Media Monitoring

Blog

  • ԶՊՄԿ-ում անվտանգության համակարգի բարեփոխումներ են․ հոկտեմբերի 26-ից կմեկնարկի աշխատակիցների ուսուցումը

     Հարգելի գործընկերներ, ԶՊՄԿ-ում ձևավորվում է կորպորատիվ անվտանգության նոր համակարգ

     

    «Զանգեզուրի պղնձամոլիբդենային կոմբինատ» ՓԲԸ-ն իրականացնում է անվտանգության համակարգի բարեփոխումներ, որոնց շրջանակում ստեղծվում է Կորպորատիվ անվտանգության դեպարտամենտ՝ նոր գործառույթներով և միջազգային ստանդարտներին համապատասխան կառավարման համակարգով։

     

    📌 Այս փոփոխությունների իրականացման ճանապարհին Ընկերությունը կարևորում է աշխատակիցների նախապատրաստումը նոր համակարգում աշխատանքին։

    Ընկերության գլխավոր տնօրենի որոշմամբ՝ 2026 թվականի հոկտեմբերի 26-ին կմեկնարկի Կորպորատիվ անվտանգության դեպարտամենտի հաստիքներին հավակնող գործող աշխատակիցների ուսուցումը՝ հեղինակավոր միջազգային ընկերությունների փորձագետների ներգրավմամբ, որի ժամանակացույցի և նյութերի վերաբերյալ Ընկերության անվտանգության դեպարտամենտի բոլոր աշխատողները վաղը` 23.10.2026 թվականին կծանուցվեն լրացուցիչ:

     

    ‼️ Ուսուցման ընթացքում փորձագետները կներկայացնեն անվտանգության թիմին նոր համակարգի գործառույթներն ու նշանակությունը, կօգնեն աշխատակիցներին հասկանալ իրենց դերը, գործառույթներն ու պատասխանատվությունը և կպատասխանեն աշխատողների հարցերին։

     

    🟢 Ուսուցմանը կհաջորդի մասնագիտական գիտելիքների և պատրաստվածության ստուգումը։

     

    ✅ Այն հաջողությամբ անցած և նոր հաստիքներում նշանակված աշխատակիցներն իրենց աշխատանքը կշարունակեն նոր համակարգում՝ իրենց դերի, պարտականությունների և ակնկալվող արդյունքների հստակ պատկերացմամբ։

     

    Ընկերությունը սիրով հրավիրում է իր անվտանգության դեպարտամենտի գործող աշխատակիցներին միանալու այս գործընթացին՝ միասին ձևավորելու միջազգային ստանդարտներին ու հանքարդյունաբերության լավագույն փորձին համահունչ կորպորատիվ անվտանգության մշակույթ։

  • Պուտին․ Կիևի կորցրած տարածքները «նրանց տարածքը չեն», այլ Ռուսաստանի պատմական հողերն են





    Ռուսաստանի նախագահ Վլադիմիր Պուտինը հայտարարել է, որ Կիևի կորցրած տարածքները «նրանց տարածքը չեն», այլ Ռուսաստանի պատմական հողերն են։

    Մեկնաբանելով Ուկրաինայի նախագահ Վոլոդիմիր Զելենսկու՝ տարածքների կորուստը համակերպվելով ընդունելու պատրաստակամության մասին հայտարարությունը՝ Պուտինն ընդգծել է, որ Դոնբասը Ուկրաինայի տարածք չէ։

     

     

     




    դիտվել է 199 անգամ




    Լրահոս

    Ամենաընթերցվածները



    Շուտով



    Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը

    Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը

    Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը

    Հոկտեմբերի 23-ին՝ ժամը 10։30-ին, Հայելի ակումբի հյուրն է Տիգրան Չոբանյանը

    Հոկտեմբերի 22-ին՝ ժամը 14։00-ին, Հայելի ակումբի հյուրն է Անաստաս Իսրայելյանը

    Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը

    Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը

    Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը

    Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը

  • Գիտե՞ք՝ ինչու ենք ընտրություններից ընդամենը մի քանի ամիս անց դարձյալ խոսում արտահերթ ընտրություններից. Մհեր Ավետիսյան



    Քաղաքականություն





    Որովհետև անվտանգության ճարտարապետություն չունեցող և սեփական երկրի անվտանգության, խաղաղության խնդիրը չլուծած պետությունում ներքաղաքական օրակարգեր, ներքաղաքական պայքար, իշխանության համար պայքար և առհասարակ քաղաքական կյանք չի կարող լինել։ Եվ ես սա արդեն հինգ տարի է՝ խոսում եմ, որ պետք է ամեն ինչ մի կողմ թողնել, համախմբվել, լուծել երկրի անվտանգության խնդիրը։

     Եվ հիմա արդեն գործող քաղաքական ուժերն իրենց հայտարարություններով ապացուցում են այն, ինչ ես տարիներ շարունակ ասում եմ։ Հիմա գոնե պետք է հասկանալ, որ քանի անգամ էլ ընտրություններ անեք, ինչքան էլ իրար քննադատենք, ինչ էլ անենք, եթե երկրի անվտանգության խնդիրը լուծված չէ, այդ ամենը կեղծ օրակարգեր են և իրականում նաև վտանգավոր։

    Հետևաբար պետք է հիմա գոնե գիտակցել, որ իսկապես պետք է մի կողմ թողնել ամբիցիաները, քաղաքական պայքարը, իշխանությունը պահելու կամ իշխանության գալու պայքարը և հասկանալ, որ հակառակորդի, թշնամու և այլոց համար մենք բոլորս հայ ենք։ Բոլորիս էլ կամ հարգում են, կամ ոչ, կամ ուզում են մեզ հետ ապրել, կամ ուզում են բոլորիս սպանել։


     Հակառակորդի, թշնամու և այլոց համար չկան ՔՊ-ականներ, սերժականներ, քոչարյանականներ, նախկիններ, թալանչիներ։

    Հետևաբար Հայաստանի անվտանգության խնդիրը բոլորիս է վերաբերում։ Ժողովոււրդ ջան, իրականում իրավիճակը գնալով ոչ թե լավանում, այլ վատանում է։ Անվտանգության գործակիցը ոչ թե փոքրանում, այլ մեծանում է։


     Օր օրի Հայաստանի անվտանգության խնդիրը ավելի օրհասական է դառնում։

    Հետևաբար պետք է իսկապես խելք խելքի տալ և լուծել Հայաստանի անվտանգության խնդիրը։ Մնացած բոլոր խոսակցությունները, փորձել ժամանակ շահել, մտածել, որ այդ անվտանգության խնդիրները ինքնըստինքյան լուծվելու են, ուղղակի անթույլատրելի են։

     Այ սրա համար էի ասում մեզ ընտրություններ պետք չեն։


     Պարոն Փաշինյանը կարող է հավերժ մնալ, կարող է թագավոր դառնալ։

    Այս պահին իշխանության փոփոխության խնդիր մենք չունենք։

    Լուծենք անվտանգության խնդիրը, և հետո նոր կսկսենք խոսել քաղաքական կյանքից։


     Ես սա էի ասում։

    Իսկ մեր ընդդիմությունն ասում է՝ ոչ, եկեք փոխենք իշխանությունը։

     Կյանքը ցույց տվեց, որ ես ճիշտ էի։ Ոչ կարող եք փոխել ընտրություններով, ոչ էլ փողոցով։ Գոնե հիմա սա պետք է հասկանալ և զբաղվել երկրի անվտանգության ճարտարապետության կառուցմամբ։

     



  • «Ուժեղ Հայաստան»-ը արտահերթ ընտրությունների ակնկալիք ունի. վերջիններս արձագանքել են վարչապետի հայտարարությանը

    ԱԺ ընդդիմադիր «Ուժեղ Հայաստան» խմբակցության ղեկավար Նարեկ Կարապետյանը հայտարարել է, թե պատրաստ են արտահերթ ընտրությունների:

    «Մենք պատրաստ ենք։ Միայն օրն ասեք»,- «Ֆեյսբուք»-ում շեշտադրմամբ գրառում է արել նա:

    Հիշեցնենք՝ Կառավարության նիստից հետո ճեպազրույցի ընթացքում ՀՀ վարչապետ Նիկոլ Փաշինյանը, խոսելով ՀՀ Սահմանադրության փոփոխության մասին, ասել էր, որ ընդդիմության գործընկերներին կփորձեն համոզել, որ Սահմանադրության փոփոխությունը կարևոր է, իսկ եթե չստացվեց, հնարավոր է՝ գնան արտահերթ ընտրությունների:

  • «Ուժեղ Հայաստանի» ևս 10 անդամի տներ են խուզարկել. Անդրանիկ Գևորգյան

    Այսօր առավոտյան «Ուժեղ Հայաստանի» ևս 10 անդամի տներ են խուզարկել։ Այս մասին Ստեփանավանում լրագրողների հետ զրույցում հայտնել է պատգամավոր Անդրանիկ Գևորգյանը։

    «Եվս 10 անդամի տներում խուզարկություններ են եղել, ձերբակալվածներ կան։ Նրանց տարել են Երևան։ Իրենց (խոսքը ՀՀ իշխանությունների մասին է. խմբ.) գործելաոճն է։ Այս մի քանի օրը պետք է այդպես անեն, քանի որ պարտությունից վախեցած են։ «Ուժեղ հայաստանցիներս» կոտրվող չենք մեր առաջնորդի պես։ Գնալու ենք մինչև վերջ` ունենալու համար ուժեղ Ստեփանավան»,– ասել է Գևորգյանը։

    Նրա խոսքով` այս պահին ավագանու 4 անդամ կա, որ ձերբակալված է, 2-ն էլ տնային կալանքի մեջ են։ Ընդդիմադիր պատգամավորը շեշտեց` ցանկացած սցենարի պատրաստ են։

  • Առուշ Առուշանյանի մասին պետք է դատել գործերով, ոչ թե բամբասանքներով – ԱՄԲԻՈՆ NEWS

    Գորիսի համայնքապետ Առուշ Առուշանյանի գործունեության շուրջ ծավալվող քննարկումները ևս մեկ անգամ առաջ են բերում հարցը՝ ինչո՞վ պետք է գնահատել հանրային գործչին՝ նրա իրականացրած ծրագրերո՞վ, թե՞ քաղաքական հակասությունների ուղեկցությամբ տարածվող մեկնաբանություններով։

    Առուշ Առուշանյանի աջակիցների համոզմամբ՝ նա գործի մարդ է՝ արարող ու ստեղծող, որի գործունեությունը պետք է գնահատել կոնկրետ արդյունքներով։ Նրանց համար կարևոր է ոչ թե հնչեցված խոստումների քանակը, այլ համայնքի զարգացմանն ուղղված աշխատանքը։

    «Նա ճառ ասող չէ, նա գործ անող է», — այսպես են բնութագրում նրան համակիրները՝ ընդգծելով նաև նրա հավատքի և համոզմունքների կարևորությունը։Միևնույն ժամանակ, ցանկացած հանրային գործչի գործունեության գնահատումը պահանջում է փաստերի վրա հիմնված մոտեցում։ Քաղաքական քննադատությունը ժողովրդավարական գործընթացի բնական մասն է, սակայն այն չպետք է վերածվի չստուգված տեղեկությունների տարածման կամ անձնական վարկաբեկման։ Նույն սկզբունքը վերաբերում է նաև Առուշանյանի հասցեին հնչող մեղադրանքներին ու նրա գործունեության վերաբերյալ գնահատականներին։

    Գորիսի համայնքապետի շուրջ քաղաքական զարգացումների համատեքստում նրա համակիրները համոզված են, որ քաղաքական հակադրությունները չեն կարող զրոյացնել տարիների ընթացքում կատարված աշխատանքը։ Նրանք ակնկալում են, որ ընտրողները որոշում կկայացնեն՝ հաշվի առնելով համայնքում իրականացված ծրագրերը, ձեռքբերումներն ու առկա խնդիրները։Ինչպես պատգամում է Հովհաննես Թումանյանը.

    *«Երնե՜կ նըրան, որ իր գործով

    Կապրի անվերջ, անդադար»։*

    Ի վերջո, ժամանակն ու հանրային գնահատականն են որոշելու, թե ինչ հետք կթողնի յուրաքանչյուր ղեկավար իր համայնքի պատմության մեջ։ Իսկ ընտրությունների ելքը կորոշեն Գորիսի բնակիչները՝ իրենց քվեով։

    Առուշ Առուշանյանի աջակիցների մաղթանքն է՝ հաջողություն նրա հետագա քաղաքական ճանապարհին։

  • Երկու կարևոր իրադարձություն, որոնց պետք է հետևել Հայաստանում․ Արթուր Խաչիկյան





    Քաղաքագիտության դոկտոր Արթուր Խաչիկյանի ֆեյսբուքյան գրառումը

    Երկու կարևոր իրադարձություն, որոնց պետք է հետևել Հայաստանում։

    Առաջինը՝ ԵԱՏՄ-ի վերջերս հրապարակած շատ հստակ զեկույցն է, որտեղ մանրամասն ներկայացված են Հայաստանի՝ ԵԱՏՄ-ից դուրս գալու հետևանքները։ Տեղեկությունը շատ է, իսկ լավ նորությունները՝ շատ քիչ։ Ամեն ինչ ճիշտ այնպես է, ինչպես մենք զգուշացնում էինք. գազի թանկացում՝ 60%-ով, ներմուծման և արտահանման կրճատում՝ 55-65%-ով, հայկական արտադրանքի նկատմամբ մաքսային վերահսկողության վերականգնում, Ռուսաստանի տարածքում Հայաստանի քաղաքացիների համար միգրացիոն ռեժիմի խստացում, ԵԱՏՄ երկրներից Հայաստան փոխանցումների կրճատում, ՀՆԱ-ի նվազում՝ 15%-ով և այլն։ Այսինքն՝ այն ամենը, ինչի մասին մենք տարիներ շարունակ խոսել ենք։ Այժմ այդ ամենը հստակ արձանագրված է։

    Նշվել է նաև, որ Հայաստանը կարող է դուրս մնալ ԵԱՏՄ-ից՝ ԵՄ-ին անդամակցելու ձգտման մասին իր օրենքի հիման վրա, քանի որ միաժամանակ երկու մաքսային միությունների անդամ լինել հնարավոր չէ։ Իսկ նման օրենքի ընդունումն արդեն իսկ նշանակում է ԵԱՏՄ-ից դուրս գալու մասին հայտարարություն։

    Ամեն ինչ գնում է նրան, որ եթե Հայաստանում հանրաքվե չանցկացվի, որը կպարզի հայ ժողովրդի դիրքորոշումն այս կարևորագույն հարցի վերաբերյալ, ապա որոշումն արդեն մինչև տարեվերջ կընդունվի առանց Հայաստանի մասնակցության։
    Եվ իսկապես, Եվրաինտեգրման և ԵԱՏՄ-ից դուրս գալու օգտին տարիներ շարունակ քարոզելուց հետո ժամանակն է կամ գնալ այդ ճանապարհով, կամ դադարել ժողովրդին դատարկ հույսերով կերակրելուց։ Ուզո՞ւմ ենք Եվրոպա։ Եկեք գնանք։ Մենք բոլորս կողմ ենք։ Եկեք հանրաքվե անցկացնենք, հստակ հայտարարենք մեր որոշման մասին և սկսենք ինտեգրվել Եվրոպային։ Ութ տարի խոստումներ լսելուց հետո կարող ենք մեր եվրոպացի բարեկամներին խնդրել բացել իրենց շուկաները մեր ապրանքների առաջ, մեր քաղաքացիներին Եվրոպայում աշխատելու իրավունք տալ, ապահովել մեր անվտանգությունը և՝ առաջ, դեպի Ելիսեյան դաշտեր։
    Հայաստանը շատ է տուժում անորոշությունից։ Չենք ուզում խզել կապերը Արևելքի հետ, բայց Արևմուտքին էլ ինտեգրվել չի ստացվում։ Արդեն ժամանակն է կամք դրսևորելու և որոշում կայացնելու, վերջ դնելու այս անվերջ բանավեճերին ու գործով զբաղվելու։
    Երկրորդ կարևոր իրադարձությունը Եվրոպայում բողոքի ցույցերի աննախադեպ ալիքն է, որի կենտրոնը Ֆրանսիան է։ Եվրոպայում և ամբողջ աշխարհում խոսում են գլոբալիզմի պարտության և ազգային քաղաքականությանը վերադառնալու մասին։ Իտալիայի առաջնորդ Մելոնին ելույթ է ունեցել՝ խոսելով այն մասին, թե ինչպես են ամբողջ Եվրոպայում տեղի ունեցող բողոքի ցույցերն արտահայտում ժողովուրդների ցանկությունը՝ վերադառնալու իրենց ազգային արժեքներին։ Ֆրանսիայում քաղաքականապես իրար հակադիր երկու առաջնորդներ՝ Մելանշոնը և Լը Պենը, իրենց նախընտրական ծրագրերը կառուցում են ֆրանսիական արտադրողների և ֆրանսիական շուկայի պաշտպանության, ինչպես նաև ներգաղթի սահմանափակման սկզբունքների վրա։

    Իսկ ի՞նչ ենք անում մենք։ Մի աշխարհում, որտեղ ուժի կենտրոնը տեղափոխվում է դեպի Արևելք, մենք հայտարարում ենք, որ ընտրում ենք Արևմուտքը։ Մի աշխարհում, որտեղ Եվրոպան բորբոքված է գլոբալիզմի և անվերահսկելի միգրացիայի դեմ բողոքի ցույցերով, որտեղ խոսում են երրորդ երկրներից ներմուծման սահմանափակման և սեփական արտադրողների պաշտպանության մասին, մենք հրաժարվում ենք արդեն իսկ ունեցած շուկայից և ձգտում ենք հայտնվել այնտեղ, որտեղ ցանկանում են փակել մեր առջև դռները։
    Տրամաբանակա՞ն է։ Շատ։ Հենց այդ պատճառով էլ ժամանակն է վերջնականապես ընտրություն կատարելու, փորձելու գնալ սեփական ճանապարհով և սեփական փորձով պարզելու, թե ինչն է մեզ համար ավելի լավ։ Ամեն ինչ ասված է, բոլոր փաստարկները ներկայացված են, և մեր շուրջ ստեղծված իրավիճակն էլ բավական հստակ է։ Ժամանակն է դադարեցնելու դատարկ խոսակցություններն ու անցնելու որոշումների կայացմանը։ Կամ աջ, կամ ձախ։ Կամ դեպի Արևելք, կամ դեպի Արևմուտք։ Պետք է վճռականություն ցուցաբերել։



    դիտվել է 202 անգամ

  • Լիվերպուլը հրատարակել է ողբերգական ավտովթարից զոհված Ժոտայի կենսագրական գիրքը





    Անգլիական «Լիվերպուլը» պաշտոնապես հայտարարել է թիմի նախկին հարձակվող, ողբերգական ավտովթարից մահացած Դիոգու Ժոտայի կյանքին, կարիերային և թողած ժառանգությանը նվիրված կենսագրական գրքի լույսընծայման մասին։ Աշխատությունը կրում է խորհրդանշական «Հավերժ մեր սրտերում» (Forever in our Hearts) խորագիրը։ Այս մասին գրում է armsport.am-ը։

    Գրքի հեղինակը պորտուգալացի գրող և նախկին պրոֆեսիոնալ ֆուտբոլիստ Ժոզե Դելգադոն է։ Ստեղծագործությունը ներկայացնում է Ժոտայի անցած ուղին՝ Պորտուգալիայում արված առաջին քայլերից մինչև իր սերնդի ամենասիրված ֆուտբոլիստներից մեկը դառնալն ու «մերսիսայդյան» ընտանիքի անբաժան մասնիկը լինելը։ Այն ընդգրկում է հարձակվողի կարիերայի փայլուն շրջանը, որը պսակվեց Անգլիայի Պրեմիեր լիգայում «Լիվերպուլի» հետ տոնած չեմպիոնությամբ և Պորտուգալիայի հավաքականի կազմում Ազգերի լիգայի գավաթը նվաճելով։

    Կենսագրականը բացառիկ է նրանով, որ հիմնված է ավելի քան 90 մարդկանց հետ անցկացված ծավալուն հարցազրույցների վրա, որոնք ամենից լավ են ճանաչել ֆուտբոլիստին։ Հուշերով կիսվել են Ժոտայի կինը՝ Ռուտեն, ծնողները՝ Իզաբելն ու Ժոակիմը, «Լիվերպուլի» նախկին գլխավոր մարզիչ Յուրգեն Կլոպը, ինչպես նաև բազմաթիվ թիմակիցներ ու ընկերներ։ Գիրքը բացահայտում է ոչ միայն Ժոտա ֆուտբոլիստի տաղանդն ու նպատակասլացությունը, այլև նրա մարդկային տեսակն ու բացառիկ համեստությունը։

    Առանձնահատուկ տեղ է հատկացված Դիոգուի և նրա կրտսեր եղբոր՝ Անդրեի միջև եղած ամուր կապին, ինչպես նաև մանկության սիրո՝ Ռուտեի հետ ամուսնությանը հաջորդած ողբերգական իրադարձություններին։ Հիշեցնենք, որ ֆուտբոլային աշխարհը ցնցած ողբերգությունը տեղի ունեցավ 2025 թվականի հուլիսի 3-ին։ Իսպանիայի Սամորա նահանգի Պալասիոս դե Սանաբրիա մունիցիպալիտետի շրջանում՝ A-52 մայրուղու 65-րդ կիլոմետրին, Lamborghini մակնիշի ավտոմեքենան կեսգիշերնանց ենթարկվեց ծանր վթարի։ Մեքենայում գտնվող Դիոգու Ժոտան և նրա եղբայրը՝ պորտուգալական «Պենաֆիել» ակումբի ֆուտբոլիստ Անդրե Սիլվան, տեղում մահացան։

    «Այս գիրքը ստեղծվեց խորը վշտի պահին՝ որպես Դիոգուի հիշատակը վառ պահելու հնարավորություն։ Իմ նպատակն էր նրա պատմությունը ներկայացնել հոգատարությամբ, ազնվությամբ և մեծ հարգանքով։ Ինձ ամենից շատ հուզեց նրա մտերիմների մեծահոգությունը. նրանց սերը երկու եղբայրների հանդեպ զգացվում է յուրաքանչյուր էջում։ Հուսով եմ՝ այս գիրքը արժանի հարգանքի տուրք կլինի և կշարունակի ոգեշնչել ապագա սերունդներին», — նշել է գրքի հեղինակ Ժոզե Դելգադոն։

    «Հավերժ մեր սրտերում» գիրքն արդեն հասանելի է «Լիվերպուլի» պաշտոնական խանութներում և առցանց հարթակներում։ Վաճառքից ստացված ամբողջ հասույթն ուղղվելու է «Լիվերպուլի» բարեգործական հիմնադրամին՝ ֆինանսավորելու Ժոտայի անունը կրող մանկապատանեկան ֆուտբոլի զարգացման ծրագիրը։




    դիտվել է 223 անգամ

  • Սուսաննա Բաղդասարյանի ծննդյան օրն է․ շնորհավորանք՝ սիրված արտիստուհուն

    Սուսաննա Բաղդասարյանը այն արվեստագետներից է, որոնց անունը կապված է Գյումրու թատերական կյանքի, բեմական ավանդույթների և հանդիսատեսի ջերմ հիշողությունների հետ։ Նրա անցած ստեղծագործական ճանապարհը հայ թատրոնի հանդեպ նվիրվածության և արվեստին անմնացորդ ծառայելու օրինակ է։

    Այս գեղեցիկ օրվա առթիվ սիրով ու ջերմությամբ շնորհավորում ենք մեր թանկագին արտիստուհուն՝ մաղթելով քաջառողջություն, երկար ու արևշատ տարիներ, հոգու խաղաղություն, անսպառ ստեղծագործական եռանդ և նորանոր բեմական հաջողություններ։

    Թող նրա կյանքը միշտ լցված լինի սիրով, գնահատանքով ու հարազատ մարդկանց ջերմությամբ, իսկ մեր երկնքում միշտ խաղաղություն լինի։

    Ծնունդդ շնորհավո՛ր, սիրելի՛ Սուսաննա Բաղդասարյան։ Թող բեմի լույսը միշտ ուղեկցի Ձեզ։

  • Մի գերագնահատեք ինձ․․․ ի՞նչ է ասում Փաշինյանը․ մենք մեր որոշումից հետ չե՛նք կանգնելու․ Խամոյան (video)

    Լրահոս


    Վթարային ջրանջատում՝ հոկտեմբերի 23/24-ին



    «Լեզուներիդ չափը ճանաչե՛ք»․ «Ուժեղ Հայաստանի» պատգամավոր (video)



    Ավստրիան հայտարարել է ռուսաստանցի 4 դիվանագետի արտաքսման մասին



    ԱՄՆ ուժերը կանխել են 25 մլրդ դոլարի նավթի արտահանումը



    Փաշինյա՛ն, դուք մի՛ ոգևորվեք․․․ էդ թիվն արդեն հերիք է․ «Ուժեղ Հայաստան»-ից՝ Տիգրան Աբրահամյան (video)



    Վերին Լարսի ռուսական կողմում ավելի քան 200 բեռնատար է կուտակվել



    Արցախի ինստիտուտների պահպանումն ու արցախցիների սոցիալական խնդիրների լուծումը առաջնահերթություններ են



    Վարդանյանին դատում են Ալիեւը եւ համայնքապետը



    Վախեցե՛ք, դուք ուրիշ հերոսի անուն չգիտե՛ք․ Հայկ Ֆարմանյանը՝ Փաշինյանին ու ՔՊ-ին (video)



    Սարսափելի մանրամասներ՝ ինչ ձևով են ադրբեջանցիները խոշտանգել ու սպшնել հայ հովիվին․․․ (video)



    Առաջիկա օրերի եղենակը



    Երևանում օտարերկրացիներով ավտոբուս է կողաշրջվել․ 10–ից ավելի վիրավոր կա (video)



    Սարփիից մինչև Սադախլո կգործի անընդհատ քառաշերտ ավտոմայրուղի



    «Արա՛, ու՞մ ես ֆռցնում, մենակ զոմբի անասուններդ են հավատում»․ Տիգրան Չոբանյան (video)



    Վարդան Ոսկանյան․ «Իրանական եթերում քննարկվել է Ադրբեջանի ենթակառուցվածքների թիրախավորումը»



    ԱՄԷ-ն հայտարարել է նավթատարից նավթի արտահոսքի պատճառով մի շարք լողափերի փակման մասին



    Յամա՞լ, թե՞ Քեյն․ Marca-ն ներկայացրել է լավագույնին․ Սպերցյանը ցուցակում է



    Վառելիքի թանկացման դեմ ի՞նչ կարող է անել Կառավարությունը, որ չի անում․ Տիգրան Դումիկյան



    «Կառավարություն չէ, մկների ժողով է», «Կիսախելառ ստախոս». քոմենթներ



    Մի գերագնահատեք ինձ․․․ ի՞նչ է ասում Փաշինյանը․ մենք մեր որոշումից հետ չե՛նք կանգնելու․ Խամոյան (video)



    Ստեփանավանցին իր քվեով ցույց կտա՝ տեսանյութերով իրեն խաբելու բոլոր փորձերը դատապարտվելու են ձախողման



    #ՈՒՂԻՂ․ Ինչքան էլ Փաշինյանը գոռա, մեկ է՝ Պուտինն այդ քայլին չի դիմելու․ Հայկ Այվազյան (video)



    Մի բան, որ պետք է կոշտ ֆիքսվի



    Լիվերպուլը հրատարակել է ողբերգական ավտովթարից զոհված Ժոտայի կենսագրական գիրքը



    Երկու կարևոր իրադարձություն, որոնց պետք է հետևել Հայաստանում․ Արթուր Խաչիկյան


    Ամենաընթերցվածները



    Շուտով



    Հոկտեմբերի 23-ին՝ ժամը 15։00-ին, Հայելի ակումբի հյուրն է Խաչիկ Մանուկյանը

    Հոկտեմբերի 23-ին՝ ժամը 14։00-ին, Հայելի ակումբի հյուրն է Աշոտ Անդրեասյանը

    Հոկտեմբերի 23-ին՝ ժամը 13։00-ին, Հայելի ակումբի հյուրն է Նաիրի Հոխիկյանը

    Հոկտեմբերի 23-ին՝ ժամը 12։00-ին, Հայելի ակումբի հյուրն է Հայկ Այվազյանը

    Հոկտեմբերի 23-ին՝ ժամը 10։30-ին, Հայելի ակումբի հյուրն է Տիգրան Չոբանյանը

    Հոկտեմբերի 22-ին՝ ժամը 14։00-ին, Հայելի ակումբի հյուրն է Անաստաս Իսրայելյանը

    Հոկտեմբերի 22-ին՝ ժամը 11։30-ին, Հայելի ակումբի հյուրն է Գյուլնարա Ալեքսանյանը

    Հոկտեմբերի 22-ին՝ ժամը 15։00-ին, Հայելի ակումբի հյուրն է Հենրիխ Դանիելյանը

    Հոկտեմբերի 22-ին՝ ժամը 12։00-ին, Հայելի ակումբի հյուրն է Նարինե Դիլբարյանը

    Հոկտեմբերի 21-ին՝ ժամը 13։00-ին, Հայելի ակումբի հյուրն է Լարիսա Ալավերդյանը