«Թուրքիան օգնեց ձախողել Իրանը մասնատելու ԱՄՆ-ի ծրագրերը». Իրանի ԱԳ նախարար | Տարածաշրջան

Թուրքիան աջակցել է Իրանին՝ ձախողելու երկիրը մասնատելու Վաշինգտոնի ծրագրերը։ Այս մասին իրանական Majaraa Media պարբերականին տված տեսահարցազրույցում հայտարարել է Իրանի արտաքին գործերի նախարար Աբբաս Արաղչին։

Իրանի արտգործնախարարի խոսքով՝ հակամարտության չորրորդ օրը Վաշինգտոնը ծրագրում էր գործարկել Իրանի տարրալուծման/մասնատման գործընթացը։

Արաղչին նշել է, որ դա թույլ չտալու համար Թեհրանն օպերատիվ կապ է հաստատել տարածաշրջանային դերակատարների հետ՝ ամերիկյան սպառազինության մատակարարման ուղիները արգելափակելու նպատակով։ Կապ է հաստատվել․

• Իրաքի վարչապետ Ալ-Սուդանիի,

• Թուրքիայի ԱԳ նախարար Հաքան Ֆիդանի,

• Քրդական առաջնորդների հետ։

Իրանցի նախարարն ընդգծել է, որ թուրքական կողմն այս հարցում զբաղեցրել է պրինցիպիալ դիրքորոշում և կոշտ բանակցություններ է վարել ԱՄՆ ներկայացուցիչների հետ։

«Համատեղ ջանքերի այս ամբողջ համալիրը հանգեցրեց նրան, որ այդ դավադրությունը լիովին ձախողվեց», — ամփոփել է Արաղչին։