Blog

  • Նոյեմբերի 9-ի դասերն ու միակողմանի զիջումների տրամաբանությունը. Արամ Շահնազարյան

    Ինքնիշխանության դեգրադացիայի Սահմանադրական արձանագրումը. Նոյեմբերի 9-ի դասերն ու միակողմանի զիջումների տրամաբանությունը, գրել է Քաղաքական վերլուծաբան-Իրանի հարցերով փորձագետ Արամ Շահնազարյանը:

    «Նոյեմբերի 9-ը հայկական պետականության ռազմավարական սնանկության և սուբյեկտայնության համակարգային կազմաքանդման ելակետն է։ 44-օրյա պատերազմի աղետալի ելքն ամփոփած փաստաթուղթը, ոչ թե կասեցրեց պետության աշխարհաքաղաքական ու անվտանգային գահավիժումը, այլ գործնականում լեգիտիմացրեց այն կործանարար քաղաքական դոկտրինը, որտեղ միակողմանի ու շարունակական զիջումները աստիճանաբար վերածվեցին պետական քաղաքականության գերակա մեթոդաբանության։ Կապիտուլյացիայից 6 տարի անց այդ նույն զիջողական ընթացքը հասել է իր օրինաչափ, չափազանց վտանգավոր հանգրվանին՝ թիրախավորելով Հայաստանի Հանրապետության իրավաքաղաքական գոյության հիմնասյունը՝ Սահմանադրությունը։ Գործող վարչախմբի կողմից Մայր օրենքի ձևախեղման կամ նոր Սահմանադրության պարտադրման հրատապ օրակարգը ոչ այլ ինչ է, քան նոյեմբերի 9-ի կապիտուլյացիոն կուրսի իրավական ձևակերպում և պետական ինքնիշխանության անկման վերջնական ու անդառնալի ամրագրում։

    Հասկանալու համար, թե ինչպես հետկապիտուլյացիոն գործընթացները վերաճեցին սահմանադրական ճգնաժամի, հարկ է վերլուծել այն զիջողական դիսկուրսը, որն իշխանությունը որդեգրեց հետպատերազմյան շրջանում։ Նոյեմբերի 9-ի հայտարարության ստորագրումից անմիջապես հետո պաշտոնական Երևանը հրաժարվեց դիմադրության և ինքնապաշտպանության գրեթե բոլոր հնարավորություններից՝ որպես արտաքին քաղաքականության հիմնական դոկտրին ընտրելով «զիջիր, որպեսզի ապրես» կործանարար թեզը։ Միջազգային փորձը սակայն ապացուցել է՝ ագրեսորին բավարարելու քաղաքականությունը (appeasement) երբեք խաղաղության չի հանգեցնում։ 1938 թվականի Մյունխենի համաձայնագրի պատմական փորձը ցույց տվեց, որ պատերազմից խուսափելու նպատակով Նացիստական Գերմանիային Չեխոսլովակիայի Սուդետյան երկրամասը զիջելը ոչ միայն չկանխեց հետագա ագրեսիան, այլև չխոչընդոտեց Գերմանիայի նոր տարածքային նվաճումներին։ Ավելին, ընդամենը մի քանի ամիս անց՝ 1939 թվականի մարտին, գերմանական զորքերը գրավեցին Չեխիայի մնացած տարածքը։ Այս պատմական նախադեպը վկայում է, որ ագրեսորի պահանջներին միակողմանի զիջումները կարող են ոչ թե չեզոքացնել սպառնալիքը, այլ խրախուսել նորանոր ոտնձգությունները։ Հայաստանի գործող իշխանությունների վարած այս նույն քաղաքականությունը երկիրը վերածեց աշխարհաքաղաքական սակարկությունների կամազուրկ օբյեկտի։ Արցախի ամբողջական հայաթափումը, Հայաստանի ինքնիշխան տարածքների նկատմամբ սողացող օկուպացիան և սահմանազատման ու սահմանագծման անվան տակ իրականացվող միակողմանի տարածքային զիջումները գործնականում ապացուցեցին, որ յուրաքանչյուր նահանջ ոչ թե չեզոքացնում է սպառնալիքը, այլ հակառակորդի համար ստեղծում է նորանոր, էլ ավելի կործանարար առավելապաշտական պահանջներ ներկայացնելու և պարտադրելու քաղաքական նախադեպեր։

    Այս խորապատկերում Սահմանադրության փոփոխության շուրջ ծավալվող իշխանական նախաձեռնությունը պետք է դիտարկել ոչ թե ներքին բարեփոխումների կամ ժողովրդավարական կառուցակարգերի կատարելագործման տիրույթում, այլ որպես արտաքին պարտադրանքի և ուղղակի ճնշման արդյունք։ Բաքվից հնչող բացահայտ սպառնալիքներն ու հայտարարությունները, թե Հայաստանի հետ խաղաղության պայմանագիր չի ստորագրվի, քանի դեռ չի փոխվել նրա Սահմանադրությունը, ուղղակիորեն մատնում են գործընթացի իրական շարժառիթները։ Իշխանությունը, փորձելով հանրությանը համոզել, որ Մայր օրենքի «սրբագրումը» բխում է «Իրական Հայաստանի» շահերից, իրականում գնում է պետական սուբյեկտայնության ինքնակամ կազմաքանդման՝ սեփական քաղաքական վերարտադրությունը պետության կենսական շահերի հաշվին երաշխավորելու համար։ Սա աննախադեպ երևույթ է համաշխարհային պատմության մեջ, երբ պետությունն իր հիմնարար արժեքներից, Անկախության հռչակագրից և ազգային իղձերից հրաժարվում է ոչ թե ներքին հասունացման, այլ հարևան ավտորիտար վարչախմբի թելադրանքով։

    Սահմանադրական փոփոխությունների այս օրակարգն իշխանության կողմից ներկայացվում է որպես պետության «կենսունակության» և «անվտանգության» ապահովման միակ միջոց, սակայն խորքային վերլուծությունը բացահայտում է տրամագծորեն հակառակ պատկերը։ Պետության հիմնարար օրենքի ձևախեղումը՝ արտաքին պահանջներին համապատասխանեցնելու նպատակով, հարվածում է պետականության լեգիտիմության միջուկին։ Դրանով իսպառ ոչնչացվում է պետության իրավահաջորդության և հիմնադիր հայեցակարգի շարունակականությունը (continuitas), և պետությունը զրկվում է իր պատմական ու բարոյական հենասյուներից։ Այն պահին, երբ Հայաստանը կհրաժարվի իր Սահմանադրության մեջ ամրագրված հիմնարար սկզբունքներից, նա աշխարհին կհայտարարի, որ իր ինքնիշխանությունն այլևս բացարձակ արժեք չէ, այլ աշխարհաքաղաքական սակարկությունների առարկա, որը կարելի է խմբագրել որևէ նոր արտաքին պարտադրանքի կամ սպառնալիքի դեպքում։ Սա հենց ինքնիշխանության դեգրադացիայի սահմանադրական ամրագրումն է, որտեղ պետության ներքին ինքնիշխան կամքը փոխարինվում է արտաքին ճնշումների առջև ընկրկելու և տեղի տալու կործանարար գործելաոճով։

    Այս իրավիճակը հստակորեն բացահայտում է գործող վարչախմբի գաղափարական և ռազմավարական սնանկությունը։ Նրանք չունեն ո՛չ հեռանկարային տեսլական, ո՛չ էլ դիմադրության ներքին ներուժն ու ազգային հավաքական հնարավորությունները համախմբելու կամք։ Պարտվողականության բարդույթն ու կապիտուլյացիոն մտածողությունը դարձել են նրանց գործունեության մշտական ուղեկիցը, ինչի պատճառով նրանք այլևս ունակ չեն արտաքին աշխարհի հետ իրավահավասարության դիրքերից հարաբերվելու։ Միակողմանի զիջումների տրամաբանությունը նրանց տարել է մի փակուղի, որտեղ յուրաքանչյուր հաջորդ քայլ է՛լ ավելի է մոտեցնում պետականության անվտանգային հիմքերի վերջնական փլուզումը։ Իշխանության որդեգրած այս քաղաքական կուրսը Հայաստանին դուրս է մղում միջազգային իրավաքաղաքական գործընթացների տիրույթից՝ երկիրը վերածելով սեփական ճակատագիրը տնօրինելու հնարավորությունից զրկված, կամազուրկ մի կազմավորման, որի կենսական շահերը միջազգային ասպարեզում ազդեցիկ աշխարհաքաղաքական դերակատարների կողմից այլևս հաշվի չեն առնվում։

    Պետականության կենսունակության հիմնարար օրենքը փաստում է, որ հարկադրված ու շարունակական նահանջը երբեք չի կարող վերածվել կայունության կամ անվտանգության երաշխիքի։ Սեփական իրավունքների և հիմնարար արժեքների հաշվին արտաքին պահանջների բավարարման որևէ փորձ տրամաբանորեն հանգեցնում է ոչ թե հանգուցալուծման, այլ պետական սուբյեկտայնության համակարգային կազմաքանդման։ Այս հարթությունում խնդիրը դուրս է սովորական իրավիճակային շահերի կամ ներքաղաքական դիմակայության տիրույթից։ Սա պետության գոյության իրավունքի և սեփական ճակատագիրը տնօրինելու ինքնիշխան կամքի պահպանման բացարձակ սահմանագիծն է։ Թույլ տալ պետականության իրավաքաղաքական հիմքերի ձևախեղում արտաքին թելադրանքի ներքո՝ նշանակում է ինքնակամ հրաժարվել սեփական ապագան ինքնուրույն տնօրինելու իրավունքից։ Հայաստանի գոյության և ֆիզիկական անվտանգության երաշխավորումը հնարավոր է բացառապես պետականության հիմնադիր հայեցակարգի վերաիմաստավորման և այնպիսի ռազմավարական դիսկուրսի ձևավորման միջոցով, որտեղ երկրի կենսական շահերը կպաշտպանվեն ոչ թե արտաքին պարտադրանքի ու զիջողականության, այլ սեփական իրավունքների անբեկանելիության և պետական կամքի գերակայության տիրույթում»,-գրել է նա:

    դիտվել է 5 անգամ

  • Բանտում մшհացել է «Ուժեղ Հայաստանից» Արսեն Գևորգյանը

    Կալանավայրում ինֆարկտից մահացել է «Ուժեղ Հայաստան»-ի Ստեփանավան համայնքի ղեկավարի թեկնածու առաջադրված Արսեն Գևորգյանը։

    Հիշեցնենք, որ Արսեն Գևորգյանը ձերբակալվել էր հոկտեմբերի 21-ին (կամ 20-ի գիշերը) Հակակոռուպցիոն կոմիտեում քննվող քրեական վարույթի շրջանակում Ստեփանավանում իրականացված գործողությունների արդյունքում։ Այդ օրը Ստեփանավանում ձերբակալվել էր 14 անձ:

  • Կալանավայրում ինֆարկտից մաhացել է «Ուժեղ Հայաստան»-ի Ստեփանավան համայնքի ղեկավարի թեկնածու Արսեն Գևորգյանը

    Քրեակատարողական հիմնարկում սրտի կանգից մահացել է հոկտեմբերի 25-ի տեղական ընտրություններում Ստեփանավան համայնքի «Ուժեղ Հայաստան» կուսակցության համայնքապետի թեկնածու Արսեն Գևորգյանը:

    Տեղեկությունը լրատվամիջոցների հետ զրույցում հաստատել է Քրեակատարողական ծառայության հանրային կապերի բաժնի պետ Նոնա Նավիկյանը:

    «Նոյեմբերի 10-ին՝ առավոտյան 07:55-ի սահմաններում, 1980 թվականի ծնված կալանավորված անձի համար կանչվել է շտապօգնություն ինքնազգացողության վատթարացման պատճառով։ Ժամը 08:30-ի սահմաններում շտապօգնության աշխատակիցները արձանագրել են կենսաբանական մահը»,- հայտնել է նա:

