Category: Hayelia.am

Թուրքիայի քաղաքական կուլիսներում Արտաքին գործերի նախարար և հետախուզության (MİT) նախկին երկարամյա ղեկավար Հական Ֆիդանը համարվում է Էրդողանի ամենահավանական հաջորդողը։ Նրա հնարավոր նախագահությունը արմատապես կփոխի տարածաշրջանային դինամիկան՝ էմոցիոնալ պոպուլիզմը փոխարինելով սառը, անողոք պրագմատիզմով։
1. Հական Ֆիդան․ Նոր ոճի «վիրաբուժական» քաղաքականություն
Ի տարբերություն՝ Էրդողանի, Ֆիդանը հետախուզական դպրոց անցած գործիչ է, ով՝ չի առաջնորդվում բղավող հռետորաբանությամբ։ Որպես՝ նախագահ, նա կլինի առավել վտանգավոր հակառակորդ, քանի որ հիանալի տիրապետում է տարածքաշրջանի երկրների, այդ թվում՝ Հայաստանի ներքաղաքական ու անվտանգային թույլ կողմերի գաղտնի արխիվներին։
2. Ֆիդան և Ալիև․ Գործնական դաշինք՝ առանց էյֆորիայի
Անկարա-Բաքու տանդեմը կպահպանվի, բայց կկորցնի նախկին «եղբայրական» հուզականությունը։ Ֆիդանի համար Ալիևը կլինի զուտ գործընկեր, ումից՝ Անկարան կպահանջի լիակատար հաշվետվողականություն։ Բաքվի քայլերը խստորեն կսինխրոնացվեն Թուրքիայի գլոբալ ռազմավարական շահերի հետ։
3. Ֆիդան և Փաշինյան․ Ասիմետրիկ ճնշում և կլանում
Նիկոլ Փաշինյանի միակողմանի զիջողականությունը (կորացած դիրքը) Ֆիդանի կողմից կընդունվի ոչ, թե, որպես՝ հաշտության նշան, այլ որպես՝ մաքուր տակտիկական առավելություն․
«Միջանցքի» պահանջ․ Ֆիդանը կպնդի Սյունիքով անցնող ուղու բացումը, բայց պատերազմի սպառնալիքի փոխարեն կիրառելով դիվանագիտական ու տնտեսական այնպիսի խեղդող ճնշումներ, որոնց դեմ Երևանը հակազդեցություն չունի։
Տնտեսական կլանում․
Սահմանների բացումն ու թուրքական ներդրումները կլինեն միայն Հայաստանի ենթակառուցվածքները թուրք-ադրբեջանական կապիտալի ուղիղ վերահսկողության տակ դնելու պայմանով։ Փաշինյանի «խաղաղության օրակարգը» Ֆիդանի համար կանաչ լույս է՝ Հայաստանն առանց մեկ կրակոցի տնտեսապես կլանելու համար։
Եզրակացություն
Հական Ֆիդանի նախագահությամբ կավարտվի Կովկասի պատմության «էմոցիոնալ» փուլը։ Երբ հակառակորդդ ոչ, թե հարթակներից գոռացող քաղաքական գործիչ է, այլ՝ քո բոլոր թուլությունները գիտեցող նախկին լրտես, «մեջքը կորացնելու» մարտավարությունը բերում է ո՛չ, թե խաղաղություն, այլ պետականության կամաց-կամաց կապիտուլյացիա և վերջնական կլանում թուրքական ազդեցության գոտու կողմից։
Հ.Գ. ԽՈՐՀՈՒՐԴ՝ ՀՀ Կառավարությանը,
Թողնե՛լ միակողմանի զիջումների և սեփական թուլությունները ցուցադրելու կործանարար մարտավարությունը։ Հայաստանը պետք է շտապ վերականգնի իր ռազմական ու պետական դիմադրողականությունը և խոսի ուժի ու սառը հաշվարկի լեզվով, քանի որ նախկին լրտեսների հետ դիվանագիտական «ճկունությունը» հավասարազոր է ինքնասպանության։
Իսկուհի Ավետիքյան,
Ֆրանսա, 08/07/2026

Սյունյաց թեմը հայտարարություն է տարածել՝ Գորիսի Սուրբ Գրիգոր Լուսավորիչ առաջնորդանիստ մայր եկեղեցու նավակատիքի և վերաօծման հանդիսավոր արարողությունների վերաբերյալ, որում մասնավորապես ասվում է.

