Author: Balance2

Կոտայքի մարզի Բյուրեղավան համայնքից և հարակից բնակավայրերից աղիքային վարակի ախտանշաններով շտապօգնության կանչերը շարունակվում են։ Ընդհանուր առմամբ գրանցվել է 18 կանչ, իսկ 7 պացիենտ շարունակում է բուժումը Աբովյանի բժշկական կենտրոնի ինֆեկցիոն բաժանմունքում։ «Արմենպրես»-ի թղթակցի հետ զրույցում այս մասին տեղեկացրեց Բյուրեղավան համայնքի ղեկավարի մամուլի քարտուղար Մերի Կարապետյանը։

«Հիվանդությունների վերահսկման և կանխարգելման ազգային կենտրոնը պետք է ներկայացնի վերջնական հետազոտությունների արդյունքները։ Գիշերվա ընթացքում գրանցվել է 14 կանչ, որոնցից մեկը՝ Նուռնուսից, երկուսը՝ Արզնի գյուղից, մնացածը՝ Բյուրեղավանից։ Առավոտյան ժամը 09:00-12:00-ն ընկած ժամանակահատվածում, նույն ախտանշաններով շտապօգնության ևս 4 կանչ է գրանցվել։ Ահազանգողներից ոչ մեկը չի հոսպիտալացվել։ Այս պահին Աբովյանի բժշկական կենտրոնի ինֆեկցիոն բաժանմունքում շարունակում է բուժում ստանալ երեկ ԲԿ տեղափոխված 7 քաղաքացի»,- ասաց Կարապետյանը։

 Նա տեղեկացրեց, որ «Վիոլա ջուր» ընկերության կողմից դեպքի առնչությամբ մինչ այս պահը որևէ արձագանք չի եղել, ջրի նմուշառման փորձաքննության արդյունքները չեն ներկայացրել։

Մանրամասն՝ սկզբնաղբյուր կայքում։

Իրանը դադարեցրել է կատարել Վաշինգտոնի հետ կնքված հուշագրով ստանձնած իր պարտավորությունները, հայտարարել է Իրանի ԱԳ նախարարի տեղակալ Քազեմ Ղարիբ-Աբադին։

«Մենք դադարեցրել ենք մեր պարտավորությունների կատարումը և զբաղված ենք երկրի պաշտպանության խնդիրներով»,- Իրանի փոխարտգործնախարարի հայտարարությունն է մեջբերել Tasnim գործակալությունը։

Ավելի վաղ էլ Իրանի խորհրդարանի խոսնակ, իրանական բանակցային խմբի ղեկավար Մոհամմադ-Բաղեր Ղալիբաֆն էր հայտարարել, որ Իրանն իմաստ չի տեսնում պահպանել ԱՄՆ-ի հետ կնքված համաձայնագրի դրույթները, եթե այդ համաձայնագիրը չի գործում։

Հիշեցնենք՝ Թեհրանն ու Վաշինգտոնը հունիսի 18-ին ստորագրել էին փետրվարի 28-ին վերսկսկված հակամարտությունը դադարեցնելու վերաբերյալ հուշագիր, սակայն հուլիսի 8-ին ԱՄՆ վերսկսեց գրոհներն Իրանի դեմ, Իրանն էլ պատասխան հարվածներ հասցրեց տարածաշրջանում տեղակայված ամերիկյան թիրախներին։

Տամբովի մարզի Կոտովսկ քաղաքում գտնվող Wildberries-ի լոգիստիկ կենտրոնի յոթ աշխատակից է զոհվել անօդաչու թռչող սարքերի հարձակման հետևանքո: Այս մասին հայտնել է տարածաշրջանի նահանգապետ Եվգենի Պերվիշովը, հաղորդում է РБК-ն։

«Թշնամական ԱԹՍ-ների՝ Wildberries-ի լոգիստիկ կենտրոնին հարվածելու հետևանքով զոհվել են գիշերային հերթափոխի յոթ աշխատակիցներ։ Ցավակցություն եմ հայտնում բոլոր հարազատներին ու մերձավորներին, անպայման կօգնենք զոհվածների ընտանիքներին»,- գրել է նա։

Եվս 25 մարդ տուժել է, նրանցից 23-ը հոսպիտալացվել են։ Պերվիշովի խոսքով՝ մարդիկ հիմնականում բեկորային վնասվածքներ են ստացել, մեկ մարդ գտնվում է ծայրահեղ ծանր վիճակում, վեցը՝ ծանր, իսկ 16-ը՝ միջին ծանրության։

«Դեպքի վայր օպերատիվորեն ժամանել են շտապօգնության մեքենաներ, հրշեջ հաշվարկներ և ԱԻՆ ուժեր, իրավապահ մարմինների աշխատակիցներ։ Wildberries-ի պահեստի տարածքում բաց հրդեհը մարվել է, հրդեհաշիջման աշխատանքները շարունակվում են»,- հստակեցրել է նահանգապետը։

Հուլիսի 17-ի երեկոյան Մոսկվայի տարածաշրջանի ուղղությամբ թռել է ավելի քան 370 ուկրաինական դրոն, հայտնել էր Մոսկվայի քաղաքապետ Սերգեյ Սոբյանինը։ Մեծ մասը չեզոքացվել է հեռավոր մատույցներում, 64 ԱԹՍ խոցվել է մայրաքաղաքին մոտենալիս։ Լենինգրադի մարզի նահանգապետ Ալեքսանդր Դրոզդենկոն տեղեկացրել էր, որ մարզի երկնքում խոցվել է հինգ անօդաչու թռչող սարք։

Վլադիմիրում անօդաչու թռչող սարքը հարվածել է բազմաբնակարան բնակելի շենքի բնակարաններից մեկին, ինչի հետևանքով հրդեհ է բռնկվել. տուժածներ չկան, հայտնել էր տարածաշրջանի ղեկավար Ալեքսանդր Ավդեևը։

«Նիկոլ Փաշինյանը Գագիկ Ծառուկյանից և մյուս ընդդիմադիրներից մինչև դեկտեմբեր «փոխանակման ֆոնդ» է պատրաստում ՌԴ-ի հետ բանակցությունների համար

Իբր թե՝ «մի՛ սառեցրեք Հայաստանի մասնակցությունը ԵԱՏՄ-ում, հետ թողեք դեպի ռուսական շուկա, իսկ ես բոլորին ազատ կարձակեմ և կդադարեցնեմ այն քաղաքական գործիչների հետապնդումները, ովքեր կողմ են ՌԴ-ի հետ երկխոսությանը»։

Փաշինյանը, ըստ ամենայնի, այդպես էլ չի հասկացել, որ իր հետ ոչ մեկը չի բանակցելու. այն ամենը, ինչ անհրաժեշտ է, որոշվելու է Մոսկվայի և Վաշինգտոնի բանակցություններում (սա՝ ի միջի այլոց, TRIPP+ նախագծի կառավարման մասին, որն իրականացնում է Սանկտ Պետերբուրգից դուրս եկած մի անձ, ով Հայաստանում ղեկավարում է նախկինում ռուսական պետական կառավարման ներքո գտնվող ընկերությունները)։

Բայց նույնիսկ սա հաշվի առնելով՝ Փաշինյանը չի կարող իրեն զրկել սեփականության վերաբաշխմամբ և կապիտալի խլմամբ զբաղվելու հաճույքից. այստեղից էլ օրվա որոշումները «Արարատցեմենտ»-ի և «Մուլտի Վելնես»-ի վերաբերյալ։

Փաշինյանի հոգևոր հայրերն ու նրանց հետևում կանգնած օլիգարխները փորձում են հետ վերադարձնել այն, ինչից արդարացիորեն զրկվել էին 1998 թվականից հետո (վերադարձնել տոկոսներով)։

Բայց ինչպես 1998 թվականին կորցրեցիք ձեր ապօրինի վաստակածը, այնպես էլ կորցնելու եք ևս մեկ անգամ։ Դա ավելի քան ակնհայտ է» ։

Քաղաքագետ Բենիամին Մաթևոսյանի տելեգրամյան էջից։

Փաստաբան Վարդուհի Սարգսյանի ֆեյսբուքյան գրառումը.

«Այս երկրում ամենաշատը իրեն չարդարացրած կառույցը՝ Հակակոռուպցիոն կոմիտեն, որոշել է միջոցներ ձեռնարկել helpcourt.am հարթակը փակելու ուղղությամբ, քանի որ, ըստ ՀԿԿ-ի այն դատավորներին հրապարակային դասակարգող հարթակ է, որը վտանգի աղբյուր է։ Հակակոռուպցիոն կոմիտեն իր ձևավորման առաջին իսկ տարիներից ամենաերկակի ստանդարտներով վարույթներ նախաձեռնող, քաղաքական կուսակցությանը վարույթներից մարդկանց կյանքին առնչվող տեղեկություններ փոխանցող, ԱԺ ընտություններին ընդդիմադիր ուժերի հակաքարոզչությանը ներգրավված և քաղաքական իշխանության պատվերով ամենաշատ ռեպրեսիաններ իրականացնող կառույցն է։ Պարզից էլ պարզ է, որ նման նախաձեռնությամբ հանդես գալը ՀԿԿ-ին բացարձակ հետաքրքիր չէր, ուստի այս ամբողջ պատմության մեջ միայն մեկ հարց պարզ չէ՝ հանձնարարականը sms-ով են ստացել, թե՞ կուսակցական նիստերի ընթացքում մտքի տիտան գործընկերներն են փոխանցել այդ գաղափարը: Ժող բասծիոնը տենց բան ա))»։

Լրագրող Ոսկան Սարգսյանի ֆեյսբուքյան գրառումը․

«Նիկոլ Փաշինյանը Ֆեյսբուքի իր էջում ՀԴՄ կտրոն է ցուցադրել և ասել` ՀԴՄ-ն երբեք չենք մոռանում` ոչ մի տեղ և ոչ մի պարագայում։ Տարիներ առաջ հռչակել էիր ՀԴՄ դիկտատուրա, ի՞նչ եղավ այն։ Ոչ արդյունավետ աշխատող պաշտոնյաներին պարգևատրելու նպատակով աղքատ, պարտքերի տակ կքած Հայաստանի պետբյուջեից 5 միլիարդ դրամ` ավելի քան 13 միլիոն դոլար ես հատկացրել և Հայաստանի հպարտ քաղաքացիներին` 3 միլիոն վարչապետերին հորդորում ես ՀԴՄ կտրոն վերցնել»։