Հռոմի պապ Լեւոն 14-րդը հոսպիտալացվել է թոքերում հայտնաբերված գոյացությունը հեռացնելու վիրահատության նպատակով։Պապն ավելի վաղ հայտարարել էր, որ ենթարկվելու է վիրահատական միջամտության։
Կեսօրին Հռոմի պապը դուրս է եկել Վատիկանից և ուղղվել դեպի Հռոմի «Ջեմելի» հիվանդանոց։
Բժշկական հաստատության ներկայացուցիչները դիմավորել են Պապին մուտքի մոտ, որից հետո Լեւոն 14-րդն առանց կողմնակի օգնության մտել է շենք։
Մամուլին ուղղված գրավոր հայտարարության մեջ Վատիկանի մամուլի ծառայությունը տեղեկացրել է, որ Պապի թոքի գոյացությունը հեռացնելու վիրահատությունը տեղի կունենա կեսօրից հետո՝ «Ջեմելի» հիվանդանոցում։ Միջամտությունն իրականացնելու է կրծքավանդակի վիրաբույժների թիմը՝ պրոֆեսոր Ստեֆանո Մարգարիտորայի գլխավորությամբ։
Leave a Reply