  • Արսեն Գևորգյանի մահվան պատասխանատվությունը կրում է այն մարդը, ում պատվերով հարյուրավոր մարդկանց անհիմն վարկաբեկում ու կալանավորում են. «Ուժեղ Հայաստան»

    «Ուժեղ Հայաստան» կուսակցության հայտարարությունը՝ ՔԿՀ-ում Արսեն Գևորգյանի մահվան կապակցությամբ։

    «Խորը վշտով տեղեկացնում ենք, որ կալանավայրում մահացել է «Ուժեղ Հայաստան» կուսակցության՝ Ստեփանավանի ՏԻՄ ընտրությունների թեկնածու Արսեն Գևորգյանը, որին իշխանությունը ընտրություններից առաջ կալանավորեց` վարկաբեկման արշավ սկսեց շինծու մեղադրանքներով։ Բանտում հերթական ընդդիմադիր գործչի մահվան պատասխանատվությունը կրում է այն մարդը, ում պատվերով հարյուրավոր մարդկանց անհիմն վարկաբեկում ու կալանավորում են։

    «Ուժեղ Հայաստան» կուսակցությունը ցավակցում է Արսեն Գևորգյանի ընտանիքին»,- ասվում է հաղորդագրությունում։

  • Դավիթ Սարգսյանը շնորհավորել է դիլիջանցիներին ՏԻՄ օրվա առթիվ – ԱՄԲԻՈՆ NEWS

    Սիրելի՛ դիլիջանցիներ, հարգելի՛ գործընկերներ,

     

    Շնորհավորում եմ բոլորիս՝ Տեղական ինքնակառավարման մարմինների օրվա առթիվ։

    Ինքնակառավարումը ժողովրդավարության կարևորագույն հիմքերից է, որի արդյունավետությունը դրսևորվում է համայնքի բնակիչների շահերի ներկայացմամբ, հանրային մասնակցությամբ, պատասխանատու որոշումներով և հետևողական աշխատանքով։

     

    Մեր նպատակն է ստեղծել այնպիսի միջավայր, որտեղ բարելավվում են ենթակառուցվածքները, ընդլայնվում կրթական, մշակութային և տնտեսական հնարավորությունները, իսկ զարգացման արդյունքները հասանելի են համայնքի յուրաքանչյուր բնակչի։

     

    Շնորհակալություն եմ հայտնում համայնքային ծառայողներին, ավագանու անդամներին, վարչական ղեկավարներին և բոլոր այն քաղաքացիներին, որոնք իրենց աշխատանքով ու նախաձեռնություններով նպաստում են Դիլիջանի զարգացմանը։

     

    Մաղթում եմ արդյունավետ աշխատանք, նոր ձեռքբերումներ և հաջողություններ՝ ի նպաստ մեր համայնքի կայուն զարգացման ու բնակիչների բարեկեցության։

     

    Հարգանքով՝

    Դավիթ Սարգսյան

    Դիլիջան համայնքի ղեկավար

  • Վերջին 35 տարում Հայաստանում որքանո՞վ է նվազել ծնունդների թիվը. Տիգրան Դումիկյան

    Ի՞նչ է թաքնված այս թվերի հետևում, որքանո՞վ են գործող ծրագրերն արդյունավետ և ի՞նչ կարելի է անել իրավիճակը փոխելու համար։ Չէ՞ որ խոսքը միայն այսօրվա վիճակագրության մասին չէ, այլ մեր երկրի վաղվա օրվա։

  • ՔԿ-ից հաստատում են՝ «Ուժեղ Հայաստան»-ի թեկնածու Արսեն Գևորգյանը մահացել է

    Ստեփանավանի ընտրություններում «Ուժեղ Հայաստան»-ի թեկնածու Արսեն Գևորգյանի խցակիցները երեկ նկատել են, որ նա իրեն վատ է զգում, առավոտյան լուսադեմին Գրիգորյանի համար «Շտապօգնություն» են կանչել։ Բժիշկների մոտ արձանագրվել է Գրիգորյանի մահը։ Այս մասին 24News-ին հայտնում եմ նախարարությունից։

    Արսեն Գրիգորյանը ՔԿՀ է տեղափոխվել հոկտեմբերի 21-ին, ըստ Արդարադատության նախարարության՝ ոչ մի գանգատ չի ունեցել։

    Հիշեցնենք, որ Գևորգյանը ձերբակալվել էր Հակակոռուպցիոն կոմիտեում քննվող քրեական վարույթի շրջանակում Ստեփանավանում իրականացված գործողությունների արդյունքում. այդ օրը Ստեփանավանում ձերբակալվել էր 14 անձ:

    Նշենք, որ «Ուժեղ Հայաստան» կուսակցությունը բազմիցս հայտարարել է, որ Գրիգորյանի կալանավորումը ունեցել է բացառապես քաղաքական նպատակներ և խնդիր ուներ ՏԻՄ ընտրություններից առաջ չեզոքացնել ընդդիմադիր թեկնածուին։

    դիտվել է 21 անգամ

  • Քաջարան համայնքի ղեկավար Մանվել Փարամազյանի շնորհավորական ուղերձը՝ ՏԻՄ ձևավորման 30-ամյակի կապակցութ

    Տեղական ինքնակառավարման ոլորտի հարգելի ներկայացուցիչներ, ավագանու անդամներ և գործընկերներ,

    այսօր նշում ենք Հայաստանի Հանրապետությունում տեղական ինքնակառավարման համակարգի ձևավորման 30-ամյակը, ինչի կապակցությամբ ջերմորեն շնորհավորում եմ բոլորիդ։

    Այս երեք տասնամյակները ամփոփում են մեր պատասխանատու աշխատանքը, ձեռքբերումները, հաղթահարված դժվարությունները և մեր համայնքների զարգացմանն ուղղված նվիրումը։

    Տեղական ինքնակառավարումը պարզապես կառավարման համակարգ չէ, այլ ժողովրդավարության կարևորագույն գործոններից, որի հիմքում համայնքային ծառայողի ազնիվ աշխատանքն է, մասնագիտական պատասխանատվությունը և մարդկային վերաբերմունքն ու հանրային շահին անմնացորդ ծառայելու պատրաստակամությունը։

    Սիրելի’ քաջարանցիներ, այս հոբելյանը մեզ համար ևս մեկ առիթ է` արժևորելու մեր համայնքի անցած ճանապարհը, մեր հայրենակիցների աշխատանքն ու նվիրումը, համայնքային ծառայողների, ավագանու անդամների և բոլոր այն մարդկանց ներդրումը, ովքեր տարիներ շարունակ իրենց գիտելիքներով ու պատասխանատու աշխատանքով նպաստել են Քաջարանի զարգացմանը։

    Մեր համոզմամբ՝ ուժեղ համայնքը կառուցվում է համախմբվածությամբ, վստահությամբ, հետևողական աշխատանքով և յուրաքանչյուր բնակչի նկատմամբ պատասխանատվությամբ, իսկ մեր նպատակն է ունենալ ժամանակակից, բարեկարգ և զարգացող համայնք, որտեղ յուրաքանչյուր բնակավայրի խնդիր կարևոր է, յուրաքանչյուր քաղաքացու կարծիք՝ արժեքավոր, իսկ յուրաքանչյուր նախաձեռնություն՝ զարգացման հնարավորություն։

    Այս երեսուն տարին ճանապարհի կարևոր հանգրվանն է, բայց նաև նոր պարտավորությունների սկիզբ, իսկ առջևում դեռ շատ անելիքներ կան, և մենք պետք է շարունակենք աշխատել ավելի արդյունավետ, ավելի թափանցիկ ու ավելի նպատակասլաց՝ հանուն մեր համայնքի և մեր բնակիչների բարեկեցության։

    Օրվա կապակցությամբ շնորհավորում եմ նաև բոլոր նրանց, ովքեր իրենց աշխատանքով նպաստել են տեղական ինքնակառավարման կայացմանն ու զարգացմանը։

    Թող մեր համայնքները լինեն ուժեղ և զարգացած, իսկ տեղական ինքնակառավարումը՝ վստահության, պատասխանատվության և ժողովրդին ծառայելու լավագույն օրինակ։

    Մեր աշխատանքը՝ հանուն Քաջարանի է, իսկ մեր պատասխանատվությունը՝ հանուն Հայաստանի։

  • Ուժեղ պետություն ունենալու համար անհրաժեշտ են ուժեղ համայնքներ, որոնք ինքնուրույն որոշումներ են կայացնում

    Երևանի քաղաքապետ Տիգրան Ավինյանը շնորհավորական ուղերձ է հղել տեղական ինքնակառավարման համակարգի ձևավորման 30-ամյակի առթիվ։

    «Սիրելի՛ հայրենակիցներ,

    Շնորհավորում եմ Հայաստանի Հանրապետությունում տեղական ինքնակառավարման համակարգի ձևավորման 30-ամյակի առթիվ։ 

    Ուժեղ պետություն ունենալու համար անհրաժեշտ են ուժեղ համայնքներ, որոնք կարողանում են ինքնուրույն որոշումներ կայացնել, արդյունավետ տնօրինել իրենց ռեսուրսները և պատասխանատվություն ստանձնել սեփական զարգացման համար։

    Տեղական ինքնակառավարումը ժողովրդավարության կարևորագույն ինստիտուտներից է։ Համայնքային մակարդակում է ձևավորվում պետության և քաղաքացու ամենօրյա կապը։

    Այսօր մեր առաջնահերթություններից է ապակենտրոնացման գործընթացին գործնական բովանդակություն հաղորդելը։ Համայնքների ընդլայնվող լիազորությունները պետք է ապահովված լինեն համապատասխան ֆինանսական միջոցներով, կառավարման կարողություններով և արդյունավետ գործիքներով։ Կարևոր է նաև, որ համայնքները կարողանան իրենց փորձն ու խնդիրները ներկայացնել միասնական դիրքերից և մասնակցել ոլորտային քաղաքականությունների ձևավորմանը։

    Հայաստանի համայնքների միության կարևոր առաքելությունն այս գործընթացում համայնքների շահերի ներկայացումն ու պաշտպանությունն է, նրանց կարողությունների զարգացումը և համագործակցության նոր հնարավորությունների ստեղծումը։

    Վստահ եմ, որ համայնքների հետևողական աշխատանքի, պետական կառույցների հետ արդյունավետ գործընկերության և բնակիչների ակտիվ մասնակցության շնորհիվ կարող ենք ունենալ ավելի ինքնուրույն, կենսունակ և զարգացող համայնքներ։

    Շնորհակալություն եմ հայտնում համայնքային կառավարման համակարգի բոլոր ներկայացուցիչներին՝ իրենց ամենօրյա պատասխանատու աշխատանքի համար։ 

    Շնորհավորում եմ բոլորիս Տեղական ինքնակառավարման օրվա առթիվ»,- ասվում է ուղերձում:

  • Միրզոյանը Էստոնիայի ԱԳ նախարարին պարգևատրել է «Արժանիքների խաչ» շքանշանով

    Միրզոյանը Էստոնիայի ԱԳ նախարարին պարգևատրել է «Արժանիքների խաչ» շքանշանով, հայտնել են ԱԳՄԱ նախարարությունից:

    «Բարձր գնահատելով Հայաստանի Հանրապետության և Էստոնիայի Հանրապետության միջև ամուր և փոխվստահության վրա հիմնված գործընկերության կառուցման գործում նրա անձնական նշանակալի ներդրումը՝ ՀՀ ԱԳՄԱ նախարար Միրզոյանը Մարգուս Ցահքնային շնորհել է ՀՀ ԱԳՄԱ նախարարության Առաջին աստիճանի պատվո մեդալով»,- նշել են նախարարությունից: