Սյունիքի մարզի Սիսիան համայնքի Շաքի բնակավայրում 2026 թվականի հոկտեմբերի 1-ին արձանագրված միջադեպի առնչությամբ նախաձեռնվել է ևս մեկ քրեական վարույթ: Armpulse.am-ին ՀՀ Գլխավոր դատախազությունից փոխանցված տեղեկատվության համաձայն՝ նոր վարույթը նախաձեռնվել է ՀՀ քրեական օրենսգրքի 469-րդ հոդվածի 1-ին մասով (պետական սահմանն ապօրինի հատելը) և 340-րդ հոդվածի 1-ին մասով (հրազենի մաքսանենգությունը):
Իրավապահ մարմնից հայտնել են նաև, որ սույն վարույթն արդեն միացվել է ավելի վեր նախաձեռնված մայր վարույթին:
Հիշեցնենք, որ նախօրեին Դատախազությունը հաղորդել էր առաջնային քրեական վարույթի մասին, որը հարուցվել էր զենքի գործադրմամբ առողջությանը ծանր վնաս հասցնելու (ՔՕ 166-րդ հոդվածի 2-րդ մասի 6-րդ կետ), հրազենի ապօրինի շրջանառության (ՔՕ 335-րդ հոդվածի 1-ին մաս) և բնակարանի անձեռնմխելիությունը խախտելու (ՔՕ 207-րդ հոդվածի 1-ին մաս) հատկանիշներով:
Leave a Reply