Նորվեգիայի վարչապետ Յոնաս Գար Ստյորեն մամուլի ասուլիսի ժամանակ հայտարարել է, որ ԱՄՆ նախագահի հատուկ բանագնաց Սթիվ Ուիթքոֆը հոկտեմբերի 21-ին Օսլո այցից հետո կմեկնի Սանկտ Պետերբուրգ։
Նրա խոսքով՝ Ուիթքոֆը կհանդիպի Ռուսաստանի ղեկավարության ներկայացուցիչների հետ և կքննարկի հանդիպման արդյունքներն ու եվրոպացի և ամերիկացի գործընկերների մշակած առաջարկները։
Ստյորեն նշել է, որ այդ հանդիպումը կարող է նաև հիմք նախապատրաստել առաջնորդների մակարդակով բանակցությունների համար։
Հետևեք մեզ՝ այստեղ
ԱԺ նախկին պատգամավոր Սոֆյա Հովսեփյանի ֆեյսբուքյան գրառումը. «Քանի որ բան ու գործ թողել խոսում եք երեկվա հայտնի տեսանյութի բռնության մասին, ապա ես էլ ասեմ. լո՞ւրջ սիրելի կանայք, դուք կարծում եք, որ ձեր դերը շատ քիչ է բռնարար տղամարդկանց գոյության հարցում, թե՞ այդպես հարմար է մտածել:
Ուրեմն նախ, մինչև այդ տղամարդը ամուսին դառնա, առնվազն մի 18+ տարիներ ապրում է ընտանիքում, որտեղ կան ծնողներ, իսկ դոմինանտ դերում ՄԱՅՐԸ…
Էդ նույն մայրը մեծացնում է համ թշվառ աղջիկ, հա՛մ թշվառ տղա:
Դաստիարակության ամբողջ բեռը վերցնում են իրենց ուսերին ու չեն հաղթահարում (խոսքս վերաբերում է լիարժեք ընտանիքներին):
Հիմա գամ էդ տեսանյութին. 2 կանայք` մեկը բացարձակ անԵՍ, մյուսը` անկառավարելի ու անչափելի ագրեսիվ վարքագծով ու բառապաշարով:
Սրանք երկուսն էլ ունեն կամ կունենան երեխաներ:
Քանի՞ % է հավանականությունը, որ չեն մեծանա թշվառ ու բռնարար…
Ասեմ, որ նվազագույն` գրեթե չկա…
Հիմա գնացեք ուսումնասիրեք էդ տղամարդու հայրական ընտանիքը ու կհասկանաք, թե էդ վիճակը որտեղից է:
Ասածս ինչ է. քանի դուք մենակ խոսում եք տղամարդու բռնությունից, բռնությունը միշտ շատանալու է:
Երբ կանգնեք ու ազնվություն ունենաք ու խոսեք բռնության պատճառ հետևանքների մասին ու քայլեր ձեռնարկեք ամբողջական` հայրերի ու մայրերի ինստիտուտ ստեղծելու վրա, էդ ժամանակ արդարացի կլինի ձեր պայքարը, թե չէ հիմա որքան խոսեք, բայց առարկայական բան չանեք, այնքան խորացնելու եք երևույթը: Միայն օրենքը չի օգնի, համալիր քայլեր են պետք ու խոսել երկուստեք բռնության մասին:
Հիմա անտեղի օրակարգեր մի լցրեք:
Էդ առաջին տիկնոջն էլ ասեք, որ դադարեցնի բռնությունը իր և իր ամուսնու կողմից ու նախ դառնա օրինակ:
Օրինակ իր աղջիկների կիսամերկ, անֆորմ կերպարները, արհեստական բանտիկների ամենօրյա ցուցադրությունը իմ աչքերի հանդեպ բռնություն է, չհաշված գաղափարական առումով: (իրենց չեմ հետևում, էլի դուք եք տարածում)
Ինչո՞ւ չի կանխում…
Ամուլսարն էլ սար է»:
Վաղը TRIPP նախագծի շրջանակային համաձայնագիրը կներկայացվի…
Մասիսի համայնքի ղեկավար Նորայր Հակոբյանը ֆեյսբուքյան իր էջում գրում է․
«ՁԵԶ ՍՏՈՒՄ ԵՆ, ՊԱՐՈ՛Ն ՎԱՐՉԱՊԵՏ…
Ի պատասխան վարչապետ Նիկոլ Փաշինյանի՝ 2026 թվականի հոկտեմբերի 7-ին իմ կայացրած որոշման վերաբերյալ անդրադարձին՝ անհրաժեշտ եմ համարում ներկայացնել հետևյալը.
