«Ընտրակաշառք բաժանողների ձեռքերն ու ոտքերը ջարդելու ենք՝ բառիս քաղաքական իմաստով»։ Այս մասին Կառավարության նիստից հետո լրագրողների հետ ճեպազրույցում հայտարարել է վարչապետ Նիկոլ Փաշինյանը՝ անդրադառնալով Հայաստանում ընդդիմության չափանիշներին։
Վարչապետի խոսքով՝ 2026 թվականի խորհրդարանական ընտրությունների ընթացքում կրկին տարածվել է այն մտայնությունը, թե որոշ մարդիկ կարող են տիրապետել տասնյակ կամ հարյուրավոր ընտրողների ձայների։
«Հայաստանի Հանրապետությունում ամեն մարդ ունի մեկ ձայն։ Ով ունի մեկ ձայնից ավելի, ինքն իմ դասակարգային թշնամին է, և այդ մարդկանց ոչնչացնելն իմ քաղաքական հանձնառությունն է»,- հայտարարել է Փաշինյանը։
Նա ընդգծել է, որ նման երևույթների դեմ պայքարելու է ինչպես իրավապահ մարմինների, այնպես էլ քաղաքական գործիքների միջոցով։
«2018 թվականին եղել է ոչ բռնի, թավշյա, սիրո և համերաշխության հեղափոխություն։ Այս կատեգորիայի նկատմամբ լինելու է Հոկտեմբերյան սոցիալիստական մեծ հեղափոխություն, որովհետև դրանք ջարդուփշուր ենք անելու՝ բառիս քաղաքական իմաստով»,- ասել է վարչապետը։
Փաշինյանը հավելել է, որ եթե նման մտածելակերպ ունեցող անձինք հայտնաբերվեն նաև «Քաղաքացիական պայմանագիր» կուսակցությունում, նրանց նկատմամբ իր վերաբերմունքն ավելի խիստ է լինելու։
Leave a Reply