Media Monitoring

Blog

  • Բախվել են «Scania» բեռնատարը և «Honda Elysion»-ը․ 4 վիրավորներից երեքին ԲԿ են տեղափոխել պարեկները





    Երեկ՝ հոկտեմբերի 19-ին, խոշոր ավտովթար է տեղի ունեցել Լոռու մարզում։ Ժամը 22։10-ի սահմաններում Վանաձոր-Սպիտակ ավտոճանապարհին բախվել են «Scania» մակնիշի կցորդիչով բեռնատարը և «Honda Elysion» մակնիշի ավտոմեքենան։

    Ինչպես հայտնում է ֆոտոլրագրող Գագիկ Շամշյանը, վթարի հետևանքով 4 հոգի մարմնական վնասվածքներով տեղափոխվել են «Սպիտակ» բժշկական կենտրոն։Վիրավորներին առաջինը օգնության են հասել քաղաքացիները և ըստ քաղաքացիների հայտնածի օպերատիվորեն ժամանած «Սպիտակ» բժշկական կենտրոնի շտապօգնության բժիշկների հերթապահ խմբերը։Դեպքի վայր են ժամանել ՀՀ ներքին գործերի նախարարության ոստիկանության պարեկային ծառայության Լոռու մարզի գումարտակի 2-րդ վաշտի 1-ին դասակի պարեկները՝ գումարտակի հրամանատար Ավետիք Նիկողոսյանի, գումարտակի հրամանատարի տեղակալ Մհեր Խալաթյանի, գումարտակի ծառայության ավագ տեսուչ Արման Սուքիասյանի, վաշտի հրամանատար Հրաչ Մխիթարյանի և դասակի հրամանատարի տեղակալ Էդգար Պողոսյանի գլխավորությամբ։Տարածքը սահմանազատել են նույն վաշտի պարեկներ Նարեկ Նորեկյանը և Գոռ Ղուկասյանը։

    Վթարի մասին ՊԾ Լոռու մարզի գումարտակից տեղեկությունը փոխանցել են ՀՀ քննչական կոմիտեի Լոռու մարզային քննչական վարչության Սպիտակի քննչական բաժին, որտեղից ժամանել է քննչական խումբը՝ բաժնի պետ Երեմ Դանիելյանի և օրվա պատասխանատու հերթապահ քննիչի գլխավորությամբ։Վթարի փաստով Սպիտակի քննչական բաժնում նախաձեռնվել է քրեական վարույթ, որտեղ էլ պարզվում են ավտոմեքենաների սեփականատերերի, վարորդների և վիրավորների ինքնությունը։Գ․ Շամշյանի տեղեկություններով՝ վիրավորներից երեքին հիվանդանոց են տեղափոխել պարեկները՝ իրենց ծառայողական ավտոմեքենայով։




    դիտվել է 127 անգամ




    Լրահոս

    Ամենաընթերցվածները



    Շուտով



    Հոկտեմբերի 21-ին՝ ժամը 15։00-ին, Հայելի ակումբի հյուրն է Հովհաննես Շահինյանը

    Հոկտեմբերի 21-ին՝ ժամը 14։00-ին, Հայելի ակումբի հյուրն է Արմենակ Դանիելյանը

    Հոկտեմբերի 21-ին՝ ժամը 12։00-ին, Հայելի ակումբի հյուրն է Ալբերտ Բազեյանը

    Հոկտեմբերի 21-ին՝ ժամը 11։00-ին, Հայելի ակումբի հյուրն է Նաիրա Գևորգյանը

    Հոկտեմբերի 20-ին՝ ժամը 12։00-ին, Հայելի ակումբի հյուրն է քաղաքագետ Երվանդ Բոզոյանը

    Հոկտեմբերի 20-ին՝ ժամը 14։00-ին, Հայելի ակումբի հյուրն է արտակարգ և լիազոր դեսպան Ձյունիկ Աղաջանյանը

    Հոկտեմբերի 20-ին՝ ժամը 11։00-ին, Հայելի ակումբի հյուրն է Հայաստանի դեմոկրատական կուսակցության նախագահ Արամ Սարգսյանը

    Հոկտեմբերի 19-ին՝ ժամը 10։30-ին, Հայելի ակումբի հյուրն է Հովհաննես Իշխանյանը

    Հոկտեմբերի 19-ին՝ ժամը 14։00-ին, Հայելի ակումբի հյուրն է Գառնիկ Դանիելյանը

    Հոկտեմբերի 19-ին՝ ժամը 13։00-ին, Հայելի ակումբի հյուրն է Նաիրա Զոհրաբյանը

  • ԻՊՀԿ անունից՝ առանց պաշտոնական աղբյուրի․ Ադրբեջանի «նախապատրաստած ռազմական սադրանքի» լուրը

    Հոկտեմբերի 20-ին հայաստանյան «Փաստինֆո» լրատվականը հրապարակել է «Ադրբեջանը Հայաստանի դեմ ռազմական սադրանք է պատրաստում՝ հիջաբի թեման «ցրելու» համար» գլխագրով նյութ՝ պնդելով, թե տեղեկության աղբյուրը Իրանի Իսլամական հեղափոխության պահապանների կորպուսի (ԻՀՊԿ) Telegram-ում պաշտոնական ալիքն է։ 

    Լուրի համաձայն՝ Ադրբեջանը պատրաստվում է Հայաստանի դեմ ռազմական գործողությունների՝ երկրի կրթական հաստատություններում հիջաբի սահմանափակմամբ պայմանավորված բողոքից հանրության ուշադրությունը շեղելու նպատակով։

    «Փաստերի ստուգման հարթակն» ուսումնասիրել է տեղեկությունը ու դրա սկզբնաղբյուրը։ 

    Ռուսալեզու քարոզչական ալիքը՝ «պաշտոնական ռեսուրս» 

    Այսպես, Telegram-ում գործում են ԻՀՊԿ-ի անվանումը, խորհրդանիշները և ռազմական կառույցի հետ ասոցացվող ձևավորումն օգտագործող ալիքներ․ դրանցից է Канал КСИР | سپاه پاسداران  ռուսալեզու ալիքը, որն էլ այս տեղեկության սկզբնաղբյուրն է։ 

    Ավելին, FIP.am-ն ավելի վաղ պարզել էր, որ հայաստանյան տեղեկատվական տիրույթում որպես ԻԻՀ Իսլամական հեղափոխության պահապանների կորպուսի պաշտոնական ալիք ներկայացվող էջը չկա ԻՀՊԿ-ի պաշտոնական էջերի ու հաշիվների ցանկում։ 

    Արտապատկերումը՝ տելեգրամյան ալիքից:

    Կորպուսը նախկինում հրապարակել է սոցիալական մեդիայի տարբեր հարթակներում իր ռեսուրսների հասցեները, համաձայն որի՝ Telegram-ում այն ներկայացված է sepahnews.ir ալիքի միջոցով։

    Սրան զուգահեռ, Կորպուսի պաշտոնական ռեսուրսները՝ այդ թվում նաև պաշտոնական տելեգրամյան ալիքը, նման հրապարակում չեն արել։ 

    Հատկանշական է, որ որպես էջի վարման լոկացիա էր նշված Ռուսաստանի Դաշնությունը, ալիքի նկարագրության մեջ նշվում է, որ այն լուսաբանում է Իրանի զինված ուժերի վերաբերյալ նորությունները։ 

    Ավելի վաղ, հայաստանյան ԶԼՄ-ները, հիմնվելով այս տելեգրամյան ալիքի վրա, իրանցի գեներալ-մայոր Ռահիմ Սաֆավիին էին վերագրել հայտարարություն ԹՐԻՓՓ նախագծի վերաբերյալ. ըստ տարածվող լուրի՝ իրանցի գեներալը, մասնավորապես, ասել էր, թե ԹՐԻՓՓ նախագծի շուրջ «չկա ո՛չ իրական փոխըմբռնում, ո՛չ էլ ընդհանուր շփման կետ Հայաստանի հետ»։ 

    Մինչդեռ իրանական պաշտոնական ու բաց աղբյուրներում չկային հրապարակումներ, որոնք կհաստատեին Սաֆավիի կողմից նման հայտարարություններ անելը։ 

    Այսպիսով, հայաստանյան լրատվամիջոցում ԻՀՊԿ-ին վերագրված ռազմական սադրանքի մասին տեղեկությունը չունի հաստատված պաշտոնական սկզբնաղբյուր․ ԻՀՊԿ-ի անունով գործող Telegram ալիքը կառույցի պաշտոնական հաղորդակցության աղբյուր ներկայացնելը մոլորեցնող է։

    Այսպիսով, Ադրբեջանի կողմից Հայաստանի դեմ ռազմական սադրանքի նախապատրաստման մասին պնդումը պաշտոնապես չհաստատված տեղեկություն է՝ հրապարակված նախկինում Հայաստանի լսարանը չհաստատված ու կեղծ լուրերով թիրախավորած տելեգրամյան ալիքի կողմից։ 

    Նանե Մանասյան 

  • «TRIPP+» զարգացման հիմնադրամի տնօրենը մտադիր է Հայաստանից պղնձի մատակարարումներն ուղղել դեպի ԱՄՆ

    Խորհրդային ծագմամբ ամերիկացի ներդրողը, որը կապեր ունի ԱՄՆ նախագահ Դոնալդ Թրամփի վարչակազմի հետ, մտադիր է ընդլայնել իր ներդրումները Հայաստանի պղնձի արդյունաբերության ոլորտում և հույս ունի, որ տարածաշրջանն ավելի լայնորեն կբացվի տնտեսական համագործակցության համար՝ Վաշինգտոնի՝ իր տնտեսական ներկայությունն ամրապնդելու ջանքերի ֆոնին։

    «Հայաստանի և Ադրբեջանի միջև ստորագրված խաղաղության հուշագիրը աննախադեպ իրադարձություն է, որը կարող է հիմնովին վերափոխել տարածաշրջանը», — Bloomberg-ին տված հարցազրույցում հայտարարել է Կոնստանտին Սոկոլովը, որը սեպտեմբերին ձեռք է բերել Հայաստանի՝ պղնձի երկրորդ խոշոր արտադրող ընկերությունը։

    «Ես մեծապես շահագրգռված եմ ընդլայնել գործունեությունս ամբողջ տարածաշրջանում, քանի որ խորապես հավատում եմ դրա ընդհանուր ներուժին»։

    Սա ճանապարհ է հարթել Հարավային Կովկասում ԱՄՆ-ի առավել ակտիվ ներգրավվածության համար, այդ թվում՝ TRIPP («Թրամփի ուղի՝ հանուն միջազգային խաղաղության և բարգավաճման») անվանումը կրող առաջարկվող տարանցիկ միջանցքի միջոցով։

    Սոկոլովի կողմից «Թեղուտ» ՓԲԸ պղնձի արդյունահանմամբ զբաղվող ընկերության ձեռքբերումը համահունչ է ԱՄՆ-ի քաղաքականությանը, և նա դարձել է Թրամփի վարչակազմի՝ տարածաշրջանում իրականացվող ջանքերի հետ կապվող առանցքային դեմքերից մեկը։

    Այս տարի 51-ամյա Սոկոլովը գլխավորել է Transcaspian Enterprise Fund ամերիկյան ոչ առևտրային ներդրումային հիմնադրամը, որը ստեղծվել է ԱՄՆ-ի աջակցությամբ՝ ենթակառուցվածքային և առևտրային նախագծերում մասնավոր կապիտալ ներգրավելու նպատակով։ ԱՄՆ կառավարության կողմից 201 միլիոն դոլարի ֆինանսական աջակցության պայմաններում հիմնադրամը կենտրոնանալու է TRIPP-ի և ավելի լայն՝ Տրանսկասպյան առևտրային միջանցքի զարգացման վրա։ Վերջինս ընդգրկում է Հայաստանը, Ադրբեջանը, Վրաստանը և Կենտրոնական Ասիայի բոլոր հինգ երկրները։

    Սոկոլովի խոսքով՝ ինքը և տնօրենների խորհրդի մյուս անդամները չեն վարձատրվում իրենց աշխատանքի համար։ Նա նշել է, որ հիմնադրամի ղեկավար կազմն ընտրվել է՝ հաշվի առնելով մասնավոր կապիտալի ուղղակի ներդրումների ոլորտում ունեցած փորձը, ինչպես նաև տարածաշրջանի և այն ճյուղերի վերաբերյալ գիտելիքները, որտեղ նախատեսվում է ներդրումներ կատարել։

    Մինչ այժմ արտադրանքի մեծ մասն արտահանվել է Չինաստան։ Սոկոլովը մտադիր է այն ուղղել դեպի ԱՄՆ՝ կնքելով նոր առևտրային պայմանագրեր գործող արտադրանքի գնման համաձայնագրի լրանալուց հետո։

    «Այս գործարքի գլխավոր նպատակներից մեկը Հայաստանի ռազմավարական նշանակության հանքային պաշարների հասանելիությունն ամերիկյան մատակարարման շղթաների համար ապահովելն էր», — հայտարարել է նա։

    Սոկոլովը նախատեսում է տարեկան արտադրությունն ավելացնել մինչև 120–130 հազար տոննա պղնձի խտանյութի, որը կպարունակի շուրջ 26–28 հազար տոննա պղինձ։ Նրա խոսքով՝ արտադրական նոր հզորությունները նախատեսվում է շահագործման հանձնել 2030 թվականին, իսկ ձեռնարկությունը լիարժեք հզորությամբ կաշխատի 2031 թվականից։

     

     

  • COP17․ ՀՀ նախագահությունը՝ գլոբալ պատասխանատվություն և…

    COP17․ ՀՀ նախագահությունը՝ գլոբալ պատասխանատվություն և…

  • Արագածոտնում տանտերը կրակել է թալանելnւ նպատակով իր տուն մտած տղամարդուն. վերջինս հիվանդանոցում մահացել է

    Այսօր՝ հոկտեմբերի 20-ին, Երևանի «Աստղիկ» բժշկական կենտրոնի վերակենդանացման բաժանմունքում գիտակցության չգալով մահացել է գիշերը հրազենային վնասվածքով նշված բժշկական կենտրոն տեղափոխված տղամարդը։

    Shamshyan.com-ի տեղեկություններով՝ գիշերը «Աստղիկ» բժշկական կենտրոնից ոստիկանության Մալաթիայի բաժին ահազանգ է ստացվել, որ հրազենային վնասվածքով իրենց մոտ է տեղափոխվել մի տղամարդ։

    Տեղում քրեական և համայնքային ոստկանները պարզել են, որ վիրավորը, ով ժամեր անց գիտակցության չգալով մահացել է, Արմավիրի մարզի բնակիչ 48-ամյա Ծերուն Հ.-ն է։

    Ֆոտոլրագրողի տեղեկություններով՝ քրեական, համայնքային ոստիկաններն ու քննիչները պարզել են, որ վիրավորին հիվանդանոց են տեղափոխել «Nissan Sentra» մակնիշի ավտոմեքենայով։

    Մահացածը գողություն անելու նպատակով Արագածոտնի մարզում փորձել է տուն թալանել, տանտերը նկատել է, ինչի ժամանակ էլ կրակոցներ է արձակել նրա ուղղությամբ, ով հրազենային վնասվածք է ստացել և «Nissan Sentra»-ով տեղափոխվել է «Աստղիկ» բժշկական կենտրոն։

  • Հայաստանում խոհանոցային ապրանքների վաճառքն աճել է 45 տոկոսով – ԱՄԲԻՈՆ NEWS

    Հոկտեմբերի 20-ին նշվող Խոհարարների միջազգային օրվա նախօրեին Wildberries-ի տվյալներով Հայաստանում խոհանոցային ապրանքների վաճառքները 2026-ի հունվարի 1-ից հոկտեմբերի 1-ն աճել են 45%՝ 2025-ի նույն շրջանի համեմատ։

    Աճը առավել մեծ է սննդամթերքում՝ 131%, խոհանոցային տեխնիկայում՝ 19%, սպասք և պարագաներում՝ 15%։ Առանձնապես աճել են խոհանոցային կոմբայնները՝ 601%, ֆիլտր-պրեսները՝ 289%, միկրոալիքային վառարանները՝ 156%, թխման սարքերը՝ 81%։

    Մեծացել են նաև մեղրի՝ 354%, կրեմ-դեսերտների՝ 304%, սննդային ներկանյութերի՝ 227%, դեկանտերների՝ 106%, սեղանի դանակների՝ 61%, ամանների՝ 43% վաճառքները։

  • Պլանավորված պարտություն․ օր 24 (ՀԻՇԵՑՈՒՄ) (video)

    Պլանավորված պարտություն․ օր 24 (ՀԻՇԵՑՈՒՄ) (video)

  • «Սերունդ»-ը կյանքի է կոչել Հայաստանում անդրանիկ ծնողական համաժողովը

    «Հայաստանի կրթական նախաձեռնություն» հիմնադրամի «Սերունդ» ծրագիրը հոկտեմբերի 17-ին Ստեփանավանում իր առաջին ծնողական համաժողովն է անցկացրել։ «Կրթական իրականություն. հնարավորություն, մարտահրավեր, հեռանկար» խորագրով համաժողովին մասնակցել են 10-ից ավելի համայնքների «Սերունդ» ծրագրի գործընկեր և ոչ գործընկեր դպրոցների 283 աշակերտների 113 ծնողներ։

    Համաժողովը միտումնաբար իրականացվել է դպրոցական միջավայրում՝ նպատակ հետապնդելով դիրքավորել դպրոցը հիրավի որպես համայնքային կենտրոն և դպրոցում ծնողի ներգրավվածությունը տեղափոխել այլ հարթություն։ 

     

    «10-ից ավելի քաղաքների՝ գործընկեր և ոչ գործընկեր դպրոցների ծնողների ներկայությունն ու պատրաստակամությունը՝ ստանալու նոր գիտելիքներ գիտակից ծնողավարության մասին չափազանց կարևոր ցուցիչ է և նախադեպ է ստեղծում թեմաների արդիականության մասին նրանց մոտեցումների արտահայտման հետ մեկտեղ։ Մարդիկ, այդ թվում նաև սակավաթիվ հայրիկ ծնողները, լսելու, խորհրդակցելու ու սովորելու անհագուրդ ցանությամբ էին եկել շաբաթ առավոտյան դպրոց։ Ծնողական համաժողովը ծրագրի տրամաբանական հաջորդ քայլն է. «Սերունդ»-ը ծնողներին դարձնում է կրթական փոխակերպումների կարևոր գործընկերներ-պահանջատեր»,– նշել է «Հայաստանի կրթական նախաձեռնության» համակարգային նորարարությունների գծով տնօրեն Ալեքսանդր Պլատո Հակոբյանը, որն իր ողջույնի խոսքով բացեց անդրանիկ ծնողական համաժողովը Լոռու մարզում։

     

    Համաժողովի աշխատանքներն ընթացել են երկու թեմատիկ հոսքով. «Փոխհարաբերություններ և կրթություն» հոսքում «Սերունդ» ծրագրի ղեկավար Անի Մկրտչյանը ծնողների հետ քննարկել է ծնողավարման չորս ոճերը, առանց նախապայմանների սերն առ երեխաներ և հարգանքով սահմանված կանոնների հավասարակշռությունը, երեխայի ինքնավար մոտիվացիայի հիմքերը՝ կարողությունը, ինքնավարությունը և պատկանելությունը։

     

    «Տեխնոլոգիաներ և կրթություն» հոսքում թվային գրագիտության և թվային ծնողավարության փորձագետ Արփինե Գրիգորյանն անդրադարձել է էկրանային ժամանակին և բովանդակության ընտրությանը տարբեր տարիքներում, երեխային տեխնոլոգիաները ներկայացնելուն, առողջ ու անվտանգ սովորություններ ձևավորելուն, տեխնոլոգիաների կրթական հնարավորություններին ու ռիսկերին, ծնող-դպրոց թվային հաղորդակցությանը: 

     

    «Սերունդ» ծրագիրը մեկնարկել է 2020-ին՝ մեկ փորձնական դպրոցով: 2025–2026թթ․ այն իրականացվել է Լոռիում, Վայոց ձորում և Երևանում՝ 1,810 աշակերտով ու 135 ուսուցչով: 2026 թվականի մայիսի ամփոփիչ գնահատմամբ Ծրագրի ներդրմամբ առաջին տարում դպրոցները 22% ընդհանուր ակադեմիական աճ են գրանցել, 30%՝ գրագիտության, 31%՝ թվաբանական հմտությունների աճ: Այժմ «Սերունդ» ծրագիրը գործում է 9 մարզերի 13 դպրոցներում։

     

    «Հայաստանի կրթական նախաձեռնություն»-ը նպաստում է կրթության համակարգային փոփոխություններին։ Կազմակերպության հիմնական ծրագրերն են «Դասավանդի՛ր հանուն Հայաստանի», «Սերունդ», «Ուսուցչական առաջնորդություն» մագիստրոսական ծրագիրը, ուսուցիչների որակավորման 30 կրեդիտի ծրագիրը, «Կայծ» սոցիալական նորարարության ինկուբատորը և Հանրային քաղաքականության լաբորատորիան։ 

     

     

     

     

  • Այս այցը Հայ Առաքելական և Հռոմի Կաթոլիկ եկեղեցիների եղբայրական կապերի վկայությունն է. Վեհափառը՝ Տրիե

    Ամենայն Հայոց Կաթողիկոսն ընդունել է Կաթոլիկ Եկեղեցու Տրիեստի թեմի հոգևորականներին: Այս մասին հայտնում են Մայր Աթոռի տեղեկատվական համակարգից:

    Հոկտեմբերի 20-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց ուխտավորաբար Հայաստան և Մայր Աթոռ Սուրբ Էջմիածին այցելած Կաթոլիկ Եկեղեցու Տրիեստի թեմի (Իտալիա) հոգևորականներին՝ գլխավորությամբ թեմակալ առաջնորդ Գերաշնորհ Էնրիկո եպիսկոպոս Թրևիզիի։

    Հանդիպմանը Էնրիկո եպիսկոպոսը Նորին Սրբությանը ներկայացրեց հյուրերին՝ նշելով, որ ուխտագնացության նպատակն է զորանալ քրիստոնեական հավատքի մեջ և եղբայրական սիրով զորացյալ ծառայել Ավետարանի քարոզչությանը։

    Ամենայն Հայոց Կաթողիկոսն իր օրհնությունը բերեց ներկաներին՝ անդրադառնալով Հայոց Եկեղեցու առաքելությանը, հայ ժողովրդի ազգային ինքնության, մշակույթի կերտման և պահպանման գործում քրիստոնեական հավատքի դերակատարությանը։ Նորին Սրբությունը հավելեց, որ հայ ժողովուրդը, մշտապես համախմբված մնալով Եկեղեցու շուրջ, քրիստոնեական իր հավատքով ու լավատեսությամբ հաղթահարել է դարերի փորձությունները։

    Վեհափառ Հայրապետը նաև գոհունակությամբ խոսեց Հայաստանյայց Առաքելական Սուրբ Եկեղեցու և Հռոմի Կաթոլիկ Եկեղեցու միջև սերտ հարաբերությունների ու տարբեր ոլորտներում արդյունավոր գործակցության մասին՝ ընդգծելով, որ այս այցը ևս եղբայրական այդ կապերի վկայությունն է։ Նորին Սրբությունը կարևորեց այսօրինակ ուխտագնացությունները հոգևոր նորոգության և քրիստոնեական համայնքների փոխճանաչողության խորացման գործում։

    Վերջում Ամենայն Հայոց Կաթողիկոսը պատասխանեց հյուրերի հարցերին, որոնք վերաբերում էին միջեկեղեցական հարաբերություններին, արդի ժամանակներում Հայոց Եկեղեցու հոգևոր-կրթական առաքելությանը։

  • Հանրային տրանսպորտում տեղի ունեցած միջադեպի վերաբերյալ ստացված հաղորդման հիման վրա նախաձեռնվել է քրեական վարույթ. ՔԿ

    Հանրային տրանսպորտում տեղի ունեցած միջադեպի վերաբերյալ ստացված հաղորդման հիման վրա նախաձեռնվել է քրեական վարույթ՝ հոգեկան ուժեղ տառապանք պատճառելու և խուլիգանություն կատարելու հոդվածների հատկանիշներով: Այս մասին տեղեկացրին ՀՀ ՔԿ-ից՝ նշելով, որ տեսանյութում երևացող տղամարդը ձերբակալված է:

    Նախօրեին համացանցում տեսանյութ էր տարածվել, որում երևում էր, թե ինչպես է տղամարդը ավտոբուսում նվաստացնում իր կողակցին: Ավելի ուշ միջամտել էր նաև մեկ այլ ուղևոր, և լեզվակռիվ էր սկսվել: ՆԳՆ խոսնակ Նարեկ Սարգսյանն արձագանքել էր՝ նշելով, որ տեսանյութում երևացող տղամարդը ձերբակալվել և ներկայացվել է նախաքննական մարմին: