Հուլիսի 17-ին, 18-ին և 19-ին Զաքյան փողոցում կանցկացվի «Գարեջրի Օրեր 2026» ցուցահանդես-վաճառքը:
Առաջին անգամ փառատոնին միացել է Երևանի քաղաքապետարանը՝ իր աջակցությամբ ապահովելով միջոցառման երաժշտական ու մրցութային բեմերի հատվածը:
Ժամերը՝ 16:00–22:30
Երևանի քաղաքապետարան
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Այսօր՝ հուլիսի 18-ին, ավտովթար է տեղի ունեցել Գեղարքունիքի մարզում։ Ժամը 13:40-ի սահմաններում Ծովասար բնակավայրի կենտրոնական փողոցում բախվել են Գեղարքունիքի մարզի բնակիչներ 23-ամյա Կորյուն Ս․-ի վարած «Opel Astra» մակնիշի և 54-ամյա Արամ Մ․-ի վարած «Opel Zafira» մակնիշի ավտոմեքենաները։
Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Արամ Մ․-ն և Կորյուն Ս․-ի 1 ուղևոր մարմնական վնասվածքներով տեղափոխվել են «Մարտունի» բժշկական կենտրոն։
Դեպքի վայր են ժամանել ՀՀ ներքին գործերի նախարարության փրկարար ծառայության Գեղարքունիքի մարզային փրկարարական վարչության Մարտունու հրշեջ-փրկարարական ջոկատից 1 մարտական հաշվարկ։
Փրկարարները հոսանքազրկել են ավտոմեքենաները և փակել գազաբալոնի փականը։
Դեպքի վայր է ժամանել նաև ՀՀ ՆԳՆ ոստիկանության համայնքային ոստիկանության գլխավոր վարչության Մարտունու բաժնի օպերատիվ խումբը՝ բաժնի պետ Ստեփան Հակոբյանի գլխավորությամբ։
Վթարի մասին ոստիկանության Մարտունու բաժնից տեղեկությունը փոխանցել են ՀՀ Քննչական կոմիտեի Գեղարքունիքի մարզային քննչական վարչության Մարտունու քննչական բաժին, որտեղից ժամանել է քննչական խումբը՝ վարչության պետ Սարգիս Մարգարյանի, վարչության պետի տեղակալ Արման Հովհաննիսյանի և օրվա պատասխանատու հերթապահ քննիչի գլխավորությամբ։
Վթարի փաստով Մարտունու քննչական բաժնում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի և վիրավոր ուղևորի ինքնությունը։
Հետևեք մեզ՝ այստեղ
Բաքվի քարոզչական տիրույթներում շարունակվում է Հայաստանի ինքնիշխան տարածքի նկատմամբ նկրտումների քննարկումը։ Հերթական հրապարակումը բացահայտ սպառնալիքներ է պարունակում Սյունիքի և Հայաստանի սահմանների հասցեին։ Այս անգամ ագրեսիվ և սադրիչ հայտարարությամբ է հանդես եկել Ադրբեջանի արտաքին գործերի նախկին նախարար Թոֆիկ Զուլֆուգարովը։
«TRIPP-ի գործադիր տնօրեն է նշանակվել հրեա-ռուսական արմատներով ներդրող Սոկոլովը, իսկ Փաշինյանն առանց մեր թույլտվության թափառում է Զանգեզուրի լեռներով ու ասում, թե չի շտապում փոխել Սահմանադրությունը… Գուցե արդեն ժամանա՞կն է անցկացնել լեռնային հատուկ ջոկատայինների զորավարժություններ՝ մշակելու համար ռեյդային գործողություններ Նախիջևանից դեպի Ղարաբաղ և հակառակ ուղղությամբ»,-գրել է ադրբեջանցի դիվանագետը։
Նովոսիբիրսկի մարզում տեղի է ունեցել 5,3 մագնիտուդով երկրաշարժ։ Այդ մասին ՏԱՍՍ-ին հայտնել են ՌԴ ԳԱ միասնական երկրաֆիզիկական ծառայության Ալթայ-Սայանի մասնաճյուղում։
Երկրաշարժը գրանցվել է Նովոսիբիրսկի մարզի Կարասուկ քաղաքի մոտ, որտեղ գտնվում է Արևմտասիբիրյան երկաթուղու երկաթուղային հանգույցը։
Ավերածություններ և տուժածներ չկան։
Սա ամենամեծ խայտառակություններից մեկն է․ ի՞նչ նոր բան արեցին Կաթողիկոսի դեմ (video)
Հուլիսի 17-ին Զանգեզուրի պղնձամոլիբդենային կոմբինատում նշվեց Հանքագործի և մետալուրգի մասնագիտական տոնը:
Տոնական միջոցառումը մեկնարկեց Քաջարանի մշակույթի տան բակում կազմակերպված հյուրասիրությամբ՝ Քաջարանի ավանդական քաղցրավենիքով և տոնավաճառով։ Զուգահեռաբար բացվել էր նաև լուսանկարիչ, ԶՊՄԿ երկարամյա աշխատակից Նվեր Զելյայի լուսանկարների անհատական ցուցահանդեսը։ Տոնական օրվա առիթով ցուցադրվում էին նաև Կապանի Երկրաբանական թանգարանի նմուշները, որոնք պատմում են տարածաշրջանում հանքարդյունաբերության զարգացման մասին՝ բրոնզե դարից մինչև մեր օրերը։
Մարզային և Քաջարան ու Կապան համայնքների ղեկավարության, գործընկեր կազմակերպությունների ներկայացուցիչների, ոլորտի մասնագետների և հյուրերի մասնակցությամբ անցկացված հանդիսավոր միջոցառման ընթացքում շնորհավորական ուղերձներից հետո պարգևատրվեցին ընկերության 18 աշխատակիցներ, որոնք վերջին տարիներին առանձնացել էին մասնագիտական բարձր արդյունքներով և նշանակալի ձեռքբերումներով։
Շնորհավորելով հանքագործներին և մետալուրգներին՝ «ԶՊՄԿ» ՓԲԸ գլխավոր տնօրեն Ռոման Խուդոլին ընդգծեց, որ ընկերության բոլոր հաջողությունների հիմքում մարդկանց աշխատանքն է. «Անցյալ տարվա և այս տարվա առաջին կիսամյակի ընթացքում շուրջ 50 միլիարդ դրամ է ուղղվել սարքավորումների ձեռքբերմանը և արտադրական ակտիվների արդիականացմանը։ Սա հենց ներդրում է ապագայի, ձեռնարկության արդիականացման և նոր տեխնոլոգիաների մեջ։ Ավելի քան 7 միլիարդ դրամ է ուղղվել սոցիալական ծրագրերին և համայնքների աջակցությանը։ Հարկային մուտքերի առումով, ԶՊՄԿ-ն շարունակում է մնալ Հայաստանի առաջատարը։
Սակայն Կոմբինատի նշանակությունը չի չափվում միայն արտադրության ծավալներով։ Այս տարի մենք կարևոր քայլեր ենք իրականացրել նաև կորպորատիվ կառավարման և կայուն զարգացման ոլորտներում։
ԶՊՄԿ-ն Հայաստանի միակ ընկերությունն է, որը միացել է ՄԱԿ-ի Գլոբալ պայմանագրին։ Երկու տարվա ընթացքում ընկերության ESG վարկանիշի ցուցանիշը բարելավվել է 20 կետով և գերազանցել միջազգային հանքարդյունաբերության միջին ցուցանիշը։ Ես հատկապես հպարտ եմ, որ, հակառակ տարածված կարծրատիպերի, հենց հանքարդյունաբերական ոլորտում է գրանցվում բիզնեսի առաջատար չափանիշների ներդրման նման հաջողություններ»։
Արդեն երկրորդ տարին տոնական օրերին զուգահեռ ԵՊՀ Աշխարհագրության և երկրաբանության ֆակուլտետը Քաջարանում անցկացնում է «Պատանի երկրաբանի ճամբար» միջոցառումը։ Եռօրյա ճամբարին մասնակցում են Սյունիքի տարբեր համայնքների բարձր դասարանցիներ, որոնցից մի քանիսը անցյալ տարվա ճամբարին մասնակցելուց հետո այս տարի դիմել են ԵՊՀ աշխարհագրության և երկրաբանության ֆակուլտետ։ Ֆակուլտետի դեկան Սարգիս Քելյանը պատմեց վերջին տարիներին մասնագիտության հանդեպ աճող հետաքրքրության մասին՝ այս համատեքստում կարևորելով ԶՊՄԿ-ի և ոլորտի ընկերությունների սերտ համագործակցությունը:
Տոնական միջոցառումն ավարտվեց Քարջարանում մեծ համերգային ծրագրով։
Երևան քաղաքում՝Հուլիսի 18-ի և 21-22-ի երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ։ Հուլիսի 19-20-ին սպասվում է առանց տեղումների եղանակ։ Հուլիսի 18-21-ին երեկոյան սպասվում է քամու ուժգնացում՝ ՝ 13-16մ/վ։
Հանրապետության տարածքում`
Հուլիսի 18-19-ին՝ գիշերը և կեսօրից հետո, 20-22-ին կեսօրից հետո առանձին շրջաններում սպասվում է կարճատև անձրև և ամպրոպ, առանձին հատվածներում հնարավոր է կարկուտ:
Քամին`հյուսիսարևմտյան` 2-5 մ/վ, ամպրոպի ժամանակ սպասվում է նաև քամու ուժգնացում՝ 16-20մ/վ արագությամբ։ Արմավիրում, Արագածոտնի և Կոտայքի նախալեռներում hուլիսի 18- 22-ին երեկոյան ժամերին սպասվում է քամու ուժգնացում՝ 15-18մ/վ։
Օդի ջերմաստիճանն էապես չի փոխվի։
Ընկերությունները կապարակնքելը վատ պրակտիկա է. Հրայր Կամենդատյան
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կոտայքի մարզից աղիքային վարակի ախտանշաններով շտապօգնության կանչերը շարունակվում են։ «Փաստինֆո»-ին Առողջապահության նախարարի մամուլի խոսնակ Մարիամ Ծատրյանն հայտնեց, որ այս պահի դրության 13 պարցիենտ է բուժում ստանում մարզային բժշկական կենտրոնում։
«Երեկ նրանց թիվը 6-ն էր, այսօր արդեն հասել է 13-ի։ Ընդհանուր առամամբ՝ վիճակները գնահատվում է միջին ծանրության ն բավարար։ Ունեն ջերմություն, փորլուծություն, ինքնազգացողության վատացում։ Պացիենտները ստանում են անհրաժեշտ բուօգնություն։
Լաբորատոր հետազոտության արդյունքները պատրաստ կլինեն, որից կհասկանանք, թե թե որն է պատճառը»,- ասաց նա։
Հետևեք մեզ՝ այստեղ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հուլիսի 18-ին, շաբաթ օրը, հնդկական «Skyroot Aerospace» մասնավոր ավիատիեզերական ընկերությունը Անդհրա Պրադեշ նահանգի Սրիհարիկոտա կղզու Սաթիշ Դհավան տիեզերակայանից արձակել է իր առաջին հրթիռը՝ «Vikram-1»-ը:
Այն մոտավորապես 22 մետր բարձրություն ունի և կարող է մինչև 350 կիլոգրամ բեռ տեղափոխել Երկրի ցածր ուղեծիր։
Skyroot-ը հայտարարել է, որ «Vikram-1»-ը կտեղափոխի մի քանի փորձարարական բեռներ հնդիկ և միջազգային հաճախորդներից, այդ թվում՝ լաբորատոր պայմաններում աճեցված ադամանդ և ռոբոտացված ձեռքեր, որոնք կարող են հեռացնել տիեզերական աղբը: Առաքելության նպատակն է փորձարկել հրթիռի շարժիչ համակարգը, ավիոնիկան, հեռաչափությունը և ուղղորդման համակարգերը թռիչքի ժամանակ, հավաքել կարևոր տվյալներ ապագա կոմերցիոն թողարկումների համար։
Վարչապետ Նարենդրա Մոդին սա անվանել է «որոշիչ պահ Հնդկաստանի տիեզերական հետազոտությունների ճանապարհորդության մեջ»: Երկիրը ձգտում է մասնաբաժին ձեռք բերել առևտրային տիեզերական մեկնարկների շուկայում:
Հետևեք մեզ՝ այստեղ