«Փաշինյանը մեզ 10-րդ հանրապետություն էլ կհասցնի, դրա համար չպետք է թողնենք»,- դատական նիստից առաջ լրագրողներին ասաց «Ուժեղ Հայաստան» կուսակցության ղեկավար Սամվել Կարապետյանը։
Նա շարունակեց. «Եթե հողերը հանձնելով հռչակենք հանրապետություններ՝ կգանք ու կհասնենք Լոռվան»։
Սամվել Կարապետյանն ասաց, որ իր հայտնած գաղտնի պլանի հետ կապված այլ ուժերի հետ հանդիպում պետք չէ։
«Մենք էլ ունենք գաղտնի պլան, Փաշինյանն էլ ունի գաղտնի պլան՝ իրեն հեռացնելու։ Արդյունքները, ինձ թվում է, շուտով կլինի»,- նշեց նա։
Կառավարության ծրագրում ներառել ենք մինչև 2031 թվականը Երկրի ուղեծիր 3 արբանյակ թողարկելու հարցը։ Այս մասին Կռավարության նիստում նշեց վարչապետ Նիկոլ Փաշինյանը։
«Մենք չենք կարող գնալ բոլոր թփերը ստուգել, բայց արբանյակն ու ԱԲ-ն կարող է նույնիսկ խաղողի հատիկները ստուգել՝ ճշգրիտ ասել՝ որքան է բերքը»
Էկոնոմիկայի նախարար Գևորգ Պապոյանը սոցցանցի իր էջում գրել է.
«Կալուգացի օլիգարխ, համատեղության կարգով նախկին «հաջորդ Վարչապետի» ցուցակի 18 համարը, ում ձեռքից օլիգարխը, ըստ լուրերի, անվստահության համար խլել է մանդատը, որոշել է ինձ անդրադառնալ։ Ամոթ չլիներ կանդրադառնայի սույն պերսոնաժին, բայց ամոթ է, շատ ամոթ, թե չէ կանդրադառնայի։ Պարզապես նշեմ, որ սույն պերսոնաժը «հայկական բենլադենի չկայացած կառավարության շրջակա միջավայրի նախարարն էր» Սա մի հարցազրույցում ասում է, որ դեմ էր հանքարդյունաբերության հավելյալ հարկմանը, դրա համար են գործից ազատել, հետո, երբ տեսնում է, որ կալուգացու եղբորոդին լրիվ հակառակ կարծիքն ունի, միանգամից մտքափոխվում է ու դառնում հանքարդյունաբերության հավելյալ հարկի ջատագով։ Ահա այսպիսի սկզբունքայնություն կալուգացու թիմում։ Ափսոս, այս պերսոնաժի «սկզբունքայնության» մասին հավելյալ բան չեմ կարող ասել, քանի որ անձնական նամակագրության հրապարակումը համարում եմ ոչ կոռեկտ ու երբեք դա չեմ անի։ Հուսով եմ, կալուգացու եղբորոդուն հակառակ խոսելու համար(թեկուզ 1 անգամ և ժամանակավոր) սույն պերսոնաժը չի ենթարկվել վերբալ և ոչ վերբալ բռնության։ Եթե ենթարկվել է, կարող է դիմել մեզ, մեր ժողովրդավարությունը կպաշտպանի բոլորի ազատ խոսելու իրավունքը, անգամ «հայկական չկայացած մոջահեդի շրջակա միջավայրի չկայացած նախարարին»։
«Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը ֆեյսբուքի իր էջում գրել է․
«Կանխատեսումների համաձայն՝ օգոստոսի 24-ին Հայաստանում կդիտվի 2026 թվականի ամենաշոգ օրը․ հովտային շրջաններում օդի առավելագույն ջերմաստիճանը կհասնի +38…+40 աստիճանի»։
«Այո, ի վերջո, էնպես պետք է անենք, որ Փաշինյանի փոխարեն էստեղ գա Սամվել Կարապետյանը, բայց առայժմ շուտ ա, գոնե մի անգամ ծրագիր ներկայացնելու հնարավորություն պետք է ստեղծել, նոր հեռացնել»,- հավելեց նա:
Հիշեցնենք՝ «Ուժեղ Հայաստան»-ի 3 թեկնածուներն էլ չեն ընտրվել ԱԺ մշտական հանձնաժողովների նախագահներ: Քննարկվում է խմբակցության առաջադրած նոր թեկնածուների հարցը:
«Ըստ այդմ մենք այսօր կաշխատենք մինչև 20։00-ն, շնորհավորում եմ բոլորիս»,-հայտարարեց ԱԺ փոխխոսնակ Հայկ Կոնջորյանը այն բանից հետո, երբ իր առաջարկությամբ ՔՊ խմբակցությունը 57 կողմ ձայներով որոշեց այսօր մեկ լրացուցիչ նիստ անցկացնել։
Քվերակությունից հետո Կոնջորյանն առաջարկեց գրանցվել ԱԺ ֆինանսավարկային և բյուջետային հարցերի մշտական հանձնաժողովի նախագահի պաշտոնում «Ուժեղ Հայաստան» խմբակցության առաջադրած Լիանա Մանուկյանի թեկնածության քննարկման համար։
Գրանցվեց 40 պատգամավոր, որոնց ճնշող մեծամասնությունը ընդդիմադիր երկու ֆրակցիաներից էին։
«Սա խորհրդարանական մշակույթի մեջ կոչվում է «Ֆիլի բաստր», սա այն սկզբունքն է, երբ պատգամավոները փորրձում են երկարացնել հարցի քննարկումը այս կամ այն նպատակներով, դրա համար, իհարկե, ՔՊ-ն միայն ուրախ և երջանիկ է»,-հայտարարեց Կոնջորյանը
Մոսկվայում հույս ունեն, որ Վրաստանի իշխանությունները սպառիչ միջոցներ կձեռնարկեն «ռուսատյացությունը» կանխելու և ռուսաստանցի զբոսաշրջիկների անվտանգությունն ապահովելու համար. հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Վերջին շրջանում տեղի են ունեցել նաև առանձին լուրջ միջադեպեր Վրաստանում Ռուսաստանի քաղաքացիների մասնակցությամբ, ինչը, բնականաբար, ուշադիր ուշադրություն և համապատասխան գործողություններ է պահանջում վրացական իշխանությունների կողմից… Մենք ելնում ենք նրանից, որ Թբիլիսին սպառիչ միջոցներ կձեռնարկի ռուսատյացությունը թույլ չտալու համար և լիովին կապահովի Վրաստան ժամանող բոլոր ռուսաստանցիների անվտանգությունը։ Հակառուսական դրսևորումները պետք է հետաքննվեն, իսկ մեղավորները՝ ենթարկվեն պատասխանատվության»,- ասել է Զախարովան։
Ըստ ադրբեջանական լրատվամիջոցների՝ Ռուսաստանից Հայաստան՝ Ադրբեջանի տարանցմամբ, կիրականացվի հերթական մատակարարումը։
Մասնավորապես 11 վագոն ցորեն՝ 1108 տոննա ընդհանուր քաշով, և 4 վագոն գարի՝ 273 տոննա ընդհանուր քաշով, այսօր Բալաջարի կայարանից կուղարկվեն Բյոյուք Քեսիքի ուղղությամբ։
ՀԵՄԱ-ի Մարտունու կենտրոնը հյուրընկալել է Հայաստանում Եվրոպական միության առաքելության ղեկավար Սատու Կոյվուին։
Այցի ընթացքում Կոյվուն միացել է Գեղարքունիքի մարզում իրականացվող պարեկության աշխատանքներին՝ տեղում գնահատելու իրավիճակն ու ծանոթանալու վերջին զարգացումներին։
Հանդիպման և պարեկության ընթացքում քննարկվել են մարզում առկա իրավիճակն ու անվտանգության ապահովման ուղղությամբ իրականացվող աշխատանքները։
Գլխավոր դատախազության պետական շահերի պաշտպանության վարչությունը 2026 թվականի հունիսի 19-ին միջնորդագիր էր հասցեագրել Շրջակա միջավայրի նախարարությանը և «Սևան» ազգային պարկ» ՊՈԱԿ-ին՝ 2004 թվականի դեկտեմբերի 20-ին ՊՈԱԿ-ի և ֆիզիկական անձի միջև կնքված՝ բացարձակ նիշից ցածր տարածքում գտնվող 3100 քմ մակերեսով հողատարածքի վարձակալության պայմանագիրը լուծելու (դադարեցնելու) ուղղությամբ միջոցներ ձեռնարկելու վերաբերյալ:
Գլխավոր դատախազության միջնորդագրի հիման վրա՝ «Սևան» ազգային պարկ» ՊՈԱԿ-ը և ֆիզիկական անձը համատեղ դիմում են ներկայացրել Կադաստրի կոմիտե՝ վարձակալության պայմանագիրը դադարեցնելու վերաբերյալ:
Կադաստրի կոմիտեի կողմից 2026 թվականի օգոստոսի 19-ին տրամադրված տեղեկանքի համաձայն՝ 3100 քմ մակերեսով հողատարածքի վարձակալության իրավունքը դադարեցվել է:
21 միլիոն 186 հազար դրամ շուկայականին մոտարկված կադաստրային արժեքով գույքը վերադարձվել է Հայաստանի Հանրապետության տիրապետմանը: