Կեղծ տեղեկությունների արշավ՝ Հասմիկ Վիրաբյանի դեմ․ «Ամբիոն Նյուզ»-ը ներկայացնում է փաստերն ու զգուշացնում նոր հրապարակումների մասին

Ամիսներ շարունակ Վիրաբյան Գրիշայի և Լոռեցյան Լիլիթի կողմից իրականացվում է կեղծ տեղեկատվության տարածման արշավ, որն ունի զրպարտչական բնույթ և, մեր գնահատմամբ, նպատակաուղղված է «Ամբիոն Նյուզ» լրատվական կայքի հիմնադիր-տնօրեն Հասմիկ Վիրաբյանի բարի համբավը, անունն ու պատիվը վնասելուն։

Օրեր առաջ Լոռեցյան Լիլիթը, ըստ մեզ հասած տեղեկությունների, հանդիպում է խնդրել Վիրաբյանի նախկին փաստաբանից։ Հանդիպման ընթացքում, ինչպես մեզ է փոխանցվել, Լոռեցյան Լիլիթը փաստաբանին Հասմիկ Վիրաբյանի անունից ասել է, թե փաստաբանը կնոջից բաժանվում է Վիրաբյանի պատճառով։

Սա բացարձակապես չի համապատասխանում իրականությանը։

Զավեշտալին այն է, որ այս մարդկանց պատկերացումների մեջ միայն նմանատիպ տեղեկություններ են պտտվում, որոնք որևէ կապ չունեն իրականության հետ, սակայն ներկայացվում են որպես փաստ։

Լոռեցյան Լիլիթը նաև պնդում է, թե գոյություն ունի «Անի» անունով ֆեյսբուքյան էջ, և իբրև այդ էջը կառավարվում է Հասմիկ Վիրաբյանի կողմից  «օտզիվներ» ուղարկում՝ փաստաբանի էջին վնասելու նպատակով։

«Ամբիոն Նյուզ»-ը շատ լավ հասկանում է, թե ովքեր կարող են կանգնած լինել այս ամենի հետևում, և ովքեր են շահագրգռված նման տեղեկությունների տարածմամբ։

Մելադա Սարգսյան, դուք սխալ ուղղություն եք բռնել։

Այն տեղեկությունը, որ ձեր եղբայրը՝ Ռաֆիկը, մշտապես գումար է տալիս Վիրաբյան Գրիշային՝ ֆեյսբուքյան տիրույթում համապատասխան գրառումներ կատարելու համար, մեզ հասած տեղեկությունների համաձայն, ունի իր փաստական հիմքերը։

Միևնույն ժամանակ Վիրաբյան Գրիշան տեղեկատվություն է տարածում, թե Հասմիկ Վիրաբյանը կեղծել է Հնդկաստանի դեսպանատան հրավերը։

Ներկայացնում ենք հրավերը և հրավիրվող անձի՝ Ռան Ռավի Սինգհի տվյալները։

Ռան Ռավի Սինգհը շատ շուտով, Հասմիկ Վիրաբյանի մեծ ներդրման շնորհիվ, Հայաստանում իրականացնելու է կարևոր գործունեություն և ներդրում։ Ի դժբախտություն ձեզ՝ այդ գործընթացի մասին տեղեկացված են նաև կառավարության համապատասխան շրջանակները։

Եվս մեկ անգամ կոչ ենք անում դադարեցնել ձեր այս վարքագիծը։ Որտեղ ում մասին ինչ խոսում եք, բառացիորեն մի քանի րոպե անց այդ տեղեկությունը հասնում է մեզ։

Տիկին Լոռեցյան, գուցե ժամանակն է վերադարձնել կնոջ ոսկիների գումարը։ Նա դեռ համբերատար սպասում է։

Դուք, որքան մեզ հայտնի է, ժամանակին ներկայացել եք որպես պրոբացիայի աշխատակից։ Ուստի խորհուրդ ենք տալիս պահպանել հանգստություն և հեռու մնալ ինչպես մեր խմբագրությունից, այնպես էլ «Ամբիոն Նյուզ»-ի խմբագրից։

Հակառակ դեպքում ստիպված կլինենք հրապարակել այլ փաստեր և ձայնագրություններ, որոնց հրապարակումը, վստահ ենք, չի բխի ձեր շահերից։

«Ամբիոն Նյուզ»-ը շարունակում է հետևել իրավիճակին և անհրաժեշտության դեպքում հանրությանը կներկայացնի իր տրամադրության տակ առկա փաստերն ու նյութերը։