ՇՆՈՐՀԱՎՈՐԱԿԱՆ ՈՒՂԵՐՁ
Գյումրի քաղաքի տոնի առթիվ
ՀԱՄԱԶԳԱՅԻՆ հայ կրթական եւ մշակութային հիմնադրամի Գյումրու գրասենյակը ջերմորեն շնորհավորում է Գյումրու բնակիչներին, քաղաքի բարեկամներին եւ բոլոր գյումրեցիներին՝ քաղաքի տոնի առթիվ։
Գյումրին հայ ժողովրդի պատմական հիշողության, ազգային ինքնության, հարուստ մշակութային ժառանգության եւ ստեղծագործ ոգու կարեւոր կենտրոններից է։ Իր յուրահատուկ ճարտարապետությամբ, մշակութային ավանդույթներով, կրթական արժեքներով եւ մարդկանց անկոտրում կամքով այն առանձնահատուկ տեղ է զբաղեցնում Հայաստանի քաղաքների շարքում։
Դարերի ընթացքում ձեւավորված Գյումրու ինքնատիպ նկարագիրն ու հոգեւոր արժեքները կարեւոր դեր ունեն հայ մշակույթի պահպանման եւ զարգացման գործում։ Քաղաքի շարունակական առաջընթացի հիմքում կրթության, մշակույթի, ազգային ժառանգության պահպանման եւ նոր սերունդների դաստիարակության նկատմամբ հետեւողական վերաբերմունքն է։
ՀԱՄԱԶԳԱՅԻՆ հայ կրթական եւ մշակութային հիմնադրամը, կարեւորելով կրթության եւ մշակույթի դերը ազգային ինքնության պահպանման ու հասարակության զարգացման գործում, վերահաստատում է իր պատրաստակամությունը՝ նպաստելու Գյումրու կրթական եւ մշակութային կյանքի աշխուժացմանը, ազգային արժեքների տարածմանն ու երիտասարդ սերնդի ստեղծագործ ներուժի զարգացմանը։
Այս նշանակալից օրվա առթիվ մաղթում ենք Գյումրի քաղաքին խաղաղություն, կայուն զարգացում եւ նորանոր ձեռքբերումներ, իսկ քաղաքի բնակիչներին՝ առողջություն, բարեկեցություն, ընտանեկան ջերմություն եւ հավատ՝ վաղվա օրվա հանդեպ։
Թող Գյումրին շարունակի պահպանել իր հարուստ ժառանգությունը, ամրապնդել իր մշակութային ինքնատիպությունը եւ վստահ քայլերով կերտել արժանապատիվ ու բարեկեցիկ ապագա։
Շնորհավո՛ր տոնդ, սիրելի՛ Գյումրի։
Հարգանքով՝
ՀԱՄԱԶԳԱՅԻՆ հայ կրթական եւ մշակութային հիմնադրամի Գյումրու գրասենյակ
Leave a Reply