Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Քրեական ոստիկանության Վայոց ձորի մարզային վարչությունը հուլիսի 20-ին օպերատիվ տեղեկություններ է ստացել, որ Վայք համայնքի Մարտիրոս բնակավայրի 63-ամյա բնակիչն իր տանը ապօրինի պահում է մարիխուանա, հայտնում է ՆԳՆ ոստիկանությունը։
«Իրացնելով ստացված տեղեկությունները՝ քրեական ոստիկանները նույն օրը մեկնել են նշված հասցե։ Տղամարդը հաստատել է, որ տանը պահում է իր կողմից աճեցված կանեփից պատրաստված թմրամիջոց՝ անձնական օգտագործման համար»,-ասված է հաղորդագրության մեջ։
Նշվում է, որ ոստիկանության կողմից նախաձեռնվել է քրեական վարույթ։
Նույն օրը տղամարդու տանը իրականացված զննությամբ ննջասենյակից հայտնաբերվել է երեք փաթեթ՝ ընդհանուր շուրջ 69 գրամ քաշով կանեփանման զանգվածով։ Հանգամանքները պարզվում են։
Հետևեք մեզ՝ այստեղ
Leave a Reply