Լաս Վեգասում կայացած UFC Fight Night: Moicano vs. Nolan (UFC Vegas 123) մրցաշարում հայկական արմատներով ամերիկացի մարտիկ Ժան-Պոլ Լեբոսնոյանին տպավորիչ հաղթանակ է տարել ադրբեջանցի Ֆարման Հասանովի նկատմամբ՝ տեխնիկական նոկաուտով պարտության մատնելով մինչ այդ անպարտելի համարվող մրցակցին։
Կիսամիջին քաշային կարգում հանդես եկող 27-ամյա մարզիկի համար սա երրորդ անընդմեջ հաղթանակն էր աշխարհի ամենահեղինակավոր օկտագոնում։
Մենամարտը մեկնարկել է բարձր տեմպով։ Առաջին ռաունդում Հասանովը փորձել է ճնշում գործադրել և նույնիսկ կարողացել է պայքարը տեղափոխել պարտեր, սակայն Լեբոսնոյանին արագ վերականգնել է դիրքը՝ մենամարտը վերադարձնելով կանգնած դրություն։
Հայազգի մարտիկն աստիճանաբար նախաձեռնությունը վերցրել է իր ձեռքը՝ ոտքերի դիպուկ հարվածներով և ձեռքերի բազմաքայլ կոմբինացիաներով անընդհատ թիրախավորելով մրցակցի իրանը, ինչը զգալիորեն հյուծել է ադրբեջանցի մարզիկին։
Երկրորդ ռաունդում Լեբոսնոյանիի առավելությունն էլ ավելի տեսանելի է դարձել։ Հասանովի՝ պայքարը կրկին գետնին տեղափոխելու փորձերն արդյունք չեն տվել։ Փոխարենը՝ հայազգի մարտիկը մեծացրել է ճնշումը, և նրա հուժկու հարվածների հետևանքով ռաունդի վերջնամասում Հասանովի դեմքին լուրջ վնասվածք է առաջացել։
Հանգուցալուծումը տեղի է ունեցել երրորդ ռաունդում։ Ադրբեջանցի մարտիկի ձախ աչքի վերևում առաջացած խորը կտրվածքի պատճառով մրցավարը դադարեցրել է պայքարը և օկտագոն հրավիրել բժշկին։
Զննումից հետո բժշկական անձնակազմը թույլ չի տվել Հասանովին շարունակել մենամարտը։ Պաշտոնական արձանագրության համաձայն՝ Լեբոսնոյանիի հաղթանակը տեխնիկական նոկաուտով գրանցվել է երրորդ ռաունդի 2-րդ րոպեի 11-րդ վայրկյանին։
Այս հաղթանակից հետո Ժան-Պոլ Լեբոսնոյանին իր պրոֆեսիոնալ ռեկորդը հասցրել է 12-2-ի։ UFC-ում նա դեռևս անպարտելի է՝ 3 մենամարտ, 3 հաղթանակ (նախկինում նա մրցավարների որոշմամբ առավելության էր հասել Ֆիլ Ռոուի և Սո Հյոն Կոյի նկատմամբ)։ Իսկ Ֆարման Հասանովը կրել է կարիերայի առաջին պարտությունը (5 հաղթանակ, 1 պարտություն)։
Հաղթական մենամարտից հետո Լեբոսնոյանին ձեռնոց է նետել ավստրալացի փորձառու մարտիկ Ջեյք Մեթյուզին՝ նշելով, որ պատրաստ է ավելի բարձր մակարդակի մրցակցության։
Հավելենք, որ Ժան-Պոլ Լեբոսնոյանին հայկական արմատներ ունի հոր կողմից։ Նրա հայրը՝ Ներսես Բոսնոյանը, բրազիլական ջիու-ջիթսուի մարզիչ է։ Մարտիկը բազմիցս խոսել է իր ծագման մասին և ընդգծել, որ հպարտ է իր հայկական արմատներով։
Armsport
դիտվել է 4 անգամ
Լրահոս
Ամենաընթերցվածները
Շուտով
Նոյեմբերի 2-ին՝ ժամը 14։30-ին, Հայելի ակումբի հյուրն է Գառնիկ Դանիելյան
Նոյեմբերի 2-ին՝ ժամը 13։30-ին, Հայելի ակումբի հյուրն է Սուրեն Սուրենյանցը
Նոյեմբերի 2-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը
Նոյեմբերի 2-ին՝ ժամը 11։00-ին, Հայելի ակումբի հյուրն է Հայկ Այվազյանը
Հոկտեմբերի 30-ին՝ ժամը 13։30-ին, Հայելի ակումբի հյուրն է ՀՀԿ-ից Վահե Մովսիսյանը
Հոկտեմբերի 30-ին՝ ժամը 13։00-ին, Հայելի ակումբի հյուրն է Լարիսա Ալավերդյանը
Հոկտեմբերի 30-ին՝ ժամը 11։30-ին, Հայելի ակումբի հյուրն է Արամ Գ.Սարգսյանը
Հոկտեմբերի 30-ին՝ ժամը 10։30-ին, Հայելի ակումբի հյուրն է Տիգրան Չոբանյանը
Հոկտեմբերի 29-ին՝ ժամը 14։30-ին, Հայելի ակումբի հյուրն է Արմինե Ադիբեկյանը
Հոկտեմբերի 29-ին՝ ժամը 12։30-ին, Հայելի ակումբի հյուրն է Նարինե Դիլբարյանը
Leave a Reply