Category: Newday.am

Մայր Աթոռի միաբանությունն ու պաշտոնեությունը շնորհավորել են Ամենայն Հայոց Հայրապետին ծննդյան 75-ամյակի առիթով: Այս մասին հայտնում են Մայր Աթոռի տեկեկատվական համակարգից:

Օգոստոսի 21-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսին ծննդյան 75-ամյա հոբելյանի բերկրալի առիթով այցելեցին թեմակալ առաջնորդներ, Մայր Աթոռ Սուրբ Էջմիածնում պաշտոնավարող եպիսկոպոսները, միաբաններն ու քահանաները, ինչպես նաև Մայր Աթոռի պաշտոնեությունը:

Իրենց որդիական սերն ու շնորհավորանքները բերելով Հայոց Հայրապետին՝ ներկաները մաղթեցին կենաց արևշատություն, քաջառողջություն և արդյունավոր ու անսասան հովվապետություն՝ ի պայծառություն Հայաստանյայց Առաքելական Սուրբ Եկեղեցու, ի մխիթարություն բարեպաշտ ժողովրդի և ի զորացումն Հայրենիքի:

Նորին Սրբությունը, իր երախտագիտությունը հայտնելով ջերմ խոսքերի ու բարի մաղթանքների համար, ի դեմս ներկաների Հայրապետական իր օրհնությունն ու գնահատանքը ուղղեց հոգևոր ծառայության մեջ իրեն լծակից եկեղեցականաց դասին ամբողջանվեր ու նախանձախնդիր սպասավորության համար՝ հորդորելով զորավոր հավատքով, ամուր կամքով ու սիրով շարունակել իրենց սրբազան առաքելությունը հանուն Հայոց Եկեղեցու պայծառության և աշխարհասփյուռ ժողովրդի բարօրության:

Ամենայն Հայոց Կաթողիկոսը գոհունակությամբ անդրադարձավ նաև Մայր Աթոռի պաշտոնեության անսակարկ նվիրումին ու հավատարիմ ծառայությանը՝ ի խնդիր հայության ազգային-հոգևոր կյանքի շինության ու պայծառության։

Հոբելյանական տարեդարձի կապակցությամբ Մայր Աթոռում ստացվել են բազում շնորհավորական ուղերձներ և գրություններ:

Տաթև Թադևոսյանը ֆեյսբուքյան իր էջում գրում է․

Պարոնա՛յք, էդքան մի՛ փորփրեք իրար կենսագրությունները։ Որ շատ խորանաք, վերջում բոլորդ էլ ինչ-որ տեղ հայտնվելու եք Հանրապետականում։

Որովհետև քաղաքականապես հասուն, քաղաքական գաղափարներ կրող, պետական մտածողություն ունեցող գրեթե յուրաքանչյուր մարդ՝ ուղղակի կամ անուղղակի, այս կամ այն փուլում առնչություն է ունեցել Հանրապետականի հետ։ Ու դա ոչ թե ամաչելու, այլ հպարտանալու առիթ է։ Որովհետև Հանրապետականի քաղաքական դպրոցը միշտ առանձնացել է և այսօր էլ առանձնանում է իր քաղաքական մտածողությամբ, կադրերի պատրաստվածությամբ ու պետական կառավարման փորձով։

Այնպես որ, երբ իրար կենսագրություններ եք քրքրում ու փորձում «հանրապետական անցյալ» գտնել, մի պահ ձեր իսկ կենսագրությունները բացեք, հանկարծ շատ հետաքրքիր բացահայտումների կհանդիպեք…

ՀՀԿ ԳՄ անդամ Էդուարդ Շարմազանովը ֆեյսբուքյան իր էջում գրում է․
Հանրապետականը ազգային պետության ու անկախության խորհրդանիշ է,ՔՊ-ն ու ՀՀԿ-ից «թռածները»՝ կապիտուլյացիայի եւ ուրացման։

Աժ-ում շարունակվում է ՀՀԿ-ի ստվերի դեմ կռվելու հերթական ռաունդը։

Մեկը մյուսին «մեղադրում» է նախկինում Հանրապետական լինելու մեջ։

Հանրապետականի անունը հերիք է էլի շոշափեք,նախկին հանրապետական եք փնտրու՞մ՝ կտեսնեք ՔՊ -ի առաջին շարքում ու Փաշինյանի տեղակալի աթոռին։

Դահլիճում կա երեք խմբակցություն ,երեքի կազմում էլ ՀՀԿ-ի նախկին անդամներ կան։

Մեկը ՀՀԿ խորհրդի անդամ է եղել ու նույնիսկ ՀՀԿ համագումարում Սերժ Սարգսյանին առաջադրել է ՀՀ նախագահի թեկնածու,մյուսը՝ ՀՀԿ ուսանողական կառույցի ներկայացուցիչ,մի քանի պատգամավորներ նախկինում եղել են ՀՀԿ խորհրդի անդամ,ինչպես նաեւ ՀՀԿ-ական նախկին համայնքապետ,ՀՀԿ-ի կողմից առաջադրված «անկուսակցական» համայնքապետ …

Բայց այս մարդիկ էլ են տարբեր իրենց վարքագծով։Մի մասը պարկեշտորեն գնահատում է իր հանրապետական անցյալը,մի մասը ՝լռում կամ խուսափում է,էն մյուս մասն էլ՝ մեր ամոթն է եղել,որ ժամանակին եղել է ՀՀԿ անդամ։

Հանրապետականը ազգային ու անկախ Հայաստանի պաշտպան կուսակցություն է։

Հանրապետական լինելը եւ պատիվ է,եւ պատասխանատվություն։

Հանրապետականն այսօր էլ պաշտպանում է ՀՀ պետական ու ազգային շահը,իսկ ՀՀԿ երիտասարդ սերուդը դարձել է հանուն ազգային անկախության պայքարի առաջամարտիկներից։

Հանրապետականի ղեկավարներ Աշոտ Նավասարդյանը,Անդրանիկ Մարգարյանը,Վազգեն Սարգսյանն ու Սերժ Սարգսյանը Անկախ Հայաստանի ու Ազատ Արցախի վեհ գաղափարի առաջնորդներից են։

Նրանք անկախության,ազգային պետականության ու հաղթանակի սիմվոլներ են,դուք՝ ո՞վ եք:

Ճշմարտություններ կան,որոնք «կնոպկա» սեղմելով չեն որոշվում։

Հանրապետականը Եռատոնի խորհրդանիշ է,ՔՊ-ն ու ՀՀԿ-ից «թռածները»՝ պարտության ու ուրացման։

Որդիական սիրով ու խոնարհությամբ շնորհավորում ենք Նորին Սրբությանը, ասված է Մայր Աթոռի տեղեկատվական համակարգի տարածած ուղերձում։

«Այսօր Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի ծննդյան տարեդարձն է

Որդիական սիրով ու խոնարհությամբ շնորհավորում ենք Նորին Սրբությանը ծննդյան 75-րդ տարեդարձի առիթով։ Մեր աղոթքն ու մաղթանքն է առ Բարձրյալն Աստված, որ Տերը քաջառողջություն, կենաց արևշատություն, անսպառ կորով ու եռանդ պարգևի Հայոց Հայրապետին իր նվիրական ու քրիստոսաշավիղ առաքելության մեջ:

Մեր հայրենիքի համար այս դժվարին ու մարտահրավերներով լի ժամանակաշրջանում մաղթում ենք արդյունաշատ հովվապետություն՝ առաջնորդելու Հայ Առաքելական մեր Սուրբ Եկեղեցին և հովվելու համայն հայոց հավատավոր հոտին՝ ի փառս Աստծո, ի բարօրություն մեր ժողովրդի և ի խաղաղություն ու զորացում մեր Հայրենիքի»։

«Ուժեղ Հայաստան»-ի թեկնածուները չեն ընտրվել ԱԺ Ֆինանսավարկային և բյուջետային (Հայկ Ֆարմանյան), Տարածքային կառավարման և շրջակա միջավայրի (Դավիթ Ղազինյան) ու Եվրոպական ինտեգրման (Արեգա Հովսեփյան) հանձնաժողովների նախագահներ:

«Հայաստան» դաշինքից Լիլիթ Գալստյանն ընտրվել է Մարդու իրավունքների պաշտպանության հանձնաժողովի նախագահ:

Այսօր՝ օգոստոսի 20-ին Գեղարքունիքի մարզում ժամը 12։00-ի սահմաններում ահազանգ է ստացվել, որ Լճաշեն բնակավայրի հարակից լողափում քաղաքացի է խեղդվում։

Shamshyan.com-ի տեղեկություններով՝ Ջրասուզակը ափից մոտ 10 մետր հեռավորության և մոտ 1,8 մետր խորությունից դուրս է բերել Սյունիքի մարզի բնակիչ 36-ամյա Էդիկ Մ.-ի մարմինը։

Դեպքի վայրում հավաքված մի քանի քաղաքացիներ, ովքեր հրաժարվեցին տեսախցիկի առաջ խոսել, նշում էին, որ ջրահեղձ եղած տղամարդը, ըստ իրենց, նախքան ջրահեղձ լինելը, փրկել է ջրահեղձ լինելու վտանգի մեջ հայտնված 3 քաղաքացիների։