Նշված որոշմամբ աշխատանքից ազատել եմ Մասիս համայնքի Ազատաշեն բնակավայրի վարչական ղեկավարին՝ քաղաքական ուժերի հարաբերակցության փոփոխության հիմքով։
Համաձայն «Հանրային ծառայության մասին» ՀՀ օրենքի 6-րդ հոդվածի 5-րդ մասի՝ «Համայնքային վարչական պաշտոններն են… բազմաբնակավայր համայնքի կազմում ընդգրկված բնակավայրի վարչական ղեկավարի պաշտոնները»։Նույն հոդվածի 2-րդ մասով հստակ սահմանված է, որ «վարչական պաշտոն զբաղեցնող անձը կարող է փոփոխվել նաև քաղաքական ուժերի հարաբերակցության փոփոխության արդյունքում»։
Հաշվի առնելով վարչական ղեկավարի՝ իր քաղաքական ուղղվածությունը և դիրքորոշումը փոխելու մասին հայտարարությունը՝ ղեկավարվելով վերոնշյալ իրավական հիմնավորմամբ կայացվել է որոշումը։
Հանրության համար առավել ընկալելի օրինակով բացատրեմ իրավիճակը.
Պատկերացրեք՝ մարզպետը, նախարարը կամ նրա տեղակալը հայտարարում է, որ չի կիսում կառավարության որդեգրած քաղաքական ուղղվածությունը և միանում է ընդդիմությանը, սակայն շարունակում է պաշտոնավարել՝ պահպանելով իր քաղաքական պաշտոնը։ Արդյո՞ք նման իրավիճակում քաղաքական ուժերի հարաբերակցության փոփոխության հանգամանքը չպետք է դիտարկվի։
Հ.Գ.
1. Մասիս համայնքում որևէ մեկը չի կարող մեր կողմից քաղաքական հետապնդման ենթարկվել։ Մեր թիմը քաղաքական հետապնդումը համարում է թույլերի ձեռագիր։
2. Պարո՛ն վարչապետ, Երևանից Մասիս համայնք գործուղված անձը և Ձեր կուսակցության որոշ նոր անդամներ Ձեզ ոչ հավաստի տեղեկատվություն են փոխանցում։
3. Մնացածի մասին՝ նախընտրական քարոզարշավի ընթացքում»,- գրել է նա։
Ամանտիս էսթետիկ բժշկության կենտրոնի տնօրեն Մելանյա Չարչյանը սոցիալական ցանցի իր էջում ամուսնու հետ նոր՝ աշնանային ֆոտոշարք է հրապարակել։
Լուսանկարներում զույգը ներկայացել է աշնանային գեղեցիկ տրամադրության և ջերմ մթնոլորտի ներքո։ Ֆոտոշարքն առանձնանում է սեզոնին բնորոշ գույներով ու զույգի նուրբ ու ներդաշնակ կադրերով։
Մելանյա Չարչյանի հրապարակումը ուշադրություն է գրավում ոչ միայն աշնանային գունապնակով, այլև զույգի համատեղ լուսանկարներով, որոնք փոխանցում են ջերմություն և մտերմություն։
Լուսանկարները՝ Մելանյա Չարչյանի սոցիալական էջից։
Ռուսաստանը կլսի ԱՄՆ նախագահի հատուկ բանագնաց Սթիվ Ուիթքոֆի և Ջարեդ Քուշների առաջարկները, սակայն քաղաքական զիջումների չի գնա։ Այս մասին հայտարարել է ՌԴ արտաքին գործերի նախարար Սերգեյ Լավրովը։
Նրա խոսքով՝ Ռուսաստանը պետք է ապավինի միայն սեփական ուժերին և Վաշինգտոնից «ոչ մի հրաշք չի ակնկալում»։
Լավրովը նաև նշել է, որ ԱՄՆ-ն Ռուսաստանի համար լավագույն դեպքում կմնա մրցակից։
Հետևեք մեզ՝ այստեղ
ՀՀԿ ԳՄ անդամ Արտակ Զաքարյանը գրում է․
