Category: Oragir.live

Սեպտեմբերի 28-ին ավտովթար է տեղի ունեցել Կոտայքի մարզում։ Ժամը 14։10-ի սահմաններում Ձորաղբյուր բնակավայրում բախվել են Կոտայքի մարզի բնակիչ 56-ամյա Գառնիկ Խ․-ի վարած «Mercedes GLS 450» մակնիշի, Արմավիրի մարզի բնակիչ 42-ամյա Փառնակ Ա․-ի վարած «JAC» մակնիշի և 49-ամյա Զորայր Հ․-ի վարած «Opel Zafira» մակնիշի ավտոմեքենաները։

Ինչպես հայտնում է ֆոտոլրագրող Գագիկ Շամշյանը, վթարի հետևանքով վարորդներից Փառնակ Ա․-ն և ուղևոր, Երևանի բնակիչ 40-ամյա Գրիգոր Գ․-ն մարմնական վնասվածքներով տեղափոխվել են «Սուրբ Գրիգոր Լուսավորիչ» բժշկական կենտրոն։

Վթարի մասին ՊԾ Կոտայքի մարզի գումարտակից տեղեկությունը փոխանցել են ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժին, որտեղից ժամանել է քննչական խումբը՝ բաժնի պետ Գոռ Դավթյանի և օրվա հերթապահ քննիչի գլխավորությամբ։

Վթարի փաստով Աբովյանի քննչական բաժնում նախաձեռնվել է քրեական վարույթ։

Հետևեք մեզ՝ այստեղ

Այսօր՝ հոկտեմբերի 8-ին, խոշոր հրդեհ է տեղի ունեցել Երևանում։ Ժամը 16:20-ի սահմաններում ՀՀ Ներքին գործերի նախարարության 112 օպերատիվ կառավարման կենտրոն ահազանգ է ստացվել, որ Չարբախում՝ Շիրակի փողոցում՝ «MG» սուպերմարկետի հարևանությամբ վագոն-տնակ է այրվում։

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Երևանի հրշեջ-փրկարարական ջոկատից 1 մարտական հաշվարկ, ու մինչ հրշեջների ժամանումը՝ կրակի տարածման դեմ փորձել են պայքարել քաղաքացիները։

Ժամանած հրշեջները մարել են այն։ Վագոն-տնակն ամբողջությամբ վերածվել է մոխրակույտի։

Ըստ նախնական տեղեկությունների, բարեբախտաբար, տուժածներ չկան։

Հետևեք մեզ՝ այստեղ

շնորհավորում ենք բոլորիս Սուրբ Էջմիածնի՝ մեր հոգևոր մայրաքաղաքի տոնի առթիվ:

Դարեր շարունակ Էջմիածինը եղել է հայ ժողովրդի կրթության ու հոգևոր դաստիարակության, ազգային մտքի և մշակույթի կարևորագույն կենտրոններից մեկը։

Այսօր Սուրբ Էջմիածինն ու Հայ Առաքելական Եկեղեցին հարձակումների են ենթարկվում թե՛ դրսից, թե՛ ներսից։

«Ուժեղ Հայաստանը» հետևողական քայլեր է ձեռնարկում մեր ազգային ինքնությունն ու Հայ Առաքելական Սուրբ Եկեղեցու անկախությունը պաշտպանելու ուղղությամբ։

Մաղթում ենք Սուրբ Էջմիածնին և մեր ողջ ժողովրդին անսասան հավատք, ուժ և միասնականություն։

Սա էդպես էլ չընկալեց պետության ղեկավար լինելու էությունն ու դերակատարության իմաստը. ոչ կեցվածք ունի, ոչ նորմալ խոսք, ոչ բովանդակություն, ոչ էլ վարք: Ողբամ ազգս, բա սրա՞ն էինք արժանի…

Ucom-ը, իր բնապահպանական նախաձեռնությունների շրջանակում, գնահատել է ընկերության գլխամասային գրասենյակի ջերմոցային գազերի արտանետումները՝ ձևավորելով հետագա կառավարման և նվազեցման քայլերի համար անհրաժեշտ բազային պատկեր։

Գնահատումն իրականացվել է միջազգային ընդունված մեթոդաբանությունների՝ GHG Protocol-ի և ISO 14064-1:2018 ստանդարտի մոտեցումների հիման վրա։ Ուսումնասիրությունը ներառել է գլխամասային գրասենյակի գործունեության հետ կապված հիմնական արտանետման աղբյուրների վերլուծությունը՝ հնարավորություն տալով առանձնացնել այն ուղղությունները, որտեղ հետագա քայլերը կարող են առավել մեծ ազդեցություն ունենալ։ Գործընթացում կարևոր դեր է ունեցել նաև Ucom-ի աշխատակիցների ակտիվ ներգրավվածությունը, որը հնարավորություն է տվել առավել ամբողջական պատկեր ձևավորել ընկերության գործունեության հետ կապված որոշ անուղղակի արտանետումների վերաբերյալ։

«Ucom-ի համար բնապահպանական ուղղությունը մեր երկարաժամկետ զարգացման կարևոր բաղադրիչներից է։ Մենք կարևորում ենք ոչ միայն առանձին նախաձեռնությունների իրականացումը, այլև մեր գործունեության ազդեցությունը հասկանալու և ավելի պատասխանատու որոշումներ կայացնելու կարողությունը։ Այս գնահատումը ևս մեկ գործիք է՝ այդ աշխատանքն ավելի հետևողական և չափելի դարձնելու համար», – նշել է Ucom-ի գլխավոր տնօրեն Ռալֆ Յիրիկյանը։

Գնահատման արդյունքների հիման վրա Ucom-ը մշակել է մինչև 2036 թվականը նախատեսված ճանապարհային քարտեզ, որը ներառում է էներգաարդյունավետության բարձրացման, շենքի ջեռուցման համակարգերի օպտիմալացման, ընկերության տրանսպորտի և աշխատակիցների տեղաշարժի հետ կապված արտանետումների նվազեցման, ինչպես նաև այլ համապատասխան ուղղություններով միջոցառումներ։

Ճանապարհային քարտեզը նախատեսվում է վերանայել ամեն տարի՝ արդյունքներն ու առաջնահերթությունները գնահատելու և անհրաժեշտության դեպքում հետագա քայլերը հստակեցնելու համար։  Հետագա փուլերում Ucom-ը նախատեսում է աստիճանաբար ընդլայնել գնահատման շրջանակը՝ ներառելով նաև տվյալների կենտրոնները, ցանցային ենթակառուցվածքը և մասնաճյուղերը։

«Ուժեղ Հայաստան» կուսակցությունը կանգնած ծափահարում է քաջ կնոջը, որը ողջ է մնացել և փրկել է իր երեխաներին ադրբեջանցի ահաբեկչի հարձակումից, իսկ իշխող կուսակցությունն, ըստ երևույթին, վախենում է ադրբեջանցի ղեկավարից և մնում է նստած։

Մեծ Բրիտանիայի թագավորական ընտանիքի բժիշկ-թերապևտ Հաննա Թերին մահացած է հայտնաբերվել իր տանը, որը գտնվում է Անգլիայի արևելքում՝ Նորֆոլկ կոմսության Սանդրինգհեմի կալվածքի մերձակայքում։ Այս մասին հայտնում է The Sun-ը։

Լրատվամիջոցի տեղեկություններով՝ 45-ամյա Թերիի մարմինը հայտնաբերվել է հոկտեմբերի 4-ին։ Նշվում է, որ կինը մահացել է բութ առարկայով գլխին հասցված հարվածի հետևանքով։ Սպանության մեղադրանք է առաջադրվել նրա ամուսնուն՝ Մարկ Քեյնին, որին ավելի վաղ ձերբակալել էին իրավապահները։

Հաղորդվում է, որ Հաննա Թերին բուժօգնություն է ցուցաբերել թագավորական ընտանիքի բարձրաստիճան անդամներին՝ Սանդրինգհեմի կալվածքում նրանց գտնվելու ընթացքում։

Պարբերականի աղբյուրների համաձայն՝ թագավոր Չարլզ III-ը և թագուհի Կամիլան արդեն տեղեկացվել են Թերիի մահվան մասին։

Հետևեք մեզ՝ այստեղ

Բնապահպանության և ընդերքի տեսչական մարմինը կենսաբազմազանության պահպանման ու վայրի կենդանիների բարեկեցության ապահովման նպատակով, շարունակում է անազատության մեջ պահվող վայրի կենդանիների պահման պայմանների և իրավական հիմքերի վերահսկողության գործընթացը։

Ինչպես տեղեկանում է ԲԸՏՄ-ի տարածած հաղորդագրությունից, հոկտեմբերի 6-ին Տեսչական մարմնի ու Վայրի բնության և մշակութային արժեքների պահպանման հիմնադրամի աշխատակիցներն Արարատի մարզի «Հրաշք այգի» ռեստորանային համալիրի կենդանիների պահման տարածքից, համապատասխան թույլտվության բացակայության հիմքով, վերցրել են 2 գորշ արջ։

Կենդանիները տեղափոխվել են Հիմնադրամի Ուրցաձորի Վայրի կենդանիների փրկարար կենտրոն, որտեղ կանցնեն բժշկական զննում և կգտնվեն մասնագիտական խնամքի ներքո։

Կառույցից հիշեցնում են, որ Վայրի կենդանիների անազատ կամ կիսաազատ պայմաններում պահելը թույլատրելի է բացառապես լիազոր մարմնի կողմից համապատասխան թույլտվությունների առկայության դեպքում։

Հետևեք մեզ՝ այստեղ