«ՆԱՎԱԿԱՏԻՔ ԵՎ ՎԵՐԱՕԾՈՒՄ՝ ԳՈՐԻՍԻ ՍՈՒՐԲ ԳՐԻԳՈՐ ԼՈՒՍԱՎՈՐԻՉ ԱՌԱՋՆՈՐԴԱՆԻՍՏ ՄԱՅՐ ԵԿԵՂԵՑՈՒՄ

Սիրելի՛ հավատացյալներ

Ուրախությամբ հայտնում ենք, որ ս.թ. հուլիսի 11–12-ը Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի օրհնությամբ տեղի կունենան Գորիսի Սուրբ Գրիգոր Լուսավորիչ առաջնորդանիստ մայր եկեղեցու նավակատիքի և վերաօծման հանդիսավոր արարողությունները, որոնք կկատարի Սյունյաց թեմի առաջնորդ գերաշնորհ տեր Մակար եպիսկոպոս Հակոբյանը։

Հուլիսի 11-ին՝ ժամը 18:30-ին, կկատարվի եկեղեցու դռնբացեքի և նավակատիքի արարողությունը։

Հուլիսի 12-ին՝ Պայծառակերպության տոնի օրը՝ ժամը 10:00-ին, կկայանա եկեղեցու վերաօծման հանդիսավոր արարողությունը։

Սրտանց հրավիրում ենք բոլոր հավատացյալներին՝ աղոթքով և հոգևոր ուրախությամբ մասնակցելու այս օրհնաբեր արարողություններին և մեծ տոնին»։

Ընդդիմության օգտին իբրև ընտրակաշառքով քվեարկելու մասին Նիկոլ Փաշինյանի հայտարարությունները վիրավորել են քաղաքացիներին․ վերջիններս հերթով դիմում են դատարան՝ պահանջելով հերքել զրպարտությունը և ներողություն խնդրել իրենցից, հաղորդում է «Փաստինֆո»-ն։

Մասնավորապես, Լուսինե Ավագյանը հայցադիմում է ներկայացրել ընդդեմ Նիկոլ Փաշինյանի՝ խնդրելով ճանաչել, որ պատասխանող Նիկոլ Վովայի Փաշինյանի կողմից 2026 թվականի հունիսի 11-ին հրապարակայնորեն տարածված՝ «Քաղաքացիական պայմանագիր կուսակցությունը ստացել է 100 տոկոսով օրգանիկ քվե, իսկ մյուս քաղաքական ուժերը ստացել են 100 տոկոսով ընտրակաշառքով քվե» տեղեկությունը այն մասով, որով վերաբերում է հայցվորին՝ որպես ընդդիմադիր քաղաքական ուժին ձայն տված քաղաքացու, չի համապատասխանում իրականությանը և արատավորում է հայցվորի պատիվը, արժանապատվությունը և բարի համբավը։ Ավագյանը պահանջում է դատարանից՝ պարտավորեցնել պատասխանող Նիկոլ Վովայի Փաշինյանին հայցադիմումը բավարարելու մասին վճիռն օրինական ուժի մեջ մտնելուց հետո 5 (հինգ) աշխատանքային օրվա ընթացքում ՀՀ-ում գործող զանգվածային լրատվության միջոցների համար հասանելի վայրում և առնվազն 24 (քսանչորս) ժամ առաջ այդ մասին ԶԼՄ-ներին նախապես ծանուցելով հրապարակայնորեն հերքել Լուսինե Աբոյի Ավագյանի հասցեին տարածված զրպարտություն համարվող փաստացի տվյալները` հերքումն իրականացնելով հետևյալ կերպ՝ «ՀԵՐՔՈՒՄ, 11.06.2026 թվականին տված ասուլիսիս ընթացքում «մյուս քաղաքական ուժերը ստացել են 100 տոկոսով ընտրակաշառքով քվե» հրապարակված տվյալը չի համապատասխանում իրականությանը՝ սուտ է, հետեւաբար այլ քաղաքական ուժի օգտին քվեարկած Լուսինե Աբոյի Ավագյանի կողմից ընտրակաշառք վերցնելու վերաբերյալ հրապարակված տվյալը չի համապատասխանում իրականությանը՝ սուտ է»։

Հայցվորը նաև պահանջում է ապահովել, որ հերքումը հրապարակվի բոլոր այն ԶԼՄ-ներում, որտեղ տեղ են գտել Փաշինյանի հայտարարությունները։ Ավագյանը նաև պահանջում է դատարանից պարտավորեցնել Փաշինյանին ներողություն խնդրել իրենից՝ իրեն «ընտրակաշառք ստացող անվանելու համար»։ Միևնույն ժամանակ հայցվորը պահանջում է փոխհատուցում 6 մլն դրամի չափով՝ զրպարտության և վիրավորանքի համար։ Հայցը մակագրվել է Երևանի ընդհանուր իրավասության քաղաքացիական դատարանի դատավոր Նաիրա Ավետիսյանին։

Նշենք, որ ավելի վաղ Փաշինյանի վերոգրյալ հայտարարությունների համար հայցադիմում էր ներկայացրել Բագրատ Սրբազանը՝ պահանջելով հերքել իր պատիվը, արժանապատվությունը և բարի համբավը արատավորող, իրականությանը չհամապատասխանող տվյալները։

Ուրբաթ երեկոյան Բուքինգհեմյան պալատը անակնկալ կերպով հայտարարել է, որ Չարլզ 3-րդ թագավորն ու Քամիլա թագուհին հանդիպել են Սասեքսի դուքս արքայազն Հարիի ու նրա ընտանիքի անդամների հետ՝ Հայգրոուվ-հաուզ նստավայրում, որը գտնվում է Գլոսթերշիրում։ Այս մասին հայտնում է BBC-ն։

Ավելի վաղ, արքայազն Հարին որոշել էր, որ Անգլիա այցելույան ժամանակ կնոջը՝ Մեգան Մարքլին եւ երեխաներին՝ արքայազն Արչիին ու արքայադուստր Լիլիբեթին չի տանի հետ, քանի որ բրիտանական կողմը հրաժարվել էր նրանց տրամադրել պետական պահպանություն։

Հայտնի է, որ Չարլզ 3-րդ թագավորը կրտսեր թոռներին չի տեսել չորս տարի։ Վերջին անգամ Սասեքսի դքսի ընտանիքը ժամանել էր Անգլիա 22 թվականին՝ Եղիսաբեթ 2-րդ թագուհու հուղարկավորության ժամանակ։ Անցյալ սեպտեմբերին արքայազն Հարին միայնակ էր այցելել Անգլիա։

Բաքվի բանտում ապօրինի պահվող Արցախի նախկին պետնախարար, բարերար Ռուբեն Վարդանյանի գործը առաջիկա շաբաթներին կներկայացվի Մարդու իրավունքների եվրոպական դատարան։ Sputnik Արմենիայի հետ զրույցում այս մասին ասաց ՄԻԵԴ-ում հայ գերիների շահերի ներկայացուցիչ Սիրանուշ Սահակյանը։

 Նրա խոսքով՝ Վարդանյանի գործով արդեն տրամադրվել է դատավճռի ամբողջական տեքստը, ինչը հնարավորություն է տալիս դիմել Եվրոպական դատարան՝ առանց Ադրբեջանի վերաքննիչ ատյանի որոշմանը սպասելու։

 Նշենք, որ ՄԻԵԴ–ը Ադրբեջանին պարտավորեցրել էր մինչև օգոստոսի 31-ը տրամադրել գերիների դատավճիռները։

«Հաշվի առնելով, որ վերաքննիչ ատյանը մենք չենք դիտարկում որպես արդյունավետ մեխանիզմ, և պարոն Վարդանյանը նաև հրապարակայնորեն նշել է, որ մտադրություն չունի բողոքարկել վերադասության ատյան, մենք արդեն մտադիր ենք գործը ներկայացնել Մարդու իրավունքների եվրոպական դատարան»,– ասաց Սահակյանը։