«Ֆրանսիայի նախագահ Էմանուել Մակրոնը եռօրյա այց է սկսել Պարսից ծոցի երկրներում։ Երեկ նա ժամանել է Քուվեյթ, որտեղ հանդիպել է էմիրի հետ։ Այցի հաջորդ կանգառներն են Արաբական Միացյալ Էմիրությունները, Բահրեյնը և Քաթարը։
Այցը տեղի է ունենում Ֆրանսիայում խորացող ներքաղաքական ճգնաժամի պայմաններում։ Երկիրը ցնցվում է զանգվածային բողոքի ցույցերից և անկարգություններից, վառելիքի գներն աճում են, իսկ կառավարության տնտեսական քաղաքականության նկատմամբ դժգոհությունը մեծանում է։
Այդուհանդերձ, նախագահ Մակրոնը Մերձավոր Արևելքում է, քանի որ Ֆրանսիայի էներգետիկ անվտանգությունն այսօր մեծապես կախված է ինչպես ռուս-ուկրաինական պատերազմից, այնպես էլ Պարսից ծոցի տարածաշրջանում տիրող իրավիճակից։
Այցի նպատակներից մեկը նավթի և նավթամթերքի լրացուցիչ մատակարարումների շուրջ պայմանավորվածություններ ձեռք բերելն է, ինչպես նաև Հորմուզի նեղուցը շրջանցող էներգակիրների փոխադրման այլընտրանքային ուղիների քննարկումը։ Իրանի շուրջ շարունակվող հակամարտությունն ու նավագնացության խափանումները լուրջ ռիսկեր են ստեղծում նաև եվրոպական տնտեսության համար։
Երկրորդ կարևոր թեման ծովային հաղորդակցության ուղիների անվտանգությունն է։ Փարիզը Լոնդոնի հետ համատեղ առաջ է մղում Հորմուզի նեղուցով ազատ նավագնացությունը վերականգնելու նախաձեռնությունը, այդ թվում՝ հնարավոր ականազերծման աշխատանքները։ Սակայն այդ ծրագրի իրականացումը կախված է Իրանի շուրջ ստեղծված իրավիճակից և Միացյալ Նահանգների դիրքորոշումից։
Ոչ պակաս կարևոր են նաև պաշտպանական ոլորտի պայմանագրերը։ Ֆրանսիան ակնկալում է ընդլայնել ռազմատեխնիկական համագործակցությունն արաբական միապետությունների՝ Քաթարի և ԱՄԷ-ի հետ։ Խոսքը ՀՕՊ համակարգերի, ռազմական տեխնոլոգիաների և նոր ներդրումների մասին է։
Այցը համընկնում է Դոհայում անցկացվող Անվտանգության գլոբալ ֆորումի հետ, որի հիմնական թեման միջազգային դաշինքների ապագան է։ Բացի այդ, հոկտեմբերի 21-ին Ֆրանսիայի նախագահը պետք է մասնակցի ինքնիշխան ներդրումային հիմնադրամների միջազգային ցանցի՝ One Planet-ի հանդիպմանը։
Այցն ունի նաև Լիբանանին առընչվող օրակարգեր։
Այսպիսով, Մակրոնը փորձում է միաժամանակ լուծել մի քանի խնդիր՝ ապահովել Ֆրանսիան էներգակիրներով, ձեռք բերել ռազմա-արդյունաբերական արտադրանք վաճառելու նոր պայմանագրեր, ինչպես նաև փորձել ամրապնդել ֆրանսիական դիրքերը Մերձավոր Արևելքում։
Այս շրջագայության արդյունքները կարևոր կլինեն ոչ միայն Ֆրանսիայի արտաքին քաղաքականության, այլև անձամբ Մակրոնի համար, ով իր նախագահության ժամկետը ստիպված կլինի ավարտվել ներքաղաքական ճգնաժամի և Ֆրանսիայի արտաքին քաղաքականության համար անկայուն ու նոր մարտահրավերների պայմաններում»։
դիտվել է 162 անգամ
