Եվրահանձնաժողովի նախագահ Ուրսուլա ֆոն դեր Լայենը Կիև կատարած այցի ընթացքում ստիպված է եղել իջնել ապաստարան՝ օդային տագնապի ազդանշանի պատճառով։ Այդ մասին հայտնել է Euractiv պորտալը։
Ըստ աղբյուրի՝ շչակները միացել են այն պահին, երբ ԵՀ ղեկավարը պատասխանում էր լրագրողների հարցերին։
Չորեքշաբթի օրը ֆոն դեր Լայենը ժամանել էր Կիև, որտեղ նրան հանձնել են ուկրաինական «Եվրոպայի» շքանշանը, ինչը նա անվանել է «մեծ պատիվ»։
17 հուլ 2026 22:06
Պլանային աշխատանքներ իրականացնելու նպատակով՝ հուլիսի 20-ին ժամը 11:00-ից մինչև 17:30-ը, կդադարեցվի Տավուշի մարզի Իջևան քաղաքի Մյասնիկյան փողոցի գազասպառողների գազամատակարարումը։
Կորսված հնարավորություններ. Ինչու՞ Գյուլագարակը դեռևս չի դարձել զբոսաշրջային կենտրոն. Ուժեղ Հայաստան
Լևոն Արոնյանը «Biel Chess Festival 2026»-ի արագ շախմատի մրցաշարում զբաղեցրել է առաջին հորիզոնականը․ գրում է Հայաստանի շախմատի ֆեդերացիան։
Մրցաշարն անցկացվում է հուլիսի 12-23-ը` Շվեյցարիայի Բիլ քաղաքում։
«Masters» խմբում մասնակցում է վեց գրոսմայստեր՝ Լևոն Արոնյան, Լե Քուանգ Լիեմ, Այդին Սուլեյմանլի, Մաթիաս Բլյուբաում, Յաղըզ Քաան Էրդողմուշ, Խոսե Էդուարդո Մարտինես Ալկանտարա։
Մասնակիցները կմրցեն արագ, դասական և կայծակնային շախմատի ձևաչափերով, իսկ հաղթողը կորոշվի երեք մրցաշարերի արդյունքների հանրագումարով:
Թբիլիսիում քննարկվել են հայկական ապրանքների՝ Վրաստան արտահանման…
ԱՄՆ-ում նոյեմբերին նախատեսված Կոնգրեսի միջանկյալ ընտրությանն ընդառաջ՝ Դոնալդ Թրամփը հայտարարել է ամերիկյան ընտրական համակարգի խոցելիության մասին:
ԱՄՆ նախագահը նշել է, որ Չինաստանն ապօրինաբար հասանելիություն է ստացել ամերիկացի 220 միլիոն ընտրողի տվյալների և փորձել է խանգարել իր վերընտրվելուն, սակայն հատուկ ծառայություններում այսպես կոչված «խորքային պետության» ներկայացուցիչները թաքցրել են այդ տեղեկությունը։
Նա պնդել է, որ Պեկինը փորձել է ազդել նաև 2020 թվականի ընտրության արդյունքների վրա:
«Մեր երկրին հսկայական վնաս է հասցվել։ Մեր ընտրությունները խոցելի են, իսկ ամերիկացի ժողովրդի վստահությունը խարխլվել է։ Այսպես շարունակվել չի կարող»,- հավելել է Սպիտակ տան ղեկավարը։
Անվտանգային ճգնաժամը հաղթահարելու նպատակով նա կոչ է արել ընդունել օրինագիծ, որը պարտավորեցնում է ընտրողներին ընտրատեղամասերում հաստատել իրենց ինքնությունը և քաղաքացիությունը։
«ԱՄՆ-ի հակառակորդները, այդ թվում՝ առնվազն Ռուսաստանը, Չինաստանը, Իրանը և Հյուսիսային Կորեան, ունեն ԱՄՆ-ի ընտրական ենթակառուցվածքին վնաս հասցնելու հնարավորություններ»,- հայտարարել է Սպիտակ տան ղեկավարը։
Իր պնդումները հիմնավորելու համար Թրամփը հրապարակել է մի շարք գաղտնազերծված փաստաթղթեր։ Սակայն, ըստ The New York Times-ի գնահատականի՝ դրանք որևէ էական նոր տեղեկություն չեն պարունակում։
Չինաստանը հերքել է ԱՄՆ ընտրություններին միջամտելու մեղադրանքները՝ շեշտելով, որ ընտրություններն ամեն երկրի ներքին գործն են:
Թուրքիայի առևտրի նախարարությունը Հայաստանի հետ հարաբերությունների կարգավորման գործընթացի շրջանակում իրականացրել է մաքսային համակարգի տեխնիկական կարգավորում` հայտնել է Թուրքիայի իշխանական Sabah թերթը, գրում է 1lurer.am-ը։
Նշվում է, որ երրորդ երկրների միջոցով Հայաստանի հետ իրականացվող ներմուծման, արտահանման և տարանցիկ գործարքների մաքսային հայտարարագրերում կարող է այսուհետև կիրառվել Հայաստանի պաշտոնական կոդը՝ 077-ը։ Համապատասխան փոփոխություններն արդեն կատարվել են Թուրքիայի մաքսային համակարգում:
Գործընթացի շրջանակում հնարավոր կլինի Թուրքիայից երրորդ երկիր, իսկ այնտեղից Հայաստան ուղարկվող ապրանքների վերջնական նպատակակետը կամ ծագումը նշել որպես «Հայաստան / Թուրքիա»:
Աղբյուրի համաձայն՝ Թուրքիայի և Հայաստանի միջև առևտրաշրջանառության ծավալը հիմա մոտ 335-350 մլն դոլար է։ Նպատակ կա կարճաժամկետ հեռանկարում այդ ցուցանիշը հասցնել 1 մլրդ դոլարի։
Ղազախական «Ելիմայի» գլխավոր մարզիչ Անդրեյ Կարպովիչը պարտությունից հետո («Ալաշկերտի» հետ՝ ընդհանուր 3:3, 11-մետրանոցներով՝ 5:6) նշեց, որ թիմը չդիմացավ լարվածությանը և ներողություն խնդրեց երկրպագուներից։
Նրա խոսքով՝ խաղը դարձավ իսկական թրիլլեր, մթնոլորտը հիասքանչ էր, սակայն ամեն ինչ վատ ավարտվեց իրենց համար։ «Ֆուտբոլը պատժում է»՝ ասաց Կարպովիչը՝ ընդգծելով ցավալի բաց թողնված գոլը ու հարվածաշարը, նշելով, որ մեղավոր չեն փնտրում և պատասխանատվությունը իր վրա է։
Կարպովիչը հավելեց, որ թիմը պետք է արագ վերականգնվի ներքին առաջնության համար և նորից անդրադառնա եվրագավաթներին։ Սա «Ելիմայի» առաջին եվրոպական մրցաշրջանն էր։ «Ալաշկերտը» դուրս եկավ երկրորդ փուլ և կհանդիպի «Կլուժին». խաղերը՝ հուլիսի 23-ին Երևանում, հուլիսի 30-ին Ռումինիայում։
Հայաստանի Հանրապետության էկոնոմիկայի նախարար Գևորգ Պապոյանի գլխավորությամբ հուլիսի 17-ին տեղի է ունեցել նախարարին կից հասարակական խորհրդի հերթական նիստը․ հանդիպման մասին տեղեկանում ենք նախարարությունից։
Նախարարը կարևորել է հասարակական կազմակերպությունների ներգրավվածությունը երկրի տնտեսության զարգացման գործում և նշել, որ համատեղ քննարկումների միջոցով հնարավոր է դառնում ձևավորել լուծումներ, որոնք նպաստում են իրականացվող աշխատանքների արդյունավետության բարձրացմանը։
Օրակարգում ընդգրկված հարցերը վերաբերել են պետական աջակցության ծրագրերին, մասնավորապես արտահանմանն ուղղված ծրագրերի լավարկմանը, ՀՀ-ում մասնավոր անասնաբուժական ծառայությունների և անասնաբուժական դեղամիջոցների շրջանառության համակարգի զարգացմանը։
Նիստի ընթացքում նախարարը ներկայացրել է պետական աջակցության ծրագրերի լավարկման ուղղությամբ իրականացված աշխատանքները։ Հասարակական խորհրդի անդամները ևս ներկայացրել են առաջարկներ․ ծավալվել է ակտիվ երկխոսություն։
Հանդիպման ավարտին ՀՀ էկոնոմիկայի նախարարին կից հասարակական խորհրդի նախագահ Գևորգ Պապոյանը հավաստիացրել է, որ խորհրդի անդամների առաջարկները և դիտողությունները և փորձագիտական կարծիքները կդիտարկվեն որոշումներ կայացնելիս։