ԱՄՆ ինքնաթիռը Մոսկվա է ժամանել նախագահ Դոնալդ Թրամփի դեսպանորդներ Սթիվ Ուիթկոֆի և ԱՄՆ նախագահի փեսայի՝ Ջարեդ Քուշների այցի սպասման ֆոնին, հաղորդում է ՏԱՍՍ-ը: «Ինտերֆաքս»-ը նույնպես հաղորդել է ինքնաթիռի Վնուկովոյում վայրէջքի մասին՝ հղում անելով ավիացիոն ծառայություններին։
Ուիթկոֆը և Քուշները այսօր առավոտյան պետք է հանդիպեն Ռուսաստանի նախագահ Վլադիմիր Պուտինի հետ: Նրանք Մոսկվա են մեկնում Ռուսաստանի, Ուկրաինայի և ԱՄՆ-ի միջև նոյեմբերի 10-11-ին տեղի ունեցած եռակողմ բանակցություններից հետո, որտեղ նրանք ներկայացրել են Վաշինգտոնը։
ԱՄԷ մայրաքաղաքում կայացած հանդիպումներից հետո Քուշները X-ում հայտարարել է, որ Ռուսաստանի և Ուկրաինայի միջև դեռևս մնում են էական տարաձայնություններ, սակայն ԱՄՆ-ն մտադիր է հիմնվել ձեռք բերված առաջընթացի վրա և անցնել ավելի լայն բազմակողմ բանակցությունների՝ երկարատև խաղաղության համար: «Ուկրաինայի և մեր եվրոպացի գործընկերների հետ սերտ համագործակցությամբ մենք համաձայնության ենք եկել առաջարկների շուրջ, որոնք վաղը կքննարկենք նախագահ Պուտինի հետ Մոսկվայում, որից հետո խորհրդակցություններ կանցկացնենք [Ուկրաինայի] նախագահ Վլադիմիր Զելենսկու հետ», – հավելել է նա:
Leave a Reply