Media Monitoring

Blog

  • Ասանժը հրապարակել է երկու տարվա ընթացքում առաջին գրառումը





    WikiLeaks-ի հիմնադիր Ջուլիան Ասանժը X-ում հրապարակել է երկու տարվա ընթացքում առաջին գրառումը, որում հայտնել է, որ «վերադարձել է»։

     «Ես վերադարձել եմ»,- գրել է Ասանժը։

    X-ում նրա նախորդ գրառումը հրապարակվել էր 2024 թվականի հունիսի 28-ին՝ բրիտանական բանտից ազատ արձակվելուց կարճ ժամանակ անց։

     2019 թվականից Ասանժը պահվում էր Մեծ Բրիտանիայի Բելմարշ խիստ ռեժիմի բանտում, որտեղ տեղափոխվել էր այն բանից հետո, երբ նրան վտարել էին բրիտանական մայրաքաղաքում գտնվող Էկվադորի դեսպանատան տարածքից։ Ավելի քան հինգ տարի Վաշինգտոնը ձգտում էր, որ Լոնդոնը նրան արտահանձնի ԱՄՆ-ին, սակայն Ասանժի պաշտպանությունը նորանոր փորձեր էր ձեռնարկում դա կանխելու համար։

    ԱՄՆ դատախազների հետ գործարքի շրջանակում Ասանժը դատարանում իրեն մեղավոր է ճանաչել գաղտնի տեղեկատվություն ստանալու և տարածելու նպատակով հանցավոր դավադրության մեջ։ Այդ իրավախախտման համար ավստրալացին դատապարտվել է ազատազրկման այն ժամկետին, որն արդեն կրել էր բրիտանական բանտում։ 2024 թվականի հունիսի 26-ին Ասանժը վերադարձել է Ավստրալիա, որտեղ ապրում է նրա ընտանիքը։




    դիտվել է 86 անգամ


    https://www.youtube.com/watch?v=i9zQW0pBHtM



    Լրահոս

    Ամենաընթերցվածները



    Շուտով



    Սեպտեմբերի 18-ին՝ ժամը 13։00-ին, Հայելի ակումբի հյուրն է Ռուզաննա Ստեփանյանը

    Սեպտեմբերի 18-ին՝ ժամը 11։00-ին, Հայելի ակումբի հյուրն է Արամ Գասպարի Սարգսյանը

    Սեպտեմբերի 17-ին՝ ժամը 16։30-ին, Հայելի ակումբի հյուրն է Նաիրա Գևորգյանը

    Սեպտեմբերի 17-ին՝ ժամը 15։30-ին, Հայելի ակումբի հյուրն է Հովհաննես Շահինյանը

    Սեպտեմբերի 17-ին՝ ժամը 15։00-ին, Հայելի ակումբի հյուրն է Հովհաննես Իշխանյանը

    Սեպտեմբերի 17-ին՝ ժամը 14։00-ին, Հայելի ակումբի հյուրն է Նարինե Դիլբարյանը

    Սեպտեմբերի 17-ին՝ ժամը 12։00-ին, Հայելի ակումբի հյուրն է Մանուկ Սուքիասյանը

    Սեպտեմբերի 17-ին՝ ժամը 10։30-ին, Հայելի ակումբի հյուրն է Տիգրան Չոբանյանը

    Սեպտեմբերի 16-ին՝ ժամը 14։00-ին, Հայելի ակումբի հյուրն է Դերենիկ Մալխասյանը

    Սեպտեմբերի 16-ին՝ ժամը 13։00-ին, Հայելի ակումբի հյուրն է Անաստաս Իսրայելյանը

  • Արևմուտքը ուկրաինացիներին օգտագործում է որպես «թնդшնոթի միս»

    Արևմուտքը ուկրաինացիներին օգտագործում է որպես «թնդшնոթի միս»ՌԴ նախագահ Վլադիմիր Պուտինը հայտարարել է, որ սպառնալիքները չեն նվազում, ՆԱՏՕ-ն աճում և ընդլայնվում է։

    «Արևմուտքը ուկրաինացիներին օգտագործում է որպես թնդանոթի միս։ Ուկրաինայի իշխանությունները ընտրություններ չեն անցկացնում իրենց երկրում, այլ փորձում են միջամտել Ռուսաստանում կայանալիք ընտրություններին»,-նշել է նա։

  • Ոստիկանության գվարդիայի ծառայողները Հաղթանակի կամրջի վրա ինքնաuպանության փորձ են կանխել


    Հասարակություն





    Սեպտեմբերի 16-ին՝ ժամը 1․40-ի սահմաններում, ՆԳՆ ոստիկանության գվարդիայի ծառայողները գիշերային ծառայություն իրականացնելիս Հաղթանակի կամրջի վրա նկատել են մի կնոջ, որը փորձում է նետվել կամրջից։

    Ոստիկանների օպերատիվ և արդյունավետ գործողությունների արդյունքում օտարերկրյա քաղաքացի 36-ամյա կնոջ ինքնասպանության փորձը կանխվել է։

    Դեպքի վերաբերյալ կազմված փաստաթղթերը փոխանցվել են նախաքննական մարմին։


    Հետևեք     մեզ՝ այստեղ



  • ՌԴ ՊՆ․ ռուսական ուժերը Օդեսայի մարզում հարվածել են երկու չորաբեռնատար նավի և լցանավի

    Ռուսաստանի պաշտպանության նախարարության հաղորդմամբ՝ ռուսական զինուժը հարվածներ է հասցրել Օդեսայի մարզի նավահանգիստներում և Սև ծովում գտնվող երկու չորաբեռնատար նավի ու լցանավի, որոնք, ըստ գերատեսչության, օգտագործվել են Ուկրաինայի զինված ուժերի շահերից ելնելով։

    ՌԴ ՊՆ-ի տվյալներով՝ Օդեսայի մարզի Յուժնի նավահանգստում հարված է հասցվել չորաբեռնատար նավի, որը ռազմական նշանակության բեռներ էր տեղափոխել։ Օդեսայի նավահանգստում էլ հարված է հասցվել լցանավի, որը, ըստ ռուսական կողմի, վառելիքաքսուքային նյութեր էր տեղափոխել ուկրաինական բանակի համար։

    Ռուսաստանի պաշտպանության նախարարությունը հայտնել է նաև Սև ծովում ընթացքի մեջ գտնվող մեկ այլ չորաբեռնատար նավի ուղղությամբ հարվածի մասին։ Գերատեսչության պնդմամբ՝ նավը Օդեսայի նավահանգիստ էր տեղափոխում Ուկրաինայի զինված ուժերի ապահովման համար նախատեսված բեռներ։

    ՌԴ ՊՆ-ն նշել է, որ օրվա ընթացքում Ուկրաինայի նավահանգիստներին և ծովային նավերին հարվածներն իրականացվել են անօդաչու թռչող սարքերով։

    Ավելի վաղ Ռուսաստանի պաշտպանության նախարարությունը հայտնել էր, որ սեպտեմբերի 18-ի գիշերը ռուսական զինուժը անօդաչու սարքերով հարվածներ է հասցրել Ուկրաինայի նավահանգիստներին, նավերին և Ուկրաինայի զինված ուժերի շահերից օգտագործվող լոգիստիկ կենտրոններին։ Ըստ ռուսական կողմի՝ հարվածներից մեկը հասցվել է Օդեսայի մերձակայքում գտնվող «Նովայա պոչտա» ընկերության լոգիստիկ կենտրոնին, որտեղ, ըստ գերատեսչության, պահվում և բաշխվում են Եվրոպայից ստացվող ռազմական բեռներ։

  • Պաշտոնյաների աշխատավարձերի բարձրացման նախագիծը` ԱԺ քննարկման…

    Պաշտոնյաների աշխատավարձերի բարձրացման նախագիծը` ԱԺ քննարկման…

  • Օդի ջերմաստիճանը վաղը կնվազի 2-4 աստիճանով |

    Սեպտեմբերի 18-ին Արարատյան դաշտում և Երևանում, Շիրակում, Արագածոտնի, Կոտայքի և Վայոց ձորի նախալեռներում, Սյունիքի հովտային շրջաններում սպասվում է բարձր կարգի հրդեհավտանգ իրավիճակ։

    Երևանում սեպտեմբերի 18-ին կեսօրից հետո քաղաքի առանձին հատվածներում, 19-ին ժամանակ առ ժամանակ սպասվում է, 20-ին՝ կեսօրից հետո հնարավոր է կարճատև անձրև և ամպրոպ, ամպրոպի ժամանակ քամու ուժգնացում՝ 16-19 մ/վ արագությամբ։ Սեպտեմբերի 21-23-ին սպասվում է առանց տեղումների եղանակ։

    Հանրապետության տարածքում սեպտեմբերի 18-ին, 21-23-ին կեսօրից հետո, 19-ին ժամանակ առ ժամանակ, 20-ին` գիշերը և կեսօրից հետո առանձին շրջաններում սպասվում է կարճատև անձրև և ամպրոպ, հնարավոր է նաև կարկուտ։ Սեպտեմբերի 19-ին Շիրակի, Լոռիի և Տավուշի առանձին հատվածներում անձրևները կլինեն հորդառատ։

    Քամին`արևմտյան`2-5 մ/վ,ամպրոպի ժամանակ սպասվում է քամու ուժգնացում՝ 17-20 մ/վ արագությամբ։ Օդի ջերմաստիճանը սեպտեմբերի 19-ի ցերեկը կնվազի 2-4 աստիճանով, սեպտեմբերի 21-23-ին աստիճանաբար նույնքան կբարձրանա

  • «Նոան» պատմական ռեկորդ է սահմանել Ֆուտբոլի Հայաստանի Պրեմիեր լիգայի 2026/27 մրցաշրջանում

    Հայաստանի գործող գավաթակիր ու սուպերգավաթակիր «Նոան» պատմական ռեկորդ է սահմանել Ֆուտբոլի Հայաստանի Պրեմիեր լիգայի 2026/27 մրցաշրջանում՝ դառնալով առաջին թիմը, որը մեկնարկային 8 խաղերում տարել է 8 անընդմեջ հաղթանակ:

    Նախկինում Հայաստանի առաջնությունների պատմության մեջ երբևէ որևէ այլ թիմի չէր հաջողվել նման արդյունք գրանցել։ Ընդ որում, երևանյան թիմն իր հաղթանակներից 6-ը տարել է «չոր» հաշվով՝ սեփական դարպասը պահելով անառիկ։

    ​Այս պատմական ցուցանիշը վերջնականապես ձևակերպվեց ՀՊԼ-ի 8-րդ տուրում, երբ «Նոան» Աբովյանի Վահագն Թումասյանի անվան մարզահամալիրում երկու անպատասխան գնդակ ուղարկեց Չարենցավանի «Վանի» դարպասը (2-0)։ Հանդիպման 66-րդ րոպեին հաշիվը բացեց Մարկո Լազետիչը, իսկ ընդամենը 9 րոպե անց՝ 75-րդ րոպեին, հենց նրա փոխանցումից հետո հաշիվը կրկնապատկեց և խաղի վերջակետը դրեց երևանյան թիմի պատմության լավագույն ռմբարկու Էլդեր Ֆերեյրան։

    ​Այս հաղթանակից հետո երևանյան ակումբը վաստակեց 24 միավոր և շարունակում է վստահորեն ու միանձնյա գլխավորել մրցաշարային աղյուսակը:

  • Տարադրամի փոխարժեքները սեպտեմբերի 18-ին – ԱՄԲԻՈՆ NEWS

    Ներկայացնում ենք տարադրամի փոխարժեքները ըստ rate.am-ի։

    ԱՄՆ դոլարի առքի առավելագույն արժեքը 362.50 դրամ է, վաճառքի նվազագույն արժեքը՝ 365 դրամ։

    Եվրոյի առքի առավելագույն արժեքը 415 դրամ է, վաճառքի նվազագույն արժեքը՝ 420 դրամ։ Ռուսական ռուբլու առքի առավելագույն արժեքը 4.24 դրամ է, վաճառքի նվազագույն արժեքը՝ 4.37 դրամ։

  • Յամալը նշել է, թե որ թիմերի մասնակցությամբ խաղերն է ամենաշատը սիրում դիտել



    Կատալոնական «Բարսելոնայի» և Իսպանիայի հավաքականի աստղային հարձակվող Լամին Յամալը կիսվել է իսպանական ֆուտբոլում իր անսպասելի նախասիրություններով։ Երիտասարդ ֆուտբոլիստը նշել է այն թիմերին, որոնց հանդիպումներն Իսպանիայի Լա լիգայի շրջանակում իրեն ամենաշատն է դուր գալիս դիտել։

    Ինչպես հաղորդում է իսպանական SPORT պարբերականը, հարցին, թե արդյոք կան թիմեր, որոնց խաղերն ինքն ավելի հաճախ է դիտում, Յամալը պատասխանել է․

    «Ինձ դուր է գալիս դիտել «Բետիսի» և «Վիլյառեալի» մասնակցությամբ հանդիպումները։ Կարծում եմ՝ այս երկու թիմերը շատ հետաքրքիր և դիտարժան ֆուտբոլ են խաղում»։ Ընդ որում, 19-ամյա խաղացողը հավելել է նաև, որ «Վիլյառեալն» այն թիմն է, որի դեմ խաղադաշտում պայքարելն իր համար իսկապես հաճելի ու զվարճալի է։

    Այս համակրանքի հավանական բացատրությունը թաքնված է հիշատակված մրցակիցների դեմ ֆուտբոլիստի անհատական վիճակագրության մեջ։ Իր պրոֆեսիոնալ կարիերայի ընթացքում Լամինն ընդհանուր առմամբ 7 հանդիպում է անցկացրել «Բետիսի» դեմ, որոնցում առանց պարտության տարել է 5 հաղթանակ՝ դառնալով 2 գոլի և 4 արդյունավետ փոխանցման հեղինակ։ Իսկ «Վիլյառեալի» դեմ հարձակվողը մրցել է 6 անգամ՝ իր ակտիվում գրանցելով 4 հաղթանակ, 2 պարտություն, ինչպես նաև 5 խփած գնդակ և 2 գոլային փոխանցում։


    Հետևեք     մեզ՝ այստեղ


  • Դատախազությունում գիտեն՝ Ռոբերտ Քոչարյանի դեմ այս փուչիկը պայթում է․ Սևակ Խաչատրյան (video)

    Դատախազությունում գիտեն՝ Ռոբերտ Քոչարյանի դեմ այս փուչիկը պայթում է․ Սևակ Խաչատրյան (video)