Հայաստանում տղա երեխաների շրջանում մոտավորապես 25%–ը և աղջիկների մոտ 4%–ը ծխում է. Մարիամ Մնացականյան | Հասարակություն

Այսօր՝ հոկտեմբերի 12-ը  ծխախոտի դեմ պայքարի ազգային օրն է: Այս օրը Հայաստանն ընդունեց և վավերացրեց «Ծխախոտի դեմ պայքարի մասին» շրջանակային կոնվենցիան: Այս մասին  ասաց ՀՀ առողջապահության նախարարության հանրային առողջության բաժնի պետ Մարիամ Մնացականյանը։

Մնացականյանի տեղեկացմամբ՝ ծխախոտի օգտագործումը բավականին բարձր է մեր երկրում, մեծահասակ բնակչության շրջանում վերջին տվյալներով, մոտ 25.5% -ը ամենօրյա ծխող են, որոնցից մոտ 53%-ը տղամարդիկ են, և մոտ 2%–ը՝ կանայք։

«Վերջին հետազոտության արդյունքներով մենք տեսնում ենք, որ ծխախոտի օգտագործումը մնում է բավականին բարձր երեխաների շրջանում, մոտավորապես 25% տղաների և մոտ 4% աղջիկների շրջանում։ Մենք հիմա նոր մարտահրավերներ ունենք՝ էլեկտրոնային ծխախոտի օգտագործումը։ Երեխաների շրջանում դրանց օգտագործումը առավել բարձր է, մոտավորապես 36% տղաների շրջանում և մոտ 6% աղջիկների շրջանում  երբևիցե փորձել են դա։ Խոսքը 15 տարեկանների մասին է։

Մարիամ Մնացականյանը նշեց, որ  11 տարեկանից արդեն մենք ունենք ծխել սկսող երեխաներ, բայց հիմնականում 13 տարեկան երեխաների շրջանում մոտ 5% օգտագործում է ծխախոտ։