Երեւան: Մեդիամաքս: Ռուսաստանի եւ Ադրբեջանի նախագահներ Վլադիմիր Պուտինը եւ Իլհամ Ալիեւը հեռախոսազրույցի ընթացքում հաստատել են «փոխշահավետ համագործակցության հետագա ընդլայնման երկուստեք պատրաստակամությունը»։
«Քննարկելով երկկողմ եւ միջազգային օրակարգի հրատապ հարցեր՝ առաջնորդները նշել են ռուս-ադրբեջանական կապերի կառուցողական բնույթը եւ կառավարությունների ու գերատեսչությունների գծով երկխոսության ակտիվացումը։ Հաստատվել է փոխշահավետ համագործակցության հետագա ընդլայնման երկուստեք պատրաստակամությունը», – հաղորդում է Կրեմլի մամուլի ծառայությունը։
Ադրբեջանի նախագահի մամուլի ծառայության հաղորդագրության մեջ ասվում է, որ «քննարկելով երկկողմ եւ միջազգային օրակարգի հրատապ հարցեր՝ առաջնորդները նշել են ռուս-ադրբեջանական կապերի կառուցողական բնույթը եւ կառավարությունների ու գերատեսչությունների գծով երկխոսության ակտիվացումը»։
Մեդիամաքսը նշում է, որ հուլիսի 27-ին տեղի էր ունեցել Վլադիմիր Պուտինի հեռախոսազրույցը Հայաստանի վարչապետ Նիկոլ Փաշինյանի հետ, իսկ այսօր Բաքվում Մոսկվային կոչ էին արել դադարեցնել ռուս-հայկական հարաբերությունների հարցերի կապակցումը Ադրբեջանի հետ։
Leave a Reply