Author: Balance2

Հանրային առողջապահության Sciensano ինստիտուտի հրապարակած թարմացված տվյալների համաձայն՝ Բելգիայում հունիսի վերջին և հուլիսի սկզբին անոմալ շոգի ընթացքում գրանցվել է մոտ 2 000-ով ավելի մահ, քան սպասվում էր, հաղորդել է The Brussels Times-ը։

Վերանայված տվյալները ցույց են տալիս 48 տոկոս ավելցուկային մահացություն, ինչն ավելի բարձր է, քան անցյալ շաբաթ գրանցված 1 747 դեպքի ցուցանիշը։

Sciensano ինստիտուտն աճը բացատրել է երկու գործոնով։ Մահվան որոշ դեպքեր գրանցվում են ուշացումով, ինչպես նաև ինստիտուտը վերլուծության ժամանակահատվածը երկարացրել է երկու օրով՝ պարզելով, որ մահացությունը շարունակում էր զգալիորեն բարձր մնալ անոմալ շոգի սպասված ավարտից հետո չորրորդ և հինգերորդ օրերին։

Թարմացված տվյալներն ընդգրկում են հունիսի 18-ից հուլիսի 3-ն ընկած ժամանակահատվածը։

Վալոնիան ամենաշատ տուժած տարածաշրջանն է եղել, որտեղ գրանցվել է 77 տոկոս ավելցուկային մահացություն, ինչը համարժեք է 1 059 լրացուցիչ մահվան։

Բրյուսելում գրանցվել է 63 տոկոս աճ, ինչը կազմում է 188 լրացուցիչ մահ, իսկ Ֆլանդրիայում՝ 31 տոկոս, ինչը համապատասխանում է 768 լրացուցիչ մահվան։

Անցյալ շաբաթ Sciensano կազմակերպությունը հայտարարել էր, որ շոգի պատճառով Բելգիայում գրանցվել է ավելցուկային մահացության ամենաբարձր մակարդակը դիտարկումների ողջ պատմության ընթացքում՝ 2000 թվականից ի վեր։

Համեմատության համար՝ 2020 թվականի օգոստոսի շոգը հանգեցրել էր 37,5 տոկոս ավելցուկային մահացության կամ 1 557 լրացուցիչ մահվան։

Ռուսական բանակը առաջ է շարժվում հատուկ ռազմական գործողության գոտու բոլոր ուղղություններով, հայտարարել է ՌԴ զինված ուժերի Գլխավոր շտաբի պետ Վալերի Գերասիմովը։

 «ՌԴ ԶՈՒ շարունակում են ազատագրել Դոնբասի և Նովոռոսիայի տարածքները։ Գրոհները տարվում են և զորքերն առաջ են ընթանում հատուկ ռազմական գործողության բոլոր ուղղություններով»,- ասել է Գերասիմովը։

«Փաստ» օրաթերթը գրում է.

Աշխատանքի և սոցիալական ապահովության նախարարությունն առաջարկում է փոփոխություններ և լրացումներ կատարել կառավարության 2019 թվականի ապրիլի 4-ի թիվ 397-Ն որոշման մեջ։

2013 թվականի հունվարի 1-ից Միասնական սոցիալական ծառայությունում ներդրվել է Կենսաթոշակառուների հաշվառման միասնական տեղեկատվական համակարգը։ Կենսաթոշակների և պետական նպաստների (ծերության, հաշմանդամության և կերակրողին կորցնելու դեպքում) նշանակման (իրավունքի և վճարման դադարեցման) վերահաշվարկման համար շահառուի ներկայացվող անհրաժեշտ (թղթային կրիչով) փաստաթղթերը տեսաներածվում են ՏՀ և վերադարձվում դիմումատուին: Տեսաներածված փաստաթղթերի հիմքով կազմվում է էլեկտրոնային կենսաթոշակի (նպաստի) գործ: Ընդ որում՝ 2013 թվականից ի վեր ՏՀ-ի արդիականացման, լավարկման, ինչպես նաև տեղեկատվական հոսքերի կառավարման ենթահամակարգերի ներդրման արդյունքում կենսաթոշակի, նպաստի նշանակման, վճարման, վերահաշվարկման և անհրաժեշտ այլ գործողությունների համար օգտագործվում են նաև հասանելի էլեկտրոնային տվյալներ: Տեղեկատվական համակարգի ներդրումից հետո մինչև 2013 թվականի հունիսի 1-ը նշանակված կենսաթոշակների գործերից հաշմանդամության, երկարամյա ծառայության, մասնակի և կերակրողին կորցնելու դեպքում նշանակված կենսաթոշակի գործերը նույնպես տեսաներածվել են համակարգ: Այսպիսով, խնդրահարույց է դառնում (մինչև 2013 թվականը նշանակված գործերի) նշված խմբի շահառուների կենսաթոշակ ստանալու իրավունքը դադարեցնելուց հետո թղթային կրիչով գործերը միայն 10 տարի պահպանելուց հետո ոչնչացնելու գործող իրավակարգավորումը: Նույնական խնդիր առկա է նաև «Անձի ֆունկցիոնալության գնահատման» համակարգում, որտեղ էլեկտրոնային տեղեկատվական տվյալների հաշվառման «Փյունիկ» և «e-disability» համակարգերի շահագործմանը զուգահեռ պահպանվում են թղթային կրիչներով արխիվային տվյալներ: Միաժամանակ, հիվանդանոցային պայմաններում բժշկական օգնություն և սպասարկում ստացող պացիենտների հիվանդության պատմագրերի պահպանության համար գործադիրը սահմանել է 25 տարվա պահպանության ժամկետ, մինչդեռ նույն փատաթղթերի հիմքով հաշմանդամություն ունեցող անձ ճանաչվելու դեպքում փաստաթղթերի պահպանության համար սահմանվել է 50 տարի, որը ողջամիտ չէ:

Նախագծով առաջարկվում է կենսաթոշակի, նպաստի թղթային կրիչով գործերի տվյալները «Էլեկտրոնային տեղեկատվական համակարգ» տեսաներածելուց հետո ոչնչացնել, բժշկասոցիալական փորձաքննությամբ փորձաքննված՝ հաշմանդամություն ունեցող անձանց թղթային կրիչով գործերի տվյալները «ՓՅՈՒՆԻԿ» տեղեկատվական համակարգ տեսաներածելուց հետո ոչնչացնել: Նախագիծն ընդունվելու դեպքում հնարավոր կլինի Միասնական սոցիալական ծառայության շուրջ 2500-3000 քառակուսի մետր վարչական տարածք ազատել արխիվային փաստաթղթերից։ Միաժամանակ, փաստաթղթերի տեսաներածումը թույլ կտա ապահովել արագ որոնում, երկարաժամկետ և անվտանգ պահպանում (առանց վարչական տարածքները թղթային փաստաթղթերով ծանրաբեռնելու) և պաշտպանություն ֆիզիկական մաշվածությունից:

Մանրամասները՝ «Փաստ» օրաթերթի այսօրվա համարում