Ֆրանսիայի նախագահ Էմանուել Մակրոնը հայտարարել է, որ Հորմուզի նեղուցը շարունակում է հիմնականում փակ մնալ։
«Հորմուզի նեղուցը հիմնականում շարունակում է փակ մնալ, և նեղուցը բացելու վերաբերյալ որևէ պայմանավորվածություն չկա։ Փաստացի, տարանցման հետ կապված իրավիճակը մի քանի շաբաթ առաջվա համեմատ վատթարացել է»,- ասել է Մակրոնը։
Ֆրանսիայի նախագահի խոսքով՝ նեղուցում տրանսպորտային և տարանցիկ իրավիճակը շարունակում է մնալ բարդ՝ չնայած դրա կարգավորման շուրջ քննարկումներին։
Վիսբադենում՝ Հեսսենի դաշնային երկրամասային խորհրդարանում տեղի է ունեցել Հայաստանի Հանրապետության վարչապետ Նիկոլ Փաշինյանին Հեսսեյան խաղաղության մրցանակի շնորհման հանդիսավոր արարողությունը։
Խորհրդարանի մուտքի մոտ վարչապետին դիմավորել են Հեսսենի դաշնային երկրամասային խորհրդարանի փոխնախագահ Դանիելա Սոմմերը և «Ալբերտ Օսվալդ» հիմնադրամի հանձնաժողովի խորհրդի նախագահ Կարլ Շթարցախերը, որից հետո Նիկոլ Փաշինյանը գրառում է կատարել պատվավոր հյուրերի համար նախատեսված գրքում։
Մրցանակի շնորհման արարողության ընթացքում ելույթներով հանդես են եկել Գերմանիայի Դաշնային Հանրապետության Արտաքին գործերի նախարարության պետնախարար Սերապ Գյուլերը, «Ալբերտ Օսվալդ» հիմնադրամի հանձնաժողովի խորհրդի նախագահ Կարլ Շթարցախերը, հիմնադրամի հանձնաժողովի անդամ, Ալբերտ Օսվալդի դուստր Միխաելա Յեկել-Օսվալդը, որոնք իրենց ելույթներում անդրադարձել են ՀՀ վարչապետին խաղաղության մրցանակը հանձնելու որոշմանը, բարձր գնահատել նրա ջանքերը Հայաստանի և Ադրբեջանի միջև խաղաղության հաստատման, ինչպես նաև ՀՀ-ում իրականացվող ժողովրդավարական բարեփոխումների առաջմղման և Եվրոպական միության հարաբերությունների զարգացմանը նպաստելու գործում։ Ներկայացվել է նաև վարչապետ Փաշինյանի կենսագրությունը և գործունեությունը՝ որպես լրագրող, խմբագիր, պատգամավոր, ՀՀ-ում Ժողովրդական, թավշյա, ոչ բռնի հեղափոխության առաջնորդ և վարչապետ։
Այնուհետև վարչապետ Նիկոլ Փաշինյանին է հանձնվել Հեսսեյան խաղաղության մրցանակի հավաստագիրը, որից հետո ՀՀ վարչապետը հանդես է եկել ելույթով։
Նիկոլ Փաշինյանը, մասնավորապես, նշել է․
«Հարգելի՛ տիկին Սոմմեր,
Հարգելի՛ պարոն Շթարցախեր,
Հեսսենի Լանդթագի հարգարժա՛ն անդամներ,
Տիկնա՛յք և պարոնա՛յք,
Ինձ համար մեծ պատիվ է ստանալ Հեսսենի խաղաղության մրցանակը։ Ցանկանում եմ խորին երախտագիտություն հայտնել «Ալբերտ Օսվալդի» հիմնադրամի հոգաբարձուների խորհրդին՝ այս բարձր գնահատանքի համար։
2025 թվականի օգոստոսի 8-ին Հայաստանի և Ադրբեջանի միջև խաղաղություն հաստատվեց՝ Վաշինգտոնի խաղաղության գագաթնաժողովի և այնտեղ Ադրբեջանի նախագահ Իլհամ Ալիևի ու իմ կողմից ընդունված համատեղ հռչակագրի արդյունքում, որն ստորագրվեց ԱՄՆ նախագահ Դոնալդ Թրամփի ներկայությամբ։
Կարևոր է, որ խաղաղությունը հաստատվեց ոչ միայն թղթի վրա և լրատվամիջոցներում, այլև գետնի վրա՝ հնարավորություն տալով Հայաստանի և Ադրբեջանի ժողովուրդներին զգալ այլ կերպ։
Խաղաղության իրական ուղին սկսվեց 2024 թվականի գարնանը, երբ առաջին անգամ մեր հետխորհրդային պատմության մեջ Հայաստանի և Ադրբեջանի միջև տեղի ունեցավ սահմանազատման գործընթաց։ Այդ ժամանակվանից ի վեր սահմանային միջադեպերի հետևանքով ոչ մի կողմում զոհեր չեն եղել, ինչն աննախադեպ երևույթ է 90-ականների սկզբից ի վեր։
2024 թվականին Հայաստանին և Ադրբեջանին հաջողվեց ստորագրել և վավերացնել միջպետական նշանակության առաջին փաստաթուղթը՝ երկու երկրների սահմանազատման և սահմանագծման հանձնաժողովների համատեղ գործունեության կանոնակարգը։
Այս փաստաթուղթը սահմանում է, որ 1991 թվականի Ալմա-Աթայի հռչակագիրը հիմնարար սկզբունք է հանդիսանում մեր երկու երկրների միջև սահմանի սահմանազատման և սահմանագծման համար։
Սա նշանակում է, որ Հայաստանը և Ադրբեջանը ճանաչում են միմյանց տարածքային ամբողջականությունն ու ինքնիշխանությունը՝ երկու խորհրդային հանրապետությունների տարածքներին համապատասխան։
Սա այն սկզբունքն է, որն ամրագրված է նաև Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրում, որը մեր արտաքին գործերի նախարարները նախաստորագրեցին Վաշինգտոնի խաղաղության գագաթնաժողովի ընթացքում։
Նշված համաձայնագրի նախաստորագրումը և Վաշինգտոնի խաղաղության հռչակագրի ընդունումը պատմական բեկում դարձան Հայաստան-Ադրբեջան հարաբերություններում։
Այս առիթով ցանկանում եմ գնահատանքս հայտնել ԱՄՆ նախագահ Դոնալդ Թրամփին, ում անձնական ներգրավվածությունն ու առաջնորդությունը վճռորոշ նշանակություն ունեցան։
Ցանկանում եմ նաև գնահատանքս հայտնել Ադրբեջանի նախագահ Իլհամ Ալիևին, ով հավասարապես արժանի է այս մրցանակին։
Ցանկանում եմ նաև իմ երախտագիտությունը հայտնել Հայաստանի և Ադրբեջանի ժողովուրդներին։ Չնայած հակամարտության հետևանքով առաջացած դժվարություններին, մարդկային կորուստներին և տառապանքներին՝ նրանք ընդունել և պաշտպանել են խաղաղությունը՝ գիտակցելով, որ չեն կարող փոխել անցյալը, բայց կարող են փոխել ներկան և ապագան՝ կարծես անվերջ թվացող հակամարտության փոխարեն ընտրելով խաղաղության, բարգավաճման և համագործակցության հեռանկարը։
Տիկնայք և պարոնայք,
TRIPP նախագիծը՝ «Թրամփի ուղին հանուն միջազգային խաղաղության և բարգավաճման», Վաշինգտոնի խաղաղության գագաթնաժողովի ևս մեկ կարևոր արդյունք է։ Ներկայումս ընթանում են դրա իրականացմանն ուղղված ամենօրյա աշխատանքներ։
Այս նախագիծը կբացի Հայաստանի հաղորդակցության ուղիներն Ադրբեջանի համար և հակառակը, թեև փաստացի՝ դեռևս 2025 թվականի նոյեմբերից Ադրբեջանի երկաթուղին բաց է եղել Հայաստանի համար՝ Վրաստանի տարածքով, և Հայաստանի ու Ադրբեջանի միջև երկկողմ առևտուրն արդեն իսկ սկսվել է։
TRIPP նախագիծը ենթադրում է Հայաստանի տարածքում երկաթուղու վերականգնում, ինչպես նաև ճանապարհների, խողովակաշարերի և էլեկտրահաղորդման գծերի կառուցում, որոնք կծառայեն ոչ միայն ներքին կամ տարածաշրջանային, այլև միջազգային և տարանցիկ նպատակների՝ բացելով նոր հնարավորություններ «Արևելք-Արևմուտք» և «Հյուսիս-Հարավ» ուղղություններով կապակցվածության համար։
Այս նախագծի իրականացումը նաև կնպաստի Հայաստանի և Ադրբեջանի ժողովուրդների միջև խաղաղ փոխանակումներին և շփումներին։
Նման փոխանակումները ոչ պակաս կարևոր են, քան ստորագրված և վավերացված փաստաթղթերը, կամ բարձր մակարդակի հանդիպումներն ու համաձայնագրերը։
Հայաստանի և Ադրբեջանի ժողովուրդներն ունեն խաղաղ համակեցության դարավոր փորձ, որը գրեթե մոռացվել է հակամարտության 30+ տարիների ընթացքում։
Եվ մեր խնդիրն իրականում անցյալը վերակենդանացնելը չէ, այլ այդ ավանդույթները միջպետական, բարիդրացիական հարաբերությունների նոր դարաշրջանի վերածելը՝ հարգելով միմյանց ինքնիշխանությունը, տարածքային ամբողջականությունը և քաղաքական անկախությունը։
Տիկնայք և պարոնայք,
Խաղաղություն է հաստատվել Հայաստանի և Ադրբեջանի միջև։ Այն, անշուշտ, կատարյալ չէ։ Կան բազմաթիվ խնդիրներ, այդ թվում՝ մարդասիրական, որոնք անհանգստացնում են մեր հասարակություններին։ Անհետ կորած անձինք, կալանավորվածները, ականազերծումը…սրանք այն հարցերն են, որոնց լուծումը կպահանջի հետագա ջանքեր և՛ Հայաստանից, և՛ Ադրբեջանից։
Եվ ես հույս ունեմ, որ մենք հաջողությամբ կլուծենք այս բոլոր խնդիրները։
Սիրելի՛ բարեկամներ,
Այս մրցանակը ստանալն այստեղ՝ Հեսսենում, ինձ համար առանձնահատուկ նշանակություն ունի։ 1988 թվականին, երբ Հայաստանը ցնցվեց Սպիտակի ավերիչ երկրաշարժից, Հեսսենը նրանց թվում էր, ովքեր օգնության հասան հայ ժողովրդին։ Հեսսենի աջակցությամբ կառուցվեցին տարբեր կառույցներ, այդ թվում՝ մանկապարտեզ և հիվանդանոց։ Այդ ժամանակ Հայաստանն ապրում էր իր ժամանակակից պատմության ամենամռայլ պահերից մեկը։ Եվ այդ ժամանակ Հեսսենի ժողովուրդը մեզ ցուցաբերեց առատաձեռն օգնություն։
Պարոն Շթարցախեր, Դուք ինքներդ այցելեցիք Հայաստան այդ դժվարին տարիներին և ձեր աչքերով տեսաք այդ աղետի հետևանքները։
Այսօր, տասնամյակներ անց, մենք կրկին հանդիպում ենք, բայց բոլորովին այլ հանգամանքներում։ Այն ժամանակ Հեսսենը ձեռք մեկնեց Հայաստանին ողբերգության պահին։ Այսօր Հեսսենը ձեռքը մեկնում է՝ ի նշան խաղաղության համար մեր ջանքերի ճանաչման։
Այս գեղեցիկ Վիսբադեն քաղաքի հետ կա նաև ավելի անձնական կապ։ Շատ տարիներ առաջ, երբ ես գրում էի իմ «Երկրի մյուս կողմը» գիրքը, Վիսբադենն իմ երևակայական ճանապարհորդության կանգառներից մեկն էր, դիտարկված այն մարդու աչքերով, ով փորձում էր հասկանալ Հայաստանից այն կողմ գտնվող աշխարհը։
Եվ այսօր ես կանգնած եմ այստեղ՝ Վիսբադենում, ոչ թե որպես հեռավոր վայր պատկերացնող գրող, այլ որպես Հայաստանի վարչապետ, ով ստանում է խաղաղության մրցանակ։ Եվ գուցե սրանում կա ինչ-որ խորհրդանշական բան, հատկապես 2018 թվականի Ժողովրդական, թավշյա, ոչ բռնի հեղափոխության ֆոնին, քանի որ մենք խաղաղությունը դիտարկում ենք՝ որպես մեր ժողովրդավարական բարեփոխումները համախմբելու և ինստիտուցիոնալացնելու, ինչպես նաև մեր ժողովրդավարությունը կայուն ու անշրջելի դարձնելու ամենանպաստավոր միջավայրը։
Այս համատեքստում, կցանկանայի շնորհակալություն հայտնել Եվրոպական միությանը, Գերմանիային և մյուս անդամ պետություններին՝ մեր ժողովրդավարական դիմակայունությանը երկարատև աջակցություն ցուցաբերելու համար: Մեր հարաբերությունները ԵՄ-ի հետ այժմ գտնվում են պատմական ամենաբարձր կետում՝ ռազմավարական գործընկերության մեջ, և մենք դեռևս ուսումնասիրում ենք հետագա հնարավորությունները։
Տիկնայք և պարոնայք,
Հայաստանը խորապես երախտապարտ է մեր բոլոր միջազգային գործընկերներին, ովքեր աջակցել են մեր տարածաշրջանում խաղաղությանը: Մենք այս մրցանակը համարում ենք այդ աջակցության արտահայտություններից մեկը։
Օգտվելով առիթից՝ կցանկանայի ջերմորեն շնորհավորել Հեսսենի դաշնային երկրամասին՝ իր 80-ամյակի առիթով։ Հեսսենի վերակառուցումը պատերազմից հետո կարևոր դաս է մարդկության համար, որը ցույց է տալիս, թե ինչպես կարելի է կրկին ոտքի կանգնել, գտնել առաջ շարժվելու ուժը և միասին աշխատել խաղաղ և բարգավաճ ապագա կառուցելու համար։
Շնորհակալություն»։
«Ամբիոն Նյուզ»-ը շարունակել է ճշտել 59-ամյա Հակոբ Սարգսյանի մահվան և հուղարկավորության հետ կապված մանրամասները։
Մեր լրատվականը կապ է հաստատել Արմավիրի մարզի սոցիալական ծառայության պետ Նարինե Աստրյանի հետ։ Վերջինս նշել է, որ Հակոբ Սարգսյանի հուղարկավորության մանրամասներին ամբողջությամբ չի տիրապետում և խորհուրդ է տվել հարցերի վերաբերյալ կապ հաստատել համապատասխան պատասխանատուների հետ։
Այնուհետև «Ամբիոն Նյուզ»-ը կապ է հաստատել Արսեն Թորոսյանի մամուլի խոսնակ Նվեր Կոստանյանի հետ։ Նա տեղեկացրել է, որ սահմանված կարգով կտրամադրվի 200 հազար դրամ աջակցություն, իսկ մնացած հանգամանքները պետք է ճշտել համայնքապետարանից։
Մեր լրատվականը զրուցել է նաև Արմավիրի համայնքապետարանի աշխատակազմի ղեկավար Լիանա Հայրապետյանի հետ։ Նրա փոխանցմամբ՝ ընտանիքի խնդրանքով համայնքապետարանը տրամադրել է ընտանեկան գերեզմանատեղը։Ամբիոն նյուզը նաև պարզեց նաև , որ Հակոբ Սարգսյանի թաղման մյուս արարողակարգային հարցերի կազմակերպմամբ զբաղվել է «Եկեք օգնենք իրար» ֆեյսբուքյան խմբի ղեկավար Նարեկը։
Այսօր՝ սեպտեմբերի 18-ին, Հակոբ Սարգսյանի հուղարկավորությունն է։
«Ամբիոն Նյուզ»-ը շարունակում է հետևել ընտանիքի շուրջ ստեղծված իրավիճակին և հետագայում ևս կներկայացնի նոր մանրամասներ՝ պաշտոնական աղբյուրներից ստացված տեղեկությունների հիման վրա։ Արփի Սիրադեղյան
2026-ին ստուգումներ են իրականացվել 83 հարկ վճարողի մոտ, հայտնաբերվել է չգրանցված 507 աշխատող. ՊԵԿՇիրակի մարզի քրեական ոստիկանները թմրանյութ պատրաստելու և օգտագործելու դեպք են բացահայտել․ կատարվում է նախաքննությունՍԱՏՄ-ն վերահսկողություն է իրականացրել սննդամթերքի վրա միջատասպան միջոց կիրառելու վերաբերյալ տարածված տեսանյութի հիման վրաՊուշկինո համայնքում գտնվող 4 հա մակերեսով հողամասը վերադարձվել է համայնքի տիրապետմանըԾովագյուղից մինչև Դիլիջանի թունել հատվածում միջին նորոգում է իրականացվումՀաստատ հաջորդ վարչապետը ես եմ լինելու, դուք էլ ծափահարելու եք, Փաշինյանն էլ է ծափահարելու․ Կարապետյան
ԱՄՆ պետքարտուղար Մարկո Ռուբիոն վճռորոշ դեր է խաղացել Իրանի հետ պատերազմը դադարեցնելու հնարավոր համաձայնագրի խափանման գործում ԱՄՆ փոխնախագահ Ջ.Դ. Վենսի հետ Պակիստանում բանակցությունների ժամանակ, հաղորդում է NBC News-ը՝ հղում անելով թեմային ծանոթ աղբյուրին։
«Ապրիլյան մարաթոնյան հանդիպման ընթացքում (Պակիստանում) ամերիկացի բանակցողները սկսեցին անհանգստանալ. թվում էր, թե իրանցիները փոխում էին հնարավոր համաձայնագրի պայմանները։ Այսպիսով, ընդմիջման ժամանակ նրանք զանգահարեցին Ռուբիոյին՝ հետագա քայլերի վերաբերյալ ուղղորդում ստանալու համար։ Ռուբիոն համաձայնեց, որ նրանք չեն կարող ընդունել Իրանի առաջարկը։ Համաձայնություն չի լինի», – հաղորդում է հեռուստաալիքը։
Հաղորդագրության մեջ նաև ընդգծվում է, որ Ռուբիոն միտումնավոր խուսափում է խաղաղության խորհրդակցությունների հանրային դեմքը լինելուց, Վենսին, ինչպես նաև հատուկ դեսպանորդներ Սթիվ Ուիթքոֆին և Ջարեդ Քուշներին ուղևորություններ պատվիրակելուց:
Այնուամենայնիվ, ըստ հեռուստաալիքի, հենց ամերիկյան դիվանագիտության ղեկավարն է հանդես գալիս որպես «մոխրագույն կարդինալ»՝ պահպանելով վետոյի իրավունքը կարևոր որոշումների վերաբերյալ փակ դռների հետևում:
ՀՀ ֆինանսների նախարարությունը մասնակցել է Հայաստանի պետական տնտեսագիտական համալսարանի նախաձեռնությամբ կազմակերպված աշխատանքի ամենամյա տոնավաճառին
ՀՀ ֆինանսների նախարարությունը մասնակցել է Հայաստանի պետական տնտեսագիտական համալսարանի նախաձեռնությամբ կազմակերպված աշխատանքի ամենամյա տոնավաճառին։ Նախարարության մասնագետները ուսանողներին ներկայացրել են ֆինանսների նախարարությունում աշխատանքի և պրակտիկայի հնարավորությունները, ինչպես նաև աշխատակիցների համար նախատեսված առավելությունները։
Տոնավաճառի ընթացքում անցկացվել է տնտեսագիտական և ինտելեկտուալ հարցերից կազմված խաղ-քուիզ, իսկ ուսանողների ներկայացրած ինքնակենսագրականները հավաքվել են և կդիտարկվեն` նախարարությունում առկա թափուր հաստիքների համալրման նպատակով։
Ինչպես արդեն տեղեկացրել էինք, ձերբակալվել է նախկին վարչապետ Հովիկ Աբրահամյանի եղբայրը՝ Հենրիկ Աբրահամյանը;
«Պաշտոնատար անձի կողմից պաշտոնեական լիազորությունները չարաշահելու, այդ արարքին օժանդակելու, պաշտոնեական կեղծիք կատարելու և կեղծ փաստաթուղթ օգտագործելու դեպքերի առթիվ ՀՀ հակակոռուպցիոն կոմիտեում իրականացվող քրեական վարույթի շրջանակում ձերբակալվել է ՀՀ նախկին վարչապետ Հ. Ա.-ի եղբայրը»։ Այս մասին Aysor.am-ին հայտնեցին Հակակոռուպցիոն կոմիտեից։
դիտվել է 297 անգամ
Դավիթ Դավթյանին հանդիպում ենք աշխատավայրում։ Նրան ընդառաջ բակով վազում են Գոնչոն եւ Ռայան՝ շները, որոնց Դավիթը պահում եւ խնամում է այստեղ՝ ծնվելու օրվանից։
Այժմ՝ դերասան, նախկինում՝ Գեւորգյան ճեմարանի սանն արդեն երկու տարի զբաղվում է անտուն կենդանիներով: Արմավիրի մարզի համայնքներից մեկում՝ իր հողատարածքում հիմնած կացարանում այսօր արդեն 120 շուն կա: Այդ թիվն աճում է ամեն անգամ, երբ Դավիթը հանդիպում է հերթական շանը, որը լքված է, անօգնական կամ տուժել է մարդու դաժան վերաբերմունքից:
Դավիթ Դավթյանը՝ Գոնչի ու Ռայայի հետ
Լուսանկարը` Մեդիամաքս
Մինչ Գոնչոն ու Ռայան վայելում են իրենց կեսօրյա հանգիստը, Դավիթի հետ զրուցում ենք կենդանիների հանդեպ վերաբերմունքի, մտածողության փոփոխության անհրաժեշտության մասին:
«Ինչո՞ւ Ռայա», – առաջինը հարցնում եմ մեզ ուշադիր լսող շան անվան մասին: «Չգիտեմ, երբ դեռ ձագ էր, աշխատավայրի պապիկներն են անվանել: Երեւի, երիտասարդ տարիների սիրո պատմություններից է», – ծիծաղում է Դավիթը:
«Նոր տարվա օրը շատ վտանգավոր ճանապարհի մոտ երկու ձագ նկատեցի»
Ես Էջմիածին քաղաքին հարակից Արշալույս համայնքից եմ։ Անտուն շներին փորձում եմ օգնել արդեն երկու տարի: Հետաքրքիր է, որ այն փուլում, երբ սկսվեց այս ողջ ճանապարհը, անընդհատ մտածում էի շուն որդեգրելու մասին (ժպտում է – հեղ.): Ամեն ինչ աստիճանաբար եղավ:
Դավիթ Դավթյանը
Լուսանկարը` Մեդիամաքս
Մի անգամ Նոր տարվա օրը աշխատավայրիս մոտ՝ շատ ակտիվ ճանապարհի վրա, երկու փոքր ձագ նկատեցի: Շատ ցուրտ էր, տեղանքը՝ վտանգավոր: Վերցրեցի ու բերեցի աշխատավայրի բակ, որտեղ արդեն մեկ տարի ապրում էին Ռայան ու Գոնչը:
Աշխատանքից հետո ձագերին հետս տուն տարա, բայց որոշ ժամանակ անց նրանք հիվանդացան այդ տարիքում հաճախ հանդիպող հիվանդությամբ՝ էնտերիտով: Ձագերի կյանքի համար օրերով պայքարեցինք, բարեբախտաբար, փրկվեցին երկուսն էլ ու շարունակեցին ապրել իմ տան բակում:
Հետո աղբանոցում եւս հինգ ձագ գտա՝ նույն հիվանդությամբ: Երեքին, ցավոք, փրկել չհաջողվեց: Այսպես շղթայական հանդիպում էի նոր ձագերի, տերերի կողմից լքված կենդանիների, վնասվածքներ ունեցողների: Քայլ առ քայլ իմ խնամքի տակ եղած շների թիվը տասնյակների հասավ:
«Մեկ ամիս փորձել եմ շահել շան վստահությունը. այսօր ստացվեց»
Բնականաբար, սա ենթադրում է մեծ պատասխանատվություն, խնամք, պահման պայմաններ: Հիմա ունեմ իմ կացարանը, որը հիմնել եմ հողատարածքիս վրա: Եթե անցյալ ձմեռն այստեղ անցկացրել ենք 15 շան հետ, այսօր նրանց թիվն արդեն 120 է եւ անընդհատ ավելանում է:
Լուսանկարը` Մեդիամաքս
Այսօր առավոտյան էլ նոր շուն եմ տարել կացարան: Նկատել էի, որ չափազանց նիհար է եւ նույնքան վախեցած: Փորձում էի կերակրել, բայց անհնար էր, փախչում էր: Հետո քիչ-քիչ հեռվում ուտելիք էի թողնում, որ իմ հեռանալուց մոտենա, ուտի: Այսօր՝ մեկ ամիս փորձելուց հետո վստահեց ինձ, վերջապես մոտեցավ ու նրան կացարան տարա:
Այստեղի ամբողջ աշխատանքը կատարում եմ միայնակ: Ամեն առավոտ մոտ երեք ժամ ծախսում եմ կերակրման, խնամքի, շների հետ շփվելու վրա: Սկզբում, երբ նրանց թիվը 15-20 էր, ինքնուրույն էի հոգում նաեւ ամբողջ ծախսերը: Ինչ-որ պահի նույնիսկ մեքենաս եմ վաճառել այս նպատակով:
Դավիթ Դավթյանը
Լուսանկարը` Մեդիամաքս
Այն ժամանակ դեռ չգիտեի, որ կան կենդանասերների խմբեր, որտեղ կարելի է միավորել ջանքերը: Այսօր սոցիալական հարթակներում ցանկացողները կարող են միանալ դրամահավաքներին՝ աջակցելով շներին:
«Շատ դժվար է գտնել մարդկանց, որոնց կվստահեմ իմ շներին»
Կացարանից հետո շներին որդեգրման տալը բավականին բարդ ու պատասխանատու քայլ է։ Սկզբում մեկ-երկու ձագի վստահեցի այլ մարդկանց, բայց որոշ ժամանակ անց ինքս գնացի եւ հետ բերեցի։ Ցավոք, նրանց ընդհանրապես չէին խնամում:
Լուսանկարը` Մեդիամաքս
Հիմա կացարանիս շներին որդեգրման չեմ տալիս: Հետաքրքիր է, որ երբեմն ինձ հետ կապվում են մարդիկ 100+կմ հեռավորությունից եւ որդեգրելու համար ձագ խնդրում: Բացատրում եմ, որ հենց իրենց համայնքում, հնարավոր է՝ իրենց աչքի տակ բազմաթիվ անտուն ձագեր կան, որոնց կարող են հենց տեղում վերցնել: Ցավալի է, բայց փաստ: Նույնիսկ փորձում եմ խմբերից նրանց ուղարկել այդ շների լուսանկարները, բայց կտրուկ հրաժարվում են: Սա արդեն անվստահություն է առաջացնում, որովհետեւ որդեգրել ցանկացող, շներին իսկապես սիրող մարդը չէր անտեսի իր կողքին եղած կենդանիներին ու այդքան հեռու չէր փնտրի: Հիմա գործում եմ մի սկզբունքով՝ եթե փողոցից վերցնում եմ շանն ու տանում ինձ մոտ, նրա համար պատասխանատու եմ մինչեւ վերջ: Այդպես գոնե վստահ եմ, որ ապահով են, լավ սնվում են եւ նրանց ոչ ոք չի վնասի:
Լուսանկարը` Մեդիամաքս
Դժվար է գտնել մարդկանց, ընտանիքների, որոնց հանգիստ խղճով շուն կտամ: Որդեգրման մեկ հաջող դեպք եմ ունեցել ընկերոջս կողմից, որին լիովին վստահում էի: Իհարկե, նկատել եմ, որ պատասխանատվությունից բացի, նաեւ շատ դժվար եմ բաժանվում շնից, որը գոնե երկու օր մնացել է ինձ մոտ (ժպտում է – հեղ.):
«Կան պատմություններ, որոնք մինչեւ հիմա ինձ հետ են»
Իհարկե, այս ընթացքում եղել են բազմաթիվ դեպքեր, որոնք էմոցիոնալ շատ են ազդել: Այս պատմությունները մինչեւ հիմա հետս են: Առաջինը, որի մասին հիշեցի, իմ Լեդիին է: Նա գամփռ է:
Չափերով շատ խոշոր, բայց հյուծված այս շանը գտել եմ փողոցից։ Սարսափած այս ու այն կողմ էր վազում, երբ ինձ պատմեցին նրա մասին։ Դրսում ապրելու օրերին ինչ ասես տեսել էր՝ հարվածներ, ծեծ։ Ամեն մեկն իր տան մոտ նկատելիս «պարտք էր համարում» ծեծելով քշել տարածքից։
Դավիթ Դավթյանը
Լուսանկարը` Մեդիամաքս
Լեդիին փողոցից վերցրեցի, երբ պահելու բացարձակ ոչ մի տեղ չունեի։ Ժամանակավոր տեղեր էի գտնում, այնտեղ կապում, որ գոնե ապահով լինի, կարողանամ կերակրել, մինչեւ սկսվեց կացարանի ստեղծումը։ Հիմա Լեդին իրեն շատ լավ է զգում:
Մի ձագ էլ ունեի, որը շատ էր սիրվել բոլորի կողմից, նրա նկարները հասել էին Իսպանիա, Արգենտինա: Գտել էի սարսափելի պայմաններում՝ առվի մոտ, պարկի մեջ։ Երեք ձագ էր, մեկն՝ արդեն մահացած, մյուս երկուսը՝ էնտերիտով վարակված։ Այս մեկին էլ փրկել չհաջողվեց։ Նրա աչքերը երբեք չեմ մոռանա ու հաճախ եմ ինքս ինձ մեղադրում, որ, գուցե, հնարավոր էր մի բան էլ անել։ Երրորդ ձագը, բարեբախտաբար, փրկվեց: Իմ Լուլին է (ժպտում է – հեղ.):
«Ինչ լավ է՝ գոնե այսօր կուշտ կլինի»
Ամեն օրս սկսվում է շների հետ: Այդ ընթացքում բոլորն իրենց ձեւով բարեւում, շնորհակալություն են հայտնում:
Մի զգացողություն կա, երբ կերակրում եմ անծանոթ, պատահական հանդիպած շներին։ Ոնց որ ինքս ինձ այդ պահին ասեմ՝ «ինչ լավ է, գոնե այսօր կուշտ կլինի»։
Դավիթ Դավթյանը
Լուսանկարը` Մեդիամաքս
Ճիշտ է, հետո մտածում եմ՝ բա վա՞ղը, ու նորից միտքս չի հանդարտվում։ Միակ հույս տվողն այն է, որ վաղն էլ, գուցե, մեկ ուրիշը կկերակրի։ Չնայած՝ ես ապրում եմ սկզբունքով, որ հույսս միայն ես եմ: Հատկապես մեր համայնքում այս առումով միայնակ եմ:
«Կենդանուն պետք է օգնել, առնվազն՝ չվնասել»
Հայաստանում անտուն կենդանիների հանդեպ վերաբերմունքը մարզերում եւ Երեւանում բավականին տարբեր է։ Մայրաքաղաքում իրավիճակը քիչ-քիչ, բայց փոխվում է, բարելավվում։ Մարզերում շատ ավելի վատ է:
Իհարկե, կան կենդանասերներ, բացառություններ, բայց հատկապես տարիքով մարդկանց դեպքում շատ վատ վերաբերմունքի ականատես ենք լինում: Կարող են փողոցով անցնել ու պարզապես հանդարտ քնած շանը հենց այնպես հարվածել։
Լուսանկարը` Մեդիամաքս
Դրականն այն է, որ նոր սերնդի մոտեցումը փոխվում է։ Ինքս էլ երեխաների հետ հաճախ եմ զրուցում, բացատրում, որ կենդանուն պետք է օգնել, առնվազն՝ չվնասել։ Մեծ փոփոխությունների համար ժամանակ է պետք:
Երբ դաժանությունը անպատիժ է մնում
Ցավոք, կենդանիներին պաշտպանող օրենքները շարունակում են չգործել: Ինձ հետ դեպք է եղել, երբ մարդու կողմից չափազանց դաժան վերաբերմունքի հետեւանքով վնասված շանն ինքս եմ հասցրել կլինիկա, հարուցվել է գործ, որն առ այսօր ոչ մի տեղ չի հասել։
Լուսանկարը` Մեդիամաքս
Սա միայն մեր իմացած, աղմուկ բարձրացրած դեպքերն են։ Բայց մարզերում նման վերաբերմունքն ամենօրյա երեւույթ է, եւ այս բոլոր դեպքերի մասին ոչ ոք նույնիսկ չի իմանում։
«Աստծուն իսկապես հավատացող մարդը չի կարող վնաս տալ կենդանուն»
Միակ բանը, որ այսքան տեսածիցս հետո ուզում եմ ասել մարդկանց՝ մի քիչ բարի եղեք։ Բարության դրսեւորումը մարդկանց մոտ, կարծես, շատ միատիպ է դարձել։
Խոսքս հայտնի արտահայտության մասին է, որը հաճախ կրկնում են՝ «էդ շների փոխարեն ավելի լավ է երեխեքին օգնեք»: Մարդկանց, երեխաներին իմ աջակցության մասին երբեք չեմ խոսում եւ չեմ էլ ուզում, բայց հարց է առաջանում՝ իսկ ինչո՞ւ հենց այդ մարդը չի փորձում օգնել որեւէ մեկին, օրինակ՝ նույն երեխային: Սովորաբար մարդկանց այս տեսակն առհասարակ ոչինչ չի անում ոչ մի էակի համար, իսկ կենդանասեր մարդը գրեթե անհավանական է, որ անտարբեր կլինի մարդու ցավի հանդեպ։
Լուսանկարը` Մեդիամաքս
Ամենամեծ երազանքս է, որ Հայաստանում կենդանիների հանդեպ վերաբերմունքը փոխվի։ Երբ նայում եմ այլ երկրներին, անկեղծ նախանձում եմ։ Ցավոք, մեզ մոտ հասարակության մեծ մասն ապրում է միայն սեփական շահով, երբ կարելի է սպանել շանը միայն նրա համար, որ, օրինակ, իրենց այգում մոտ հազար դրամի վնաս է հասցրել։ Իհարկե, կան նաեւ բազմաթիվ դրական օրինակներ, եւ սա է, որ գոնե քիչ, բայց հույս է տալիս։
Լուսանկարը` Մեդիամաքս
Միշտ ասում եմ՝ Աստծուն իսկապես հավատացող մարդը չի կարող վնաս տալ կենդանուն: Կարող է չսիրել, չօգնել, բայց վնաս տալ՝ երբեք: Ուզում եմ, որ մի քիչ ավելի բարի ու իրապես քրիստոնյա լինենք՝ ոչ միայն խոսքով։
Յանա Շախրամանյան
Լուսանկարները՝ Դավիթ Ղահրամանյանի
Թուրքիան և Օմանը դադարեցնում են իրանական Mahan Air ավիաընկերության կողմից իրականացվող չվերթները՝ ԱՄՆ-ի նոր պատժամիջոցների սահմանումից հետո։ Այս մասին հայտնում են ԻՀՊԿ-ի տելեգրամյան ալիքում։
Mahan Air-ի Ստամբուլ և Անկարա չվերթները կդադարեցվեն սեպտեմբերի 21-ից սկսած, իսկ Մասկատ չվերթները չեղարկվել են սեպտեմբերի 17-ից։
Հետևեք մեզ՝ այստեղ