Գործարար, «Բարգավաճ Հայաստան» կուսակցության նախագահ Գագիկ Ծառուկյանը կալանավորվել է երկու ամսով։
Գագիկ Ծառուկյանին մեղադրանք է ներկայացվել խարդախության և փողերի լվացման համար։
Հուլիսի 6-ին Գագիկ Ծառուկյանը ձերբակալվել և տեղափոխվել էր Քննչական կոմիտե։ Ավելի ուշ նա ՔԿ-ից տեղափոխվել էր դատարան։
Քննչական կոմիտեից հայտնել էին, որ քրեական վարույթի շրջանակում ԱԱԾ-ի, ՊԵԿ-ի և ՆԳՆ ոստիկանության հետ համատեղ 70-ից ավելի հասցեներում իրականացվել են միաժամանակյա խուզարկություններ։
Shamshyan.com-ը գրում է․
Այսօր՝ հուլիսի 4-ին, արտակարգ դեպք է տեղ ունեցել Լոռու մարզում։ Ժամը 14։40-ի սահմաններում «Սպիտակ» բժշկական կենտրոնի շտապօգնության բժիշկների հերթապահ խմբերը «Սպիտակ» բժշկական կենտրոն են տեղաափոխել 3 քաղաքացու՝ դանակահարված վիճակում։
Ինչպես տեղից հայտնում է ֆոտոլրագրող Գագիկ Շամշյանը, հիվանդանոց են մեկնել ՀՀ ՆԳՆ ոստիկանության քրեական ոստիկանության գլխավոր վարչության Լոռու մարզային վարչության ծառայողները՝ վարչության պետ Արսեն Ոսկանյանի գլխավորությամբ։
Ժամանել են նաև ՀՀ ՆԳՆ ոստիկանության համայնքային ոստիկանության գլխավոր վարչության Սպիտակի բաժնի հերթապահ խումբը՝ բաժնի պետ Գրիգոր Քոչարյանի գլխավորությամբ։
Տեղում բժիշկները քրեական և համայնքային ոստիկաններին հայտնել են, որ վիրավորները գտնվում են վիրահատարանում և ի վիճակի չեն կատարվածի մասին բացատրություն տալու։
Մինչ բժիշկները պայքարում են վիրավորների կյանքի համար, քրեական և համայնքային ոստիկանները պարզել են, որ վիրավորներն են Սպիտակ խոշորացված համայնքի Ջրաշեն բնակավայրի նախկին վարչական ղեկավար Արմեն Եղիազարյանը, նրա հայրն ու մայրը։
Այս պահին քրեական և համայնքային ոստիկանները պարզում են, թե որտեղ են նրանք դանակահարվել։
Դեպքի փաստով ոստիկանության Սպիտակի բաժում փաստաթղթեր են կազմվել, որոնք հնարավոր է փոխանցվեն ՀՀ քննչական կոմիտեի Լոռու մարզային քննչական վարչության Սպիտակի քննչական բաժին։
Քրեական և համայնքային ոստիկանները պարզում են վիրավորների ինքնությունը։
Լրագրող Ոսկան Սարգսյանի ֆեյսբուքյան գրառումը. «Նիկոլ Փաշինյանը այսօր թռել է Կապան, Կապանի քաղաքապետը Փաշինյանին դիմավորողների մեջ չի եղել։ Նիկոլ Փաշինյանը հայտարարել է, որ շատ հարմարավետ թռիչք էր, ընդամենը 45 րոպե տևողությամբ։ Կապանի օդանավակայանը գտնվում է ադրբեջանական զինուժի վերահսկողության տակ, ցանկացած պահի կարող են գնդակոծել այդ օդանավակայան իջնող կամ այնտեղից բարձրացող ինքնաթիռները։ Ահա և հարմարավետ վիճակը»։
«Իրավունք» թերթը գրում է. «Իշխանական ապարատում շրջանառվող ակտիվ լուրերի համաձայն` առաջիկայում ռեպրեսիաների ալիքը ոչ թե մեղմանալու է, այլ նոր թափով սկսելու է գործել։
«Նոր, աղմկոտ քրեական գործեր են բացվելու, ընդդիմություն խաղաղացող «ուժեղները» խնդրելու են, որ չխայտառակվեն»,-ասաց աղբյուրը։
դիտվել է 282 անգամ
Լրահոս
Ամենաընթերցվածները
Շուտով
Հուլիսի 8-ին՝ ժամը 11։30-ին, Հայելի ակումբի հյուրն է Ալբերտ Բազեյանը
Հուլիսի 8-ին՝ ժամը 13։00-ին, Հայելի ակումբի հյուրն է Ուժեղ Հայաստան կուսակցությունից Հայկ Ֆարմանյանը
Հուլիսի 8-ին՝ ժամը 10։30-ին, Հայելի ակումբի հյուրն է Էդիկ Անդրեասյանը
Հուլիսի 8-ին՝ ժամը 16։00-ին, Հայելի ակումբի հյուրն է Հենրիխ Դանիելյանը
Հուլիսի 8-ին՝ ժամը 12։00-ին, Հայելի ակումբի հյուրն է Դավիթ Մկրտչյանը
Հուլիսի 8-ին՝ ժամը 15։00-ին, Հայելի ակումբի հյուրն է քաղաքագետ Երվանդ Բոզոյանը
Հուլիսի 7-ին՝ ժամը 15։30-ին, Հայելի ակումբի հյուրն է ազատամարտիկ Սեյրան Չիլինգարյանը
Հուլիսի 7-ին՝ ժամը 15։00-ին, Հայելի ակումբի հյուրն է վաստակավոր մանկավարժ Գյուլնարա Ալեքսանյանը
Հուլիսի 7-ին՝ ժամը 13։00-ին, Հայելի ակումբի հյուրն է ՀՃՇ անդամ Ռուզաննա Ստեփանյանը
Հուլիսի 7-ին՝ ժամը 12։00-ին, Հայելի ակումբի հյուրն է «Ժառանգություն» կուսակցության հիմնադիր, նորանկախ Հայաստանի Հանրապետության առաջին արտգործնախարար Րաֆֆի Հովհաննիսյանը
Դամասկոսի կենտրոնում հուլիսի 7-ի առավոտյան տեղի ունեցած պայթյունների մասին հաղորդագրություններից հետո Ելիսեյան պալատը հայտարարել է, որ այնտեղ գտնվող Ֆրանսիայի նախագահ Էմանուել Մակրոնն անվտանգ է։ Այս մասին հաղորդում է BBC-ն։
Գործի է դրվել երկու պայթուցիկ սարք, մի քանի մարդ վիրավորվել է։
Սիրիայից հետո Մակրոնը պատրաստվում է մեկնել Թուրքիա՝ ՆԱՏՕ-ի գագաթնաժողովին մասնակցելու համար։
Մակրոնը ԵՄ առաջին ղեկավարն է, որ Սիրիա է այցելում 2024 թվականին Բաշար ալ-Ասադի իշխանության տապալումից հետո։ Սա նաև Ֆրանսիայի նախագահի առաջին այցն է Սիրիա վերջին 17 տարվա ընթացքում։
ԱԺ նախկին պատգամավոր Սոֆյա Հովսեփյանի ֆեյսբուքյան գրառումը. «Ասում է. «ինչո՞ւ չարչարվեմ, ստեղծեմ, էն է ԱԱԾ-ին կհանձնարարեմ կուլակաթափ կանի, ու ես ամեն ինչ կունենամ»:
Փաստորեն Սաշիկի 50-50-ը էլ մոդա չի, արդեն 100% զավթում ենք, ու կեցցե նիկոլը:
Չէ, բայց հետաքրքիրն էն է, որ շատերն ուրախության մեջ են` մի ծափ ու ծիծաղ, մի քննադատություն, մի լպիրշություն, խի՞ պտի ունենա, խի՞ պտի պահի և այլն:
Իսկ ինչո՞ւ չպիտի ունենա և կամ իմ կյանքում ի՞նչ բացասական դեր էր կատարում իր ունենալը:
ՈՉ մի:
Ասում են «գազանանոցում կենդանիներն ինչ օրի են, իսկ իր կենդանիները … բլա՜-բլա՜- բլա՜»։ Է հա՜, մարդը խնամում էր, հո պետության նման չի՞ վերաբերվում, ոսկորներն ու կաշիներն են մնացել սովագար, կեղտոտ կենդանիներից: Հիմա սրանք էլ են նույն օրի հասնելու, ձեզ թվում է ի՞նչ է լինելու, նույնը, ինչ մյուս կենդանիների հետ` հազիվ պոչը քարշ տալով:
Ի դեպ, ոնց կենդանիներին է տիրություն անում, այդպես էլ ժողովրդին, կիսասոված կամ օրերով սոված հազարավոր ընտանիքներ կան, ով է տերը: Կարևորը լիքը շոու եղավ, վայ-վա՜յ, վույ-վու՜յ, վաշ-վի՜շ, վաշ-վի՜շ…»։
Այս պահին ցավով կարող ենք հաստատել, որ նախօրեին այգի տեղափոխված էգ առյուծը, պայմանավորված մեծ տարիքով և ուղեկցող հիվանդություններով (ինչն արդեն արձանագրված է հերձման ակտով) քնեցումից չի արթնացել, հայտնում են Կենդանաբանական այգուց։«Կենդանու օրգան համակարգերը եղել են ախտահարված` փայծախը, լյարդը, թոքերը, սիրտը, լեղապարկում խոլեցիստիտային փոփոխություններ, առկա է ճարպակալում, որովայնի խոռոչում առկա է ազատ հեղուկ` ինչը տարիքային փոփոխությունների հետևանք է»,-ասված է հայտարարության մեջ։
Եվրասիական զարգացման բանկը (ԵԱԶԲ) Զանգեզուրի պղնձամոլիբդենային կոմբինատին 120 մլն դոլար վարկ կտրամադրի։ Sputnik Արմենիային այս մասին հայտնեցին բանկի մամուլի ծառայությունից։
ԵԱԶԲ ֆինանսավորումը կուղղվի կոմբինատի արտադրական հզորությունների ընդլայնման նախագծի իրականացմանը:
Բանկից նշում են, որ վարկային պայմանագիրը և համաձայնագիրը ԵԱԶԲ–ի տարեկան ժողովի և գործարար համաժողովի շրջանակում ստորագրել են ԵԱԶԲ–ի ավագ գործադիր տնօրեն Սերգեյ Իգնատովը և ԶՊՄԿ–ի ֆինանսական տնօրեն Նիկոլայ Վեդենինը:
«Ֆինանսավորումը կօգտագործվի արտադրական ցիկլի արդյունավետությունը բարելավելու նախագծի իրականացման համար։ Սա արտացոլում է ԵԱԶԲ-ի հիմնական գործունեություններից մեկը՝ մասնակցությունը տարածաշրջանում արդյունաբերական արդիականացման երկարաժամկետ ֆինանսավորմանը՝ հիմնվելով առկա ենթակառուցվածքների վրա»,– ասել է Իգնատովը։
Վեդենինն էլ նշել է, որ համաձայնագիրը կարևոր քայլ կլինի գործառնական արդյունավետության բարձրացման, տեխնիկական վերազինման և արտադրության երկարաժամկետ կայունության ուղղությամբ:
Նշենք, որ Եվրասիական զարգացման բանկը (ԵԱԶԲ) ներդրումային գործունեություն է իրականացնում եվրասիական տարածքում: Արդեն 20 տարի է` ԵԱԶԲ-ն աջակցում է անդամ երկրների տնտեսական կապերի ամրապնդմանն ու ընդլայնմանը և համակողմանի զարգացմանը: 2025 թվականի դեկտեմբերի վերջին ԵԱԶԲ-ի կուտակված պորտֆելում կա 326 նախագիծ, որոնց ընդհանուր ներդրումը կազմում է 19,6 մլրդ դոլար։ ԵԱԶԲ-ի պորտֆելում հիմնական մասնաբաժինը զբաղեցնում են ինտեգրացիոն ազդեցություն ունեցող նախագծերը տրանսպորտային ենթակառուցվածքի, թվային համակարգերի, կանաչ էներգետիկայի, գյուղատնտեսության, արդյունաբերության և մեքենաշինության ոլորտներում: Բանկն իր գործունեության ընթացքում առաջնորդվում է ՄԱԿ-ի Կայուն զարգացման նպատակներով և սկզբունքներով:
«Ուժեղ Հայաստան» կուսակցության նախագահ Սամվել Կարապետյանը, անդրադառնալով ներքաղաքական իրավիճակին և ընտրությունների արդյունքներին, հայտարարեց, որ իրենք չեն ընդունել ընտրությունների արդյունքները, սակայն պայքարը միայն փողոցային ձևաչափով չեն պատկերացնում։
«Ընտրությունների արդյունքները չընդունելը միայն փողոցով չի լինում»,- դատարանի բակում լրագրողների հետ զրույցում ասաց նա։
Միաժամանակ Կարապետյանը շեշտեց, որ փողոցային պայքար, այնուամենայնիվ, լինելու է։
«Փողոցային պայքար անպայման լինելու է՝ մեկ անգամ և վերջնական»,- նշեց նա։
Կարապետյանը նաև հաստատեց, որ Նարեկ Կարապետյանը անձամբ վերցնելու է պատգամավորական մանդատը։