Մոսկվայի վրա հարձակման ժամանակ առաջին անգամ կիրառվել է «Պելիկան» հրթիռը |

Ուկրաինայի նախագահ Վլադիմիր Զելենսկին հաստատել է Ռուսաստանի՝ Մոսկվայի տարածաշրջանում գտնվող «նավթային արդյունաբերության առանցքային ձեռնարկության և լոգիստիկ օբյեկտի» ուղղությամբ իրականացված հարվածները։

«Մասնավորապես, կիրառվել են FP-1, RZ-100, MICH-2000, «Պալյանիցյա», Vendetta, «Լյուտի», «Բարս», «Ֆլամինգո», «Սիչեն» և Pelican», — ասվում է նախագահի՝ Telegram-ում հրապարակած հաղորդագրության մեջ։

Զելենսկու հայտարարությունը հաստատում է «Պելիկան» (FP-7) մարտավարական հրթիռի առաջին կիրառումը։ Այն մշակվում է ուկրաինական Fire Point ընկերության կողմից։

FP-7-ը, որը կարող է կրել մինչև 150 կգ մարտական մաս, ցամաքային արձակման համակարգ է, որի ռեակտիվ արկի առավելագույն թռիչքային արագությունը կազմում է 1500 մ/վրկ։ Fire Point-ի հիմնադիր և գլխավոր կոնստրուկտոր Դենիս Շտիլերմանը այս հրթիռը համեմատել է ամերիկյան Lockheed Martin ընկերության արտադրած ATACMS համակարգի հետ։

Ուկրաինայի զինված ուժերի Գլխավոր շտաբի տվյալներով՝ Կապոտնայի նավթավերամշակման գործարանում վնասվել են ԱՎՏ-6 առաջնային վերամշակման կայանքը, նավթի վերամշակման համալիր կայանքը և իզոմերացման կայանքը։

Մոսկվայի քաղաքապետ Սերգեյ Սոբյանինը հայտնել է, որ «վնասվել է Մոսկվայի նավթավերամշակման գործարանի տարածքում գտնվող օբյեկտ»։