Ռուսաստանից Ադրբեջանի տարածքով Հայաստան է ուղարկվել 14 վագոն ցորեն և 1 վագոն փայտանյութ | Տարածաշրջան

Ըստ ադրբեջանական լրատվամիջոցների՝ այսօր Բիլաջարի կայարանից Բոյուկ-Քեսիկ ուղղությամբ ուղարկվել են 14 երկաթուղային վագոն ցորեն՝ ընդհանուր 976 տոննա քաշով, և մեկ երկաթուղային վագոն՝ 65 տոննա քաշով փայտանյութ։

Մինչ օրս Ռուսաստանից Հայաստան Ադրբեջանի միջոցով առաքվել է ավելի քան 50,000 տոննա հացահատիկ, մոտավորապես 9,000 տոննա պարարտանյութ, 1,414 տոննա պրոպան, 133 տոննա ալյումին, 1,114 տոննա ածուխ և 67 տոննա փայտանյութ։

Միաժամանակ, Ադրբեջանից Հայաստան է արտահանվել մոտ 15,000 տոննա դիզելային վառելիք և մոտ 5,000 տոննա AI-92 և AI-95 բենզին։