Մի քանի տեսախցիկ, մի քանի մտահոգ դեմք, մի քանի բարձրագոչ նախադասություն՝ «մեր Գյումրու» մասին, և ահա պատրաստ է հերթական քաղաքական ներկայացումը։
Մնում է միայն հանդիսատես գտնել։ Բայց այստեղ մի փոքրիկ անհարմարություն կա՝ Գյումրին ձեր «Նիժնի Տաբորը» չէ, իսկ գյումրեցին՝ ձեր «Իվանը»։
Հ.Գ. Մենք հյուրընկալ ժողովուրդ ենք․ մեր հյուրերը մեր գլխի վրա տեղ ունեն։ Բայց մի՛ փորձեք մեր գլխից բարձր թռչել, բարձրությունից ընկնելը ցավոտ է։
Գաստրոլյորներ, զգույշ եղեք…
Team Telecom Armenia-ն COP-ի շրջանակում բնապահպանական նոր…
Բուլղարիայում շարունակվում է ՈւԵՖԱ Զարգացման գավաթի մրցաշարը։ Այս մասին հայտնում է ՀՖՖ-ի մամուլի ծառայությունը։
Հայաստանի Մ-15 հավաքականը 2-րդ տուրում 2։0 հաշվով հաղթեց Կոսովոյի հասակակիցներին։ Մեր թիմից դուբլի հեղինակ դարձավ Մարտին Սարգսյանը։
Արման Առաքելյանի թիմը վերջին՝ 3-րդ տուրում կհանդիպի Մոլդովայի հասակակիցներին։
Մոսկվայի և Երևանի միջև ութ չվերթ հետաձգվել է, երկու չվերթ չեղարկվել է, ևս երեքը տեղափոխվել է հոկտեմբերի 18-ին։ Այս մասին վկայում են «Զվարթնոց» միջազգային օդանավակայանի առցանց ցուցատախտակի տվյալները հոկտեմբերի 17-ի դրությամբ։
Մոսկվայից Երևան ժամանումների վերաբերյալ տեղեկատվության համաձայն՝ մեկ չվերթ չեղարկվել է, չորսը՝ հետաձգվում, երկու չվերթ տեղափոխվել է կիրակի՝ հոկտեմբերի 18-ին։ «Զվարթնոցից» Մոսկվա մեկնող չվերթներից մեկ չվերթ չեղարկվել է, չորսը՝ հետաձգվել, ևս մեկը տեղափոխվել է հաջորդ օր։
Ժամանակացույցի խափանումները տեղի են ունենում մոսկովյան ավիացիոն հանգույցի օդանավակայանների աշխատանքի ժամանակավոր սահմանափակումների ֆոնին։ Ռուսաստանի տրանսպորտի նախարարության տվյալներով՝ «Շերեմետևո» օդանավակայանում օպերատիվ շտաբի աշխատանքի արդյունքներով 103 չվերթ ուշանում է մեկնելու և ժամանելու համար։ Խորհրդակցությունը վարել է տրանսպորտի նախարարի տեղակալ Վլադիմիր Պոտեշկինը՝ «Ռոսավիացիայի», «Ռոստրանսնադզորի», ավիաընկերությունների և մայրաքաղաքի օդանավակայանների ներկայացուցիչների մասնակցությամբ։
Տրանսպորտի նախարարությունում հայտնել են, որ օդանավակայաններին հանձնարարվել է ուղևորների համար ապահովել անհրաժեշտ պայմաններ չվերթների հարմարավետ սպասման համար։ Գերատեսչությունում նաև հայտնել են, որ պահուստային օդանավակայաններն ունեն ավիացիոն վառելիքի բավարար պաշարներ։
«Վնուկովոն», «Դոմոդեդովոն» և «Շերեմետևոն» դադարեցրել էին աշխատանքը հոկտեմբերի 16-ի երեկոյան և հոկտեմբերի 17-ի գիշերը։ Մոսկովյան ավիացիոն հանգույցի բոլոր չորս օդանավակայանները վերսկսել են աշխատանքը շաբաթ օրը՝ ժամը մոտ 07:00-ին։
Մոսկվայի քաղաքապետ Սերգեյ Սոբյանինի տվյալներով՝ օրվա սկզբից մայրաքաղաքի մերձակայքում խոցվել է 144 անօդաչու թռչող սարք։ Անօդաչուների հարձակումների սպառնալիքի ֆոնին օդանավակայանների աշխատանքի սահմանափակումները հանգեցրել են ժամանակացույցի խախտումների և ազդել են նաև Մոսկվայի և Երևանի միջև ավիահաղորդակցության վրա։
Արցախցիները չեն հրաժարվելու իրենց իրավունքներից, ինչ քաղաքականություն էլ վարեն Հայաստանի գործող իշխանությունները, հայտարարել է Արցախի «Արդարություն» կուսակցության համանախագահ Հակոբ Հակոբյանը․
«Մեզ բռնի տեղահանեցին մեր հայրենիքից, բայց չեն կարող մեզ զրկել մեր ինքնությունից և մեր տուն վերադառնալու ձգտումից։ Մեզնից խլեցին մեր տները, մեր հողը, մեր սովորական կյանքը, բայց չեն կարող ստիպել մեզ հաշտվել այն մտքի հետ, թե Արցախն այլևս մեր պատմության փակված էջն է։
Հայաստանի ներկայիս իշխանությունների վարած քաղաքականությունը, որքան էլ հակաարցախյան լինի, չի կարող կոտրել մեր ժողովրդին, լռեցնել մեր ձայնը կամ ստիպել հրաժարվել մեր իրավունքներից։ Ոչ մի իշխանություն հավերժ չէ, իսկ ժողովրդի հիշողությունն ու իրավունքների ձգտումը չեն վերանում քաղաքական որոշումներով։
Միևնույն ժամանակ, մենք չենք ուզում սին խոստումներ։ Մենք գիտենք, որ վերադարձը դժվար է, որ ճանապարհը երկար է, և որ ոչ ոք չի կարող մեզ ասել՝ երբ այն իրականություն կդառնա։ Բայց մենք իրավունք ունենք պահանջելու մեր վերադարձը՝ անվտանգ ու արժանապատիվ պայմաններում և իրական միջազգային երաշխիքներով։ Մեր պայքարը պետք է լինի հետևողական՝ իրավական, դիվանագիտական և ազգային։ Մեր պահանջը պետք է հնչի միջազգային բոլոր հարթակներում։ Մեր երեխաները պետք է իմանան, որ իրենց հայրենիքի պատմությունը չի ավարտվել բռնի տեղահանությամբ։
Մենք բռնագաղթված ենք, բայց չենք հրաժարվել Արցախից։ Մենք ցավ ունենք, բայց մեր ցավը հանձնվելու պատճառ չէ։ Արցախը միայն անցյալ չէ։ Արցախը մեր իրավունքների, մեր արժանապատվության և մեր ապագայի հարցն է։
Արցախը մեր հայրենիքն է։ Մեր իրավունքները սակարկման առարկա չեն»։
Ադրբեջանում կրկին մի շարք պետական հաստատությունների պաշտոնական ինտերնետային ռեսուրսների հասանելիության խափանում է նկատվում: Այս մասին գրում է 1lurer.am-ը։ Խափանվել են կառավարության, էկոնոմիկայի նախարարության, պետական վիճակագրական կոմիտեի, պաշտպանության նախարարության, առողջապահության նախարարության, ինչպես նաև մի շարք այլ գերատեսչությունների կայքերը: Թե ինչն է դարձել խափանման պատճառը և երբ կվերականգնվի մուտքը՝ դեռ հայտնի չէ:
Ադրբեջանում նման խափանումներ էին տեղի ունեցել նաև հոկտեմբերի 14-ին: Կապի և տեղեկատվական անվտանգության պետական ծառայությունը հայտարարել էր պետական տեղեկատվական ենթակառուցվածքների վրա ինտենսիվ կիբեռհարձակումների մասին։
Ավելի ուշ Իրաքում գործող իրանամետ հաքերային խումբն իր վրա էր վերցրել Ադրբեջանի ավելի քան 100 պետական դոմենների վրա լայնածավալ հաքերային հարձակման պատասխանատվությունը։
«ՀՀ իշխանությունների՝ հայ և թուրք ուսանողների փոխանակման ծրագիր նախաձեռնելու մտադրությունը լուրջ մտահոգության տեղիք է տալիս»,- հայտարարել է ՀՅԴ «Նիկոլ Աղբալյան» ուսանողական միությունը։
«Թուրքիայի կողմից Հայոց ցեղասպանության ժխտման, ինչպես նաև Հայաստանի և Արցախի դեմ Ադրբեջանի ագրեսիվ քաղաքականությանն աջակցելու պայմաններում իշխանությունները պարտավոր են հստակ ներկայացնել ծրագրի նպատակները, պայմաններն ու ակնկալվող արդյունքները։
Մենք դեմ չենք ժողովուրդների միջև երկխոսությանը և ակադեմիական համագործակցությանը, սակայն նման նախաձեռնությունները պետք է հիմնված լինեն փոխադարձության, հավասարության, թափանցիկության և ազգային շահերի պաշտպանության վրա։ Հայ երիտասարդությունը չպետք է վերածվի արտաքին քաղաքականության քարոզչական գործիքի։
Պահանջում ենք ՀՀ իշխանություններից՝
– հրապարակել ծրագրի ամբողջական բովանդակությունն ու իրականացման պայմանները,
– ներկայացնել թուրքական կողմի պարտավորությունները և Հայաստանի համար ակնկալվող արդյունքները,
– բացառել Հայոց ցեղասպանության հարցի նսեմացմանը, պատմական հիշողության աղավաղմանը կամ ազգային շահերի ստորադասմանը նպաստող ցանկացած համագործակցություն։
ՀՅԴ «Նիկոլ Աղբալյան» ուսանողական միությունը դեմ է ազգային արժանապատվության հաշվին երկխոսություն պարտադրելուն և պահանջում է հանրությանը ներկայացնել, թե ինչպես է այս նախաձեռնությունը ծառայելու Հայաստանի Հանրապետության շահերին։
Մեր պատմությունը սակարկության առարկա չէ՛։ Մեր ազգային արժանապատվությունը՝ նույնպես» ,- նշված է հայտարարությունում։
Հետևեք մեզ՝ այստեղ
«ՀՀ իշխանությունների՝ հայ և թուրք ուսանողների փոխանակման ծրագիր նախաձեռնելու մտադրությունը լուրջ մտահոգության տեղիք է տալիս»,- հայտարարել է ՀՅԴ «Նիկոլ Աղբալյան» ուսանողական միությունը։
«Թուրքիայի կողմից Հայոց ցեղասպանության ժխտման, ինչպես նաև Հայաստանի և Արցախի դեմ Ադրբեջանի ագրեսիվ քաղաքականությանն աջակցելու պայմաններում իշխանությունները պարտավոր են հստակ ներկայացնել ծրագրի նպատակները, պայմաններն ու ակնկալվող արդյունքները։
Մենք դեմ չենք ժողովուրդների միջև երկխոսությանը և ակադեմիական համագործակցությանը, սակայն նման նախաձեռնությունները պետք է հիմնված լինեն փոխադարձության, հավասարության, թափանցիկության և ազգային շահերի պաշտպանության վրա։ Հայ երիտասարդությունը չպետք է վերածվի արտաքին քաղաքականության քարոզչական գործիքի։
Պահանջում ենք ՀՀ իշխանություններից՝
— հրապարակել ծրագրի ամբողջական բովանդակությունն ու իրականացման պայմանները,
— ներկայացնել թուրքական կողմի պարտավորությունները և Հայաստանի համար ակնկալվող արդյունքները,
— բացառել Հայոց ցեղասպանության հարցի նսեմացմանը, պատմական հիշողության աղավաղմանը կամ ազգային շահերի ստորադասմանը նպաստող ցանկացած համագործակցություն։
ՀՅԴ «Նիկոլ Աղբալյան» ուսանողական միությունը դեմ է ազգային արժանապատվության հաշվին երկխոսություն պարտադրելուն և պահանջում է հանրությանը ներկայացնել, թե ինչպես է այս նախաձեռնությունը ծառայելու Հայաստանի Հանրապետության շահերին։
Մեր պատմությունը սակարկության առարկա չէ՛։ Մեր ազգային արժանապատվությունը՝ նույնպես» ,- նշված է հայտարարությունում։
Կիևը պահանջում է քաղաքապետ Վիտալի Կլիչկոյի հրաժարականը՝ քաղաքի ձմեռային նախապատրաստական աշխատանքների անբավարարության պատճառով։
Ըստ APA-ի՝ բողոքի ակցիան տեղի է ունենում Կիևի քաղաքային վարչակազմի շենքի առջև։
Ուկրաինայի նախագահ Վլադիմիր Զելենսկին նույնպես ավելի վաղ քննադատել էր Կլիչկոյին՝ պնդելով, որ Կիևը ձմռանը ավելի քիչ է պատրաստ, քան մյուս շրջանները, մասնավորապես՝ կարևորագույն ենթակառուցվածքների առումով։
Հետևեք մեզ՝ այստեղ
Անգլիական Պրեմիեր լիգայի 2026/27 մրցաշրջանի 7-րդ տուրում Լոնդոնի «Չելսին» հյուրընկալվելիս 2:0 հաշվով հաղթանակ տարավ «Էվերթոնի» նկատմամբ, սակայն հանդիպումը մթագնեց հյուրերի դարպասապահ Էմիլիանո Մարտինեսի ստացած ծանր վնասվածքով, հաղորդում է armsport.am-ը։