IDBank-ը, Ֆինանսական համակարգի հաշտարարի գրասենյակը և Մեդիամաքսը ամփոփել են ս.թ. օգոստոսի 11-ից օգոստոսի 15-ն անցկացված Մասնակցի՛ր VMF Vanadzor Half Marathon 2026-ին թեստ-խաղի արդյունքները:
Գրանցված մասնակիցներից բոլոր 8 հարցերին ճիշտ է պատասխանել 8 հոգի.
• Գրետա Ղազարյանը
• Վլադիմիր Քառյանը
• Գագիկ Եղիկյանը
• Ալեքսան Կլեկչյանը
• Արման Գեւորգյանը
• Արսիան Մովսեսյանը
• Միխայիլ Լոպատինը
• Սեյրան Ավետիսյանը
Նախապես հայտարարվել էր, որ մրցանակային տոմսերի քանակը հինգն է եւ եթե բոլոր հարցերին ճիշտ կպատասխանի հինգից ավել մասնակից, նրանց միջեւ կանցկացվի «կույր» վիճակահանություն։ Չնայած դրան, IDBank-ը եւ Ֆինանսական համակարգի հաշտարարի գրասենյակը որոշել ել օգոստոսի 23-ին Վանաձորում կայանալիք VMF Vanadzor Half Marathon-ի 5 կմ (Open Run) մրցավազքի մասնակցության տոմս տրամադրել հարցերին ճիշտ պատասխանած բոլոր 8 մասնակիցներին:
Ստորեւ ներկայացված են թեստ-խաղի հարցերն ու ճիշտ պատասխանները:
***
Ո՞րն է Ֆինանսական համակարգի հաշտարարի գրասենյակի հիմնական դերը։
Կոչված է լուծելու սպառողների և ֆինանսական կազմակերպությունների միջև առաջացած վեճերը:
Ո՞ր դեպքն է առավել համապատասխան Հաշտարարին դիմելու համար։
Բանկը սխալ է հաշվարկել վարկի տոկոսները կամ վճարները
Ապահովագրության պայմանագիր կնքելիս ո՞րն է ապահովագրական գումարը։
Այն Ձեզ հատուցվելիք առավելագույն գումարն է:
Ի՞նչ է ավանդը։
Բ. Գումար, որը հաճախորդը վստահում է բանկին՝ պահելու և շահավետ պայմաններով
ավելացնելու նպատակով :
Բանկը վարկի չափը որոշում է կախված հաճախորդի … ։
Եկամտից ու վարկային պատմությունից
Ո՞ր տարբերակն է ճիշտ ներկայացնում BNPL համակարգը։
Ծառայություն, որը թույլ է տալիս գնում կատարել հիմա, իսկ գումարը վճարել ավելի
ուշ կամ մաս-մաս
Այս տարբերակներից ո՞ր բնորոշումն է ճիշտ էլեկտրոնային փողի համար։
Թվային դրամապանակում պահվող գումար, որով կարելի է կատարել վճարումներ և փոխանցումներ
Ո՞րոնք են ֆինանսական զեղծարարության ամենատարածված տեսակները։
Հեշտ եկամուտ խոստացող առաջարկ, շտապեցնող հրահանգ, անձնական կամ բանկային տվյալներ պահանջող հաղորդագրություն:
Leave a Reply