Կարեն Ասլանյանը հաղթել է Ադրբեջանի ներկայացուցչին և հռչակվել աշխարհի չեմպիոն

Հայաստանի հունահռոմեական ոճի ըմբշամարտի հավաքականի անդամ Կարեն Ասլանյանը փառահեղ հաղթանակ է տարել Ղազախստանի մայրաքաղաք Աստանայում ընթացող աշխարհի առաջնությունում և նվաճել ոսկե մեդալ:

63 կգ քաշային կարգի եզրափակիչ գոտեմարտում հայ ըմբիշն ուժերն է չափել Ադրբեջանի ներկայացուցիչ, աշխարհի և Եվրոպայի գործող չեմպիոն Նիհատ Մամեդլիի հետ: Լարված և դրամատիկ պայքարում Ասլանյանը ցուցադրել է բարձր կամային որակներ՝ 8:4 հաշվով տպավորիչ հաղթանակ տոնելով մրցակցի նկատմամբ:

Սա Կարեն Ասլանյանի կարիերայի առաջին ոսկե մեդալն է մեծահասակների աշխարհի առաջնություններում, ինչը պատմական ձեռքբերում է հայկական ըմբշամարտի համար:

Հետևեք մեզ՝ այստեղ