Media Monitoring

Blog

  • Ֆասթ Բանկը խաղարկում է 5 հատ iPad



    Ֆասթ Բանկը խաղարկում է 5 հատ iPad A16, 128 GB Wi Fi մրցանակը։ Ֆասթ Բանկի բոլոր քարտապանները՝ անկախ քարտատեսակից, մինչև սեպտեմբերի 30-ը գնումներ կատարելով Yerevan Mall-ի վաճառակետերից՝ հնարավորություն ունեն շահել 5 iPad-ներից մեկը և մինչև սեպտեմբերի 7-ը՝ նաև ստանալ Բանկի պատրաստած 500 նվերներից մեկը։

    Ֆասթ Բանկի խաղարկությանը կարող են մասնակցել բոլոր այն քարտապանները, որոնք վերը նշված ժամանակահատվածում Yerevan Mall-ի վաճառակետերից կկատարեն հանրագումարային 30,000 ՀՀ դրամի անկանխիկ գնումներ։ Հավելենք նաև, որ յուրաքանչյուր քարտապան՝ անկախ քարտերի քանակից, կարող է ստանալ մասնակցության միայն մեկ կոդ, որը կուղարկվի արշավի ավարտից հետո։ Խաղարկությունն ամփոփվելու է  Ֆասթ Բանկի Youtube-յան էջում, օրը և ժամը կհրապարակվեն Բանկի պաշտոնական սոցիալական հարթակներում (FB, Insta, LI)։

    Ֆասթ Բանկի քարտապանները, ինչպես նշվել է, հնարավորություն ունեն  նաև ստանալ Բանկի պատրաստած 500 նվերներից մեկը։ Գնումներից հետո քարտապաններն առնվազն 30,000 ՀՀ դրամի անկանխիկ գնումները հավաստող կտրոնով կարող են մոտենալ Yerevan Mall-ում տեղեկատվական տաղավարին կից տեղակայված Ֆասթի բրենդավորված կետ և ստանալ  նվերային փաթեթ, որը ներառում է Ֆասթի բրենդավորված դպրոցական պայուսակ և գրենական պիտույքների հավաքածու։ Հավելենք նաև, որ նվերների քանակը սահմանափակ է և տրամադրվում են ըստ հերթականության՝ մինչև դրանց սպառումը։

    Մանրամասներին ծանոթանալու համար անհրաժեշտ է անցնել հետևյալ հղումով։

    Ֆասթ Բանկը շարունակաբար ընդլայնում է իր ծառայությունների շրջանակը՝ առաջարկելով 24/7 արագ, հարմարավետ և անվտանգ ֆինանսական լուծումներ Երևանում և Հայաստանի բոլոր մարզերում:

    Բանկը վերահսկվում է ՀՀ ԿԲ կողմից։


  • Նախարար Դավիթ Խուդաթյանը կմնասնակցի միջազգային ծովային ֆորումին | Տարածաշրջան

    Տարածքային կառավարման և ենթակառուցվածքների նախարար Դավիթ Խուդաթյանը 2026 թվականի սեպտեմբերի 6-7-ը կգործուղվի Վրաստան (Բաթում)՝ Վրաստանի միջազգային ծովային ֆորումին մասնակցելու նպատակով։ Այս մասին որոշում է ստորագրել ՀՀ վարչապետը։ 

    Դավիթ Խուդաթյանի՝ Վրաստան գործուղման ճանապարհածախսի և օրապահիկի ծախսերը կատարվելու են 2026 թվականի պետական բյուջեով Տարածքային կառավարման և ենթակառուցվածքների նախարարությանը հատկացված միջոցների հաշվին: Իսկ գիշերավարձի ծախսերը կատարվելու են հրավիրող կողմի միջոցների հաշվին։

    Գործուղումից վերադառնալուց հետո՝ եռօրյա ժամկետում, Դավիթ Խուդաթյանը ներկայացնելու է Վրաստան գործուղման արդյունքների մասին հաշվետվություն։

  • Դատարանը մերժել է Սամվել Կարապետյանի վերաքննիչ բողոքը․ Նազելի ԲաղդասարյանԱրտերկրից վերադարձող ընտանիքների և նրանց երեխաների կրթությունը պատշաճ կազմակերպվում է. ԿԳՄՍ նախարար956 հզր եվրոյի մաքսանենգություն կատարելու վերաբերյալ քրեական վարույթի նախաքննությունն ավարտվել է․ ՔԿՎահան Սիրունյանը և Էդգար Մկրտչյանը վերանշանակվել են ֆինանսների փոխնախարարների պաշտոններումՊետությանը պատճառված 520 մլն դրամի վնասը վերականգնվել էԴավիթ Խուդաթյանը կգործուղվի Բաթում՝ մասնակցելու Վրաստանի միջազգային ծովային ֆորումինԳուրգեն Աֆրիկյանը վերանշանակվել է Պրոբացիայի ծառայության պետ, Սիրո Ամիրխանյանը՝ Գլխավոր հարկադիր կատարողԱրման Խոջոյանը վերանշանակվել է էկոնոմիկայի նախարարի տեղակալի պաշտոնումՌուսական կողմի հասցեին ՀՀ

    Դատարանը մերժել է Սամվել Կարապետյանի վերաքննիչ բողոքը․ Նազելի ԲաղդասարյանԱրտերկրից վերադարձող ընտանիքների և նրանց երեխաների կրթությունը պատշաճ կազմակերպվում է. ԿԳՄՍ նախարար956 հզր եվրոյի մաքսանենգություն կատարելու վերաբերյալ քրեական վարույթի նախաքննությունն ավարտվել է․ ՔԿՎահան Սիրունյանը և Էդգար Մկրտչյանը վերանշանակվել են ֆինանսների փոխնախարարների պաշտոններումՊետությանը պատճառված 520 մլն դրամի վնասը վերականգնվել էԴավիթ Խուդաթյանը կգործուղվի Բաթում՝ մասնակցելու Վրաստանի միջազգային ծովային ֆորումինԳուրգեն Աֆրիկյանը վերանշանակվել է Պրոբացիայի ծառայության պետ, Սիրո Ամիրխանյանը՝ Գլխավոր հարկադիր կատարողԱրման Խոջոյանը վերանշանակվել է էկոնոմիկայի նախարարի տեղակալի պաշտոնումՌուսական կողմի հասցեին ՀՀ-ից հնչող վերջին հավակնություններն ու դժգոհությունները զարմանք են առաջացնում. Լավրով Արարատ գյուղի զբոսայգին ամբողջությամբ վերադարձվեց Արարատ համայնքի տիրապետմանըՀայաստանի ծանրամարտի հավաքականը Եվրոպայի 2026 թվականի առաջնությունում նվաճել է 26 մեդալ«Արարատ-Արմենիան» Եվրոպա լիգայի ուղեգիր նվաճեցՇիրակի մարզի քրեական ոստիկանների բացատրական աշխատանքի արդյունքում կամավոր զենք-զինամթերք է հանձնվելԽորհրդարանը երկրորդ ընթերցմամբ և ամբողջությամբ ընդունեց 3 նախարարությունների անվանափոխության մասին նախագիծըԱդրբեջանի ԱԳՆ-ն Մոսկվային կոչ է արել հետաքննել Բաքվի դեսպանության հյուրատան մոտ տեղի ունեցած միջադեպըԵրեք նախարարությունների անվանափոխության մասին նախագիծն ընդունվեց առաջին ընթերցմամբ2-3 անգամ կրակել է, հայհոյել, ծեծել. Մարտուն Գրիգորյանի որդու գործի մանրամասներըՑանկանում եմ հաշվետվություն ներկայացնել․ Արսեն Թորոսյանն ամփոփել է պաշտոնավարման մեկ տարին Վարչապետը շնորհավորական ուղերձ է հղել Մոլդովայի նախագահինԼիլիթ Մակունցը ու ՄԱԿ-ի ներկայացուցիչը քննարկել են COP17-ի անցկացման մանրամասներըՈրևէ դատապարտյալ ծեծի չի ենթարկվել. ՔԿԾ-ն՝ «Նուբարաշեն» ՔԿՀ-ում տեղի ունեցածի մասինԳոռ Վարդանյանը վերընտրվել է Պոլիտեխնիկի ռեկտորի պաշտոնումՏեղի է ունեցել Հայաստանի և Վրաստանի վարչապետներ Նիկոլ Փաշինյանի և Իրակլի Կոբախիձեի հեռախոսազրույցըՕրենքների նախագծերի փաթեթով առաջարկվում է երեք նախարարության անվանափոխություն և գործառույթների վերանայում. Սրբուհի ԳալյանՀայաստանում առաջին անգամ կհավաքվեն 90-ականների չորս աշխարհահռչակ աստղեր՝ Haddaway-ը, Mr. President-ը, Dr. Alban-ը և Boney M.-ըԵրևանը մինչ օրս հարկ չի համարել ԵԱՏՄ-ի հետ համաձայնեցնել եվրաինտեգրման իր ձգտումները. ԶախարովաՀրշեջ-փրկարարները մարել են «Ջրվեժ» անտառպարկում բռնկված հրդեհըԴատարանում Ալեն Սիմոնյանը հաղթել է Անժելա Թովմասյանին. նա ներողություն կխնդրի և գումար կվճարիՊետական դավաճանության դեպքերով կայացվել է 4 դատավճիռ՝ մինչև 16 տարվա ազատազրկմամբ. դատախազությունն ամփոփել է 2025-2026 թվականների տվյալներըՌոբերտ Քոչարյանին քրեական պատասխանատվության ենթարկելու վաղեմության ժամկետներն անցած չեն. Գլխավոր դատախազությունԱրարատ համայնքի տիրապետմանն է վերադարձվել Արարատ գյուղի զբոսայգում գտնվող ևս 1 հողատարածքԱԳՆ-ն ցավակցություն է հայտնել Նեպալում և Չինաստանում ջրհեղեղների հետևանքով զոհվածների ընտանիքներինՌոբերտ Քոչարյանը կալանավորվել էՏեղի է ունեցել Զինված ուժերում ինքնասպանությունների և ոչ կանոնադրային հարաբերությունների հարցերի առնչությամբ համակարգային լուծումներ մշակող միջգերատեսչական աշխատանքային խմբի անդրանիկ նիստըԱԳ երեք փոխնախարարները վերանշանակվել են պաշտոններումՀանրաքվեի դեպքում Հայաստանի բնակչության արձագանքը կվշտացներ Ռուսաստանին. Ալեն ՍիմոնյանԽոշոր հրդեհ Նոր Գեղի բնակավայրում․ դեպքի վայր է մեկնել 4 մարտական հաշվարկԵղեգնաձոր համայնքին է վերադարձվել 0.03 հա մակերեսով հողամասԳևորգ Պապոյանը Արագածոտնի մարզում մասնակցել է Agro Prom լոլիկի գերժամանակակից ջերմոցային համալիրի պաշտոնական բացմանըՁերբակալվել է Ճամբարակի զորամասի գումարտակի շտաբի պետըՌոբերտ Քոչարյանի գործով անցնող 6 անձանցից 4-ը կալանավորվել ենԲաքվի Սլավոնական համալսարանում կդասավանդվի հայերեն, հայտնում են ադրբեջանական ԶԼՄ-ներըՌուսաստանի գործընկերների հետ խոսակցությունը շարունակվում է. այն բարդ է, բայց անկեղծ. Սոնա ՂազարյանՀայ տնտեսվարողների դեմ անտեղի սահմանափակումները չեն համապատասխանում ո՛չ ՀՀ-ՌԴ ոգուն, ո՛չ ԵԱՏՄ կանոններինՀՀ ՏԿԵՆ-ում Իրանի դեսպանի հետ քննարկվել է Արաքս գետի վրա երկրորդ կամրջի կառուցման նախաձեռնությունըԱԺ եվրոպական ինտեգրման հարցերի մշտական հանձնաժողովի նախագահ ընտրվեց Հարություն ՀարությունյանըԱրարատ համայնքի տիրապետմանն է վերադարձվել Արարատ գյուղի զբոսայգում գտնվող հողատարածքը․ դատախազությունԴատախազությունը պահանջում է անվավեր ճանաչել Ծառուկյանի հետ փոխկապակցված մի շարք անշարժ գույքերի գործարքները. հայցադիմումներն ընդունվել են դատարանի վարույթՀայաստանը չի խոչընդոտի նոր մոբիլիզացիայից խուսափող ռուսաստանցիների մուտքը երկիր. Ալեն ՍիմոնյանԱյսօր ձերբակալված անձանց նկատմամբ կալանքի միջնորդություններ են ներկայացվել Հակակոռուպցիոն դատարան. Ռոբերտ Քոչարյանը դատարան կներկայացվի բժշկական հետազոտություններից հետոՄենք արդեն աշխատում ենք Հայաստանը ԵՄ-ին ավելի մոտեցնելու ուղղությամբ. ԵՄ ընդլայնման հարցերով խոսնակՍարգիս Խանդանյանը հանդիպել է Վրաստանում ՆԱՏՕ-ի կապի գրասենյակի ղեկավարի հետ Զելենսկին Հայաստանի հետ ավելի սերտ համագործակցության հույս է հայտնելՈստիկանությունը ուսումնական տարվա մեկնարկին ուժեղացված ծառայություն կիրականացնիՊրծել է ձեր մաֆիայի ժամանակները․ պիտի նստեն, պիտի փող չունենան, դա իմ քաղաքական հանձնառությունն է․ Նիկոլ ՓաշինյանՉկա հիմնավորում՝ որտեղից այդ գումարը. Սիսակ Գաբրիելյանը՝ Ռոբերտ Քոչարյանի գործի մասինՊետությանը պատճառվել է շուրջ 2.6 մլրդ դրամի վնաս. Ռոբերտ Քոչարյանի հետ փոխկապակցված ընկերությունների տնօրենները ձերբակալվել ենՌԴ դեսպանը շնորհավորել է Ալեն Սիմոնյանին ԱԽ քարտուղարի պաշտոնում նշանակվելու առիթովԴատախազը հանրային քրեական հետապնդում է հարուցել Սեդրակ Քոչարյանի, Սերժ Սարգսյանի, Անդրանիկ Մարգարյանի, Գագիկ Բեգլարյանի, Սամվել Մայրապետյանի և ևս 4 անձի նկատմամբԿա՛մ մանդատները վայր դրեք ու զբաղվեք հեղափոխությամբ, կա՛մ աշխատեք. Փաշինյանը՝ ընդդիմությանըՀայաստանն ու Ուրուգվայը միավորող ամուր բարեկամական հարաբերությունները շարունակաբար զարգանում և ամրապնդվում են. Նիկոլ ՓաշինյանԽուզարկություններ «Բարս» անշարժ գույքի գործակալությունումԽուզարկություններ են իրականացվում Stefano Ricci և Corneliani խանութ-սրահներումԽուզարկություններ՝ «Օրանժ ֆիթնես» ակումբում և «Փլեյ սիթի» զվարճանքի կենտրոնումՀԱՊԿ-ը ռազմական ոլորտում Հայաստանի հետ չի համագործակցում. ՌԴ ԱԳՆՏեղի է ունեցել Փաշինյանի հեռախոսազրույցը Տոկաևի հետԵրկրաշարժ Վրաստանում. այն զգացվել է նաև Շիրակի մարզումՔննարկվել են ԶՈՒ-ում մարդու իրավունքների պաշտպանությանն առնչվող մի շարք հարցեր․ հանդիպում ՄԻՊ գրասենյակումՄիջազգային մրցույթով պետք է ոլորտի թոփ կառավարիչներից մեկին կամ կոնսորցիումին ներգրավենք ՀԷՑ-ի կառավարման գործում. Նիկոլ ՓաշինյանՀՀ երկաթուղին ՀՀ սեփականությունն է. Նիկոլ ՓաշինյանՀՀ ԱԺ-ն մտադիր է շարունակել կառուցողական երկխոսությունը. Ռուբինյանը՝ ԿոպիրկինինՀՀ ժողովուրդը, որ իշխանության կրողն է, ունի հարցեր, որոնց պատասխանը պետք է ստանա. Նիկոլ ՓաշինյանԱյն, որ մահերի համար կարելի է մեղադրել Պաշտպանության նախարարին, սա նորություն է ՀՀ-ի համար։ Սուրեն ՊապիկյանՌուսաստանը պատրաստ է կառուցողական երկխոսություն սկսել Հայաստանի հետ. ՕվերչուկԸստ մեղադրանքի՝ ընտրողը «Ուժեղ Հայաստան»-ին քվեարկելու դիմաց խնդրել է ՌԴ-ում որդիներին քրեական պատասխանատվությունից ազատել. FactorS&P Global Ratings-ը վերահաստատել է Հայաստանի BB-/B վարկանիշը՝ պահպանելով «դրական» հեռանկարըԵրևանը կարևորում է Կիևի հետ աճող կապերը. ԱԳՆ-ն շնորհավորել է Ուկրաինային անկախության օրվա առթիվՍեպտեմբերի 1-ին Հայաստանում կանցկացվեն թվային հեռուստատեսային հեռարձակման ցանցի պլանային աշխատանքներՄենք ուզում ենք, որ բարեկեցության հիմնական բանաձևը լինի աշխատանքը. ՀՀ վարչապետԳեղարքունիքի ոստիկանները ապօրինի պահվող զենք-զինամթերք և թմրամիջոց են հայտնաբերելՈւկրաինական դրոնները թիրախավորել են «Օզոն»-ի պահեստներըՊլանավորել են Ազգային Ժողովում սադրել վարչապետին։Հայկ Մովսիսյանը՝ Եվրոպայի Մ15 տարեկանների առաջնության փոխչեմպիոնԶինծառայողի մահվան դեպքի առթիվ նախաձեռնվել է քրեական վարույթ. առերևույթ սպանություն կատարած անձը ձերբակալվել էՔննիչների կողմից ոստիկանին դաժան ծեծի ենթարկելու լուրը կեղծ և մտացածին զրպարտություն է. ՔԿԴատախազական ներգործության արդյունքում՝ Շիրակի մարզի Աշոցք համայնքի տիրապետմանն է վերադարձվել 7,5 հա մակերեսով 2 հողատարածք«Վարչաֆեստ 2026» երիտասարդական երաժշտական մրցույթ-փառատոնի հաղթողները հայտնի կլինեն այսօր՝ օգոստոսի 22-ինՎայոց ձորի մարզի քրեական ոստիկանները Մարտիրոս գյուղի բնակչի տանը թմրամիջոցի 11 փաթեթ և կանեփի 46 բույս են հայտնաբերելԱվետիք Չալաբյանն ազատ է արձակվել. Գլխավոր դատախազությունը կբողոքարկի որոշումըԱրարատ քաղաքի մոտ բախվել են բեռնատար գնացքն ու բեռնատար ավտոմեքենանԼեհաստանը բավարարել է Հայաստանի գլխավոր դատախազության միջնորդությունը. հետախուզվող անձը հանձնվել է ՀՀ իրավասու մարմիններինՊրոբացիայի ծառայության և Ջրվեժի համայնքապետարանի պաշտոնյաները մեղադրվում են կեղծ փաստաթղթեր կազմելու համարԺաննա Անդրեասյանը հերթական հանդիպումն է ունեցել աշակերտների և ուսանողների հետԾաղկաձորի «Ռիպա» հյուրանոցի խոհանոցի արտադրական գործունեությունը կասեցվել էՀՀ տիրապետմանն է վերադարձվել Սևանա լճի ափամերձ՝ 3100 քմ մակերեսով հողատարածքըԷլեկտրական հեծանիվը վրաերթի է ենթարկել իտալական Կոմոյի քաղաքապետինՎանաձորի Երկաթուղայինների այգուց մինչև Ալավերդու ճոպանուղի․ Վարդապետյանը շրջել է համայնքներին վերադարձված տարածքներովԱլեքսանդր Լուկաշենկոն շնորհավորել է Կտրիճ Ներսիսյանին՝ ծննդյան օրվա առթիվՆԳՆ Երևանի քրեական ոստիկանները թմրամիջոցների վաճառքով զբաղվող տելեգրամյան ալիքների տնօրինողներ են հայտնաբերելԻրաքի շրջաններից արևադարձային տաք օդի ալիք է ներթափանցում. ջերմաստիճանը կբարձրանա 5-6 աստիճանով

