Թուրքիայի Զոնգուլդաք նահանգի Դևրեք շրջանում նախագահ Ռեջեփ Թայիփ Էրդողանի նկարով պաստառը պոկելու և վնասելու մեջ մեղադրվող Ուֆուք Օրենը կալանավորվել է, հաղորդում է ermenihaber-ը։
Միջադեպը տեղի էր ունեցել օգոստոսի 8-ին Անկարայի խճուղու վրա գտնվող վերնանցումներից մեկի վրա։ Ըստ շրջանառվող տեղեկությունների՝ Ուֆուք Օրենն ունի հոգեբանական խնդիրներ։ Ականատեսները բջջային հեռախոսներով նկարահանել էին, թե ինչպես է նա վնասում պաստառը, ապա մոտոցիկլետով հեռանում տարածքից։
Ոստիկանության կողմից ձերբակալվելուց հետո՝ օգոստոսի 9-ին, դատարանը նրան ազատ էր արձակել դատական հսկողության պայմանով։ Սակայն դատախազությունը բողոքարկել էր ազատ արձակման որոշումը, ինչից հետո Օրենը կրկին բերման է ենթարկվել և դատարանի նոր որոշմամբ կալանավորվել։
Leave a Reply