Պլանային աշխատանքներ իրականացնելու նպատակով՝ հոկտեմբերի 21-ին ժամը 10:00-ից մինչև ժամը 19:00-ն, կդադարեցվի Լոռու մարզի Վանաձոր քաղաքի Աղայան փողոցի թիվ 74/1, 74/2, 74/3 բազմաբնակարան շենքերի, Ն.Ստեփանյան փողոցի 1-ին նրբանցքի գազասպառողների և հարակից տարբեր նշանակության հանրային կազմակերպությունների գազամատակարարումը։Պլանային աշխատանքներ իրականացնելու նպատակով՝ հոկտեմբերի 21-ին ժամը 09:00-ից մինչև հոկտեմբերի 22-ը ժամը 21:00-ն, կդադարեցվի Գեղարքունիքի մարզի Ճամբարակ քաղաքի, Այգուտ, Գետիկ, Վահան, Շորժա, Մարտունի, Թթուջուր, Դրախտիկ, Արտանիշ բնակավայրերի գազասպառողների, «Տիգարելլ», «Ուրսա Մաժոր» ՍՊԸ-ների ԱԳԼՃԿ-ների, «Աշտարակ Միլկ», «Ար-Տար» ՍՊԸ-ների (կաթնամթերքի արտադրություն), սեփականատեր Արսեն Նադարյանի (հացամթերքի արտադրություն), նշված բնակավայերում գործող այլ տարբեր նշանակության հանրային կազմակերպություների գազամատակարարումը։
Պլանային աշխատանքներ իրականացնելու նպատակով՝ հոկտեմբերի 21-ին ժամը 10:00-ից մինչև ժամը 15:00-ն, կդադարեցվի Լոռու մարզի Շահումյան բնակավայրի գազասպառողների գազամատակարարումը։
Տուգանքը 20 տոկոսով պակաս վճարելու հնարավորությունից օգտվելու համար roadpolice.am կայքում գրանցվող վարորդների թիվը շարունակում է աճել։ Այս մասին հայտնում է ՆԳՆ-ը։
«Հարգելի՛ քաղաքացիներ, շարունակում է գործել տեսալուսանկարահանող սարքերով արձանագրված իրավախախտումների համար սահմանված տուգանքը 20 տոկոսով պակաս վճարելու բոնուսային բաղադրիչը։
Այս հնարավորությունից օգտվելու հիմնական պայմանը roadpolice.am կայքում էլեկտրոնային ծանուցման համակարգն ակտիվացնելն է։
Ինչպե՞ս ակտիվացնել էլեկտրոնային ծանուցումը․ անհրաժեշտ քայլերը ներկայացված են ուղեցույց-տեսանյութում։
Անհրաժեշտ է խստորեն պահպանել երթևեկության բոլոր կանոնները, իսկ եթե դրանք խախտելու համար տուգանվել եք, ապա օգտագործեք թվային լուծումներ՝ տուգանքները նվազ վճարելու համար»,- ասվում է հաղորդագրության մեջ։
Հետևեք մեզ՝ այստեղ
Հոկտեմբերի 19-ին «Ալ-Ահլին» Սաուդյան Արաբիայի Պրո լիգայի 10-րդ տուրի արտագնա խաղում 3։2 հաշվով հաղթանակ է տարել «Ալ-Ֆեյհայի» նկատմամբ։ Հայաստանի ազգային հավաքականի կիսապաշտպան Էդուարդ Սպերցյանը խաղադաշտում անցկացրել է 89 րոպե։
Հանդիպման գլխավոր հերոսը դարձել է ուկրաինացի կիսապաշտպան Արտյոմ Բոնդարենկոն, որը դուբլ է ձևակերպել։ Հաղթողների կազմում ևս մեկ գոլի հեղինակ է դարձել սաուդցի հարձակվող Ֆիրաս Ալ-Բուրայկանը։
Սպերցյանը SofaScore վիճակագրական հարթակից ստացել է 7,1 գնահատական։
Այս հաղթանակի շնորհիվ «Ալ-Ահլին» շարունակում է պայքարը Սաուդյան Արաբիայի առաջնության առաջատար դիրքերի համար։ Անցկացրած ինը հանդիպումներից հետո Սպերցյանի թիմը զբաղեցնում է մրցաշարային աղյուսակի չորրորդ հորիզոնականը։
Հետևեք մեզ՝ այստեղ