Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի եւ Գերագույն հոգեւոր խորհրդի անդամ վեց եպիսկոպոսների վերաբերյալ քրեական գործով նախնական դատալսումների նիստը նշանակվել է օգոստոսի 28-ին՝ ժամը 16։30-ին։
Մայր Աթոռից հայտնել են, որ ՀՀ քրեական դատավարության օրենսգրքի 272-րդ հոդվածի 4-րդ մասով նախատեսված իրավունքով՝ Ամենայն Հայոց Կաթողիկոսը եւ բարձրաստիճան հոգեւորականները նիստին չեն ներկայանա։ Նրանց շահերը կներկայացնեն պաշտպանները։
«Վեհափառ Հայրապետի եւ վեց եպիսկոպոսների նկատմամաբ կիրառվող մեղադրանքը անօրինական միջամտություն է Եկեղեցու ներքին կյանքին։ Ամենայն Հայոց Կաթողիկոսի եւ եպիսկոպոսների իրավունքները պետք է անհապաղ վերականգնվեն եւ նրանց նկատմամբ ապօրինի քրեական հետապնդումը՝ դադարեցվի»,- ասվում է Մայր Աթոռի հաղորդագրությունում։
Leave a Reply