Հերթական ողբերգական դեպքը ՀՀ ՊՆ զորամասերից մեկում․ ժամկետային զինծառայողը, ըստ տեղեկությունների, կրակել է ծառայակցի վրա

Ambion.news-ի տեղեկություններով՝ քիչ առաջ ՀՀ ՊՆ զորամասերից մեկում ողբերգական դեպք է տեղի ունեցել։

Մեր աղբյուրի փոխանցմամբ՝ ժամկետային զինծառայողներից մեկը իրեն ամրակցված զենքից կրակել է ծառայակցի ուղղությամբ, ինչի հետևանքով վերջինս մահացել է։

Նախնական տեղեկություններով՝ դեպքին նախորդել է զինծառայողների միջև վիճաբանություն, որի ընթացքում, ըստ մեզ հասած տեղեկության, հայհոյանք է հնչել։ Դրանից հետո զինծառայողը վերցրել է զենքն ու կրակել ծառայակցի վրա։

Ambion.news-ը տեղեկությունը ճշտելու նպատակով դիմել է ՀՀ պաշտպանության նախարարությանը։ Այս պահին ՊՆ-ից ձեռնպահ են մնացել մեկնաբանությունից։

Տեղեկությունը ներկայացնում ենք որպես նախնական և չհաստատված տվյալներ։ Պաշտոնական հաստատման դեպքում կներկայացնենք լրացուցիչ մանրամասներ։