  • Թու’, անամոթ. Արման Սարոյանը ոստիկանական ուղեկցությամբ եկավ դատարան

    Ամենաօպերատիվ և օբյեկտիվ տեղեկատվությունները Հայաստանից և աշխարհից, մեկ հարթակում։ Բացառիկ հարցազրույցներ և մեկնաբանություններ՝ հնչեղ իրադարձությունների շուրջ։

  • Ծնողներին սոցիալական կրեդիտի համակարգով կվերադարձնեն 3 000 դրամը դպրոցական դասագրքերի համար

    Նոր ուսումնական տարվա մեկնարկին Հայաստանի կրթության, գիտության, մշակույթի և սպորտի նախարարությունը ծնողներին հիշեցրել է համընդհանուր եկամուտների հայտարարագրման համակարգի շրջանակում դպրոցական դասագրքերի համար 3 000 դրամի չափով սոցիալական կրեդիտ ստանալու հնարավորության մասին։ Այս հնարավորությունից կարող են օգտվել ավելի քան 300 հազար երեխաների ծնողներ։

    Տարրական դասարանների աշակերտների համար դասագրքերն ամբողջությամբ անվճար տրամադրվում են պետության կողմից։ Հաջորդ դասարանների համար գործում է այլ համակարգ՝ ծնողները վճարում են դրանց արժեքը, սակայն սոցիալական կրեդիտը հնարավորություն է տալիս փաստացի փոխհատուցել այդ ծախսերը։

    Մասնավորապես, հինգերորդ և վեցերորդ դասարաններում սոցիալական կրեդիտի չափը համադրելի է դասագրքերի արժեքի հետ։ Հետևաբար, կրթության, գիտության, մշակույթի և սպորտի նախարար Ժաննա Անդրեասյանի խոսքով, փաստացի այս դասարանների համար դասագրքերի վճարը զրոյացվում է։

    Միաժամանակ, վերջին շրջանում դասագրքերն ավելի էժան են դարձել։ Դասագրքերի գնման ոլորտում կարգի և մրցակցային քաղաքականության փոփոխությունից հետո դրանց արժեքը միջինը նվազել է 26 տոկոսով։ Մնացած դասարաններում դասագրքերի արժեքը նվազել է ավելի քան 66 տոկոսով։

    Նախարարը ծնողներին կոչ է արել չմոռանալ մասնակցել եկամուտների համընդհանուր հայտարարագրման համակարգին, քանի որ դրա միջոցով նրանք կարող են վերադարձնել դասագրքերի համար վճարված գումարը։

    «Քանի որ ուսումնական տարին նոր է սկսվում, և մեր ծնողներն այժմ բախվելու են այս հարցին, ուզում եմ ևս մեկ անգամ օգտվել առիթից՝ հիշեցնելու և նրանց տեղեկացնելու, որպեսզի նրանք չմոռանան մասնակցել եկամուտների համընդհանուր հայտարարագրման համակարգին և դրա շնորհիվ հետ ստանան դասագրքերի համար վճարված գումարները, որոնք նույնպես կաջակցեն իրենց երեխաների կրթությանը», — ասել է Անդրեասյանը։

  • ՔՊ-ի համայնքապետի թեկնածուն 51 անշարժ գույք, 12 տրանսպորտային միջոց ունի․ «Հրապարակ»





    «Հրապարակ օրաթերթ»-ը գրում է․ Ստեփանավան խոշորացվող համայնքի (Ստեփանավան, Գյուլագարակ, Լոռի Բերդ) հոկտեմբերի 25-ին կայանալիք ՏԻՄ ընտրություններում ՔՊ-ի թեկնածուն Լոռի Բերդ խոշորացված համայնքի գործող ղեկավար Արայիկ Ներսիսյանն է: Նախկին ՀՀԿ-ական Արայիկ Ներսիսյանը 21 տարի եղել է Կողեսի գյուղապետը: 2017-ին կրկին ՀՀԿ-ի կողմից առաջադրվել ու ընտրվել է խոշորացված Լոռի Բերդ համայնքի ղեկավար, իսկ չորս տարի անց նախկին հանրապետականը ճամբարափոխ է եղել՝ դարձել ՔՊ-ական:

    Նա Հայաստանի հարուստ համայնքապետերից է։ 2023 թվականին նա հայտարարագրել է 51 անշարժ գույք, որոնց մեծ մասը՝ 45-ը՝ միանձնյա սեփականության իրավունքով։ Դրանցից 50-ը գտնվում է Լոռու մարզի Ստեփանավան եւ Լոռի Բերդ համայնքներում, մեկը՝ Երեւանում։ Համայնքապետի հայտարարագրում նշված է 40 հողամասի, 5 բնակարանի, 1 արտադրական շինության եւ 2-ական բնակելի տան, ավտոտնակների ու հասարակական նշանակության շինությանների մասին։ Հայտարարագրել է 12 տրանսպորտային միջոց, որից 2-ը՝ FORD բեռնատար տրանսպորտ, 3 MERCEDES-BENZ մարդատար ավտոմոբիլային տրանսպորտի միջոց, 6 գյուղտեխնիկա, 1 ZIL բեռնատար մեքենա: Դրամական միջոցները տվյալ տարվա սկզբում կազմել են 40 հազար դոլար եւ 12 մլն դրամ, իսկ տարեվերջին՝ 60 հազար դոլար եւ 20 մլն դրամ։ 2026 թվականին ներկայացրած հայտարարագրում նշել է 36 անշարժ գույք, 12 տրանսպորտային միջոց, որից 3-ը՝ FORD բեռնատար եւ մարդատար, 3 MERCEDES-BENZ մարդատար ավտոմոբիլային տրանսպորտի միջոց, 7 գյուղտեխնիկա: Տվյալ տարվա սկզբում հայտարարագրել է 60 հազար դոլար եւ 30 մլն դրամ, իսկ տարեվերջին՝ 60 հազար դոլար եւ 40 մլն դրամ: Նա որպես եկամուտ՝ ներկայացրել է 4 մլն 772 հազար դրամ աշխատավարձ եւ «ՀՈՒՆԱՅԿԱ» ՍՊԸ-ից 1 մլն 198 հազար դրամ վարձակալության եկամուտ: Արայիկ Ներսիսյանը, լինելով ՀՀԿ-ական գյուղապետ, ոչ միայն հասցրել է ունեցվածք կուտակել, այլ նաեւ մեդալներ եւ պարգեւներ է ստացել: 2008-ին նա պարգեւատրվել է ԼՂՀ «Մայրական երախտագիտություն», 2009-ին՝ «Մարշալ Բաղրամյան» մեդալներով (նշենք, որ ՀՀ զինված ուժերի «Մարշալ Բաղրամյան» մեդալով պարգեւատրվում են Հայրենական մեծ պատերազմում մարտական գործողություններին մասնակցած անձինք, աշխատանքի վետերանները, որոնք ակտիվորեն մասնակցում են երիտասարդության ռազմահայրենասիրական ոգով դաստիարակությանը, ՀՀ ազգային բանակի գեներալները եւ սպաները, շարքայինները եւ սերժանտները, որոնք անմիջական մասնակցություն են ունեցել ՀՀ սահմանների պաշտպանության ժամանակ մարտական գործողություններին), 2010-ին՝ «Վազգեն Սարգսյան», 2011-ին՝ «ՀՀ զինված ուժեր 20 տարի», 2013-ին՝ ՀՀ երկրապահ կամավորականների միության հրամանով «ԵԿՄ 20 տարի» մեդալներով, 2016-ին՝ ՀՀ տարածքային կառավարման եւ զարգացման նախարարության ոսկե մեդալով: Իսկ փաշինյանական կառավարման տարիներին Ներսիսյանը չի պարգեւատրվել, որքան էլ որ Պնախարար Սուրեն Պապիկյանի հարազատ համայնքի ղեկավարն է:

    Արայիկ Ներսիսյանին հարցրինք՝ համայնքը ղեկավարելուց բացի, ի՞նչ այլ աշխատանք եւ կողմնակի եկամուտ ունի։ «Զբաղվում եմ գյուղատնտեսությունով, ի սկզբանե դա եղել է մեր ընտանիքի հիմնական զբաղմունքը, այլ զբաղմունքի տեսակ չի եղել: Տարիներ շարունակ դա եղել է իմ ծնողների օգնությամբ: Անասնապահություն չունենք, դաշտավարություն է, հիմնականում սեփականատերերից ձեռք բերված հողեր են, որը որոշ մարդիկ ուզեցել են օտարեն: Եթե մարդը վարելահողը ծախում է, ուրեմն խոտհարք իրեն պետք չի, բայց դա որպես միավոր, 2000 մետր, 3000 մետր խոտհարքը, որպես անշարժ գույք երեւում է, բայց դա այն անշարժ գույքը չի: Ես բազմիցս ասել եմ, որը որ ընդամենը անշարժ գույք անվան տակ կարելի է գնահատել մարդու կարողությունները: Ես կարամ ասեմ, որ մեր Լոռվա տարածաշրջանում, նամանավանդ խոտհարքները, չի կարելի համարել այդպիսի լուրջ կապիտալ, անշարժ գույք: Ասենք՝ մարդիկ ունեն 1 կտոր վարելահող, 2 կտոր խոտհարք, եթե օտարում եմ, իրար հետ եմ օտարում, նույն արժեքով: Մարդիկ օտարել են, քանի որ իրենց էլ պետք չի եղել: Ես էլ գնել եմ, մարդկանց տալիս եմ, իրենց ասում եմ՝ հարկը վճարեք, օգտագործեք: Իմ սեփական հողատարածքները տվել եմ նաեւ վարձակալության «Հունայկա» ՍՊԸ-ին եւ եկամուտ եմ ստանում: Հայրս տուն է ունեցել կառուցված 1980 թվականին՝ Ստեփանավանում, հորս մահից հետո չշարունակեցի սարքել, օտարել եմ: Ինչ վերաբերում է մեքենաներին, դա ճոխություն չի, դա փոխադրամիջոց է, առանց դրա հնարավոր չի»:

    Մի ուշագրավ հանգամանք եւս՝ Արայիկ Ներսիսյանի հետ կապված: Գյուղապետ աշխատած տարիներին նա վաճառքի է հանել համայնքային հողերը ու հենց ինքն էլ գնել: Պարզվում է, որ ՀՀ դատախազությունը քրեական վարույթ է հարուցել, եւ Արայիկ Ներսիսյանը համայնքին (պետությանն) է վերադարձրել ապօրինի օտարված գյուղատնտեսական նշանակության հողատարածքներից 2 հեկտարը:



    դիտվել է 217 անգամ

  • Ընտանեկան բռնության մասին ավելի հաճախ են հաղորդում․ 79% աճ կա

    Հայաստանում ընտանեկան բռնության վերաբերյալ ոստիկանություն ստացվող հաղորդումների թիվը վերջին տարիներին զգալիորեն աճել է։ Եթե 2022 թվականին ոստիկանությունը ստացել էր 1547 հաղորդում, ապա 2025-ին դրանց թիվը հասել է 2775-ի՝ երեք տարում աճելով շուրջ 79 տոկոսով։

    Աճել է նաև ընտանեկան բռնության ենթարկված անձանց թիվը․ 2023 թվականին ոստիկանության հաշվառման մեջ եղել է 1185 անձ, 2024-ին՝ 1786, իսկ 2025-ին՝ արդեն 2548։ Ընդ որում, բռնության ենթարկվածների ճնշող մեծամասնությունը կանայք են, իսկ բռնություն գործադրածներինը՝ տղամարդիկ։

    «Փաստերի ստուգման հարթակն» ուսումնասիրել է Ներքին գործերի նախարարության տրամադրած 2018-2026 թվականների տվյալները՝ պարզելու, թե ինչպես է փոխվել ընտանեկան բռնության վիճակագրությունը, ովքեր են առավել հաճախ ենթարկվում բռնության, որքան հաճախ են դեպքերը կրկնվում և ինչ միջոցներ է կիրառում ոստիկանությունը։

    Հաշվառումը սկսվել է 2018 թվականից

    «Ընտանիքում բռնության կանխարգելման, ընտանիքում բռնության ենթարկված անձանց պաշտպանության և ընտանիքում համերաշխության վերականգնման մասին» օրենքն ընդունվել է 2017 թվականի դեկտեմբերի 13-ին և ուժի մեջ մտել 2018 թվականի հունվարի 31-ին։ Բռնության ենթարկված անձանց պաշտպանության միջոցները սահմանող դրույթներն ուժի մեջ են մտել 2018 թվականի հունիսի 30-ին։ 

    2024 թվականի հուլիսի 1-ից այս օրենքը գործում է նոր անվանումով՝ «Ընտանեկան և կենցաղային բռնության կանխարգելման ու ընտանեկան և կենցաղային բռնության ենթարկված անձանց պաշտպանության մասին»։ Այսինքն՝ ընդլայնվել է նաև դրա շրջանակը, ընտանեկան ու կենցաղային բռնություն է համարվում նաև բռնությունը նախկին զուգընկերների և ընտանիքի նախկին անդամների միջև՝ անկախ նրանց համատեղ բնակվելու հանգամանքից։ 

    Բացի այդ, ընտանիքում բռնության դեպքին ականատես եղած երեխան ևս համարվում է բռնության ենթարկված անձ։  

    Ոստիկանությունը համադրելի վիճակագրությունը ներկայացնում է հենց այդ ժամանակահատվածից։ 2018 թվականի հունիսի 30-ից մինչև տարեվերջ ոստիկանությունը ստացել է ընտանեկան բռնության վերաբերյալ 990 հաղորդում։

    Հաջորդ տարիներին պատկերը հետևյալն է․

    • 2019 — 1886,
    • 2020 — 1888,
    • 2021 — 1644,
    • 2022 — 1547,
    • 2023 — 1819,
    • 2024 — 2255,
    • 2025 — 2775,
    • 2026 թվականի առաջին կիսամյակ — 1375 հաղորդում։

    Այսպիսով, 2022 թվականից հետո հաղորդումների թիվը շարունակաբար աճել է։ 2025-ի ցուցանիշը 2022-ի համեմատ բարձր է 1228 դեպքով կամ շուրջ 79.4 տոկոսով։ 

    Այս համեմատությունը, սակայն պետք է դիտարկել նաև 2024-ին օրենքի շրջանակի ընդլայնման համատեքստում։

    Միաժամանակ կարևոր է ընդգծել, որ հաղորդումների թվի աճն ինքնին դեռ չի նշանակում նույն չափով ընտանեկան բռնության փաստացի տարածվածության աճ։ Թվի վրա կարող են ազդել նաև հաղորդումների գրանցման, բացահայտման և ոստիկանություն դիմելու վարքագծի փոփոխությունները։

    Ամենաշատ հաղորդումները ստացվել են Երևանից 

    2025 թվականին ընտանեկան բռնության վերաբերյալ ամենաշատ հաղորդումները ստացվել են Երևանից՝ 1208։

    Մարզերում ամենաբարձր ցուցանիշներն արձանագրվել են Արարատում՝ 324, Լոռիում՝ 264 և Արմավիրում՝ 221 հաղորդում։

    Համեմատության համար՝ Երևանում 2019 թվականին գրանցվել էր 638 հաղորդում,

    • 2020 — 644,
    • 2021 — 545,
    • 2022 — 547,
    • 2023 — 580,
    • 2024 — 856,
    • 2025 — 1208։

    2026 թվականի առաջին կիսամյակում Երևանից ստացվել է 540 հաղորդում։ 2019-ի համեմատ 2025-ին Երևանում հաղորդումների թիվն աճել է 50-ով կամ շուրջ 89 տոկոսով։ Այսինքն՝ դրանք գրեթե կրկնապատկվել են։

    Սակայն այս թվերով հնարավոր չէ եզրակացնել, թե Հայաստանի որ հատվածում է ընտանեկան բռնությունն առավել տարածված։ Երևանում և մարզերում բնակչության՝ ոստիկանություն դիմելու վարքագիծը կարող է տարբեր լինել։ Մասնավորապես, մարզերում մշակութային և սոցիալական առանձնահատկությունները, ընտանեկան հարաբերությունների վերաբերյալ պահպանողական պատկերացումները կամ բռնության մասին բարձրաձայնելու նկատմամբ վերաբերմունքը կարող են ազդել դիմելիության մակարդակի վրա։ 

    Հետևաբար ոստիկանությունում գրանցված ավելի քիչ հաղորդումները պարտադիր չեն նշանակում, որ տվյալ մարզում ընտանեկան բռնության դեպքերն իրականում ավելի քիչ են։ 

    Բռնության ենթարկվածների մեծ մասը կանայք են

    Ոստիկանությունը բռնության ենթարկված և բռնություն գործադրած անձանց սեռով տարանջատված տվյալները սկսել է մշակել 2020 թվականից։

    2025 թվականին հաշվառվել է ընտանեկան բռնության ենթարկված 2548 անձ, որոնցից 2201-ը կին են, 347-ը՝ տղամարդ։ Այսինքն՝ հաշվառված բռնության ենթարկվածների շուրջ 86.4 տոկոսը կանայք են։

    Նույն թվականին հաշվառվել է բռնություն գործադրած 2487 անձ, որոնցից 2204-ը տղամարդ են, 283-ը՝ կին։ Այս դեպքում տղամարդկանց բաժինը կազմում է շուրջ 88.6 տոկոս։

    Նման հարաբերակցություն առկա է նաև նախորդ տարիներին։

    Օրինակ՝ 2020 թվականին բռնության ենթարկված 1313 անձից 1091-ը կին էր, իսկ բռնություն գործադրած 1306 անձից 1126-ը՝ տղամարդ։

    2026 թվականի առաջին կիսամյակում արդեն հաշվառվել է բռնության ենթարկված 1354 անձ՝ 1138 կին և 216 տղամարդ։ Բռնություն գործադրած 1353 անձից 1150-ը տղամարդ է։

    Ամենաշատ դեպքերը՝ ամուսնու կողմից կնոջ նկատմամբ

    FIP.am-ի հարցման հիման վրա Ոստիկանությունից ստացված տվյալները հնարավորություն են տալիս հասկանալ նաև, թե ընտանիքի անդամների միջև ինչ հարաբերություններում են առավել հաճախ քննվել բռնության դեպքերը։

    2018 թվականի կեսից մինչև 2026 թվականի առաջին կիսամյակ քննված 6942 դեպքից 3474-ը վերաբերել է ամուսնու կողմից կնոջ նկատմամբ բռնությանը։ Սա կազմում է քննված դեպքերի մոտ կեսը։

    Մյուս դեպքերը բաշխվել են այսպես՝

    • ընտանիքի այլ անդամների կողմից՝ 1363,
    • զավակի կողմից ծնողի նկատմամբ՝ 657,
    • նախկին ամուսնու կամ կնոջ կողմից՝ 535,
    • ծնողի կողմից զավակի նկատմամբ՝ 512,
    • կենակցի կողմից՝ 251,
    • կնոջ կողմից ամուսնու նկատմամբ՝ 150։

    Այս տվյալներում ևս ժամանակային սահմանափակում կա․ նախկին ամուսնու կամ կնոջ կողմից բռնության դեպքերը առանձին հաշվառմամբ սկսել են ներկայացվել միայն 2023 թվականից։

    2025-ին նախաձեռնվել է 1723 քրեական վարույթ 

    Ընտանեկան բռնության վերաբերյալ հաղորդումը դեռ չի նշանակում, որ յուրաքանչյուր դեպքում քրեական վարույթ է նախաձեռնվում։

    Ըստ ոստիկանության տվյալների՝ 2018 թվականի կեսից մինչև 2026 թվականի առաջին կիսամյակ ընտանեկան բռնության դեպքերով ընդհանուր առմամբ նախաձեռնվել է 5079 քրեական վարույթ։

    Տարեկան թվերը ցույց են տալիս հատկապես կտրուկ աճ 2023 թվականից հետո․

    2022-ին նախաձեռնվել էր 138 վարույթ, 2023-ին՝ 508, 2024-ին՝ 1360, իսկ 2025-ին՝ արդեն 1723։

    2026 թվականի միայն առաջին կիսամյակում նախաձեռնվել է 814 վարույթ։

    Այստեղ, սակայն, անհրաժեշտ է զգուշանալ տարիների ուղղակի համեմատությունից։ 2018-ից մինչև 2022 թվականը տրամադրված տվյալներում առանձին ներկայացված են նաև քրեական վարույթի նախաձեռնումը մերժելու դեպքերը՝ ընդհանուր 1863։

    2023 թվականից ոստիկանության ներկայացրած սյունակում տվյալներ չկան, ինչը պայմանավորված է Քրեական դատավարության նոր օրենսգրքով․ նախկինում քրեական վարույթի նախաձեռնումը մերժելու լիազորությունը ոստիկանության տիրույթում էր։ Որպես հետաքննության մարմին՝ ոստիկանությունն ինքնուրույն էր որոշում կայացնում քրեական գործի հարուցումը մերժելու մասին և համապատասխանաբար վարում էր այդ որոշումների վիճակագրական հաշվառումը։

    Նոր քրեական դատավարության օրենսգրքի ուժի մեջ մտնելուց հետո այս ամբողջ ընթացակարգը փոխանցվել է քննչական կոմիտեին և դատախազությանը։

    Քննչական կոմիտեից FIP.am-ին փոխանցել են 2023-ից հետո կարճված քրեական վարույթների քանակը։ Ըստ այդմ՝ 2023-ին կարճվել է 557 վարույթ, 2024-ին՝ 735, 2025-ին՝ 972։

    Կայացվել է շուրջ 4 հազար անհետաձգելի միջամտության որոշում

    Ընտանեկան բռնության դեպքում ոստիկանությունը կարող է կայացնել անհետաձգելի միջամտության որոշում՝ բռնության ենթարկված անձին անմիջական վտանգից պաշտպանելու համար։

    2018 թվականի կեսից մինչև 2026 թվականի առաջին կիսամյակ կայացվել է 3956 նման որոշում։

    Դրանց թիվը ևս աճել է․ 2018-ի երկրորդ կեսին եղել է 131 որոշում, 

    2019-ին՝ 260, 

    2020-ին՝ 337,

    2021-ին՝ 544, 

    2022-ին՝ 556, 

    2023-ին՝ 551, 

    2024-ին՝ 574, 

    2025-ին՝ 678։

    2026 թվականի առաջին կիսամյակում կայացվել է 325 անհետաձգելի միջամտության որոշում։

    Աճում է կրկնվող դեպքերի թիվը

    Ոստիկանության վիճակագրությունը ցույց է տալիս, որ աճել է նաև ընտանեկան բռնության կրկնվող համարվող դեպքերի թիվը։2020 թվականին կրկնվել է ընտանեկան բռնության 20 դեպք, 

    2021-ին՝ 125, 

    2022-ին՝ 173, 

    2023-ին՝ 209, 

    2024-ին՝ 321, 

    2025-ին՝ 343 դեպք։

    2026 թվականի առաջին վեց ամիսներին արդեն արձանագրվել է 230 կրկնվող դեպք։

    Միաժամանակ ոստիկանությունը չի կարող ներկայացնել, թե քանի ընտանիքում է մեկից ավելի բռնության դեպք արձանագրվել։ Պատճառն այն է, որ հաշվառումն իրականացվում է դեպքերի և անձանց, ոչ թե ընտանիքների կտրվածքով։

    Այսինքն՝ եթե նույն ընտանիքի անդամը բռնության է ենթարկում, օրինակ, ամուսնուն և երեխային, նրանք հաշվառվում են որպես բռնության ենթարկված երկու առանձին անձ, սակայն ոստիկանության վիճակագրությունը թույլ չի տալիս առանձնացնել, որ այդ երկու դեպքերը տեղի են ունեցել նույն ընտանիքում։ Հետևաբար հնարավոր չէ պարզել, թե քանի ընտանիքում է բռնությունը կրկնվել կամ միաժամանակ վերաբերել ընտանիքի մեկից ավելի անդամների։ 

    Մեկ տարում գրեթե կրկնապատկվել է բռնության ենթարկված երեխաների թիվը

    Ուշագրավ է  անչափահասների վիճակագրությունը։

    2020 թվականին ոստիկանության տվյալներով ընտանեկան բռնության է ենթարկվել 63 անչափահաս։ 

    Հաջորդ տարիներին ցուցանիշը եղել է համեմատաբար կայուն՝ 

    2021-ին՝ 74, 

    2022-ին՝ 61,

    2023-ին՝ 61,

    2024-ին՝ 98,

    2025-ին՝ 195։

    Այսինքն՝ ընդամենը մեկ տարում հաշվառված երեխաների թիվը գրեթե կրկնապատկվել է։ 2026 թվականի առաջին կիսամյակում արդեն արձանագրվել է բռնության ենթարկված 109 անչափահաս՝ 45 տղա և 64 աղջիկ։

    Ընդհանուր առմամբ 2020 թվականից մինչև 2026-ի առաջին կիսամյակ հաշվառվել է ընտանեկան բռնության ենթարկված 661 անչափահաս՝ 312 տղա և 349 աղջիկ։

    Ոստիկանությունը չգիտի՝ հաղորդումը 112-ի՞ց է ստացվել, թե՞ քաղաքացին է բաժին գնացել

    Չնայած տրամադրված մեծածավալ վիճակագրությանը՝ ընտանեկան բռնության հաշվառման համակարգում մի շարք կարևոր տվյալներ ընդհանրապես չեն հավաքագրվել։

    Օրինակ՝ ՆԳՆ 112 օպերատիվ կառավարման կենտրոնում ընտանեկան բռնության ահազանգերը մինչև այժմ առանձնացված չեն հաշվառվել։ Ոստիկանությունը չի հաշվառել նաև, թե քանի քաղաքացի է ընտանեկան բռնության մասին հաղորդում տվել՝ անձամբ ներկայանալով բաժին։

    Առանձին տվյալներ կան այլ պետական մարմիններից և բուժհաստատություններից ոստիկանությանը տրամադրած հաղորդումների վերաբերյալ։ 2018-ի կեսից մինչև 2026-ի առաջին կիսամյակ այլ մարմիններից ստացվել է 366, իսկ բուժհաստատություններից՝ 623 հաղորդում։

    Ոստիկանությունը նաև չի հավաքագրում բռնության ենթարկված անձանց տարիքային բաշխվածությունը՝ բացառությամբ անչափահասների առանձնացված վիճակագրության։

    Մինչև 2026 թվականը հաշվառումը մեխանիկական էր

    ՆԳՆ-ն վիճակագրության սահմանափակումները բացատրում է նաև նրանով, որ մինչև 2026 թվականը ընտանեկան բռնության դեպքերի հաշվառումն իրականացվել է մեխանիկական եղանակով։

    Սա, ըստ ՆԳՆ-ի, սահմանափակել է տվյալները մշակելու, տարբեր հատկանիշներով համադրելու և մանրամասն վիճակագրություն ստանալու հնարավորությունները։

    2026 թվականից ոստիկանությունն անցել է թվային հաշվառման համակարգի, որտեղ ներկայումս շարունակվում է տվյալների մուտքագրումը։

    ՆԳՆ-ից վստահեցնում են՝ համակարգի ամբողջական գործարկումից հետո հնարավոր կլինի տվյալները կենտրոնացված պահել, արագ մշակել և ստանալ ավելի մանրամասն վիճակագրություն։

    Այսպիսով

    Ոստիկանության տվյալները ցույց են տալիս, որ հատկապես 2023 թվականից հետո Հայաստանում զգալիորեն աճել է ընտանեկան բռնության վերաբերյալ գրանցվող հաղորդումների թիվը։ 2025 թվականին այն հասել է 2775-ի՝ ուսումնասիրվող ամբողջական տարիների ամենաբարձր ցուցանիշին։ Աճել են նաև բռնության ենթարկված անձանց, նախաձեռնված քրեական վարույթների, կրկնվող դեպքերի և հատկապես բռնության ենթարկված անչափահասների թվերը։

    Միաժամանակ վիճակագրական համակարգը դեռ թույլ չի տալիս ամբողջությամբ գնահատել խնդրի իրական մասշտաբը։ Մինչև 2026 թվականը հաշվառումը մեխանիկական է եղել, առանձին չեն հաշվառվել 112-ով կամ անձամբ ոստիկանություն ներկայացված հաղորդումները, տվյալներ չկան զոհերի տարիքային ամբողջական բաշխման և մեկ ընտանիքում կրկնվող դեպքերի վերաբերյալ։

    Հետևաբար պաշտոնական թվերը ցույց են տալիս ոստիկանության կողմից գրանցված և հաշվառված դեպքերի դինամիկան, բայց դրանց աճը ինքնին բավարար չէ եզրակացնելու, որ նույն համամասնությամբ աճել է նաև Հայաստանում ընտանեկան բռնության իրական տարածվածությունը։

    Արեն Նահապետյան

    Այս հրապարակումը պատրաստվել է Եվրոպական միության ֆինանսական աջակցությամբ: Բովանդակության համար պատասխանատվություն է կրում «Փաստերի ստուգման հարթակը» (FIP.am), և պարտադիր չէ, որ այն արտահայտի Եվրոպական միության, ՄԱԿ-ի Զարգացման ծրագրի և ԵԱՀԿ-ի տեսակետները:

  • «Արարատ-Արմենիան» Եվրոպա լիգայի ուղեգիր նվաճեց

    «Արարատ-Արմենիան» պատմական արդյունք է գրանցել՝ դառնալով առաջին հայկական ակումբը, որը հանդես կգա Եվրոպա լիգայի հիմնական փուլում։

    Եվրոպա լիգայի որակավորման փլեյ-օֆֆ փուլի պատասխան խաղում Հայաստանի չեմպիոնը Երևանի Վազգեն Սարգսյանի անվան «Հանրապետական» մարզադաշտում 1։0 հաշվով հաղթել է ռումինական «Ունիվերսիտատեա Կրայովային»։ Թիմերի առաջին հանդիպումն ավարտվել էր 1։1 հաշվով։

    Հաղթական գոլը «Արարատ-Արմենիայի» կազմում ավելացված ժամանակի 8-րդ րոպեին խփել է բրազիլացի հարձակվող Սանդրո Լիման։

    Այսպիսով, «Արարատ-Արմենիան» առաջին անգամ նվաճել է եվրագավաթների հիմնական փուլի ուղեգիր։ Եվրոպա լիգայի հիմնական փուլի վիճակահանությունը կկայանա օգոստոսի 28-ին։

  • Գնի՛ր Honor Magic 8 Lite-ը Team-ից և ստացի՛ր ականջակալ, սմարթ ժամացույց և 100 ԳԲ ինտերնետ


    Հասարակություն





    Նոր ուսումնական տարին՝ նոր հնարավորություններով. Team Telecom Armenia-ն հանդես է գալիս Back to School հատուկ առաջարկով՝  ձեռք բերելով Honor Magic 8 Lite սմարթֆոնը ամսական սկսած 2850 դրամից՝ հաճախորդները կստանան նաև Honor Choice մեծ անլար ականջակալ և Honor Choice 2i սմարթ ժամացույց, ինչպես նաև 100 ԳԲ ինտերնետ՝ 6 ամսով։

    Honor Magic 8 Lite-ը համատեղում է ժամանակակից դիզայնը, հզոր տեխնիկական հնարավորություններն ու դիմացկունությունը՝ դարձնելով այն հարմար ուղեկից ինչպես ուսումնական տարվա ինտենսիվ առօրյայում, այնպես էլ ժամանցի և հաղորդակցության համար։

    Սմարթֆոնը հագեցած է 108 ՄՊ AI տեսախցիկով, որն ապահովում է բարձրորակ լուսանկարներ, իսկ 7500 մԱժ մարտկոցը՝ երկարատև աշխատանք։ Սարքն աշխատում է նաև նորագույն 5G ցանցում, ունի 8 ԳԲ օպերատիվ հիշողություն`մինչև 16 ԳԲ ընդլայնման հնարավորությամբ, 512 ԳԲ ներքին հիշողություն և ջրի ու փոշու նկատմամբ հզոր պաշտպանություն։ Honor Magic 8 Lite-ը նաև նախատեսված է մինչև 2.5 մետր բարձրությունից ընկնելուն դիմակայելու համար։

    «Այսօր տեխնոլոգիաները կրթական գործընթացի անբաժանելի մասն են․ դրանք հնարավորություն են տալիս սովորելու ավելի արագ, բացահայտելու նոր գիտելիքներ, լինելու կապի մեջ և օգտվելու կրթական բազմաթիվ ռեսուրսներից՝ ցանկացած վայրից։ Մեր Back to School առաջարկով ցանկանում ենք նոր ուսումնական տարվա մեկնարկն ավելի հարմար ու տեխնոլոգիական դարձնել՝ մեկ առաջարկում համադրելով սմարթֆոնը, անհրաժեշտ աքսեսուարներն ու ինտերնետը»,-նշում է Team Telecom Armenia-ի կոմերցիոն տնօրեն Տիգրան Ֆրանգյանը:

    Honor Magic 8 Lite-ը հնարավոր է ձեռք բերել ինչպես Team-ի վաճառքի և սպասարկման կենտրոններից, այնպես էլ առցանց հարթակից։

    Առաջարկը գործում է 14.08.2026-ից մինչև 30.09.2026-ը ներառյալ և հասանելի է միայն ֆիզիկական անձանց։ Մանրամասներին կարող եք ծանոթանալ այստեղ։



  • Պետությունը չի կարող կառավարվել պարտքերի կուտակման և դրանք սեփականատերերի հաշվին փակելու վտանգավոր տրամաբանությամբ. Հրայր Կամենդատյան



    Քաղաքականություն






    Հայաստանի Հանրապետության պետական պարտքը մոտենում է ահռելի ու կործանարար սահմանագծին՝ 16 միլիարդ ԱՄՆ դոլարին:

    Միայն 2026 թվականի ընթացքում այս ահռելի պարտքի սպասարկման համար պետական բյուջեից, այսինքն՝ յուրաքանչյուրիս հարկերից, պետք է վճարվի շուրջ 2 միլիարդ դոլար: Սա ուղղակի վիճակագրություն չէ. սա ֆինանսական ական է՝ տեղադրված մեր պետականության և ապագա սերունդների տակ։

    Տնտեսագիտական սնանկությունը

    Տնտեսագիտության տարրական օրենքները փաստում են․ տարեկան ընդամենը 5,5% տնտեսական աճի պայմաններում անհնար է մարել կամ արդյունավետ սպասարկել նման ահռելի պարտքային բեռը։ Աճի այս տեմպը նույնիսկ չի ծածկում պարտքի տոկոսադրույքների և փոխարժեքային ռիսկերի բացասական ազդեցությունը։

    Պարտքի թեթևացման «նոր մեթոդաբանությունը»

    Տնտեսական իրական ռեֆորմներ, արտադրողականության բարձրացում կամ ներդրումային գրավիչ միջավայր ստեղծելու փոխարեն՝ իշխանական վերնախավը, թվում է, գտել է պարտքի բեռը թեթևացնելու իր «արտոնյալ» ճանապարհը։ Դա տնտեսական միավորների, գույքի և սեփականության վերաբաշխումն է, տնտեսվարողներից ու սեփականատերերից դրանք խլելու կամ սեփականազրկման քաղաքականությունը։

    Սա ոչ այլ ինչ է, քան.

    * Սեփականության իրավունքի կոպտագույն ոտնահարում, որը քանդում է պետության տնտեսական հիմքերը։

    * Ներդրումային միջավայրի վերջնական կործանում, քանի որ ոչ մի ներդրող չի գա մի երկիր, որտեղ գույքի անձեռնմխելիությունը պաշտպանված չէ։

    * Կարճատես ռեկվիզիցիա, որով փորձ է արվում փակել բյուջետային ճեղքվածքները՝ երկարաժամկետ հատվածում սպանելով մասնավոր նախաձեռնությունը։


    Պետությունը չի կարող կառավարվել պարտքերի կուտակման և դրանք սեփականատերերի հաշվին փակելու վտանգավոր տրամաբանությամբ։ Այս քաղաքականությունը տանում է դեպի տնտեսական կոլապս, որի ծանր հետևանքները կրելու ենք բոլորս։ Վերջնական լուծումը ոչ թե ուրիշի ունեցվածքին աչք տնկելն է, այլ պատասխանատու, արհեստավարժ և իրական աճ ապահովող տնտեսական քաղաքականության անցնելը։