Blog

Քրեական հեղինակություն համարվող «Ֆազ»-ի՝ Սերգեյ Գրիգորյանի, սպանության կազմակերպման գործով մեղադրյալներ Ռուստամ Ստեփանյանը՝ «Չաղ Ռուստամը» և Աշոտ Կյուրեղյանը կշարունակեն մնալ կալանավորված։ Երևանի ընդհանուր իրավասության քրեական դատարանը՝ դատավոր Մասիս Մելքոնյանի նախագահությամբ, որոշեց նրանց կալանքի ժամկետը երկարացնել՝ ևս 21 օրով։ Տեղեկությունը «Փաստինֆո»-ի հետ զրույցում հաստատեցին քրեական դատարանից։

Նշենք, որ Ռուստամ Ստեփանյանի և Աշոտ Կյուրեղյանի գործով վերդիկտի հրապարակումը նախատեսված էր դեռ հունիսի 10-ին, ինչը չի իրականացվել, թեև դատաքննությունն ըստ էության ավարտվել էր։ Դատարանը պատրաստվում է հարցաքննել սույն դրվագով վկայի, որը ՌԴ-ում է գտնվում։ Ըստ այդմ, արդարադատության նախարարությունն իրավական փոխօգնության շրջանակներում դիմել է ՌԴ-ին՝ տեսակապով հարցաքննության կազմակերպման համար, սակայն պատասխան դեռևս չի ստացվել։ Նշենք, որ ՌԴ հատուկ ծառայություններն ամիսներ առաջ հայտնաբերել և ձերբակալել են սպանությունը կատարելու մեղադրանքով հետախուզվող Հարություն Սահակյանին, վերջինիս արտահանձնման ուղղությամբ դեռևս աշխատանքներ են իրականացվում։

Հիշեցնենք, որ դեպքը տեղի է ունեցել 2024թ․ հունիսի 11-ին՝ ուշ երեկոյան, Աջափնյակ վարչական շրջանում. մահաբեր կրակոցներն արձակվել են բնակելի շենքի մոտ։ Հունիսի 11-ին՝ ժամը 23.17-ին ոստիկանության Մաշտոցի բաժնում հաղորդում է ստացվել, որ Էստոնական փողոցում զենքով կրակում են, ապա՝ ժամը 23.53-ին «Արմենիա» ՀԲԿ-ից հաղորդել են, որ հրազենային վնասվածքով բուժօգնության են ընդունվել երեք տղամարդ, որոնցից մեկը՝ 1988թ.ծնված տղամարդը, «պարանոցի շրջանի հրազենային վնասվածքով», եւս երկուսը՝ ծնված 1980թ., գլխի շրջանում։ Նրանց թվում էր նաեւ Ֆազը՝ Սերգեյ Գրիգորյանը, որը գլխի շրջանում ստացած հարզենային վնասվածքներից մահացել է։ ՔԿ-ն հաղորդել էր, որ դեպքի առթիվ ՀՀ քրեական օրենսգրքի 155-րդ հոդվածի 2-րդ մասի 7-րդ կետի, 44-155-րդ հոդվածի 2-րդ մասի 7-րդ կետի և 335-րդ հոդվածի 1-ին մասի հատկանիշներով նախաձեռնվել է քրեական վարույթ։ Կատարվել է դեպքի վայրի զննություն, որտեղ՝ Երևան քաղաքի Շինարարներ փողոցում, միմյանց բախված վիճակում, կայանված են եղել «LAND CRUISER», «TOYOTA CAMRY», «OPEL ASTRA» և «TOYOTA COROLLA» մակնիշների ավտոմեքենաներ: «LAND CRUISER» մակնիշի առջևի և հետևի հատվածներում հայտնաբերվել են կրակոցի հետևանքով առաջացած վնասվածքներ, իսկ սրահում արնանման նյութի հետքեր: «OPEL ASTRA» մակնիշի ավտոմեքենայի բեռնախցիկի հատվածում, ինչպես նաև դեպքի վայրում հայտնաբերվել են տարբեր տրամաչափի բազմաթիվ պարկուճներ և փամփուշտ: Դեպքից անմիջապես հետո հայտնի դարձավ, որ սպшնության թելերը տանում են դեպի Ռուստամ Ստեփանյան, որն, ըստ շրջանառվող լուրերի, նաև կապ ունի գործող իշխանության որոշ ներկայացուցիչների հետ։ Ավելին, «Ֆազ»-ի և «Չաղ Ռուստամի» միջանձնային խնդիրների մասին հայտնի էր վաղուց։ Այժմ, Սերգեյ Գրիգորյանի սպшնությունից շուրջ մեկ ամիս անց ձերբակալվել, ապա՝ կալանավորվել են Ռուստամ Ստեփանյանը՝ «Չաղ Ռուստամը» և Ա․Կյուրեղյանը՝ սպшնության կազմակերպման մեղադրանքով, իսկ ահա կատարողները դեպքից հետո հատել են ՀՀ սահմանը և մեկնել ՌԴ։ ՌԴ հատուկ ծառայություններն ամիսներ առաջ հայտնաբերել և ձերբակալել են սպանությունը կատարելու մեղադրանքով հետախուզվող Հարություն Սահակյանին, վերջինիս արտահանձնման ուղղությամբ դեռևս աշխատանքներ են իրականացվում։ Սպանությունը կատարելու մեղադրանքով Սուրեն Գրիգորյանը դեռևս հետախուզման մեջ է։

Հայաստանը չի կործանվի, եթե գազի գինը թանկնա, ասում է կառավարող ուժի ներկայացուցիչ պատգամավորը։ Գրում է քաղաքական վերլուծաբան Հակոբ Բադալյանը՝ շարունակելով.

«Դե իհարկե, կառավարող ուժը մինչ այժմ Հայաստանին հասցրել է այնպիսի վնասներ ու հարվածներ, որ գազի գինն այլեւս ոչինչ է դրանց համեմատ։

Ինչ վերաբերում է գազի գնին, ապա այստեղ էականն այն է, որ իհարկե որեւէ պարագայում չպետք է գինը չբարձրացնելու համար վճարել ցանկացած քաղաքական գին։ Սակայն ամբողջ խնդիրն այն է, որ պետք չէ իրավիճակը հասցնել այդպիսի կետի՝ եթե իհարկե հասել է, որ գազի գինը չթանկացնելը արժենա քաղաքական էական գին։

Պետական կառավարման ու դիվանագիտության ամբողջ խնդիրն էլ հենց այն է, որ պետությունը ոչ մի պարագայում չհայտնվի այդպիսի դիլեմաների առաջ։ Ու սա վերաբերում է ոչ միայն գազի գնին։ Եթե պետությունը ինքնին հասնում է այդպիսի կետի, ապա դա արդեն իսկ տվյալ պետության կառավարման համար պատասխանատու ուժի ձախողումն է, տապալումը։ Հետեւաբար, երբ կառավարող ՔՊ–ն հարցը դնում է այդպես՝ «բա հո չե՞նք գնալու զիջումների», ապա դա նշանակում է, որ արդեն իսկ թույլ է տրվել պետական գործերի ու շահերի ստրատեգիական տապալում։

Սեպտեմբերի 8-ին Տիգրան Մեծի պողոտայում մեկնարկելու է միջին նորոգումը:

Երևանի քաղաքապետարանից հայտնում են, որ աշխատանքները կատարվելու են երեկոյան ժամը 21:00-ից մինչև առավոտյան ժամը 07:00-ն, որի ընթացքում պողոտայի որոշակի հատվածներ փակ են լինելու:

Հակոբ Բադալյանը գրել է․

«Տեղի է ունեցել Պուտին–Թրամփ հեռախոսազրույց, ինչպես ազդարարվել էր նախօրեին։ Հեռախոսազրույցը փաստորեն հաջորդում է Ուիտկոֆֆի եւ Քուշների Մոսկվա ու Կիև կատարած այցին։ Այստեղ իհարկե առհասարակ Կիևի դերն այնքանով է, որքանով կարևոր է Զելենսկուն պահել պրոցեսի մեջ՝ նաև նրա հանդեպ Եվրոպայի անմիջական գերակայություն թույլ չտալու համար։ Այդ իմաստով, Թրամփը «դաս» է քաղել նախորդ տարի Սպիտակ տան աղմկոտ դրվագից, երբ բավականին ամոթալի վերաբերմունքի արժանացած Զելենսկին պարզապես նետվեց եվրոպական առաջնորդների գիրկը։ Հիմա նրան «ներգրավված» են պահում ամերիկա–ռուսական երկխոսությանը՝ ամբողջապես եվրոպացիների ձեռքին չթողնելու համար։

Ինչ վերաբերում է անմիջական խոսակցությանը, որ ունենում են Մոսկվան ու Վաշինգտոնը, ապա դատելով Պուտինի օգնականի տարածած տեղեկատվությունից, կա ըստ էության որոշակի համակարգում։ Դրա մասին է վկայում այն, թե՝ Պուտինն ու Թրամփը պայմանավորվել են կապի մեջ մնալ, ըստ անհրաժեշտության հաղորդակցվելու համար։

Ընդհանուր առմամբ, նրանց խոսակցությունների մասին տարածվող տեղեկությունները թերևս վաղուց ստացել են որոշակի ստանդարտ, որին հղումներ անելը որպես ճշգրիտ եզրահանգման տարբերակ, թերևս մի փոքր կասկածելի է։ Ավելի շատ կա տպավորություն, որ այդ իրազեկման ստանդարտը բուն խոսակցության շղարշ է, քան մատուցում։

Մեծ հաշվով, կարծում եմ ներկայումս կարևոր հանգամանքը այն է, թե արդյո՞ք ինչ են քննարկում Մոսկվան ու Վաշինգտոնը ԱՄՆ միջանկյալ ընտրությանը Թրամփի դիրքերի առնչությամբ և արդյո՞ք դիտարկվում է դրանք պահելու որևէ օժանդակություն։ Անկասկած է թերևս, որ հնարավոր այդպիսի դիտարկման դեպքում տարբերակներից դուրս է Ուկրաինայում հրադադարը»։

Անդրանիկ Թևանյանի խափանման միջոցը երկարացվեց ևս 3 ամսով, Արեգնազ Մանուկյանի կալանքը՝ 1 ամսով։ Այս մասին լրագրողների հետ զրույցում ասել է փաստաբան Տաթևիկ Սողոյանը:

ՌԴ արտաքին գործերի նախարար Սերգեյ Լավրովը Մոսկվայում ընդունել է Սաուդյան Արաբիայի իր պաշտոնակից Ֆեյսալ բին Ֆարհան Ալ Սաուդին։ Համատեղ մամուլի ասուլիսում նա հայտարարել է, որ Մոսկվան և Էր-Ռիադը հանձնառու են ՕՊԵԿ+-ի շրջանակներում սերտ համակարգմանը։ Այս մասին հաղորդում է «Ինտերֆաքս» գործակալությունը։

 «Տնտեսական համագործակցության համատեքստում մենք հաստատել ենք մեր հանձնառությունը՝ շարունակելու սերտ համակարգումը ՕՊԵԿ+-ի շրջանակներում՝ համաշխարհային էներգետիկ շուկայում առաջարկի և պահանջարկի հավասարակշռությունն ապահովելու համար», – ասել է Սերգեյ Լավրովը Ֆեյսալ բին Ֆարհան Ալ Սաուդի հետ համատեղ մամուլի ասուլիսի ժամանակ։

ՌԴ ԱԳ նախարարը նաև անդրադարձել է Սաուդյան Արաբիայի քաղաքացիական ենթակառուցվածքների վրա հութիների հարձակումներին՝ դրանք որակելով հակաարդյունավետ։

 «Մենք կարծում ենք, որ Սաուդյան Արաբիայի ենթակառուցվածքների, այդ թվում՝ քաղաքացիական ենթակառուցվածքների վրա հութիների հարձակումները հակաարդյունավետ են։ Մենք լիովին աջակցում ենք Սաուդյան Արաբիայի հանձնառությանը՝ շարունակելու համաձայնեցված և հաստատված «ճանապարհային քարտեզի» իրականացումը։ Կարծում ենք, որ անընդունելի է փորձել լուծել այս խնդիրները ռազմական ճանապարհով, ինչը ոչ միայն վտանգում է քաղաքացիական անձանց և քաղաքացիական օբյեկտները, այլև շատ բացասական ազդեցություն ունի համաշխարհային տնտեսության վրա՝ հաշվի առնելով Արաբական թերակղզու և դրա շրջակա բոլոր ջրերի կարևորությունը համաշխարհային առևտրային ուղիների բնականոն գործունեության համար», – ընդգծել է Լավրովը։

Ֆեյսալ բին Ֆարհան Ալ Սաուդն իր հերթին հայտարարել է, որ կողմ է տարածաշրջանային խնդիրների դիվանագիտական լուծմանը, սակայն չի երկմտի իր շահերը պաշտպանելու հարցում։

 «Չեմ ուզում ասել, որ դիվանագիտական ​​ճանապարհը փակ է, քանի որ թագավորությունը միշտ աջակցում է խաղաղությանը և դիվանագիտական ​​լուծումներին, – ընդգծել է արտգործնախարարը։ – Սակայն մենք չենք տատանվի պաշտպանել ինքներս մեզ, պաշտպանել մեր սեփական շահերը և կապահովենք մեր պայմանները, կապահովենք մեր նպատակները, խորհրդատվություն կտանք Եմենին՝ ինչպես ապահովել իր շահերը, կաշխատենք՝ տարածաշրջանային կայունության և անվտանգության շահերից ելնելով, և կօգտագործենք մեր տրամադրության տակ եղած բոլոր միջոցներն՝ անելու այն, ինչ պետք է անենք»։

Կիևը պատրաստ է ստանալ նույնիսկ այնպիսի հրթիռներ, որոնց պիտանիության ժամկետն արդեն սպառվում է, հայտարարել է Ուկրաինայի ԱԳ նախարար Անդրեյ Սիբիհան, հաղորդում է ՏԱՍՍ-ը։

«Առկա հրթիռները, այդ թվում՝ նրանք, որոնց պիտանիության ժամկետը մոտենում է ավարտին, պետք է նպաստեն ուկրաինական օդային տարածքի պաշտպանությանը»,- գրել է նա:

Ուկրաինան վերջին շրջանում կալանիչների դեֆիցիտ է զգում: Մասնավորապես, Կիևը փորձում է Patriot ՀՕՊ համակարգերի համար հրթիռների նոր խմբաքանակներ ստանալ:

Բրիտանական Financial Times թերթը գրել էր, որ ԱՄՆ նախագահ Դոնալդ Թրամփը Վլադիմիր Զելենսկիի հետ հանդիպմանը մերժել է Patriot համալիրների համար հարյուրավոր հրթիռների մատակարարումը: