Media Monitoring

Author: Balance2

  • Հայաստանի ԱԳՆ-ն ցավակցել է Նեպալում և Չինաստանում ջրհեղեղի հետևանքով զոհերի ընտանիքներին

    Հայաստանի Հանրապետության արտաքին գործերի նախարարությունը ցավակցական ուղերձ է հղել Նեպալում և Չինաստանում ջրհեղեղի հետևանքով զոհվածների ընտանիքներին։

    X-ի միկրոբոլգում արված գրառման մեջ ՀՀ արտաքին գերատեսչությունը, մասնավորապես, նշել է․

    «Խորապես վշտացած ենք Նեպալում և Չինաստանում մոլեգնող սարսափելի ջրհեղեղների լուրերից, որոնք բազմաթիվ զոհերի ու ավերածությունների պատճառ են դարձել։ Անկեղծ ցավակցություն ենք հայտնում բոլոր զոհերի ընտանիքներին և աղոթում բոլոր տուժածների շուտափույթ ապաքինման համար»։

    Deeply saddened by the news of the horrible flash floods that struck Nepal & China, causing so many fatalities and devastation. Sincere condolences to the families of all the victims, with prayers for the swift recovery of all those affected.@MofaNepal @MFA_China


    — MFA of Armenia

  • Ցանկանում եմ հաշվետվություն ներկայացնել․ Արսեն Թորոսյանն ամփոփել է պաշտոնավարման մեկ տարին

    Արսեն Թորոսյանը պաշտոնավարման մեկ տարին ամփոփել է հաշվետվությամբ։

    «Այսօր լրանում է որպես ԱՍՀ նախարար իմ պաշտոնավարման մեկ տարին և ես ցանկանում եմ կից ֆորմատով ամփոփ հաշվետվություն ներկայացնել Ձեզ բոլորիդ»,- սոցցանցի իր էջում գրել է նախարարն ու ներկայացրել իրականացվող ծրագրերը։

    1. 2026թ. ապրիլի 1-ից բարձրացվել են կենսաթոշակների և նպաստների չափերը։ Ըստ այդմ՝ նվազագույն կենսաթոշակի և ծերության նպաստի չափերը սահմանվել են 46 հազար դրամ (36 հազար դրամի փոխարեն), միջին կենսաթոշակի չափը 49 հազար դրամից բարձրացել է՝ հասնելով 59 հազար դրամի (հետվճարի միջին չափի հետ միասին՝ 67 հազար դրամ)։

    2. 2026թ. ապրիլի 1-ից բոլոր պետական նպաստները, այդ թվում՝ կենսաթոշակները և երեխայի ծննդով պայմանավորված նպաստները վճարվում են անկանխիկ եղանակով։

    3. 2026թ. սեպտեմբերի 1-ին և դրանից հետո ծնված բոլոր երեխաների համար ծննդյան միանվագ նպաստի չափը սահմանվել է 500 հազար դրամ՝ անկախ երեխայի կարգաթվից։

    4. 2026թ. հունվարի 1-ից ընտանիքում երրորդ և յուրաքանչյուր հաջորդ երեխայի ծննդով պայմանավորված 50 հազար դրամ աջակցությունը դարձել է պետական նպաստ. այն կտրամադրվի ամսական պարբերականությամբ՝ մինչև երեխայի 6 տարին լրանալը։

    5. Գործում է ժամանակավոր անաշխատունակության և մայրության նպաստների նշանակման նոր ընթացակարգ. նպաստները նշանակվում, հաշվարկվում և վճարվում են Միասնական սոցիալական ծառայության կողմից։ Շահառուն այլևս որևէ դիմում կամ փաստաթուղթ ներկայացնելու կարիք չունի. նպաստը տրամադրվում է անկանխիկ եղանակով։

    6. Կենսաթոշակի և նպաստի 20 % հետվճարի ծրագրի շրջանակում հուլիս ամսվա ընթացքում կատարված անկանխիկ գործարքներից օգոստոս ամսին հետվճար է ստացել շուրջ 561 հազար 569 կենսաթոշակառու և նպաստառու․ հետվճարի միջին չափը կազմել է 8194 դրամ։ Ծրագրի մեկնարկից մինչ օրս կենսաթոշակային քարտերով իրականացվել է շուրջ 533 մլրդ դրամի անկանխիկ գործարք, իսկ շահառուներին փոխանցվել է շուրջ 61,1 մլրդ դրամ հետվճար։

    7. Կենսաթոշակ կամ նպաստ ստանալու իրավունք ունեցող 100 տարին լրացած անձանց տրամադրվում է 1 մլն դրամ միանվագ գումար։ Այն տրամադրվում է

    կենսաթոշակ կամ նպաստ ստանալու իրավունք ունեցող անձի 100 տարին լրանալու օրվան հաջորդող ամսվա կենսաթոշակի (նպաստի) հետ միաժամանակ։

    8. Վերաբացվել է Սահմանամերձ բնակավայրերում ընտանիքների բնակարանային մատչելիության ապահովման պետական աջակցության ծրագիրը. ծրագրից օգտվել է մինչ օրս 3348 ընտանիք, որից 3142-ն արդեն վարկավորվել է, իսկ 448-ն արդեն ներկայացրել է ավարտական ակտ։

    9. 2027թ. նախատեսվում է իրականացնել բնակապահովման պետական աջակցության ծրագիր՝ 6 և ավելի անչափահաս երեխա ունեցող ընտանիքների համար։ Ծրագիրը հնարավորություն կտա բազմազավակ ընտանիքներին ՀՀ մարզային բնակավայրերում ձեռք բերել բնակարան կամ կառուցել տուն 100 տոկոս սուբսիդավորմամբ։

    10. 2026թ. հուլիսի 1-ից մեկնարկել է Ղարաբաղից տեղահանված առանձին խմբերի ընտանիքների վարձակալության վարձավճարի մասնակի հատուցման միջոցառումը։ Ծրագրի շրջանակում տեղահանված առանձին խմբերի ընտանիքներին աջակցություն է տրամադրվում 10 տարի ժամկետով․ ընտանիքի յուրաքանչյուր անդամի համար աջակցության ամսական չափը կազմում է 40 հազար դրամ:

    11. Իրականացվում է ինքնազբաղվածության խթանման ծրագիր Ղարաբաղից տեղահանված անձանց համար։ Ծրագրի շրջանակում տրամադրվում է բիզնես ուսուցման աջակցություն, ուսուցման ավարտին մշակված և դրական եզրակացություն ստացած գործարար ծրագրերի իրականացման համար դրամաշնորհ, ինչպես նաև առնվազն 12 ամիս ժամետով բիզնեսի ուղեկցման աջակցություն։

    12. 2027թ. հունվարի 1-ից կմեկնարկի զբաղվածության ապահովման նոր ծրագիր՝ hաշմանդամություն ունեցող անձանց և 63-ից բարձր տարիք ունեցող անձանց համար։ Ծրագրի շրջանակում աջակցություն կտրամադրվի այն գործատուներին, որոնք առնվազն 3-6 ամիս ժամկետով աշխատանքային պայմանագիր կկնքեն ֆունկցիոնալության խորը կամ ծանր աստիճանի սահմանափակում (1-ին կամ 2-րդ խմբի հաշմանդամություն) կամ 63-ից բարձր տարիք ունեցող անձանց հետ։

    13. 2026թ. հուլիսի 1-ից ՀՀ ամբողջ տարածքում գործարկվել է ընտանիքների անապահովության գնահատման նոր համակարգ։ Գնահատման նոր համակարգով ծայրահեղ անապահով ճանաչված ընտանիքները կունենան նվազագույն երաշխավորված եկամուտ՝ պարենային զամբյուղի չափով։ Նոր համակարգի ներդրման արդյունքում պիլոտավորված՝ Սյունիքի և Կոտայքի մարզերում նպաստի միջին չափն օգոսոտոսի 1-ի դրությամբ կազմում է 82 հազար դրամ, իսկ առավելագույն չափն ավելի քան 273 հազար դրամ։

    14. ՀՀ մանկատան շրջանավարտներին տրվող բնակարանի գնման վկայագրերի (ԲԳՎ) տրամադրման գործընթացում աջակցության չափը 6,3 մլն դրամից սահմանվել է 8,7 մլն դրամ։ Միաժամանակ, կարգավորվել է ԲԳՎ ստանալու իրավունք ձեռք բերած, սակայն անհրաժեշտ գործընթացները դեռ չավարտած կամ սահմանված ժամկետի ավարտից հետո ԲԳՎ ստանալու համար դիմած անձանց (21 անձ) հարցը։

    15. ԽՍՀՄ Խնայբանկի ՀԽՍՀ հանրապետական բանկում մինչև 1993թ. հունիսի 10-ը ներդրված դրամական ավանդների դիմաց փոխհատուցում կարող են ստանալ նաև մինչև 1944թ․ դեկտեմբերի 31-ը ներառյալ ծնված անձինք. փոխհատուցումը կտրամադրվի անկանխիկ եղանակով 2026 թ.:

    16. ԱՍՀՆ ենթակայության հաստատությունների աշխատակիցների աշխատավարձերը բարձրացել է 30%-ով։

    17. Մշակվել է ԱՍՀ նախարարության և Միասնական սոցիալական ծառայության նոր բրենդինգը, այս գաղափարաբանությամբ ստեղծվել է նոր լոգոտիպ։

    18. Ներդրվել է «ծնողական ժամ» կարգավորումը, որից կարող են օգտվել աշխատող ծնողները և աշխատանքային օրվա ընթացքում կարող են ժամանակավորապես բացակայել՝ երեխայի խնամքի, դաստիարակության, կրթական գործընթացներին մասնակցելու կամ երեխայի շահերից բխող այլ կարևոր հարցերով զբաղվելու համար։

    19. Մի շարք օրենքներից հանվել է պաշտոն զբաղեցնելու առավելագույն տարիքի՝ 65 տարեկանի շեմի սահմանափակումը․ Փոփոխությունը հնարավորություն է տալիս աշխատողների աշխատանքային հարաբերությունների դադարեցումը չպայմանավորել զուտ միայն տարիքը լրանալու հանգամանքով, այլ պաշտոնը զբաղեցնող անձի մասնագիտական կարողություններով, կատարողականով և արդյունքահեն գործունեությամբ։

    20. 2026թ. հուլիսի 1-ից պետական հավաստագրերի միջոցով հաշմանդամություն ունեցող անձանց տրամադրվող աջակցող միջոցների ցանկը համալրվել է 37 նոր պարագայով․ արդյունքում՝ տրամադրվող աջակցող միջոցների ընդհանուր թիվը դարձել է 162։ Բարձրացվել են նաև որոշ պարագաների փոխհատուցման արժեքները։

    21. Շարունակվում են համայնքային փոքր տների բարեկարգման ուղղությամբ իրականացվող աշխատանքները։ Ակնաշենի համայնքային փոքր տան շինարարական աշխատանքներն ավարտված են, այն բնակեցված է։ Գեղակերտի համայնքային փոքր տան շինարարական աշխատանքները գտնվում են ավարտական և գույքային համալրման փուլում։ Մրգաստան համայնքում գտնվող փոքր տան հիմնանորոգման աշխատանքները նախագծման փուլում են։

    22. Ընթացքի մեջ են Մեծամորի անկախ կյանքի կենտրոնի շինարարական աշխատանքները։ Կենտրոնում նախատեսվում է ապահովել մատչելի միջավայր՝ հաշմանդամություն ունեցող անձանց հենաշարժական համակարգի, լսողության, տեսողության, մտավոր զարգացման, հոգեկան առողջության խնդիրներ ունեցող անձանց համապատասխան ծառայությունների մատուցման համար։

    23. Վերանորոգվում և բարեկարգվում են տարեցների ու երեխաների խնամքի հաստատությունները․

    «Ձորակ» շուրջօրյա մասնագիտացված խնամքի կենտրոն՝ հիմնանորոգման աշխատանքներն ընթացքի մեջ են,

    Երևանի «Զատիկ» երեխաների աջակցության կենտրոն՝ հիմնանորոգման աշխատանքներն ընթացքի մեջ են,

    Երևանի Աջափնյակ համայնքի երեխաների սոցիալական հոգածության կենտրոն՝ նախատեսվում է շինարարական աշխատանքների մեկնարկ,

    Սյունիքի մարզի երեխայի և ընտանիքի աջակցության կենտրոն՝ նախատեսվում է շինարարական աշխատանքների մեկնարկ,

    Երևանի Մանկան տուն՝ գտնվում է նախագծման փուլում,

    Երևանի Մարի Իզմիրլյանի անվան մանկատուն՝ նախատեսվում է շինարարական աշխատանքների մեկնարկ,

    Գյումրու երեխաների տուն՝ գտնվում է նախագծման փուլում,

    Լոռու մարզի երեխայի և ընտանիքի աջակցության կենտրոն՝ գտնվում է նախագծման փուլում։

    24. Շարունակվում են սոցիալական բնակարանային ֆոնդի նախագծման, հիմնանորոգման և շինարարական աշխատանքները։

  • Փաշինյանը և Կոբախիձեն քննարկել են ՀՀ-Վրաստան ռազմավարական հարաբերությունների օրակարգին առնչվող հարցեր

    Տեղի է ունեցել Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի հեռախոսազրույցը։

    Զրուցակիցները քննարկել են Հայաստան–Վրաստան ռազմավարական հարաբերությունների օրակարգին, տարբեր ոլորտներում փոխգործակցության ընթացքին վերաբերող հարցեր։

    Նիկոլ Փաշինյանն անդրադարձել է Հայաստանում այս տարվա հոկտեմբերին կայանալիք Կենսաբազմազանության մասին կոնվենցիայի կողմերի 17-րդ համաժողովի (COP17) անցկացմանը և Իրակլի Կոբախիձեին հրավիրել Հայաստան՝ մասնակցելու COP 17-ի շրջանակներում կայանալիք Առաջնորդների գագաթնաժողովին։

    Վրաստանի վարչապետը հրավերը սիրով ընդունել է։

  • Եվրամիության հետ մեր երկրների հարաբերությունների սերտացման համատեքստում կկարողանանք բացահայտել համագործակցության փոխշահավետ նոր ուղղություններ. Փաշինյանը` Մոլդովայի նախագահին

    Վարչապետ Նիկոլ Փաշինյանը շնորհավորական ուղերձ է հղել Մոլդովայի Հանրապետության նախագահ Մայա Սանդուին՝ Անկախության օրվա առթիվ: Այս մասին տեղեկանում ենք ՀՀ Վարչապետի կայքից:

    Ուղերձում ասված է.

    «Ջերմորեն շնորհավորում եմ Ձեզ և Մոլդովայի Հանրապետության բարեկամ ժողովրդին Մոլդովայի ազգային տոնի՝ Անկախության օրվա առիթով:

    Մեծապես կարևորում ենք ժողովրդավարական ընդհանուր արժեքների և բարեկամության վրա հիմնված մեր երկկողմ հարաբերությունների շարունակական զարգացումն ու փոխշահավետ համագործակցության ընդլայնումը փոխադարձ հետաքրքրություն ներկայացնող բոլոր ոլորտներում՝ ի նպաստ մեր երկու ժողովուրդների բարօրության:

    Հավատացած եմ նաև, որ Եվրոպական միության հետ մեր երկրների հարաբերությունների սերտացման համատեքստում կկարողանանք բացահայտել համագործակցության փոխշահավետ նոր ուղղություններ:

    Մաղթում եմ Ձեզ արգասաբեր գործունեություն, իսկ Մոլդովայի բարեկամ ժողովրդին՝ խաղաղություն և բարգավաճում»:

  • Լիլիթ Մակունցն ու ՄԱԿ-ի մշտական համակարգողը քննարկել են COP17-ի նախապատրաստական աշխատանքներն ու համագործակցության ծրագրերը | Քաղաքականություն

    ՀՀ վարչապետի աշխատակազմի ղեկավար Լիլիթ Մակունցն ընդունել է Հայաստանում ՄԱԿ-ի մշտական համակարգող Ֆրանսուազ Ժակոբին։ Այս մասին հայտնում են ՀՀ կառավարության մամուլի ծառայությունից։

    Լիլիթ Մակունցը բարձր է գնահատել ՄԱԿ-ի գրասենյակի դերը Հայաստանում իրականացվող ծրագրերը Կառավարության առաջնահերթություններին համապատասխանեցնելու և արդյունավետ համակարգելու գործում։

    • Զրուցակիցները քննարկել են համայնքների զարգացմանը, տեղահանված անձանց սոցիալ-տնտեսական ինտեգրմանը, ինչպես նաև շրջակա միջավայրի պաշտպանությանն ու ջրային ռեսուրսների կառավարմանն առնչվող ընթացիկ ծրագրերն ու հետագա քայլերը։

    • Կողմերն առանձնահատուկ կարևորել են Հայաստանում կայանալիք ՄԱԿ-ի Կենսաբազմազանության մասին կոնվենցիայի կողմերի 17-րդ համաժողովի (COP17) պատշաճ ու բարձր մակարդակով կազմակերպումը՝ ընդգծելով այդ ուղղությամբ սերտ փոխգործակցության անհրաժեշտությունը։

  • Վարչապետը շնորհավորական ուղերձ է հղել Մոլդովայի նախագահինԼիլիթ Մակունցը ու ՄԱԿ-ի ներկայացուցիչը քննարկել են COP17-ի անցկացման մանրամասներըՈրևէ դատապարտյալ ծեծի չի ենթարկվել. ՔԿԾ-ն՝ «Նուբարաշեն» ՔԿՀ-ում տեղի ունեցածի մասինԳոռ Վարդանյանը վերընտրվել է Պոլիտեխնիկի ռեկտորի պաշտոնումՏեղի է ունեցել Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի հեռախոսազրույցըՕրենքների նախագծերի փաթեթով առաջարկվում է երեք նախարարության անվանափոխություն և գործառույթների վերանայում. Սրբուհի ԳալյանՀայաստանում առաջին անգամ կհավաքվեն 90-ականների չորս աշխարհահռչակ աստղեր՝ Haddaway-ը, Mr. President-ը, Dr. Alban-ը և Boney M.-ըԵրևանը մինչ օրս հարկ չի համարել ԵԱՏՄ-ի հետ համաձայնեցնել եվրաինտեգրման իր ձգտ

    Վարչապետը շնորհավորական ուղերձ է հղել Մոլդովայի նախագահինԼիլիթ Մակունցը ու ՄԱԿ-ի ներկայացուցիչը քննարկել են COP17-ի անցկացման մանրամասներըՈրևէ դատապարտյալ ծեծի չի ենթարկվել. ՔԿԾ-ն՝ «Նուբարաշեն» ՔԿՀ-ում տեղի ունեցածի մասինԳոռ Վարդանյանը վերընտրվել է Պոլիտեխնիկի ռեկտորի պաշտոնումՏեղի է ունեցել Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի հեռախոսազրույցըՕրենքների նախագծերի փաթեթով առաջարկվում է երեք նախարարության անվանափոխություն և գործառույթների վերանայում. Սրբուհի ԳալյանՀայաստանում առաջին անգամ կհավաքվեն 90-ականների չորս աշխարհահռչակ աստղեր՝ Haddaway-ը, Mr. President-ը, Dr. Alban-ը և Boney M.-ըԵրևանը մինչ օրս հարկ չի համարել ԵԱՏՄ-ի հետ համաձայնեցնել եվրաինտեգրման իր ձգտումները. ԶախարովաՀրշեջ-փրկարարները մարել են «Ջրվեժ» անտառպարկում բռնկված հրդեհըԴատարանում Ալեն Սիմոնյանը հաղթել է Անժելա Թովմասյանին. նա ներողություն կխնդրի և գումար կվճարիՊետական դավաճանության դեպքերով կայացվել է 4 դատավճիռ՝ մինչև 16 տարվա ազատազրկմամբ. դատախազությունն ամփոփել է 2025-2026 թվականների տվյալներըՌոբերտ Քոչարյանին քրեական պատասխանատվության ենթարկելու վաղեմության ժամկետներն անցած չեն. Գլխավոր դատախազությունԱրարատ համայնքի տիրապետմանն է վերադարձվել Արարատ գյուղի զբոսայգում գտնվող ևս 1 հողատարածքԱԳՆ-ն ցավակցություն է հայտնել Նեպալում և Չինաստանում ջրհեղեղների հետևանքով զոհվածների ընտանիքներինՌոբերտ Քոչարյանը կալանավորվել էՏեղի է ունեցել Զինված ուժերում ինքնասպանությունների և ոչ կանոնադրային հարաբերությունների հարցերի առնչությամբ համակարգային լուծումներ մշակող միջգերատեսչական աշխատանքային խմբի անդրանիկ նիստըԱԳ երեք փոխնախարարները վերանշանակվել են պաշտոններումՀանրաքվեի դեպքում Հայաստանի բնակչության արձագանքը կվշտացներ Ռուսաստանին. Ալեն ՍիմոնյանԽոշոր հրդեհ Նոր Գեղի բնակավայրում․ դեպքի վայր է մեկնել 4 մարտական հաշվարկԵղեգնաձոր համայնքին է վերադարձվել 0.03 հա մակերեսով հողամասԳևորգ Պապոյանը Արագածոտնի մարզում մասնակցել է Agro Prom լոլիկի գերժամանակակից ջերմոցային համալիրի պաշտոնական բացմանըՁերբակալվել է Ճամբարակի զորամասի գումարտակի շտաբի պետըՌոբերտ Քոչարյանի գործով անցնող 6 անձանցից 4-ը կալանավորվել ենԲաքվի Սլավոնական համալսարանում կդասավանդվի հայերեն, հայտնում են ադրբեջանական ԶԼՄ-ներըՌուսաստանի գործընկերների հետ խոսակցությունը շարունակվում է. այն բարդ է, բայց անկեղծ. Սոնա ՂազարյանՀայ տնտեսվարողների դեմ անտեղի սահմանափակումները չեն համապատասխանում ո՛չ ՀՀ-ՌԴ ոգուն, ո՛չ ԵԱՏՄ կանոններինՀՀ ՏԿԵՆ-ում Իրանի դեսպանի հետ քննարկվել է Արաքս գետի վրա երկրորդ կամրջի կառուցման նախաձեռնությունըԱԺ եվրոպական ինտեգրման հարցերի մշտական հանձնաժողովի նախագահ ընտրվեց Հարություն ՀարությունյանըԱրարատ համայնքի տիրապետմանն է վերադարձվել Արարատ գյուղի զբոսայգում գտնվող հողատարածքը․ դատախազությունԴատախազությունը պահանջում է անվավեր ճանաչել Ծառուկյանի հետ փոխկապակցված մի շարք անշարժ գույքերի գործարքները. հայցադիմումներն ընդունվել են դատարանի վարույթՀայաստանը չի խոչընդոտի նոր մոբիլիզացիայից խուսափող ռուսաստանցիների մուտքը երկիր. Ալեն ՍիմոնյանԱյսօր ձերբակալված անձանց նկատմամբ կալանքի միջնորդություններ են ներկայացվել Հակակոռուպցիոն դատարան. Ռոբերտ Քոչարյանը դատարան կներկայացվի բժշկական հետազոտություններից հետոՄենք արդեն աշխատում ենք Հայաստանը ԵՄ-ին ավելի մոտեցնելու ուղղությամբ. ԵՄ ընդլայնման հարցերով խոսնակՍարգիս Խանդանյանը հանդիպել է Վրաստանում ՆԱՏՕ-ի կապի գրասենյակի ղեկավարի հետ Զելենսկին Հայաստանի հետ ավելի սերտ համագործակցության հույս է հայտնելՈստիկանությունը ուսումնական տարվա մեկնարկին ուժեղացված ծառայություն կիրականացնիՊրծել է ձեր մաֆիայի ժամանակները․ պիտի նստեն, պիտի փող չունենան, դա իմ քաղաքական հանձնառությունն է․ Նիկոլ ՓաշինյանՉկա հիմնավորում՝ որտեղից այդ գումարը. Սիսակ Գաբրիելյանը՝ Ռոբերտ Քոչարյանի գործի մասինՊետությանը պատճառվել է շուրջ 2.6 մլրդ դրամի վնաս. Ռոբերտ Քոչարյանի հետ փոխկապակցված ընկերությունների տնօրենները ձերբակալվել ենՌԴ դեսպանը շնորհավորել է Ալեն Սիմոնյանին ԱԽ քարտուղարի պաշտոնում նշանակվելու առիթովԴատախազը հանրային քրեական հետապնդում է հարուցել Սեդրակ Քոչարյանի, Սերժ Սարգսյանի, Անդրանիկ Մարգարյանի, Գագիկ Բեգլարյանի, Սամվել Մայրապետյանի և ևս 4 անձի նկատմամբԿա՛մ մանդատները վայր դրեք ու զբաղվեք հեղափոխությամբ, կա՛մ աշխատեք. Փաշինյանը՝ ընդդիմությանըՀայաստանն ու Ուրուգվայը միավորող ամուր բարեկամական հարաբերությունները շարունակաբար զարգանում և ամրապնդվում են. Նիկոլ ՓաշինյանԽուզարկություններ «Բարս» անշարժ գույքի գործակալությունումԽուզարկություններ են իրականացվում Stefano Ricci և Corneliani խանութ-սրահներումԽուզարկություններ՝ «Օրանժ ֆիթնես» ակումբում և «Փլեյ սիթի» զվարճանքի կենտրոնումՀԱՊԿ-ը ռազմական ոլորտում Հայաստանի հետ չի համագործակցում. ՌԴ ԱԳՆՏեղի է ունեցել Փաշինյանի հեռախոսազրույցը Տոկաևի հետԵրկրաշարժ Վրաստանում. այն զգացվել է նաև Շիրակի մարզումՔննարկվել են ԶՈՒ-ում մարդու իրավունքների պաշտպանությանն առնչվող մի շարք հարցեր․ հանդիպում ՄԻՊ գրասենյակումՄիջազգային մրցույթով պետք է ոլորտի թոփ կառավարիչներից մեկին կամ կոնսորցիումին ներգրավենք ՀԷՑ-ի կառավարման գործում. Նիկոլ ՓաշինյանՀՀ երկաթուղին ՀՀ սեփականությունն է. Նիկոլ ՓաշինյանՀՀ ԱԺ-ն մտադիր է շարունակել կառուցողական երկխոսությունը. Ռուբինյանը՝ ԿոպիրկինինՀՀ ժողովուրդը, որ իշխանության կրողն է, ունի հարցեր, որոնց պատասխանը պետք է ստանա. Նիկոլ ՓաշինյանԱյն, որ մահերի համար կարելի է մեղադրել Պաշտպանության նախարարին, սա նորություն է ՀՀ-ի համար։ Սուրեն ՊապիկյանՌուսաստանը պատրաստ է կառուցողական երկխոսություն սկսել Հայաստանի հետ. ՕվերչուկԸստ մեղադրանքի՝ ընտրողը «Ուժեղ Հայաստան»-ին քվեարկելու դիմաց խնդրել է ՌԴ-ում որդիներին քրեական պատասխանատվությունից ազատել. FactorS&P Global Ratings-ը վերահաստատել է Հայաստանի BB-/B վարկանիշը՝ պահպանելով «դրական» հեռանկարըԵրևանը կարևորում է Կիևի հետ աճող կապերը. ԱԳՆ-ն շնորհավորել է Ուկրաինային անկախության օրվա առթիվՍեպտեմբերի 1-ին Հայաստանում կանցկացվեն թվային հեռուստատեսային հեռարձակման ցանցի պլանային աշխատանքներՄենք ուզում ենք, որ բարեկեցության հիմնական բանաձևը լինի աշխատանքը. ՀՀ վարչապետԳեղարքունիքի ոստիկանները ապօրինի պահվող զենք-զինամթերք և թմրամիջոց են հայտնաբերելՈւկրաինական դրոնները թիրախավորել են «Օզոն»-ի պահեստներըՊլանավորել են Ազգային Ժողովում սադրել վարչապետին։Հայկ Մովսիսյանը՝ Եվրոպայի Մ15 տարեկանների առաջնության փոխչեմպիոնԶինծառայողի մահվան դեպքի առթիվ նախաձեռնվել է քրեական վարույթ. առերևույթ սպանություն կատարած անձը ձերբակալվել էՔննիչների կողմից ոստիկանին դաժան ծեծի ենթարկելու լուրը կեղծ և մտացածին զրպարտություն է. ՔԿԴատախազական ներգործության արդյունքում՝ Շիրակի մարզի Աշոցք համայնքի տիրապետմանն է վերադարձվել 7,5 հա մակերեսով 2 հողատարածք«Վարչաֆեստ 2026» երիտասարդական երաժշտական մրցույթ-փառատոնի հաղթողները հայտնի կլինեն այսօր՝ օգոստոսի 22-ինՎայոց ձորի մարզի քրեական ոստիկանները Մարտիրոս գյուղի բնակչի տանը թմրամիջոցի 11 փաթեթ և կանեփի 46 բույս են հայտնաբերելԱվետիք Չալաբյանն ազատ է արձակվել. Գլխավոր դատախազությունը կբողոքարկի որոշումըԱրարատ քաղաքի մոտ բախվել են բեռնատար գնացքն ու բեռնատար ավտոմեքենանԼեհաստանը բավարարել է Հայաստանի գլխավոր դատախազության միջնորդությունը. հետախուզվող անձը հանձնվել է ՀՀ իրավասու մարմիններինՊրոբացիայի ծառայության և Ջրվեժի համայնքապետարանի պաշտոնյաները մեղադրվում են կեղծ փաստաթղթեր կազմելու համարԺաննա Անդրեասյանը հերթական հանդիպումն է ունեցել աշակերտների և ուսանողների հետԾաղկաձորի «Ռիպա» հյուրանոցի խոհանոցի արտադրական գործունեությունը կասեցվել էՀՀ տիրապետմանն է վերադարձվել Սևանա լճի ափամերձ՝ 3100 քմ մակերեսով հողատարածքըԷլեկտրական հեծանիվը վրաերթի է ենթարկել իտալական Կոմոյի քաղաքապետինՎանաձորի Երկաթուղայինների այգուց մինչև Ալավերդու ճոպանուղի․ Վարդապետյանը շրջել է համայնքներին վերադարձված տարածքներովԱլեքսանդր Լուկաշենկոն շնորհավորել է Կտրիճ Ներսիսյանին՝ ծննդյան օրվա առթիվՆԳՆ Երևանի քրեական ոստիկանները թմրամիջոցների վաճառքով զբաղվող տելեգրամյան ալիքների տնօրինողներ են հայտնաբերելԻրաքի շրջաններից արևադարձային տաք օդի ալիք է ներթափանցում. ջերմաստիճանը կբարձրանա 5-6 աստիճանովԿտրիճ Ներսիսյանի վերաբերյալ Հյուսիսային Ամերիկայի Արևմտյան թեմի առաջնորդ Հովնան սրբազանի բարձրացրած հարցերը մնում են արդիական. Civic ԶՈՒ ԳՇ պետը ստուգայցեր է իրականացրել զորամասերում և բանակային դիրքերումՎերացվել է Արեգնազ Մանուկյանի՝ մերձավոր ազգականների հետ շփման արգելքըՀայաստանը զգացել է Կանադայի աջակցությունն ու օժանդակությունը. ՀՀ նախագահը՝ դեսպանինԶինվորների՝ հակագազերով վազելու մասին լուրը չի համապատասխանում իրականությանը. ՊՆ-ն և ՔԿ-ն՝ Ճամբարակի դեպքի մասինԿորեայի Հանրապետության վարչապետ Հան Սոն-Սուկը շնորհավորական ուղերձ է հղել Նիկոլ Փաշինյանին՝ Հայաստանի Հանրապետության վարչապետի պաշտոնում վերանշանակման առիթովՌազմական ոստիկանությունը զորամասերում լայնածավալ կանխարգելիչ միջոցառումներ է իրականացնումԿիրականացվի համայնքների միավորման 2 ծրագիրԳազայի հատվածից առողջական լուրջ խնդիրներ ունեցող երեխաների անհրաժեշտ բժշկական օգնությունը կկազմակերպվի ՀՀ-ումԱնօրինական հրաձգարանի գործունեություն է կասեցվել, առգրավվել՝ մեծաքանակ զենք-զինամթերքՄեր կառավարման շրջանում Ղարաբաղի համար ոչ մի բան չենք խնայել, 1 մլրդ դոլարի հավելյալ ֆինանսավորում ենք տվել. Նիկոլ ՓաշինյանՄեր ցանկությունն այն է, որ իրադրությունը հնարավորինս շուտ լուծվի. Փաշինյանը՝ Իրանին տնտեսական պատերազմ հայտարարելու մասինԷդգար Պապոյանը՝ վորքաութ մարզաձևի աշխարհի չեմպիոն. նախարարն ընդունել է մարզիկինՀայաստանում սեպտեմբերի 10-13-ը կանցկացվի միջազգային հեծանվաերթ. գործադիրը բյուջեից միջոցներ կհատկացնիԿառավարությունը թզի և դեղձի վերամշակման նպատակով 1 կիլոգրամի դիմաց 125 դրամով կաջակցի մթերումներինՎարչապետ Նիկոլ Փաշինյանին շնորհվում է Հեսսեյան խաղաղության մրցանակՎարչապետի որոշմամբ կստեղծվի ԶՈՒ-երում ինքնասպանությունների առնչությամբ լուծումներ մշակող աշխատանքային խումբ5 խաղափուլից հետո Հայկ Մարտիրոսյանը կիսում է 2-4-րդ հորիզոնականները. «Rubinstein Chess Festival 2026»

  • Դիմակավորված անձը շարունակում է անհանգստություն պատճառել Վայոց ձորի բնակիչներին․ նրան դեռ չեն հայտնաբերել

    Վայոց ձորի մարզի մի քանի բնակավայրերում մարդիկ շարունակում են գիշերները անհանգիստ անցկացնել։ Պատճառը արդեն գրեթե մեկ ամիս գյուղ առ գյուղ պտտվող դիմակավորված անձն է, որի ինքնությունը դեռ հայտնի չէ։

    Հիշեցնենք՝ օգոստոսի սկզբից Մալիշկա, Գետափ, Ագարակաձոր, Վայք և Արտաբույնք բնակավայրերում գիշերային ժամերին նկատվում է դիմակավորված անձ, որը, ըստ բնակիչների, քարեր է նետում բնակելի տների ուղղությամբ և ահաբեկում մարդկանց։

     

    «Կասկածյալը տեղաշարժվում է արագ, հաղթահարում է 2-3 մետր բարձրությամբ ցանկապատեր և խուճապ է տարածում բնակիչների շրջանում։ Բարեբախտաբար, արդեն երկու օր է՝ նրանից լուր չունենք, չի հայտնվում, բայց դա չի նշանակում, որ պետք է հանգիստ նստենք ու ոչինչ չանենք։ Բոլոր գյուղերում երիտասարդները շարունակում են հերթապահել։ Անհանգստացնող է, որ դեռ չգիտենք՝ ով է և ինչ կարող է անել»,- MediaHub-ին փոխանցեց մարզի բնակիչը։

     

    Անհայտ անձին վերջին անգամ նկատել են երկու օր առաջ՝ Արտաբույնք գյուղում։ Դրանից հետո նրա հայտնվելու վերաբերյալ տեղեկություններ չեն եղել Մալիշկայի, Ագարակաձորի և մյուս բնակավայրերի համայնքապետարաններից։

     

    Համայնքապետերից MediaHub-ին հայտնել են, որ այս պահին առաջին օրերի համեմատ իրավիճակն ավելի հանգիստ է, և բնակավայրերում խուճապային իրավիճակ չկա։ 

    Ոստիկանությունը և իրավապահ մարմինները դեպքերի առնչությամբ իրականացնում են ստուգումներ և համապատասխան միջոցառումներ՝ անհայտ անձին հայտնաբերելու և նրա ինքնությունը պարզելու ուղղությամբ։

    Միևնույն ժամանակ, բնակիչները շարունակում են հերթապահել՝ մտահոգ լինելով, որ անձը կարող է հայտնվել մեկ այլ բնակավայրում։ «Էդ ո՞ւր են բարձր պարգևավճար ստացող պարեկները, ԱԱԾ-ի ուժեղ տղաները, կարմիր բերետավորները, որ չեն կարող մի դիմակավորված անձի հայտնաբերել»,- դժգոհեց Վայոց ձորի բնակիչը՝ չբացառելով, որ անհայտ անձը կարող է շուտով հայտնվել մեկ այլ գյուղում։

  • Ռեթքլիֆը մեկնել է Մոսկվա՝ Ռուսաստանին զգուշացնելու, որ չհարձակվի ՆԱՏՕ-ի անդամ երկրի վրա. ТWJ





    CIA-ի տնօրեն Ջոն Ռեթքլիֆը այս շաբաթվա սկզբին մեկնել է Մոսկվա՝ Ռուսաստանին զգուշացնելու, որ չհարձակվի ՆԱՏՕ-ի անդամ երկրի վրա։ Այդ մասին The Wall Street Journal-ին հայտնել են այցի մասին տեղեկացված աղբյուրներ։

    Այցը տեղի է ունենում այն ժամանակ, երբ ԱՄՆ-ի հետախուզական նոր գնահատականները մտահոգություններ են առաջացրել, որ Վլադիմիր Պուտինը կարող է փորձել ստուգել դաշինքի վճռականությունն ու պատրաստակամությունը։

    Նախապես չհայտարարված առաքելությունը Ռեթքլիֆի՝ Ռուսաստանի մայրաքաղաք կատարած առաջին հանրայնորեն հայտնի այցն էր։ Այն տեղի է ունեցել այն պայմաններում, երբ ԱՄՆ պաշտոնյաները գնահատում են, որ առաջիկա մի քանի տարիների ընթացքում Ռուսաստանը կարող է սահմանափակ ռազմական հարձակում իրականացնել ՆԱՏՕ-ի անդամ որևէ երկրի դեմ։




    դիտվել է 157 անգամ

  • Տեղի է ունեցել Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի հեռախոսազրույցը

    Տեղի է ունեցել Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի հեռախոսազրույցը։

    Զրուցակիցները քննարկել են Հայաստան–Վրաստան ռազմավարական հարաբերությունների օրակարգին, տարբեր ոլորտներում փոխգործակցության ընթացքին վերաբերող հարցեր։

     

    Նիկոլ Փաշինյանն Իրակլի Կոբախիձեին հրավիրել է Հայաստան՝ մասնակցելու COP 17-ի շրջանակներում կայանալիք Առաջնորդների գագաթնաժողովին։ Վրաստանի վարչապետը հրավերը սիրով ընդունել է:

     

  • Ազգային շահերից հրաժարվելու ևս մեկ քայլ. «Փաստ»



    Միջազգային


    «Փաստ» օրաթերթը գրում է.


    vfokuse.mail.ru–ն «Փորձագետ. Ո՞վ կարող է Ռուսաստանի փոխարեն ստանձնել Հայաստանի երկաթուղիների կառավարումը» վերնագրով հոդվածում գրում է, որ Փաշինյանը առաջարկել է Ռուսաստանին վաճառել հայկական երկաթուղիների կոնցեսիոն իրավունքները երրորդ երկրի: Քաղաքական դիտորդ և Ռազմավարական մշակույթի հիմնադրամի փորձագետ Անդրեյ Արեշևը vfokuse.mail.ru–ի հետ զրույցում ասել է, որ կոնցեսիայի փոխանցման հարցը արտացոլում է Հայաստանի ղեկավարության վաղեմի դիրքորոշումը։ «Սա նոր հարց չէ, սա Փաշինյանի կառավարության տեսակետն է, որը բազմիցս է արտահայտվել վերջին մի քանի ամսվա ընթացքում։ Նշանակալից է այն, որ այն հիմա վերահաստատվել է խորհրդարանում կառավարության հնգամյա ծրագրի ներկայացման ժամանակ»,– նշել է փորձագետը։


    Նոր կոնցեսիոների դերի հնարավոր թեկնածուների վերաբերյալ Արեշևը նշել է Ղազախստանը, ինչպես նաև մի քանի արաբական պետություններ՝ Միացյալ Արաբական Էմիրությունները և Կատարը, որոնց հետ Հայաստանը վերջին տարիներին հաստատել է լիարժեք դիվանագիտական հարաբերություններ։ Այնուամենայնիվ, նա Ղազախստանն է համարել առաջնային թեկնածու։ «Վերջերս Աստանայի և Երևանի միջև շփումները, այդ թվում՝ բարձր մակարդակի, զգալիորեն ակտիվացել են։ Աստանան ուշադրության նշաններ է ցուցաբերում Հայաստանի ներկայիս ղեկավարության նկատմամբ, ուստի կարելի է ենթադրել, որ բանակցություններ են ընթանում հարցերի լայն շրջանակների շուրջ», – ասել է նա։


    Արեշևը հիշեցրել է, որ Ղազախստանի արտաքին գործերի նախարարությունը պաշտոնապես հերքել է նման խոսակցությունները, սակայն չի բացառել այն հնարավորությունը, որ Աստանան և նրա գործընկերները (մասնավորապես Թյուրքական պետությունների կազմակերպության շրջանակներում) հետաքրքրված լինեն հայկական երկաթուղիների ինտեգրմամբ, այսպես կոչված, «Միջին միջանցքին», որը կապում է Կենտրոնական Ասիան Թուրքիայի և Եվրոպայի հետ։ «Ղազախստանի դաշնակիցներն ու գործընկերները Թյուրքական պետությունների կազմակերպության և Կենտրոնական Ասիայի 5+1 ձևաչափի շրջանակներում են, որոնց թվում է նաև Ադրբեջանը, և նրանք կարող են որոշակի հետաքրքրություն ունենալ», – հավելել է փորձագետը։

    Արեշևը կարծում է, որ երկաթուղու հարցը ուղղակիորեն է կապված Հայաստանի ղեկավարության կողմից ազգային շահերից հրաժարվելու հետ։ Հայաստանը փաստացի ավելի քան երկու տարի գտնվում է ՀԱՊԿ-ից դուրս, և Փաշինյանի ներկայիս հայտարարությունները միայն հաստատում են այդ քաղաքականության համակարգային բնույթը։ «Խոսքը ոչ միայն երկաթուղու, այլ նաև խոշոր ռուսական կորպորացիաների մասնակցությամբ այլ նախագծերի մասին է, որոնց համար ավելի ու ավելի դժվար կլինի գործել Հայաստանում՝ հաշվի առնելով երկկողմ հարաբերությունների վատթարացումը», – եզրափակել է քաղաքագետը։


    Մանրամասները՝ «Փաստ» օրաթերթի այսօրվա համարում