Միաժամանակ իրավաբանը նշեց,որ որ մյուս 15 հայ գերիների գործերով ամբողջական դատավճիռները դեռ չեն տրամադրվել։ Ըստ նրա` փաստաբանների տրամադրության տակ առայժմ միայն դատավճիռների քաղվածքներն են, որոնց հիման վրա բողոքներ են ներկայացվել Ադրբեջանի վերաքննիչ դատարան։ Սահակյանի գնահատմամբ՝ նման ընթացակարգը չի կարող արդյունավետ համարվել, քանի որ առանց դատական ակտի պատճառաբանական մասին ծանոթանալու հնարավոր չէ հիմնավորված բողոք ներկայացնել։

«Մեր գնահատմամբ՝ այդ գործընթացը ձևական է։ Առանց դատական ակտի պատճառաբանական մասի ծանոթ լինելու հնարավոր չէ արդյունավետ բողոք իրականացնել»,– ընդգծեց իրավապաշտպանը։

ՄԻԵԴ-ում հայ գերիների շահերի ներկայացուցիչը հավելեց, որ հենց ամբողջական դատավճիռները հասանելի դառնան նաև մյուս 15 գործերով, դրանք ևս կներկայացվեն Մարդու իրավունքների եվրոպական դատարան։

«Երբ հասանելիություն կլինի նաև 15 գործով դատավճռի ամբողջական տեքստին, բնականաբար, Մարդու իրավունքների եվրոպական դատարան ներկայացվելու են նաև այդ գործերը։ Դատավարական ժամկետներ կան, և մենք առաջիկա շաբաթների ընթացքում Ռուբեն Վարդանյանի գործը ներկայացնելու ենք ՄԻԵԴ»,– նշեց Սիրանուշ Սահակյանը։

Աշխեն Հայրապետյանը ազատվել է Ազգային ժողովի նախագահի խորհրդականի պաշտոնից: Որոշումն ուժի մեջ կմտնի օգոստոսի 3-ից։

Այս մասին կարգադրությունը հուլիսի 10-ին ստորագրել է Ազգային ժողովի նախագահ Ալեն Սիմոնյանը։

«Հրապարակ»-ը գրում է․ Մեր տեղեկություններով, Փաշինյանը մտադիր է Գագիկ Ծառուկյանին պատկանող «Արարատցեմենտ» գործարանի ժամանակավոր կառավարիչ նշանակել էկոնոմիկայի փոխնախարար Էդգար Զաքարյանին, որն ի պաշտոնե համակարգում է ոլորտը եւ նախօրեին գործարանի առջեւ բողոքի ցույց անող աշխատակիցների հետ հանդիպման ժամանակ իր հավատարմությունն էր հայտնել Փաշինյանին․ «Նիկոլ Փաշինյանն իմ առաջնորդն է, ինչ ասում է, ճիշտ է ասում»։

Փաշինյանը կառավարության նիստից հետո՝ ճեպազրույցում դիմել էր «Արարատցեմենտի» աշխատակիցներին եւ հորդորել՝ չանել գործողություններ, որպեսզի հետո չազատվեն աշխատանքից, ըստ էության սպառնալով՝ բողոքելու դեպքում նրանց աշխատանքից ազատել: Նաեւ ասել էր, որ «Արարատցեմենտը» շուտով լինելու է պետական:

, որ Սամվել Կարապետյանին պատկանող ՀԷՑ-ի ժամանակավոր կառավարիչ Ռոմանոս Պետրոսյանը մոտ 6 միլիոն դրամ աշխատավարձ է ստանում, փոխնախարար Զաքարյանը, հավանաբար, նման ախորժակ ունի, դրա համար էլ անթաքույց քծնում է Փաշինյանին։

«Հրապարակ»-ը գրում է․ Ծաղիկ աճեցնող ջերմոցատերերից մեկը մեզ պատմեց, որ իշխանական օղակներից սպառնալիքներ են ստացել: Իրենց ասվել է` եթե դժգոհեք, հրապարակավ ելույթներ ունենաք, հարցազրույցներ տաք եւ պատմեք, որ եվրոպական շուկան չի փոխարինում ռուսական շուկային, ծաղիկ վաճառելը մեծ գլխացավանք է դարձել, ապա եվրոպական շուկայի դռները ձեզ համար` որպես պատիժ, ընդմիշտ կփակվեն:

Սա է նաեւ պատճառը, որ որոշ ջերմոցատերեր ստում են՝ ասելով, թե կարողացել են ծաղիկն արտահանել Եվրոպա, ամեն ինչ լավ է։ Նման բան ասողները, սակայն, չեն նշում, թե խոսքն ինչ քանակի ծաղկի մասին է, քանի որ իրականում որեւէ խոշոր արտահանում դեռ տեղի չի ունեցել՝ ընդամենը փորձանմուշներ են ուղարկվել մի քանի երկիր:

զրուցակիցը նաեւ ասաց, որ տեւական ժամանակ հույսով սպասել են, որ ծաղիկն արտահանելու են ԵՄ շուկա, սակայն արդեն իրենց համբերության բաժակը լցվել է, եւ լռել չեն պատրաստվում, քանի որ հասկացել են՝ իրենց խաբում են:

«Հրապարակ»-ը գրում է․ Բոլորը բացատրություններ են փնտրում, թե ինչու Սահմանադրական դատարանը նման անօրինական որոշում կայացրեց՝ հունիսի 7-ի ընտրությունների հետ կապված, եւ տարբեր վարկածներ են հնչում։ Բայց կան նաեւ փաստեր, որոնք վկայում են ՍԴ դատավորների կաշկանդվածության մասին։

Յուրաքանչյուրի նկատմամբ իշխանությունը մի թեմա ունի, որի միջոցով արդյունքի է հասել։ Օրինակ, ՍԴ դատավոր Արթուր Վաղարշյանի որդու՝ Արեգ Վաղարշյանի նկատմամբ կա հարուցված քրեական գործ, որը հիմա սառեցված է, բայց ցանկացած պահի կարող է վերաբացվել՝ կապված դատավորի պահվածքի հետ։ Արեգ Վաղարշյանը մեղադրվում էր 2023 թվականին ոստիկանության նախկին գնդապետ Վարդան Նադարյանի որդուն՝ Էդուարդ Նադարյանին դանակահարելու համար։ Նրան ժամանակին մեղադրանք է առաջադրվել, կալանավորման միջնորդություն են տարել դատարան, որը մերժվել է։ Մեր տեղեկություններով՝ շուրջ 3 տարի տեւող նախաքննությունը դեռ չի ավարտվել, սակայն այս ընթացքում մեղադրանքը հանել են Վաղարշյանի որդու եւ մյուս մեղադրյալների վրայից, եւ դանակահարության գործը մնացել է առանց մեղադրյալի ու լռվել քննչականի դարակներում։ Մեկնաբանություն ստանալու համար դիմեցինք Քննչական կոմիտե, մեզ ասացին՝ գրավոր հարցում ուղարկեք։

«Հրապարակ»-ը գրում է․ Չնայած Ազգային ժողովի լիազորությունների ավարտին դեռ մեկ ամիս կա, եւ նոր գումարման խորհրդարանի անդրանիկ նիստն օգոստոսի 3-ին է, սակայն ՔՊ-ի կողմից մերժված Ալեն Սիմոնյանն ու նրա թիմն արդեն լքել են խորհրդարանը։

Սիմոնյանը հուլիսի 13-ից մինչեւ օգոստոսի 2-ն արձակուրդում է լինելու, նրա խորհրդական Աշխեն Հայրապետյանն ազատման դիմում է գրել։ Իսկ ՔՊ վարչության կողմից ընտրված Ռուբեն Ռուբինյանը, դեռ չընտրված, իրեն արդեն ԱԺ նախագահ է զգում, անցնում է կաբինետներով, հրահանգներ տալիս։ Նրանից ավելի ակտիվ է կինը՝ ԱԺ աշխատակից Մարիամ Հաջի-Հակոբյանը։

Հիշեցնենք, որ երբ ՔՊ վարչությունն Ալեն Սիմոնյանի փոխարեն ԱԺ նախագահի թեկնածու ընտրեց Ռուբեն Ռուբինյանին, Սիմոնյանը հրաժարվեց նաեւ պատգամավորի մանդատից։