Հուսիթները խոցել են Սաուդյան Արաբիայի Bayraktar Akinci ԱԹՍ-ն

Եմենի «Անսար Ալլահ» շարժման հուսիթ ապստամբները պնդում են, որ երկրի հյուսիսում գտնվող Ալ-Ջաուֆ նահանգում խոցել են Սաուդյան Արաբիայի սեփականությունը հանդիսացող Bayraktar Akinci հետախուզական և հարձակողական անօդաչու թռչող սարք; ՏԱՍՍ-ի փոխանցմամբ, այդ մասին հայտնում է ապստամբների ռազմական խոսնակ Յահյա Սարիան։

Նրա խոսքով՝ հուսիթներին «հաջողվել է խոցել սաուդյան թշնամուն պատկանող թուրքական արտադրության Bayraktar Akinci հետախուզական և հարձակողական անօդաչու թռչող սարքը, երբ այն թշնամական գործողություններ էր իրականացնում Ալ-Ջավֆ նահանգի օդային տարածքում»։ Սարիան հավելել է, որ ինքնաթիռը խոցվել է «համապատասխան զենքերով»։