Գեղարքունիքի մարզում սկսվել է անասնակերի բերքահավաքը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արդեն երկրորդ շաբաթն է, ինչ Գեղարքունիքի մարզում սկսվել և ընթանում են անասնակերի բերքահավաքի աշխատանքները։

Տեղեկացրին Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչությունից, անասնակերի բերքահավաքն առայժմ ընթանում է ցածրադիր գոտիների բնական խոտհարքերում կամ բազմամյա կերային մշակաբույսերի արտերում։ Նախնական տվյալներով՝ 1 հեկտարի միջին բերքատվությունը կազմում է 30-40 ցենտներ։

Տեխնիակական միջոցները և աշխատուժը բավարար են՝ բերքահավաքի աշխատանքներն իրականացնելու և ավարտելու համար։

2026 թվականի հուլիսի 15-ի տվյալներով՝ մարզում արդեն կուտակվել է 750 տոննա անասնակեր։ Շուտով խոտի բերքահավաքը կտեղափոխվի բարձրադիր գոտիներ։

«Առատ տեղումների ու  եղանակային բարենպաստ պայմանների  շնորհիվ փարթամ բուսականություն է աճել արտերում ու խոտհարքերում, արոտներում, նույնիսկ այնչափ, որ տնտեսությունները հմարավորություններ կունենան 1 տարվա պահանջվածից ավելի անասնակեր կուտակել»,-ներկայացրին Գեղարքունիքի մարզպետի աշխատակազմի գյուղատնտեսության և շրջակա միջավայրի պահպանության վարչությունից։

Անասնակերի կուտակման աշխատանքները Գեղարքունիքի մարզում կշարունակվեն մինչև սեպտեմբեր ամսի կեսերը:

Հետևեք մեզ՝ այստեղ