Category: Oratert.am

Չնայած Չինաստանին բաժին է ընկնում աշխարհի տարեկան ածխի սպառման կեսից ավելին, բայց նա նաև ակտիվորեն ներդրումներ է կատարում արևային էներգիայի նախագծերում։ Դրանցից ամենամեծը Գոնգե ֆոտովոլտային պարկն է, որը ընդգրկում է Տիբեթյան սարահարթի մոտ 420 քառակուսի կիլոմետր տարածք, գրում է mail.kz–ն։

BGR-ի տվյալներով այս տարածքը Մանհեթենից յոթ անգամ մեծ է։

Ընդհանուր առմամբ, արևային էլեկտրակայանը աննկատելիորեն փոխում է շրջակա անապատը, քանի որ վահանակները ստեղծում են հողում բույսերի աճի համար հարմար պայմաններ։ Տարածքի էլեկտրակայաններից մեկը՝ Talatan Solar Park-ը, համաձայնագիր է կնքել տեղի ֆերմերների հետ, որը թույլ է տալիս ոչխարներին արածել տարածքում։ Արևային վահանակների տակ ոչխարների արածեցումը ենթադրում է ոչխարների օգտագործումը որպես բնական «կանաչապատման բրիգադ»։ Արևային վահանակների տակ խոտը կարող է այնքան բարձրանալ, որ արգելափակի արևի լույսը կամ հրդեհի վտանգ ներկայացնի, բայց ոչխարները վայելում են վահանակների ստվերը և ուրախությամբ արածում են։ Նրանք նույնիսկ ավելի արդյունավետ են, քան խոտհնձիչները, քանի որ կարող են ներխուժել սյուների և վահանակների միջև ընկած նեղ տարածությունների միջով, չհաշված այն, որ ավելի էկոլոգիապես մաքուր են։ Այս գործարքները, որոնք ներառում են ոչխարների արածեցումը արևային վահանակների տակ, նաև լրացուցիչ եկամտի աղբյուր են տեղական ֆերմերների համար։

Թալաթանում արևային վահանակները նույնիսկ հարմարեցվել են ոչխարների կարիքներին։ Առաջին վահանակները, որոնք տեղադրվել են 2012 թվականին, չափազանց ցածր էին արածեցնող կենդանիների համար, ուստի դրանք այժմ տեղադրվել են ավելի բարձր։ Տիբեթը միակ վայրը չէ, որտեղ ոչխարներն օգտագործվում են արևային վահանակների տակ խոտը մաքուր պահելու համար։ 2018 թվականից ի վեր Ամերիկյան արևային արածեցման ասոցիացիան (ASGA) աշխատում է ֆերմերներին և արևային ընկերություններին միավորել փոխադարձ օգուտի համար։

Որոշ ուսումնասիրություններ ցույց են տվել, որ արևային կայանքների տակ գտնվող հողը դարձել է ավելի առողջ, ինչը նպաստում է կենսաբազմազանությանը։ Արևային վահանակները նաև արդեն փրկել են կյանքեր նվազեցնելով օդի աղտոտվածությունը։ Արևային էներգիայի ներդրումները կարող են նաև նվազեցնել էներգիայի ծախսերը և ստեղծել աշխատատեղեր։

Մաքուր էներգիայի աղբյուրներին անցումը կարևոր քայլ է մարդու կողմից առաջացած կլիմայի փոփոխության դեմ պայքարում։

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Օգոստոսի 1-ին, ավտովթար է տեղի ունեցել Կոտայքի մարզում։ Ժամը 15։45-ի սահմաններում Առինջ գյուղի խաչմերուկում՝ «Առինջ Մոլ» առևտրի կենտրոնի մոտ, բախվել են 37-ամյա Վարդան Հ․-ի վարած «Mercedes CLA» մակնիշի, 48-ամյա Արթուր Գ․-ի վարած «Mercedes B» մակնիշի և 31-ամյա Մնացական Պ․-ի վարած «Nissan Teana» մակնիշի ավտոմեքենաները։

Ինչպես հայտնում է shamshyan.com-ը, վթարի հետևանքով, ըստ նախնական տեղեկությունների տուժածներ չկան։

Վթարի փաստով ՊԾ Կոտայքի մարզի գումարտակի 2-րդ վաշտում փաստաթղթեր են ձևակերպվում։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսրայելցի զինվորականները հարվածների նոր շարք են հասցրել Գազայի հատվածին, հայտնել է բանակային մամուլի ծառայությունը, հաղորդում է ՏԱՍՍ-ը։

Բանակի հայտարարության մեջ որպես դրանց թիրախ նշվել են պահեստային օբյեկտները, որտեղ, իսրայելցի զինվորականների տվյալներով, զենք էր պահվում պաղեստինյան ռադիկալ ՀԱՄԱՍ շարժման ջոկատների համար։

Ընդհանուր առմամբ հարձակման է ենթարկվել հինգ պահեստ, ասվում է հաղորդագրության մեջ։ Ի թիվս այլնի՝ այնտեղ պահվում էին Կալաշնիկով տեսակի ինքնաձիգեր, պայթուցիկ սարքեր, հակատանկային նռնականետեր, ռազմամթերք և այլ ռազմական հանդերձանք, նշել են բանակում։

Հետևեք մեզ՝ այստեղ

Երբ պետական բյուջեի բնականոն մուտքերը (հարկեր, արտահանում, օտարերկրյա ներդրումներ) նվազում են, ռեժիմը բախվում է լեգիտիմության և հավատարմության ճգնաժամի: Այս իրավիճակում սեփականության վերաբաշխումը, ազգայնացումը (պետականացումը) և հետագա օտարումը դառնում են ռեժիմի գոյատևման հիմնական գործիքները.

1. «Ռենտայի» աղբյուրների փնտրտուք

Ավտորիտար համակարգերը հենվում են ուժային ապարատի, բյուրոկրատիայի և հավատարիմ էլիտաների վրա, որոնց անհրաժեշտ է մշտապես «վարձատրել»: Բյուջետային պակասորդի պայմաններում, երբ այլևս հնարավոր չէ հանրային ռեսուրսներից բաժին հանել, իշխանությունը թիրախավորում է մասնավոր սեփականությունը՝ խոշոր բիզնեսները, ընդդիմադիր կամ չեզոք գործարարների ակտիվները:

2. Պետականացման և վաճառքի շղթան

«Օրինականացված» խլում. Սեփականազրկումը հաճախ փաթեթավորվում է «սոցիալական արդարության վերականգնման», «ապօրինի գույքի բռնագանձման» կամ «ռազմավարական ակտիվների պաշտպանության» կարգախոսներով:

Վերավաճառք և յուրացում. Պետականացված ակտիվները հետագայում էժան գնով վաճառվում կամ փոխանցվում են ռեժիմին հավատարիմ նոր օլիգարխներին կամ արտաքին հովանավորներին: Սա ապահովում է արագ կանխիկի մուտք դեպի իշխանական նեղ շրջանակ:

3. Անզորության երկարաձգում (Ագոնիա)

Այս tactic-ան կարճաժամկետ հատվածում կարող է փակել բյուջետային «ծակերը» կամ բավարարել ուժայինների պահանջմունքները, սակայն երկարաժամկետ կտրվածքով դա տնտեսական ինքնասպանություն է.

Սեփականության իրավունքի ոչնչացում. Ոչ մի տնտեսվարող այլևս ներդրում չի անում, քանի որ չկա երաշխիք:

Կապիտալի արտահոսք. Գործարարները փորձում են հնարավորինս արագ դուրս հանել ֆինանսական միջոցները երկրից: Արտադրողականության անկում. Պետականացված կամ խլված ակտիվները, արդյունավետ կառավարման բացակայության պատճառով, արագ կորցնում են իրենց արժեքը:

Արդյունքում, տնտեսական բազան ավելի է կրճատվում, ինչը դիկտատորին մղում է էլ ավելի ագրեսիվ սեփականազրկումների՝ ստեղծելով կործանարար մի օղակ, որը վաղ թե ուշ հանգեցնում է համակարգի ամբողջական փլուզմանը:

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսպանիան Մարոկկոյի հետ Սեուտայի սահմանի մոտ տեղադրել է 500 մետրանոց լողացող պատնեշ՝ ապօրինի մուտքի նոր փորձերը կանխելու համար, հայտնել է El País պարբերականը՝ հղում կատարելով աղբյուրներին։

Փչովի տարրերից կազմված պատնեշը տեղադրվել է Տարախալի սահմանային ալեհատի շրջանում՝ իսպանական Սեուտայի և մարոկկոյական Կաստիլեխոս քաղաքի միջև։ Նրա նպատակն է դժվարացնել լողալով սահմանը հատելու միգրանտների փորձերը։

Իսպանիայի կառավարությունում կարծում են, որ նոր համակարգը նաև հնարավորություն կտա Մարոկկո վերադարձնել նրանց, ովքեր կհաղթահարեն այս պատնեշը՝ չխախտելով երկրի Գերագույն դատարանի որոշումը։ Ավելի վաղ դատարանը որոշել էր, որ անհապաղ արտաքսման ընթացակարգը չի կարող կիրառվել այն մարդկանց նկատմամբ, ովքեր լողալով հասնում են Սեուտա և Մելիլյա։

Դատարանի որոշման համաձայն՝ արագացված վերադարձ հնարավոր է միայն նրանց նկատմամբ, ովքեր փորձում են հատել սահմանը՝ հաղթահարելով հատուկ տեղադրված պաշտպանական կառույցները, ինչպես, օրինակ, սահմանային արգելապատնեշները։

Նոր միջոցները ձեռնարկվել են Սեուտայի շուրջ տեղի ունեցած լայնածավալ միգրացիոն ճգնաժամից հետո, երբ տասնյակ հազարավոր մարդիկ փորձել էին Մարոկկոյից հասնել իսպանական տարածք։ Իսպանական իշխանությունները հայտարարել են, որ սահմանի ամրապնդումն անհրաժեշտ է նման իրավիճակների կրկնությունը կանխելու համար։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ֆուտբոլի Հայաստանի փոխչեմպիոն «Նոան» հանդես է եկել պաշտոնական հայտարարությամբ․

«Սիրելի ֆուտբոլասերներ,

Այսօր գրությամբ դիմել էինք Հայաստանի ֆուտբոլի ֆեդերացիային՝ բարձրաձայնելով Հայաստանի Պրեմիեր լիգայի հեռարձակման հետ կապված մեր մտահոգությունները։

Մինչ սպասում էինք պաշտոնական պատասխանին, ՀՊԼ հանդիպումը հեռարձակվում է նույնիսկ առանց մեկնաբանի:

Ստորև ներկայացնում ենք մեր նամակի կրճատ տարբերակը.

«Անընդունելի ենք համարում, որ Հայաստանի Պրեմիեր լիգայի նոր մրցաշրջանը մեկնարկել է առանց պաշտոնական հեռարձակողի, մինչդեռ ակումբները դրա վերաբերյալ նախապես չեն ստացել որևէ պաշտոնական ծանուցում կամ պարզաբանում։ Սա լուրջ խնդիր է ոչ միայն երկրպագուների, այլև ակումբների համար, որոնք միլիարդավոր դրամների ներդրումներ են կատարում հայկական ակումբային ֆուտբոլի զարգացման գործում և ստանձնել են հստակ պարտավորություններ իրենց հովանավորների և գործընկերների առջև։

Հեռարձակման խնդիրը միայն մեդիա ոլորտին չի վերաբերում։ Այն անմիջական ազդեցություն ունի առաջնության կոմերցիոն արժեքի, հովանավորների տեսանելիության, երկրպագուների ներգրավվածության, ինչպես նաև VAR համակարգի արդյունավետ աշխատանքի և, հետևաբար, մրցավարական որոշումների որակի վրա։ Առանձնակի մտահոգիչ է նաև այն հանգամանքը, որ Հայաստանի Պրեմիեր լիգան մինչ օրս չունի տիտղոսային հովանավոր։

Հաշվի առնելով վերոգրյալը՝ խնդրում ենք պարզաբանել.

• Ինչո՞ւ է Հայաստանի Պրեմիեր լիգայի մրցաշրջանը մեկնարկել առանց պաշտոնական հեռարձակողի։
• Ի՞նչ քայլեր են արդեն ձեռնարկվել խնդրի լուծման ուղղությամբ։
• Ո՞րն է Հայաստանի ֆուտբոլի ֆեդերացիայի գործողությունների ծրագիրը՝ ապահովելու առաջնության կայուն, պրոֆեսիոնալ և որակյալ հեռարձակումը։
• Ի՞նչ ժամկետներում է նախատեսվում խնդրի վերջնական լուծումը։

Ակումբները շարունակում են ներդրումներ կատարել հայկական ֆուտբոլի զարգացման գործում և ակնկալում են նույն մակարդակի պատասխանատվություն, թափանցիկություն և ռազմավարական մոտեցում նաև Հայաստանի ֆուտբոլի ֆեդերացիայից»։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երեկ՝ հուլիսի 31-ին, արտակարգ դեպք է տեղի ունեցել Երևանում։ Ժամը 19:40-ի սահմաններում ՀՀ Ներքին գործերի նախարարության ոստիկանության համայնքային ոստիկանության գլխավոր վարչության Մաշտոցի բաժնում օպերատիվ տեղեկություններ են ստացվել, որ Երևանի 103 շտապօգնության խումբը մի քանի քաղաքացու տեղափոխել է «Արմենիա» բժշկական կենտրոն։

Ինչպես հայտնում է ֆոտոլրագրող Գագիկ Շամշյանը, հիվանդանոց են մեկնել ոստիկանության Մաշտոցի բաժնի պետ Դավիթ Ավագյանն ու բաժնի պետի տեղակալ Գևորգ Պողոսյանը։

Տեղում պարզվել է, որ ստացված օպերատիվ տեղեկությունը հավաստի է, և շտապօգնության բժիշկների հերթապահ խումբը Սիսակյան փողոցի 22 հասցեից «Արմենիա» ԲԿ է տեղափոխել ՌԴ քաղաքացի 39-ամյա Սերգեյ Գ.-ին, Երևանի բնակիչ 60-ամյա Նարինե Ա.-ին, 50-ամյա Մերի Հ.-ին և 43-ամյա Սաթենիկ Հ.-ին։

Ոստիկանները պարզել են, որ ժամը 19:00-ի սահմաններում Սիսակյան փողոցի 22 շենքի 1-ին մուտքի վերելակը 8-րդ հարկից պոկվել և ընկել է հորանը, ինչի հետևանքով նշված անձինք ստացել են մարմնական վնասվածքներ։

Դեպքի փաստով ոստիկանության Մաշտոցի բաժնում փաստաթղթեր են կազմվել, որոնք փոխանցվել են ՀՀ Քննչական կոմիտեի Երևան քաղաքի քննչական վարչության Աջափնյակ և Դավթաշեն վարչական շրջանների քննչական բաժին, որտեղ էլ դեպքի փաստով նախաձեռնվել է քրեական վարույթ։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՈւԵՖԱ-ն ՖԻՖԱ-ի նախագահ Ջանի Ինֆանտինոյին կոչ է արել կամավոր հրաժարական տալ։

Այդ մասին հայտնում է The Telegraph պարբերականը։

Պարբերականի տվյալներով՝ ՈւԵՖԱ-ի ղեկավարությունը նախազգուշացրել է, որ եթե Ինֆանտինոն հրաժարվի լքել պաշտոնը, կնախաձեռնվի նրա նկատմամբ անվստահության քվեարկություն։

The Telegraph-ի փոխանցմամբ՝ ՈւԵՖԱ-ի բոլոր 55 անդամ ասոցիացիաները պատրաստ են աջակցել Ջանի Ինֆանտինոյին պաշտոնից հեռացնելու նախաձեռնությանը։

Նշվում է, որ վերջին օրերին լայն քննարկումների առիթ էին դարձել ՖԻՖԱ-ի՝ աշխարհի առաջնության կոմերցիոն իրավունքների մի մասը վաճառելու ծրագրերի մասին տեղեկությունները։ ՈւԵՖԱ-ն և ազգային ասոցիացիաները խիստ քննադատել էին այդ նախաձեռնությունը։

Ավելի ուշ տեղեկություններ տարածվեցին, որ Ինֆանտինոն հրաժարվել է այդ ծրագրերից։

Հիշեցնենք, որ Ջանի Ինֆանտինոն ՖԻՖԱ-ի նախագահն է 2016 թվականից։ Ավելի վաղ նա հայտարարել էր, որ մտադիր է կրկին առաջադրել իր թեկնածությունը հաջորդ տարվա մարտին կայանալիք ընտրություններում։

Հետևեք մեզ՝ այստեղ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այսօր՝ օգոստոսի 1-ին, ավտովթար է տեղի ունեցել Կոտայքի մարզում։ Ժամը 15։45-ի սահմաններում Առինջ գյուղի խաչմերուկում՝ «Առինջ Մոլ» առևտրի կենտրոնի մոտ, բախվել են 37-ամյա Վարդան Հ․-ի վարած «Mercedes CLA» մակնիշի, 48-ամյա Արթուր Գ․-ի վարած «Mercedes B» մակնիշի և 31-ամյա Մնացական Պ․-ի վարած «Nissan Teana» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով, ըստ նախնական տեղեկությունների բարեբախտաբար տուժածներ չկան։

Դեպքի վայր են ժամանել ՀՀ Ներքին գործերի նախարարության ոստիկանության Պարեկային ծառայության Կոտայքի մարզի գումարտակի 2-րդ վաշտի 1-ին դասակի պարեկները՝ գումարտակի հրամանատար Ալբերտ Մարտիրոսյանի, գումարտակի հրամանատարի տեղակալ Վահագն Կարապետյանի, գումարտակի ծառայության ավագ տեսուչ Արտակ Ասատրյանի, գումարտակի ծառայության տեսուչ Կառլեն Բաղյանի և վաշտի հրամանատար, օրվա պատասխանատու Սահակ Գալստյանի գլխավորությամբ։

Տարածքը սահմանազատել են նույն վաշտի ավագ պարեկ Սուրիկ Բաղդասարյանը և կրտսեր պարեկ Սևակ Գալստյանը։

Վթարի փաստով ՊԾ Կոտայքի մարզի գումարտակի 2-րդ վաշտում փաստաթղթեր են ձևակերպվում։

Հետևեք մեզ՝ այստեղ