Category: FreeNews

Կորեայի Հանրապետության վարչապետ Հան Սոն-Սուկը շնորհավորական ուղերձ է հղել Նիկոլ Փաշինյանին՝ Հայաստանի Հանրապետության վարչապետի պաշտոնում վերանշանակման առիթով: Ուղերձում ասված է.

«Կորեայի Հանրապետության կառավարության և քաղաքացիների անունից ցանկանում եմ իմ ջերմ շնորհավորանքները հղել Ձեր վերանշանակման առիթով: Ես խորապես համոզված եմ, որ Հայաստանի Հանրապետությունը կշարունակի առաջընթացն ու զարգացումը Ձեր ղեկավարության ներքո, ինչպես եղել է մինչ օրս:

Ուրախ եմ նշել, որ Կորեան և Հայաստանը 1992 թվականին դիվանագիտական հարաբերությունների հաստատումից ի վեր կայուն զարգացրել են բարեկամական և համագործակցային հարաբերություններ: Քանի որ մեր երկու երկրները հաջորդ տարի նշելու են դիվանագիտական հարաբերությունների հաստատման 35-ամյակը, ցանկանում եմ պահպանել սերտ կապ և համագործակցել Ձեզ հետ՝ փոխանակումները խթանելու և փոխըմբռնումը խորացնելու համար:

Խնդրում եմ ընդունել, Ձերդ Գերազանցություն, իմ լավագույն մաղթանքները Ձեր առողջության և Ձեր բոլոր նոր նախաձեռնություններում շարունակական հաջողությունների, ինչպես նաև Հայաստանի Հանրապետության անսպառ բարգավաճման համար»:

Civic.am-ը գրում է.

Հյուսիսային Ամերիկայի Արևմտյան թեմի առաջնորդ Հովնան արքեպիսկոպոս Տերտերյանն այս տարվա հունվարի 16-ին, թեմի ֆեյսբուքյան էջով  հրապարակեց մի գրություն, որով, նվազագույնը քսան կետերով հիմնավորեց Եկեղեցու բարեկարգության անհետաձգելի անհրաժեշտությունը։ Այդ քսան կետերը ներառում են թե՛ կոնկրետ հիմնահարցեր, որ ծառացած են եկեղեցու առջև և լուծման կարոտ են, և թե՛ փաստական մեղադրանքներ Կտրիճ Ներսիսյանին, որը լինելով թիվ մեկ պատասխանատուն, պառատկել և ընթացք չի տվել եկեղեցու մեջ հակականոնական երևույթների և բարոյական անկման մեջ հայտնված հոգևորականների խնդրահարույց վարքի հանգամանքների քննությանը և դրանց չեզոքացմանը։

Հովնան Արքեպիսկոպոս Տերտերյանի այդ հրապարակումը այսօր էլ հասանելի է, ֆեյսբուքյան էջից հեռացված չէ, խնդրով հետաքրքրվածները կարող են ևս մեկ անգամ ուշադիր կարդալ։ Հարկ է ընդգծել, որ Հովնան Սրբազանի բարձրաձայնած հարցերի պատասխանները դեռևս տրված չեն և սպասում են իրենց իրական գործուն լուծումներին։ Անշուշտ, ինչպես յուրաքանչյուր բարձրաձայնող հոգևորական, Հովնան սրբազանը նույնպես ենթարկվեց հարձակումների և զրպարտությունների։ Փետրվարի 6-ին տեղադրվեց թեմական խորհրդի հայտարարությունը, որով Թեմական խորհուրդը հայտնեց թե՛ Էջմիածնի նկատմամբ իր անսասան հավատքը և թե՛ ամբողջական զորակցություն Հովնան սրբազանին։ Այդ ընթացքում սրբազանը, դարձյալ քննարկումներ ունենալով Թեմական խորհրդի հետ հայտարարեց Ավստրիայում կայանալիք եպիսկոպոսական հավաքին մասնակցելու իր մտադրության մասին, ինչին հաջորդեց Մայր Աթոռի լրատվականներով Հովնան սրբազանի թիրախավորումը և զրպարտչական նյութերի տարածումը։

Արդեն փետրվարի 12-ին սրբազանն անդրադարձավ Կտրիճ Ներսիսյանի շահերը սպասարկող լրատվամիջոցի տնօրինությանը և մոլորության մեջ գտնվող եղբայրներին՝ մասնավորապես գրելով․ «Այս զրպարտչական արշավին մեջ ներգրավվածներուն համար մենք խորապես կցավինք։ Անոնք խաբված են և կծառայեցվին պառակտում հրահրելու նպատակով»։

Անշուշտ, Ավստրիայի եպիսկոպոսական հավաքին սրբազանի մասնակցելը, նոր շահարկումների դուռ բացեց, և սրբազանին անվանարկելու առաքելությանը լծվածները սկսեցին լուրեր տարածել սրբազանի նահանջի և Կտրիճ Ներսիսյանի հակաեկեղեցական խմբակին միանալու մասին։ Իսկ արդեն օգոստոսի 12-ին՝ Կտրիճ Ներսիսյանի դատարան ներկայանալուց օրեր անց, երբ Թեմի առաջնորդական դիվանը մի գրություն հրապարակեց, որի իմաստն այն էր, որ պետք է վստահել Աստծուն, աղոթել և հավատարիմ մնալ արդարության վերականգնման և իրավունքի առաջնահերթության անանց արժեքներին, Մայր աթոռին սպասարկող լրատվականն այս անգամ շտապեց այդ հայտարարությունը ներկայացնել որպես հաջակցություն Կտրիճ Ներսիսյանին։

Հունվար 16-ին հնչեցված հարցերը լեգիտիմ են, և բարեկարգության օրակարգը դրանց լուծման անհետաձգելի անհրաժեշտության մասին է։

Կառավարության որոշմամբ՝ կապահովվի Գազայի հատվածից առողջական լուրջ խնդիրներ ունեցող երեխաներին Հայաստանի Հանրապետություն տեղափոխելը և նրանց անհրաժեշտ բժշկական օգնությունը ՀՀ առողջապահական հաստատություններում կազմակերպելը։

Այդ նպատակով ՀՀ կառավարության պահուստային ֆոնդից 16,7 մլն դրամ կհատկացվի ՀՀ առողջապահության նախարարությանը։

Որոշումը կայացվել է ՀՀ կառավարության օգոստոսի 20-ի հերթական նիստում։

Ըստ հիմնավորման՝ ՀՀ առողջապահության նախարարությունը պատրաստակամություն է հայտնել և ներկայում համապատասխան աշխատանքներ է իրականացնում ՀՀ ԱԳ նախարարության և Առողջապահության համաշխարհային կազմակերպության հետ համատեղ՝ Գազայի հատվածից առողջական լուրջ խնդիրներ ունեցող մինչև տասը երեխա ՀՀ տեղափոխելու և նրանց անհրաժեշտ բժշկական օգնությունը ՀՀ առողջապահական հաստատություններում կազմակերպելու նպատակով։

Երեխաների առողջական վիճակի նախնական գնահատման արդյունքում դիտարկված 11 պացիենտից ընտրվել էր 7-ը, որոնց բուժումը հնարավոր է իրականացնել Հայաստանում։ Այնուամենայնիվ, նշված 7 ընտանիքներից 3-ն է համաձայնել առավելագույնը մեկ ուղեկցող անձի հետ ՀՀ-ում հյուրընկալվելու պայմանին:

Ճամբարակում տեղի ունեցած դժբախտ պատահարի հանգամանքների վերաբերյալ մամուլում և սոցիալական ցանցերում տարատեսակ տեղեկություններ են շրջանառվում, չնայած որ դեպքի առթիվ նախաձեռնվել է վարույթ: 

ՊՆ-ից տեղեկացնում են, որ ՀՀ քննչական կոմիտեի գործընկերների հետ համատեղ քննարկման արդյունքում հարկ ենք համարում արձագանքել դրանցից մեկին. լուրերը, թե զինվորները վազել են հակագազերով, չեն համապատասխանում իրականությանը։

Ավելի վաղ տեղեկացրել էինք, որ Ճամբարակ տանող ճանապարհին «Գազ-53»-ը վրաերթի է ենթարկել զինծառայողների․ մեկ զինծառայող մահացել է:

«Ես խնդիր եմ տեսնում նրանում, որ Գագիկ Ծառուկյանն այս ողջ ընթացքում եղել է ազատության մեջ»:

Այս մասին ճեպազրույցի ժամանակ ասել է վարչապետ Նիկոլ Փաշինյանը:

«Ընդհանրապես ով է ասել, որ Գագիկ Ծառուկյանը այս ողջ ընթացքում պետք է լիներ ազատության մեջ, ես պրոբլեմ եմ տեսնում նրանում, որ այս ողջ ընթացքում նա եղել է ազատության մեջ, ինչո՞ւ է եղել ազատության մեջ։ Իրենց ազատության մեջ մնալու պատասխանատվությունը ժողովուրդը դնում է ինձ վրա, հենց այստեղ է խնդիրը, որ շատ դեպքերում ես հրապարակային ասել եմ՝ մեր դատաիրավական համակարգը վերնախավերի հետաքրքրությունների արտահայտիչն է, բայց այստեղ կա ֆունդամենտալ մի պրոբլեմ (դա այդպես է սահմանադրական կարգավորումների բերումով), առաջիկայում ես այդ թեմային ավելի մանրամասն կանդրադառնամ։

Հենց այդպես էլ նախագծված է համակարգը, որ ծառայի ոչ թե ժողովրդին, այլ վերնախավին, մեր դատաիրավական համակարգը շատ դժվար է, մենք մեծ ջանքեր ենք գործադրում, բայց վստահաբար կարող ենք ասել, որ մեր արդյունքները այդտեղ մեծ չեն, ինչքան էլ մեծ ներդրումներ և մեծ բարեփոխումներ ենք արել: Սա ֆունդամենտալ պրոբլեմ է, որը պետք է լուծել, և այդ ֆունդամենտալ պրոբլեմը առանց սահմանադրական փոփոխությունների և նոր Սահմանադրության ընդունման հնարավոր չի լուծել»,- նշել է նա:  

Փաշինյանը հավելել է՝ երբ ասում են գույք խլել, ինքը միանգամից պատկերացնում է Գագիկ Ծառուկյանին և իրեն պաշտպանողներին. «Դա այն գործն է, որ իրենք երկար տարիներ ՀՀ-ում հասցրել են պրոֆեսիոնալ մակարդակի: Այսօր ասում են՝ քաղաքական հետապնդում է՝ ես էլ հակառակն եմ ասում՝ տասնյակ տարիներով եղել է քաղաքական չհետապնդում, իրենք մաֆիոզ կապերով նույնիսկ մեր իշխանության տարիներին, որտեղ ինչ հարց ուզել են, լուծել են, որովհետև մենք չենք խառնվում պրոցեսներին: Հիմա ժողովրդի հստակ պահանջը ձևակերպվել է, և ժողովրդի պահանջը պետք է իրագործվի, Կառավարության ծրագրով էլ 2 միլիարդ գույք պետք է վերադարձվի մինչև 2031 թվականը»:   

Ճամբարակում տեղի ունեցած վթարի հետևանքով վնասվածքներ ստացած զինծառայողներից 3-ը հետազոտվել են, որևէ բժշկական միջամտության անհրաժեշտություն չունեն։ Այս մասին տեղեկացնում են ՀՀ ՊՆ-ից:

«Մյուս երեքի կյանքին վտանգ չի սպառնում, նրանք գտնվում են հոսպիտալի բժիշկների հսկողության տակ»,- ասվում է հաղորդագրության մեջ: