Media Monitoring

Blog

  • Թուրքիայից Հայաստան իրականացվել է 1 մլն 336.000 դոլարի արտահանում |

    «Թուրքիայի արտահանողների միությունը» տվյալներ է հրապարակել 2026-ի հունվար-օգոստոս ժամանակահատվածում Թուրքիայի արտահանման ցուցանիշների վերաբերյալ։ Նշվում է, որ նախորդ տարվա նույն ժամանակահատվածի համեմատ արտահանման ծավալներն աճել են 4%-ով՝ 177.9 մլրդ դոլարից հասնելով 185 մլրդ դոլարի, փոխանցում է Ermenihaber.am-ը։

    Աճել են Թուրքիայի արտահանման ծավալները դեպի 8 սահմանակից հարևան երկրներ՝ Ադրբեջան, Բուլղարիայ, Վրաստան, Իրան, Իրաք, Սիրիա, Հունաստան ու Հայաստան։ Հունվար-օգոստոս ժամանակահատվածում վերոնշայլ երկրներ կատարված արտահանումներն աճել են 2.6-ով՝ 17 մլրդ 762 մլն 593.000-ից հասնելով 18 մլրդ 226 մլն 225.000 դոլարի։ Նախորդ տարվա նույն ժամանակահատվածի համեմատ արտահանման ծավալներն աճել են՝ հասնելով 463.6 մլն դոլարով։

    Հարևան երկրներից ամենաշատ արտահանումը Թուրքաին կատարել է Իրաք (5 մլրդ 758 մլն 899.000 դոլար)։ Իրաքին հաջորդում է Բուլղարիան՝ 3 մլրդ 439 մլն 40.000 դոլար արտահանման ցուցանիշով։ Բուլղարիային հաջորդում են Հունաստանը՝  2 մլրդ 293 մլն 38.000 դոլար, Վրաստանը՝  1 մլրդ 949 մլն 857.000 դոլար, Սիրիան՝  1 մլրդ 675 մլն 429.000 դոլար, Իրանը՝ 1 մլրդ 566 մլն 709.000 դոլար և Ադրբեջանը՝ 1 մլրդ 541 մլն 916. 000 դոլար ցուցանիշներով։

    Նշենք, որ Թուրքիան առաջին անգամ է պաշտոնական տվյալներ հրապարակում Հայաստան կատարված արտահանումների վերաբերյալ։ Նախկինում նշվում էր, որ Թուրքիայի և Հայաստանի միջև ցամաքային ուղիղ առևտուր չկա։ Այժմ պաշտոնապես տեղեկացվում է, որ 2026-ի հունվար-օգոստոս ժամանակահատվածում Թուրքիան Հայաստան է արտահանել 1 մլն 336.000 դոլարի ապրանք։

  • ՏԵՍԱՆՅՈՒԹ․ Բելառուսում ՀՀ դեսպանը գիտե՞ք՝ ինչի է կանչվել խորհրդակցությունների. ինչքան պետք է, այնքան կտևեն

    ՏԵՍԱՆՅՈՒԹ․ Բելառուսում ՀՀ դեսպանը գիտե՞ք՝ ինչի է կանչվել խորհրդակցությունների. ինչքան պետք է, այնքան կտևեն

  • «Խաղաղություն չի լինում, եթե կոնֆլիկտի պատճառները չեն քննարկվում և չեն հաղթահարվում»․ Իրինա Յոլյան

    ԱԺ «Ուժեղ Հայաստան» խմբակցության պատգամավոր Իրինա Յոլյանը ֆեյսբուքյան իր էջում գրել է․ «Էթնիկ զտված Արցախում՝ մի խումբ դիվանագետների ներկայությամբ, Հիքմեթ Հաջիևի կողմից հայ ժողովրդի դեմ իրականացված մշակութային ու կրոնական դիվերսիային իշխանությունը որևէ կերպ չի արձագանքում։

    Ասում են՝ խաղաղությունը խնամքի կարիք ունի։ Հետաքրքիր է՝ այդ «խնամքը» փակ դռների հետևում քննարկվո՞ւմ է ադրբեջանական կողմի հետ, որպեսզի նրանց հակահայ քաղաքականությունը նույնպես քննարկման առարկա դառնա և պարզվի, որ այն խաղաղության խնամքից չի բխում։

    Բաքվի բանտերում հայերի մաշկից քերում են դաջված խաչերը։ Սա՞ էլ է խաղաղության համատեքստից բխում։

    Ի վերջո, ո՞ւմ շահն է սպասարկում իշխանությունը։

    Խաղաղություն չի լինում, եթե կոնֆլիկտի պատճառները չեն քննարկվում և չեն հաղթահարվում։ Այդ դեպքում դրանք ընդամենը կոնսերվացվում են՝ ժամանակավորապես պահվում «պահոցում»»

  • Մենք կշարունակենք nչնչացնել Իսրայելին uպառնացող ցանկացած uպառնալիք․ Նեթանյահու



    Մեր քաղաքականությունը հստակ է. մենք կշարունակենք ոչնչացնել ահաբեկչական ենթակառուցվածքները Լիբանանի «անվտանգ գոտում» և կշարունակենք վերացնել Իսրայել պետությանը սպառնացող ցանկացած սպառնալիք։ Այս մասին հայտարարել է Իսրայելի վարչապետ Բենիամին Նեթանյահուն։


    «Ես մեր թշնամիներին ասում եմ. եթե դուք դեռ չեք սովորել ձեր դասը և որոշել եք կրկին հարձակվել մեզ վրա, կստանաք ավելի հզոր պատասխան։

    Մենք դեռ անելիքներ ունենք, և Աստծո օգնությամբ մենք այն կավարտենք»,-նշել է նա։


    Հետևեք     մեզ՝ այստեղ


  • Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն այցելել է Մատենադարան | Հայաստան

    ՀՀ արտաքին գործերի և միջազգային առևտրի նախարարի տեղակալ Վահան Կոստանյանի ուղեկցությամբ Հարավային Կովկասի և Վրաստանի ճգնաժամի հարցերով ԵՄ հատուկ ներկայացուցիչ Մագդալենա Գրոնոն այցելել է Մեսրոպ Մաշտոցի անվան Մատենադարան։

    Այցի ընթացքում Գրոնոն ծանոթացել է հայկական ձեռագրերի հարուստ հավաքածուին, դրանց պատմությանը, ինչպես նաև հին ձեռագրերի պահպանման, մշակման և թանգարանային ցուցադրության համար կրկնօրինակների պատրաստման ավանդույթներին։

    Ընդգծվել է հայկական և համաշխարհային մշակութային ժառանգության, այդ թվում՝ հին ձեռագրերի պահպանության գործում Հայաստանի օրինակելի և միջազգայնորեն ճանաչված ներդրումը։

    Այցի շրջանակում Վահան Կոստանյանն ու Մագդալենա Գրոնոն քննարկել են Հայաստան-ԵՄ հարաբերությունները, ինչպես նաև Հարավային Կովկասում և Վրաստանի շուրջ ԵՄ հատուկ ներկայացուցչի մանդատի շրջանակում վերջին շրջանում իրականացված աշխատանքներն ու դրանց արդյունավետությունը՝ Հայաստանի և Ադրբեջանի միջև հաստատված խաղաղության ինստիտուցիոնալացման համատեքստում։

    Հիշեցնենք, որ Գրոնոն այն պատվիրակության կազմում էր, որ այցելել էր Գանձասար։ Այցի ընթացքում Ադրբեջանի նախագահի օգնական Հիքմեթ Հաջիևը հայկական մշակութային ժառանգությունը ներկայացրել էր որպես աղվանական, Գանձասարի Մատենադարանում ցույց էր տվել գրքերի դատարակ էջեր, ինչին ներկա պաշտոնյաները արձագանքել էին ծիծաղով:

  • ԵՄ դեսպանները չկարողացան համաձայնեցնել Ռուսաստանի դեմ պատժամիջոցների երկարաձգումը․ Politico

    Եվրոպական միության երկրները չեն կարողանում համաձայնության գալ Ռուսաստանի մոտ 3 հազար ֆիզիկական և իրավաբանական անձանց նկատմամբ սահմանված պատժամիջոցների երկարաձգման շուրջ։ Պատժամիջոցների ժամկետը լրանում է սեպտեմբերի 15-ին։ Սեպտեմբերի 14-ին այս մասին հաղորդել է Politico պարբերականը՝ վկայակոչելով ԵՄ-ում իրենց անանուն դիվանագիտական աղբյուրները։

    Աղբյուրների փոխանցմամբ՝ տարաձայնությունները ծագել են գործարարներ Ալիշեր Ուսմանովի և Միխայիլ Ֆրիդմանի դեմ գործող պատժամիջոցների պատճառով։ Սլովակիան պահանջել է նրանց հանել «սև ցուցակից», մինչդեռ ԵՄ անդամ երկրների մեծ մասը դեմ է արտահայտվել այդ առաջարկին՝ պատճառաբանելով Ռուսաստանի կողմից «հիբրիդային պատերազմի աճող սպառնալիքը»։ Միևնույն ժամանակ, Ֆրանսիան առաջարկել է փոխզիջումային լուծում գտնել և ցուցակից հանել միայն Ուսմանովին։

    Վեճի առարկա է դարձել նաև պատժամիջոցների երկարաձգման ժամկետը։ Սովորաբար դրանք երկարաձգվում են 6 ամսով, սակայն առաջարկ է եղել այսուհետ դրանք երկարաձգել 12 ամսով։ Politico-ի աղբյուրների փոխանցմամբ՝ Սլովակիան դեմ է արտահայտվել այս փոփոխությանը։

  • Սուրենյանը մանրամասներ է հայտնում





    Մեր ջերմ, ամառային օրերը կշարունակվեն: Այս մասին հայտնել է «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը:

    «Ջերմաստիճանն իր պիկին կհասնի սեպտեմբերի 15-ին. Երևանում, Արարատյան դաշտում և Վայոց Ձորի նախալեռներում կանխատեսվում է մինչև 33-34, առանձին հատվածներում նույնիսկ 35 աստիճան տաքություն։

    Օդի ջերմաստիճանը էապես չի փոխվի մինչև սեպտեմբերի 17-ը, իսկ սեպտեմբերի 18-19-ին կնվազի մոտ 2-4 աստիճանով»,- հայտնել է Սուրենյանը:




    դիտվել է 260 անգամ


    https://www.youtube.com/watch?v=Sq7ByOEYBA4



    Լրահոս

    Ամենաընթերցվածները



    Շուտով



    Սեպտեմբերի 15-ին՝ ժամը 14։30-ին, Հայելի ակումբի հյուրն է Երվանդ Բոզոյանը

    Սեպտեմբերի 15-ին՝ ժամը 13։30-ին, Հայելի ակումբի հյուրն է Սուրեն Սուրենյանցը

    Սեպտեմբերի 15-ին՝ ժամը 12։30-ին, Հայելի ակումբի հյուրն է Վիգեն Հակոբյանը

    Սեպտեմբերի 15-ին՝ ժամը 11։30-ին, Հայելի ակումբի հյուրն է Էդգար Էլբակյանը

    Սեպտեմբերի 14-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Սեպտեմբերի 14-ին՝ ժամը 12։30-ին, Հայելի ակումբի հյուրն է Նաիրա Զոհրաբյանը

    Սեպտեմբերի 14-ին՝ ժամը 11։00-ին, Հայելի ակումբի հյուրն է Հայկ Նահապետյանը

    Սեպտեմբերի 11-ին՝ ժամը 16։00-ին, Հայելի ակումբի հյուրն է Արմենակ Դանիելյանը

    Սեպտեմբերի 11-ին՝ ժամը 15։00-ին, Հայելի ակումբի հյուրն է Սերգեյ Շաքարյանցը

    Սեպտեմբերի 11-ին՝ ժամը 14։30-ին, Հայելի ակումբի հյուրն է Էլոնորա Մանանդյանը

  • Լույս է տեսել «Հայոց ցեղասպանության համակենտրոնացման ճամբարները» գիրքը

    Երեւան: Մեդիամաքս: Բրիտանական Bloomsbury հրատարակչությունը լույս է ընծայել «Հայոց ցեղասպանության համակենտրոնացման ճամբարները» գիրքը Պետրոս Տեր-Մաթոսյանի եւ Էդիտա Գզոյանի խմբագրությամբ։

    «Մենք համարում ենք, որ այս գիրքը վերջին տարիներին Հայոց ցեղասպանության մասին հրատարակված ամենակարեւոր աշխատություններից մեկն է», – նշել է Պետրոս Տեր-Մաթոսյանը։

     

    «Այս 520 էջանոց աշխատությունը Հայոց ցեղասպանության համակենտրոնացման ճամբարների առաջին բազմակողմանի ուսումնասիրությունն է իր տեսակի մեջ։

     

    Գիրքը ներկայացնում է այս ճամբարների ընկալման նոր տեսական եւ էմպիրիկ մոտեցումները՝ դրանք դնելով ավելի լայն գլոբալ համատեքստում։

    Լուսանկարը` Bloomsbury

    Աշխատանքը տեւել է երեք տարի։ Այդ ընթացքում Էդիտա Գզոյանը Հայաստանի վարչապետ Նիկոլ Փաշինյանի կողմից ազատվեց Հայոց ցեղասպանության թանգարան-ինստիտուտի տնօրենի պաշտոնից՝ պատմական ճշմարտությունն ասելու համար։ Չնայած այդ ծանր փորձությանը, նա չհրաժարվեց նախագծից եւ շարունակեց աշխատանքը զարմանալի պրոֆեսիոնալիզմով, նվիրվածությամբ եւ գիտական խստապահանջությամբ», – ասել է Պետրոս Տեր-Մաթոսյանը։

     

    «Հայոց ցեղասպանության համակենտրոնացման ճամբարները» գիրքը Bloomsbury հրատարակչության Armenians in the Modern and Early Modern World շարքի 16-րդ հատորն է։

     

    «Ցեղասպանագիտության ոլորտի հետազոտությունները երկար ժամանակ շրջանցել կամ թերագնահատել են համակենտրոնացման ճամբարների թեման։ Այս գիրքը 1915-1916 թվականների սարսափները նորովի բացահայտելու հնարավորություն է տալիս:

     

    Ցեղասպանության երկրորդ փուլ կոչվող ժամանակաշրջանը՝ 1915 թվականից հետո, երբ հայ զոհերի մեծամասնությունն արդեն տեղահանված էր սիրիական անապատներ եւ բանտարկված էր ճամբարներում, նախկինում երբեք այսքան մանրակրկիտ չի ուսումնասիրվել», – նշել է Միչիգանի համալսարանի պատվավոր պրոֆեսոր Ռոնալդ Գրիգոր Սյունին։ 

  • Սյունիքի մի շարք բնակավայրերում էլեկտրաշչակ է գործարկվելու

    Սեպտեմբերի 15-ին՝ ժամը 11։00-ին, Սյունիքի մարզի Կապան համայնքի Աղվանի, Աճանան, Անտառաշատ, Առաջաձոր, Ձորաստան, Նորաշենիկ, Շրվենանց, Վերին Խոտանան, Ներքին Խոտանան, Տանձավեր, Տավրոս և Օխտար բնակավայրերում փորձարկվելու են էլեկտրական շչակներ:

  • Զինծառայողների իրավունքների պաշտպանության քայլերը պետք է լինեն գործնականում իրագործելի և չափելի

    Մարդու իրավունքների պաշտպանի աշխատակազմի զինծառայողների և նրանց ընտանիքների անդամների իրավունքների պաշտպանության բաժնի պետ Վանուհի Կարապետյանը մասնակցել է «Խաղաղության երկխոսություն» հասարակական կազմակերպության՝ «Ժողովրդավարության զարգացման հիմնադրամի» հետ համատեղ կազմակերպած «Մարդու իրավունքների ռազմավարական առաջնահերթությունները պաշտպանության ոլորտում․ ձեռքբերումներ և անելիքներ» խորագրով աշխատաժողովին։

    Այդ մասին հայտնում են ՄԻՊ գրասենյակից:

    Աշխատաժողովի ընթացքում քննարկվել են 2023-2025 թվականների Մարդու իրավունքների պաշտպանության գործողությունների ծրագրով զինված ուժերին վերաբերող գործողությունների իրականացման ընթացքը, առկա մարտահրավերները, ինչպես նաև պաշտպանության ոլորտում մարդու իրավունքների պաշտպանության հետագա առաջնահերթությունները։

    Քննարկումներին մասնակցել են պետական մարմինների, քաղաքացիական հասարակության կազմակերպությունների և փորձագիտական համայնքի ներկայացուցիչներ։

    Վանուհի Կարապետյանն իր ելույթում ներկայացրել է Մարդու իրավունքների պաշտպանի գործունեության, ստացված բողոքների և իրականացված մշտադիտարկումների շրջանակում արձանագրված համակարգային խնդիրներն ու մտահոգությունները՝ ընդգծելով դրանց պատշաճ արտացոլման և հասցեական լուծումների նախատեսման անհրաժեշտությունը մարդու իրավունքների պաշտպանության ռազմավարական և ծրագրային փաստաթղթերում։

    Մասնավորապես, անդրադարձ է կատարվել զինված ուժերում կյանքի իրավունքի ապահովման, մահվան և ինքնավնասման դեպքերի կանխարգելման, վատ վերաբերմունքի և ոչ կանոնադրային հարաբերությունների կանխարգելման, ինչպես նաև զինծառայողների ֆիզիկական և հոգեկան առողջության պահպանմանն առնչվող խնդիրներին։

    Պաշտպանի ներկայացուցիչը կարևորել է, որ պաշտպանության ոլորտում մարդու իրավունքների պաշտպանությանն ուղղված միջոցառումները լինեն ոչ միայն ձևականորեն ամրագրված, այլև գործնականում իրագործելի, հասցեական և չափելի, նախատեսեն պատասխանատու մարմինների հստակ դերաբաշխում և հնարավորություն տան գնահատելու դրանց իրական ազդեցությունը զինծառայողների իրավունքների պաշտպանության և խախտումների կանխարգելման վրա։

    Աշխատաժողովի շրջանակում աշխատանքային խմբերով քննարկումների արդյունքների հիման վրա անդրադարձ է կատարվել նաև հետագա քայլերի և համապատասխան գործողությունների պլանավորման հարցերին: