Երեւան: Մեդիամաքս: Հայաստանի եւ Գերմանիայի արտաքին քաղաքական գերատեսչությունների ղեկավարներ Արարատ Միրզոյանն ու Յոհան Վադեֆուլն այսօր քննարկել են ռազմավարական գործընկերության օրակարգի իրականացման ընթացքը:
Արտաքին գործերի եւ միջազգային առեւտրի նախարարությունից հայտնում են, որ Վարշավայի անվտանգության ֆորումի շրջանակներում կայացած հանդիպմանը նախարարներն անդրադարձ են կատարել առևտրատնտեսական հարաբերություններին:
«Գոհունակությամբ ընդգծվել է դեպի Գերմանիա հայկական արտադրության ապրանքների արտահանման դրական դինամիկան, որի առավել ակտիվացմանը կարող են նպաստել ԵՄ կողմից ընդունված ինքնավար առևտրային միջոցները: Այս համատեքստում Արարատ Միրզոյանը բարձր է գնահատել ՀՀ-ԵՄ գործընկերության խորացման գործընթացում Գերմանիայի շարունակական աջակցությունը:
Մտքեր են փոխանակվել նաեւ տարածաշրջանային զարգացումների շուրջ: Արարատ
Միրզոյանը ներկայացրել է Հարավային Կովկասում փոխկապակցվածության և համագործակցության խթանմանն ուղղված աշխատանքների ընթացքը: Անդրադարձ է կատարվել ենթակառուցվածքների ցանցի զարգացմանը և էներգետիկ դիմակայունության բարձրացմանը միտված կոնկրետ քայլերին», – ասված է հաղորդագրության մեջ:
Leave a Reply