Author: Balance2

Wildberries-ի համապատասխան ծառայությունները շարունակում են վերացնել Էլեկտրոստալի և Կոտովսկի լոգիստիկ կենտրոնների միջադեպերի հետևանքները։ Այս մասին հայտնում են Wildberries-ի մամուլի ծառայությունից։

«Wildberries-ի՝ ՌԴ-ում գտնվող Էլեկտրոստալի և Կոտովսկի լոգիստիկական կենտրոններում տեղի ունեցած միջադեպերի կապակցությամբ տեղեկացնում ենք, որ ընկերության բոլոր համապատասխան ծառայություններն ու մասնագետները շարունակում են աշխատել դրանց հետևանքների վերացման ուղղությամբ։

Մենք իրավիճակը պահում ենք անմիջական վերահսկողության ներքո և գործադրում ենք առավելագույն ջանքեր՝ բոլոր գործընթացները հնարավորինս արագ բնականոն հուն վերադարձնելու համար։ Այս պահին արդիական տեղեկատվությունը օպերատիվ կերպով թարմացվում է վաճառողների պորտալում, աջակցության պաշտոնական ալիքներում և վաճառողների անձնական հաշիվներում։

Ապրանքային հոսքերի վերահասցեավորումը գտնվում է առաջնահերթ վերահսկողության ներքո։ Նշված լոգիստիկական կենտրոններում պահվող ապրանքները ժամանակավորապես հանվել են վաճառքից։ Գործընկերների համար հնարավոր ուշացումները նվազագույնի հասցնելու նպատակով մենք օպերատիվ կերպով վերաուղղում ենք լոգիստիկական երթուղիները դեպի ընկերության այլ հասանելի պահեստային միավորներ։

Մենք անկեղծորեն շնորհակալ ենք մեր բոլոր գործընկերներին ցուցաբերած ըմբռնման և վստահության համար»,- ասվում է հայտարարության մեջ։

ՖԻՖԱ-ն չի նախատեսում հետաձգել կամ տեղափոխել ԱԱ-2026-ի եզրափակիչ հանդիպումը Նյու Յորքից, չնայած այն հանգամանքին, որ կանադական անտառային հրդեհներից առաջացած ծուխը հանգեցրել է օդի որակի վատթարացման։ Այս մասին հայտնում է Bloomberg գործակալությունը՝ հղում կատարելով իր աղբյուրներին։

Նշվում է, որ ստեղծված իրավիճակի շուրջ արդեն իսկ ոչ պաշտոնական քննարկումներ են անցկացվել, որոնց մասնակցել են ՖԻՖԱ-ի ներկայացուցիչները և աշխարհի առաջնության հարցերով Սպիտակ տան աշխատանքային խմբի ղեկավար Էնդրյու Ջուլիանին։ Սակայն, ըստ Սպիտակ տան ներկայացուցչի, այս պահին խաղի հնարավոր տեղափոխմանը նվիրված որևէ պաշտոնական հանդիպում նախատեսված չէ։

Հատկանշական է, որ օրեր առաջ՝ հուլիսի 17-ին, Չիկագոյում նույն անտառային հրդեհների ծխի պատճառով չեղարկվել էին բաց երկնքի տակ նախատեսված մի շարք միջոցառումներ, այդ թվում՝ MLS-ի կանոնավոր առաջնության «Չիկագո Ֆայր» — «Վանկուվեր Ուայթքեփս» հանդիպումը։

Հիշեցնենք, որ Իսպանիայի և Արգենտինայի ազգային հավաքականների միջև ԱԱ-2026-ի եզրափակիչի հանդիպումը կկայանա հուլիսի 19-ին՝ Երևանի ժամանակով 23:00-ին։

Երբ «Wildberries»-ի աշխատակիցները փորձել են լքել Կոտովսկի պահեստը, ուկրաինական ԱԹՍ–ները հարվածներ են հասցրել տարհանման ելքի մոտ, և մարդիկ չեն կարողացել դուրս գալ տարածքից։ Այս մասին պատմել է տուժածներից մեկը, փոխանցում է Sputnik Արմենիա-ն։

Ավելի վաղ հայտնի էր դարձել, Ուկրաինան ԱԹՍ–ներով հարձակվել է Տամբովի մարզի Կոտովսկում և մերձմոսկովյան Էկտրոստալում գտնվող պահեստների վրա։ Կոտովսկ ում հարվածի հետևանքով 7 մարդ, որոնք աշխատել են գիշերային հերթափոխով, տեղում զոհվել են, 25-ը` վիրավորվել։

Այժմ Տամբովի մարզի վիրաբույժները տուժածների մարմիններից մետաղական գնդիկներ են դուրս բերում։

Մարզպետ Եվգենի Պերվիշովը նշել է, որ դրանք խոցող տարրեր են, որոնք Կիևն օգտագործել է խաղաղ բնակիչներին առավելագույն վնաս հասցնելու համար։

Էլեկտրոստալայում շարունակում են մարել «Wildberries»–ի պահեստում բռնկված հրդեհը, մարման համար ուղղաթիռներ են գործարկվել:

Հրդեհն այնպիսի ուժգնության է, որ ծուխը տեսանելի է Մոսկվայի օդանավակայաններից մեկնող ինքնաթիռներին։