքապետ, երբեմնի ընդդիմադիր Մխիթար Զաքարյանի հետ, որն այս ընտրություններում, ըստ լուրերի, ՔՊ-ին չի աջակցել, ընտանիքն աշխատել է Կարապետյանի համար։
Գորիսի հարցում էլ չկա վերջնական որոշում․ չնայած Առուշին դեմ չեն, բայց ուզում են նրան վերահսկող թեկնածու էլ առաջադրել` մաքուր ՔՊ-ական: Հավակնություններ ունի Տեղի համայնքապետ Դավիթ Ղուլունցը:
Կապանում դեռ անորոշություն է։ Հնարավոր է բոլոր համայնքներում Գյումրու օրինակով փրայմերիզ անեն` իբր հասարակությունն է որոշում ՔՊ թեկնածուներին։
-
Ովքե՞ր են վերահսկելու իշխանության ձայները, եթե լուծարվեն մարզպետարանները. օպտիմալացում, թե՞ «բդեշխների» կրճատում. Mediahub
Ըստ լրատվամիջոցների՝ իշխանությունները պատրաստվում են լուծարել մարզպետարանները։ Գաղափարն ինքնին վատը չէ։ Ընդհանրապես մեր պետական համակարգը բավականին ուռճացված է, որը ոչ միայն պետական բյուջեի անարդյունավետ վատնում է, այլև խոչընդոտում է որոշ ինստիտուտների զարգացմանը։ Օրինակ՝ մարզպետարանները թե՛ ավելորդ օղակ են պետական համակարգի ու տեղական ինքնակառավարման մարմինների միջև, և թե՛ խանգարում են վերջիններիս լիարժեք կայացմանը։ Բացի այդ, մարզպետարանները մեր իրականությունում ավելի շատ ունեն քաղաքական նշանակություն, իսկ մարզպետները յուրովի տեղական բդեշխներ են, որոնց հիմնական «գորխառույթը» ոչ թե մարզի համաչափ զարգացումն է, այլ ընտրությունները վերահսկելը, իսկ համայնքների ղեկավարներին «բռի մեջ» հավաքելը։ Արդյունքում այն համայնքները, որոնց ղեկավարները իշխանամետ են, ստանում են առավելություն ընդդիմադիր ղեկավարների հանդեպ, ինչն էլ իր հերթին հանգեցնում է նրան, որ առաջին դեպքում տվյալ համայնքը զարգանում է, երկրորդ պարագայում՝ ոչ։
Ստացվում է, որ մարդը, որը որքան էլ իր քաղաքական հայացքներով ընդդիմադիր լինի, ստիպված է լինում ընտրել իշխանամետ հայացքներ ունեցող ղեկավարի, որպեսզի վերջինս կարողանա օգտագործելով իշխանությունների «բարեհաճությունը», զարգացնել համայնքը։ Ու այդ ամբողջ կոորդինացիան դրված է հիմնականում մարզպետների ուսերին։ Իսկ մարզպետարանների աշխատակազմն էլ վերածվում է ընտրությունների ժամանակ իշխանության օգտին աշխատածների կամ տվյալ մարզում իշխող ուժի անդամների համար աշխատատեղերի, որպես խրախուսանք։ Արդյունքում ունենում ենք ուռճացված աշխատակազմ՝ ավելորդ վարչություններով, բաժիններով ու հաստիքներով։ Բացի այդ, շատ հաստատություններ, ինչպիսիք են դպրոցները կամ հիվանդանոցները, հայտնվում են երկակի ենթակայության տակ, մի կողմից մարզպետարանների, մյուս կողմից տվյալ ոլորտների նախարարությունների։ Ու ընդհանրապես առաջանում է մի անհեթեթ շղթա։ Համայնքի ղեկավարները ընտրվում են ուղիղ ժողովրդի կողմից, այսինքն ստանում են առաջնային մանդատ, սակայն նրանց վերահսկում են մարզպետարանները, որոնց կոորդինացնում է Տարածքային նախարարությունը, վերջինիս էլ հրահանգում է վարչապետը։
Այս շղթան հիշեցնում է իտալական մաֆիան, որտեղ «դոնը» դեմ առ դեմ հրահանգ էր տալիս խորհրդականին, նա իր հերթին այդ հանձնարարում էր «կապիտանին», վերջինս էլ իր կազմի անդամներից մեկին կարգադրում էր ի կատար ածել «ի վերուստ» եկած հրամանը։
Բայց վերադառնանք մարզպետարանները լուծարելու ու ընդհանրապես ավելորդ օղակները կրճատելու մտքին։ Որքան էլ գաղափարը լավը լինի, այդքան էլ հավատ չի ներշնչում, որ այս իշխանություններն այնուամենայնիվ կգնան այդ քայլին։
Նախ՝ մարզպետարանների լուծարումը ենթադրում է գործազուրկների ավելացում, երկրորդը՝ քաղաքական գործիքից հրաժարում, երրորդը՝ յուրայիններին աշխատանքի տեղավորելու հնարավորությունների կրճատում։
Եթե վերջին երկուսը կարող ենք համարել բացառապես իշխող թիմի խնդիրը, ապա առաջինն իրոք ունի սոցիալ-հասարակական լուրջ բաղադրիչ։ Անկախ նրանից մարդը իշխանամետ է, թե՝ ընդդիմադիր, ամեն դեպքում նա ունի ապրելու ու ընտանիք պահելու խնդիր ու այդքան էլ արդարացի չէ, երբ մարդը աշխատանքից զրկվում է սոսկ մի որոշման արդյունքում։ Իհարկե դա չի նշանակում, որ պետական ապարատը երբեք չպետք է ենթարկվի ռեֆորմների, սակայն ցանկացած ռեֆորմ, որն իր մեջ պարունակում է մարդու համար բացասական էֆեկտ, պետք է իրականացվի ուղեկցվող ծրագրերով, որպեսզի համակարգի կրճատումները չհանգեցնեն մասայական գործազրկության։
-
Վարչապետի ուշադրության կենտրոնում են Գյումրու ճանապարհային ենթակառուցվածքների բարելավման ծրագրերը. Շիրակի մարզպետ
Այսօր շրջայց եմ կատարել Գյումրու Շիրակացու փողոցում, որտեղ ընթանում են հիմնանորոգման աշխատանքները։ Պատասխանատուների հետ քննարկել ենք շինարարական աշխատանքներին առնչվող հարցեր։ Այդ մասին Ֆեյսբուքի իր էջում գրել է Շիրակի մարզպետ Դավիթ Առուշանյանը:
«ՀՀ վարչապետի ուշադրության կենտրոնում են Գյումրու ճանապարհային ենթակառուցվածքների բարելավման ծրագրերը։ Քաղաքի ճանապարհաշինական խնդիրների լուծման ուղղությամբ աշխատանքներն ընթացքի մեջ են, նախատեսվում է տարեկան շուրջ 25 կմ ճանապարհաշինական ծրագրերի իրականացում, իսկ ընթացիկ տարում՝ շուրջ 15 կմ ճանապարհահատվածների միջին նորոգում։ Շիրակացու փողոցի հիմնանորոգումը ևս այս կարևոր ծրագրերի շրջանակում է։ Մեր նպատակը ոչ միայն ճանապարհների վերականգնումն է, այլև անվտանգ, հարմարավետ և երկարաժամկետ շահագործման համար նախատեսված որակյալ ենթակառուցվածքների ստեղծումը։
Ներկայումս Շիրակացու փողոցում իրականացվում են երթևեկելի մասի նախապատրաստական շերտի շինարարական աշխատանքները։
Շրջայցի ընթացքում անդրադարձել ենք նաև 2026 թվականին Գյումրիում նորոգման ենթակա փողոցների ընտրությանն առնչվող հարցերին»,- գրել է նա։
-
Իմ ձեռքում աշխարհի ամենաանվտանգ փաստաթղթերից մեկն է․ կենսաչափական նոր անձնագրերի լայնածավալ տպագրության մեկնարկը տրված է․ Արփինե Սարգսյան
Կենսաչափական նոր անձնագրերի լայնածավալ տպագրության մեկնարկը տրված է։ Այս մասին սոցցանցի իր էջում հայտնում է ՆԳ նախարար Արփինե Սարգսյանը։
«Իմ ձեռքում աշխարհի ամենաանվտանգ փաստաթղթերից մեկն է։ Այն մեր, Հայաստանի Հանրապետության քաղաքացիներիս նոր անձնագրի առաջին նմուշն է։
Այսօր տվեցի լայնածավալ տպագրության մեկնարկը»,- հրապարակած տեսանյությում ասել է նախարարը։
-
«88» առևտրային օբյեկտում արձանագրվել է 33 վարչական իրավախախտում․ Երևանի քաղաքապետարան. տեսանյութ
Հուլիսի 14-ին Երևանի քաղաքապետարանի աշխատակազմի հասարակական կարգի պահպանության ծառայությունը «88» առևտրային օբյեկտում իրականացրած հսկողության արդյունքում արձանագրել է 33 վարչական իրավախախտում։
Երևանի քաղաքապետարանից մանրամասնել են արձանագրված խախտումները.
«16 դեպք՝ պիտանելիության ժամկետն անցած ապրանքների վաճառքի,
11 դեպք՝ մինչև 50 միկրոն հաստության պոլիէթիլենային տոպրակների վաճառքի,
1 դեպք՝ Կառավարության սահմանած պահանջները չպահպանելու,
3 դեպք՝ առանց համապատասխան թույլտվության ոգելից և ալկոհոլային խմիչքների վաճառքի,
2 դեպք՝ առանց համապատասխան թույլտվության հանրային սննդի կազմակերպման համար»:
Երևանի քաղաքապետարանից տեղեկացրել են, որ շարունակելու են իրականացնել հսկողական միջոցառումներ:
-
Կրակոցներ և վրաերթ Երևանում Վարդավառի օրը. Meganews.am-ը բացառիկ տեսանյութ է հրապարակել դեպքի վայրից
Meganews.am-ը բացառիկ տեսանյութ է հրապարակել հուլիսի 12-ին՝ Վարդավառի տոնին, Երևանի Վաղարշյան փողոցի բակերից մեկում տեղի ունեցած միջադեպից, որն ավարտվել է կրակոցներով և վրաերթով։
Տեսանյութի սկզբում երևում է, թե ինչպես է սպիտակ շապիկով ու գլխարկով մի տղամարդ, ատրճանակը ձեռքին, մոտենում սև շապիկով քաղաքացուն և կրակում նրա ոտքին։ Այնուհետև նա մի քանի կրակոց է արձակում նաև կայանված ավտոմեքենայի ուղղությամբ։ Դրանից անմիջապես հետո մեքենան տեղից շարժվում է և վրաերթի ենթարկում կրակող տղամարդուն։ Կադրերում լսվում են դեպքի ականատեսների աղաղակներն ու բղավոցները։
ՀՀ քննչական կոմիտեից Meganews.am-ին հայտնել են, որ դեպքի առթիվ նախաձեռնվել է քրեական վարույթ։ Նախաքննության ընթացքում մեկ անձի նկատմամբ հարուցվել է հանրային քրեական հետապնդում՝ մի խումբ անձանց կողմից սպանության փորձի և խուլիգանության հատկանիշներով։ Նրան կալանավորելու վերաբերյալ միջնորդություն է ներկայացվել դատարան։
Meganews.am-ի տեղեկություններով՝ հանրային քրեական հետապնդման ենթարկված անձը կրակոցներ արձակած տղամարդուն վրաերթի ենթարկած վարորդն է։ Իսկ կրակոցներ արձակած երիտասարդը դեպքից հետո դիմել է փախուստի։
Մարգարիտա Դավթյան
-
Կադրեր՝ Վաղարշյանում տեղի ունեցած ծեծկռտուքից եւ կրակոցներից
Սոցիալական ցանցերում տեսանյութեր են հրապարակվել հուլիսի 12-ին Երևանի Վաղարշյան փողոցում տեղի ունեցած ծեծկռտուքից, կրակոցներից և վրաերթից։
Հիշեցնենք, որ Վաղարշյան փողոցի բակերից մեկում հնչել են կրակոցներ, որոնց զուգահեռ արձանագրվել է նաև ավտոմեքենաների բախում։ Կադրերում երևում է նաև, թե ինչպես են գետնին ընկած տղամարդուն ոտքերով հարվածներ հասցնում։
Մանրամասները՝ տեսանյութում
Մանրամասները՝ տեսանյութում
-
«Շուրջ տասը օր է՝ մեր եկամտի միակ աղբյուրը փակել են»․ «Մուլտի սթոուն»-ի աշխատակից
«Շուրջ տասը օր է՝ մեր գործարանը, մեր եկամտի միակ աղբյուրը փակել են, մնացել ենք առանց գործի»,- լրագրողների հետ զրույցում ասել է «Մուլտի սթոուն»-ի աշխատակիցներից մեկը։ «Մինչև հիմա ոչ մի հստակ պատասխան չեն տալիս, որ իմանանք՝ երբ ա բացվելու, երբ ենք հնարավորություն ունենալու աշխատենք։ Մարդիկ էս գործարանով ուսանող են պահում, կոմունալ վճարում»,- հավելել է նա։