ՖԻՖԱ-ն ընտրել է Աշխարհի առաջնության լավագույն գոլը

2026 թվականի ֆուտբոլի աշխարհի առաջնության ամենագեղեցիկ գոլ է ճանաչվել Կաբո Վերդեի հավաքականի պաշտպան Սիդնի Կաբրալի գոլը՝ Արգենտինայի դարպասը, հայտնում է ՖԻՖԱ-ի պաշտոնական կայքը։

Աշխարհի առաջնության 1/16 եզրափակչի խաղում Կաբո Վերդեի հավաքականը լրացուցիչ ժամանակում 2:3 հաշվով պարտվել է Արգենտինայի թիմին։ Խաղի 103-րդ րոպեին Կաբրալը խփել է իր թիմի երկրորդ գոլը՝ վերականգնելով հաշվի հավասարությունը։

Քվեարկության արդյունքներով աֆրիկացի պաշտպանի գոլը զբաղեցրել է առաջին տեղը՝ առաջ անցնելով Ուզբեկստանի հավաքականի ֆուտբոլիստ Էլդոր Շոմուրոդովի և Հաիթիի թիմի խաղացող Վիլսոն Իզիդորի գոլերից, որոնք համապատասխանաբար զբաղեցրել են երկրորդ և երրորդ տեղերը։