Իրանի խորհրդարանի խոսնակ Մոհամմադ Բաղեր Ղալիբաֆն անդրադարձել է ԱՄՆ-ում անցկացված միջանկյալ ընտրությունների արդյունքներին՝ նշելով, որ ամերիկացիները «ոչ» ասացին պատերազմին, և իրենք աջակցում ենք այդ ուղերձին։ Այս մասին Ղալիբաֆը գրել է X հարթակում գրառման մեջ։
«Խղճի թելադրանքով թե կենսապայմանների պատճառով՝ ամերիկացիներն ասացին՝ «Ո՛չ պատերազմին», և մենք սատարում ենք այդ ուղերձին», – նշել է նա գրառման մեջ։
Ղալիբաֆը հավելել է, որ եթե ԱՄՆ կառավարությունը դավաճանի ամերիկացիների հանրային կամքը և ծառայի միջազգային հովանավորներին ու շանտաժիստներին, ապա կլինեն հետևանքներ։
«Նրանք կտեսնեն, որ մեր «ոչ»-ը կհանգեցնի մղձավանջի», – եզրափակել է Մեջլիսի խոսնակը։
ԱՄՆ Կոնգրեսի միջանկյալ ընտրությունների նախնական արդյունքների համաձայն՝ Հանրապետական կուսակցությունը, որի անդամ է գործող նախագահ Դոնալդ Թրամփը, երկու պալատներում էլ զիջում է դեմոկրատներին։
Leave a Reply