Category: FreeNews

ՆԳ նախարար Արփինե Սարգսյանն օգոստոսի 6-ին, ՆԳՆ փրկարար ծառայության տնօրեն-ՆԳ նախարարի տեղակալ Արամ Ղազարյանի ուղեկցությամբ, այցելել է Արմավիրի մարզ՝ ծանոթանալու Բաղրամյանի հրշեջ-փրկարարական ջոկատի նոր վարչական շենքի կառուցման աշխատանքների ընթացքին։ Այս մասին տեղեկացնում են ՆԳՆ-ից։

Նախարարին ներկայացվել են ինչպես իրականացված, այնպես էլ առաջիկայում նախատեսվող աշխատանքները։

Արփինե Սարգսյանը տվել է համապատասխան հանձնարարականներ՝ ընդգծելով աշխատանքները սահմանված ժամկետներում և պատշաճ որակով իրականացնելու, ինչպես նաև հրշեջ-փրկարարների համար ծառայության ժամանակակից և արժանապատիվ պայմաններ ապահովելու անհրաժեշտությունը։

Ժամանակակից լուծումներով նախագծված նոր վարչական շենքը շահագործման կհանձնվի ամիսներ անց։

Հասարակական կարգի պահպանումն ու հանրային անվտանգության ապահովումը ՆԳՆ ոստիկանության ամենօրյա աշխատանքի առանցքում են։ Այդ համատեքստում ՆԳՆ ոստիկանության ծառայողները հանրապետության ողջ տարածքում շարունակում են իրականացնել հատուկ միջոցառումներ։

Միջոցառումների նպատակը հանցավոր հակումներ ունեցող անձանց և նրանց հնարավոր հավաքատեղիների նկատմամբ վերահսկողության ուժեղացումն ու ապօրինի շրջանառությունից զենք-զինամթերքի և թմրամիջոցների դուրսբերումն է։

Տարբեր բնակավայրերի հավաքատեղիներում իրականացված շրջայցերի և ստուգողական միջոցառումների արդյունքում հայտնաբերվել և Համայնքային ոստիկանության տարածքային բաժիններ են ներկայացվել նախկինում դատապարտված և հանցավոր հակումներ ունեցող շուրջ 150 անձ։

Թիրախային միջոցառումներն արդյունքում հայտնաբերվել են թմրամիջոցներ և զենք-զինամթերք։

Հանրային անվտանգությանը սպառնացող ցանկացած դրսևորում շարունակելու է արժանանալ ՆԳՆ ոստիկանության հասցեական արձագանքին։ 

Հանցավոր դրսևորումների կանխման և հակազդման ուղղությամբ ՆԳՆ ոստիկանության հատուկ միջոցառումները պարբերական են։

Հայկ Ֆարմանյանի կարծիքով՝ Քոչարյանից $200 մլն-ի ապօրինի գույք չպետք է պահանջել. թալա՞նն եք պաշտպանելու: Այս մասին ԱԺ-ում հայտնեց Վահագն Ալեքսանյանը:

«Ես Հայ առաքելական եկեղեցու հետևորդ եմ, իմ աղջիկները կնքվել են Սուրբ Սարգիս եկեղեցում, ես ամուսնացել եմ ՀԱԵ-ում, և իմ դավանանքն ասում է, որ վեհափառը չի կարող կուսակրոնության երդումը դրժած լինել: Իսկ ձեր կրոնում ինչպե՞ս է: Ձեզ մոտ վեհափառը կարո՞ղ է զավակ ունենալ»:

Այս մասին Ազգային ժողովում իր ելույթի ժամանակ ասաց «Քաղաքացիական պայմանագիր» խմբակցության պատգամավոր Սոնա Ղազարյանը՝ անդրադառնալով ընդդիմադիրների այն դիտարկմանը, թե կրոնական տարբերություն կա ԱԺ իշխող ուժի և ընդդիմության միջև:

«Այսինքն՝ եթե դուք Գրիգոր Լուսավորչի օրինակն եք բերում, հաստատում եք, որ Կտրիճ Ներսիսյանը զավակ ունի, և դա ձեզ համար ընդունելի է»,- ընդգծեց պատգամավորը, որից հետո ընդդիմադիրները, ի նշան բողոքի, որ Սոնա Ղազարյանը Գարեգին Բ-ին (Կտրիճ Ներսիսյան) ավազանի անունով է դիմում, սկսեցին հարվածել սեղաններին:

Հաջորդ ելույթը «Հայաստան» խմբակցության պատգամավոր Քրիստինե Վարդանյանինն էր, և երբ նա Գարեգին Բ-ին (Կտրիճ Ներսիսյան) կոչեց վեհափառ, Ամենայն հայոց կաթողիկոս, «Քաղաքացիական պայմանագիր» խմբակցության պատգամավորները սկսեցին հարվածել սեղաններին, իսկ ընդդիմադիրները սկսեցին ծափ տալ: