Category: Hayelia.am

Երևանում oգոստոսի 16-ի երեկոյան և 17-ի գիշերը քաղաքի առանձին հատվածներում սպասվում է կարճատև անձրև և ամպրոպ, ամպրոպների ժամանակ քամու ուժգնացում 18-23մ/վրկ։ Օգոստոսի 17-ի ցերեկը, 18-20-ին սպասվում է առանց տեղումների եղանակ։ Օգոստոսի 16-20-ին երեկոյան ժամերին սպասվում է քամու ուժգնացում՝ 15-18մ/վ։

Օգոստոսի 16-20-ին գիշերը և կեսօրից հետո առանձին շրջաններում սպասվում է կարճատև անձրև և ամպրոպ, 16-17-ին առանձին վայրերում տեղումները կլինեն հորդառատ, հնարավոր է կարկուտ: Քամին` հյուսիսարևելյան և արևելյան` 4-7 մ/վ, ամպրոպների ժամանակ սպասվում է քամու ուժգնացում 20-25մ/վրկ։ Օգոստոսի 16-20-ին Արմավիրի մարզում, Արագածոտնի և Կոտայքի նախալեռներում, Շիրակի մարզի առանձին հատվածներում երեկոյան ժամերին սպասվում է քամու ուժգնացում՝ 17-20մ/վ արագությամբ։ Օդի ջերմաստիճանն էապես չի փոխվի:

Այսօր՝ օգոստոսի 15-ին, արտակարգ դեպք է տեղի ունեցել Արմավիրի մարզում։ Ժամը 19:00-ի սահմաններում Ջրառատ գյուղի տարածքում էլեկտրական լարը պոկվել և ընկել է Երևան-Գյումրի գնացքի վագոնի տանիքի վրա։

Վագոնի առաստաղի փայտյա կոնստրուկցիաների և ռելսերից մոտ 2 քմ հատվածում հրդեհ է բռնկվել։
Ըստ նախնական տեղեկությունների՝ տուժածներ չկան։

shamshyan.com

Մոսկվայի «Լոկոմոտիվն» ամառային տրանսֆերային պատուհանի ընթացքում դիտարկել է Երևանի «Փյունիկի» և Հայաստանի ազգային հավաքականի կիսապաշտպան Կառլեն Հովհաննիսյանին թիմ հրավիրելու տարբերակը:

Ինչպես հայտնում է «Евро-Футбол.Ру»-ն, մոսկովյան ակումբը 21-ամյա ֆուտբոլիստի տրանսֆերը գնելու նպատակով պաշտոնական հարցում է կատարել։ Այնուամենայնիվ, գործարքը ձախողվել է. «Փյունիկը» ցանկություն չի հայտնել վաճառել իր սանին ռուսական ակումբին։ Բացի այդ, ինքը՝ ֆուտբոլիստը, նույնպես պատրաստ չի եղել նման տեղափոխության։

Հիշեցնենք, որ ընթացիկ մրցաշրջանում անցկացրած 6 հանդիպումներում Կառլեն Հովհաննիսյանն արդեն հասցրել է դառնալ 1 գոլի և 1 արդյունավետ փոխանցման հեղինակ։ Նախորդ մրցաշրջանում նա «Փյունիկի» մարզաշապիկով մասնակցել էր 27 խաղի՝ աչքի ընկնելով 1 խփված գնդակով։

Հեղինակավոր Transfermarkt պորտալը Հայաստանի հավաքականի երիտասարդ կիսապաշտպանի տրանսֆերային արժեքը գնահատում է 250 հազար եվրո։

Armsport

Թբիլիսիում՝ Ազատության հրապարակի հարևանությամբ գտնվող պետական գույքն աճուրդում վաճառվել է 34 մլն 810 հազար լարիով, ինչը 21 մլն լարիով ավելի է մեկնարկային գնից։

Նշված շենքում մինչև անցյալ տարի տեղակայված էր ՆԱՏՕ-ի և Եվրոպական միության տեղեկատվական կենտրոնի գրասենյակը, որը լուծարվել էր 2025 թվականին։

Աճուրդն ավարտվել է օգոստոսի 13-ին։ Կառույցը գտնվում է Թբիլիսիի Շալվա Դադիանիի փողոց N2 / Կոտե Աբխազի փողոց N1 հասցեում և ներառում է 478 քմ ոչ գյուղատնտեսական նշանակության հողամաս ու դրա վրա գտնվող շենք-շինությունը։ Գույքի վաճառքը ենթադրում է նաև ներդրումային պարտավորություններ։

«Պետական գույքի ազգային գործակալության» վաճառքի հանած օբյեկտի մեկնարկային գինը 14 մլն 80 հազար լարի էր։

Շենքն ունի մշակութային ժառանգության անշարժ հուշարձանի կարգավիճակ։ Գույքի մասնավորեցման պայմանն է առավելագույնը 4 տարվա ընթացքում առնվազն 5 մլն լարիի ներդրում անելը և տարածքում բիզնես-օբյեկտի (հյուրանոց, գրասենյակ, առևտրի կամ սննդի սրահ) գործարկումը։

«Գույքի մասնավորեցման պայմանների համաձայն՝ առուվաճառքի համապատասխան պայմանագրի կնքումից հետո՝ ոչ ավելի, քան 48 ամսվա ընթացքում, անձամբ կամ երրորդ անձանց միջոցով, մասնավորեցվող անշարժ գույքում առևտրային/բիզնես գործունեություն ծավալելու նպատակով պետք է ստեղծվեն և սկսեն գործել գրասենյակային տարածքներ, միջազգային օպերատոր ընկերության (կամ դրանց մասնաճյուղերի) ցանցային հյուրանոց(ներ), առևտրի կամ սննդի օբյեկտ(ներ) (բացառությամբ առաջին անհրաժեշտության ապրանքների առօրյա առևտրի կետերի)», — նշված է աճուրդի վերաբերյալ տեղեկության մեջ։

Սեփականատերը նաև պարտավոր է առուվաճառքի պայմանագրի կնքումից հետո ոչ ավելի, քան 1 ամսվա ընթացքում Վրաստանի մշակութային ժառանգության պահպանության ազգային գործակալության կամ Թբիլիսիի քաղաքապետարանի հետ կնքել մասնավորեցվող անշարժ գույքի՝ որպես հուշարձանի պահպանման ու խնամքի պայմանագիր։

Aliq.ge

Եվրոպայի հայերի համագումարը հայտարարություն է տարածել, որտեղ խստորեն դատապարտում է Ադրբեջանի իշխանությունների կողմից «Արևմտյան Ադրբեջան» շինծու թեզի տարածումը՝ հատկապես Եվրոպական երկրներում։ Հայտնում է «Նիդեռլանդական օրագիր»-ը։

Շվեդիայի մայրաքաղաք Ստոկհոլմում տեղի է ունեցել հերթական միջոցառումը՝ Ադրբեջանի Գիտությունների ազգային ակադեմիայի հետազոտող Զարիֆա Հագվերդիևայի «Երևան՝ իմ սրտում ապրող հայրենիք» գրքի շնորհանդեսը: Շնորհանդեսը կազմակերպվել է Ադրբեջանի դեսպանատան, պետական կառույցների եւ այսպես կոչված «Շվեդիա-Ադրբեջան միության» կողմից:
Հայաստանի Հանրապետության մայրաքաղաք Երեւանը ներկայացնել որպես այսպես կոչված «Արևմտյան Ադրբեջան»՝ նշանակում է փորձել ժխտել հայ ժողովրդի հազարամյակների պատմական և մշակութային ժառանգությունը։ Սա մշակույթ չէ, այլ գիտակցված քարոզչական արշավ, որի նպատակն է տարածել Ադրբեջանի պաշտոնական նարատիվը Շվեդիայում եւ այլ երկրներում։
Ադրբեջանական այս միությունը (SAF-ը) Ստոկհոլմում գրանցված է որպես մշակութային և համագործակցության միություն, սակայն նրանց գործունեությունը ցույց է տալիս, որ նրանք իրականում գործում են, սերտ կապերով Ադրբեջանի կառավարության և դեսպանատան հետ, որպես կցորդ միություն։ Պետական նարատիվների և պատմության կեղծիքների տարածմամբ նրանք խախտում են այն օրինաչափությունը, որը սպասվում է մշակութային միությունից ժողովրդավարական երկրում։ Ավելին, SAF-ը ոչ միայն սերտորեն համագործակցում է պետական կառույցների հետ, այլև ստանում է ֆինանսական աջակցություն Բաքվի կառավարությունից։
Այսօր, երբ թե՛ Հայաստանը և թե՛ Ադրբեջանը պաշտոնապես խոսում են խաղաղության և հաշտության մասին, առավել վնասակար է տարածել քարոզչություն, որը հիմնված է կեղծիքների և պատմական վերաշարադրումների վրա։ Նման գործունեությունը վտանգում է խաղաղության գործընթացը և խորացնում է պառակտումը։
Եվրոպայի հայերի համագումարը կոչ է անում Շվեդիայի հասարակությանը լինել զգոն և չխաբվել քաղաքականապես մոտիվացված կեղծիքներով։ Մշակութային միությունները պետք է նպաստեն երկխոսությանը, փոխըմբռնմանը և հարգանքին՝ այլ ոչ թե պառակտմանը և կեղծարարությանը։
Եվրոպայի հայերի համագումար

Շվեդիա, Ուփսալա
15 օգոստոս 2026

Օգոստոսի 14-ին՝ ժամը 20:00-ից, ՆԳՆ 112 օպերատիվ կառավարման կենտրոնում ստացվել են ահազանգեր ուժեղ քամիների վերաբերյալ, մասնավորապես՝ Երևան քաղաքի Կենտրոն, Նոր Նորք, Էրեբունի, Մալաթիա-Սեբաստիա վարչական շրջաններում, Գեղաքունքի և Կոտայքի մարզերում։

Քամու հետևանքով վնասվել են տանիքներ, թիթեղներ, էլեկտրական լարեր, ավտոմեքենաներ, տապալվել ծառեր, թեքվել լուսավորության սյուներ, փակվել ճանապարհներ։

Փրկարար ծառայության համապատասխան ստորաբաժանումներն օպերատիվորեն արձագանքել են բոլոր դեպքերին։

Տեղում իրականացվել են տապալված ծառերի մասնատման, հեռացման, պոկված թիթեղների, թեքված սյուների ապամոնտաժման, ամրացման, տարածքի սահմանազատման և այլ համապատասխան աշխատանքներ։

Դեպքերի վերաբերյալ տեղեկությունը փոխանցվել է համապատասխան մարմիններին։

Հիդրոօդերևութաբանության և մոնիթորինգի կենտրոնը ներկայացրել է Երևանում մթնոլորտային օդի որակը օգոստոսի 5-11-ը։

Փոշու պարունակությունը գերազանցել է սահմանային թույլատրելի կոնցենտրացիան․

-Կենտրոնում՝ ամբողջ շաբաթ,
-Արաբկիրում՝ ամբողջ շաբաթ,
-Շենգավիթումօգոստոսի 5-6-ը և 9-ին,
-Նոր Նորքում՝ օգոստոսի 5-ին։

Ազոտի երկօքսիդի պարունակությունը գերազանցել Է սահմանային թույլատրելի կոնցենտրացիան․

-Կենտրոնում՝ օգոստոսի 5-6-ը և 8-9-ը
-Նոր Նորքում՝ գրեթե ամբողջ շաբաթ,
-Արաբկիրում և Շենգավիթում չեն գերազանցել։

Ծծմբի երկօքսիդի պարունակությունը չի գերազանցել սահմանային թույլատրելի կոնցենտրացիան։

«Հրապարակ»-ի տեղեկություններով՝ Երեւանի քրեական դատարանի դատավոր Մանվել Շահվերդյանը Քանաքեռցի Տույի սպանության գործով մեղադրյալների վերաբերյալ կայացրել է մեղադրական եւ արդարացնող վերդիկտներ։
Դատարանի խոսնակից հետաքրքրվեցինք, թե ինչ որոշում է կայացվել։ Ի պատասխան՝ փոխանցեցին․ «Օգոստոսի 10-ին դատարանը վերդիկտ է կայացրել, Արտուշ, Վլադիմիր, Հովհաննես Սիմոնյանների եւ Արսեն Ալեքսանյանի նկատմամբ մեղադրական վերդիկտ է կայացվել, իսկ Հակոբ Սիմոնյանի նկատմամբ՝ արդարացման»։

Այսինքն, գործով անցնող հինգ մեղադրյալներից չորսը մեղավոր է ճանաչվել, իսկ մեկը` Հակոբ Սիմոնյանը, արդարացվել է։ Վերդիկտից հետո դատարանը պետք է որոշի մեղավոր ճանաչված անձանց պատժաչափերը։
Գործը դատարանում քննվում էր ավելի քան չորս տարի։ Այն հարուցվել է մոտ հինգ տարի առաջ՝ Երեւանում տեղի ունեցած աղմկահարույց փոխհրաձգությունից հետո, որի հետեւանքով չորս մարդ էր սպանվել։ Դեպքը տեղի էր ունեցել Սիմոնյանների տանը։ Ըստ գործի վերաբերյալ հրապարակված տեղեկությունների՝ միմյանց վրա կրակել էին մի խումբ քրեական հեղինակություններ։ Փոխհրաձգության հետեւանքով սպանվել էին Քանաքեռցի Տույը՝ Արթուր Ղազարյանը, նրա մտերիմներ Արայիկ Խաչատրյանն ու Արթուր Բորյանը, ինչպես նաեւ՝ Սիմոնյանների հայրը՝ ԱԺ նախկին պատգամավոր Արտուշ Սիմոնյանը։

Դեպքին մասնակցել էին Տույի մտերիմներն ու ընտանիքի անդամները, իսկ դեպքի վայրում ներկա էր եղել նաեւ Արտուշ Սիմոնյանը։ Դեպքից հետո հարուցվել էր քրեական գործ, մի շարք անձինք կալանավորվել էին, իսկ 2022 թվականին գործը հասել էր դատարան։
Native Network

Գործով մեղադրյալի կարգավիճակում էին Արտուշ, Վլադիմիր, Հովհաննես եւ Հակոբ Սիմոնյանները, ինչպես նաեւ՝ նրանց մտերիմ Արսեն Ալեքսանյանը։ Դատաքննության այս տարիներին նրանց նկատմամբ խափանման միջոցները մի քանի անգամ փոխվել են, մեղադրյալներին պարբերաբար ազատ են արձակել, ապա վերադաս ատյանների որոշումներով կրկին կալանավորել։ Ներկայում կալանքի տակ են Արտուշ, Վլադիմիր, Հովհաննես Սիմոնյաններն ու Արսեն Ալեքսանյանը, իսկ Հակոբ Սիմոնյանը կալանքի տակ չէ։

Գործի առանձնահատկություններից մեկն այն էր, որ Արտուշ Սիմոնյանը, որը փոխհրաձգության ժամանակ սպանվել էր, նույնպես մեղադրյալի կարգավիճակ ուներ։ Նրա իրավահաջորդները չէին ցանկացել, որ մահվան հիմքով քրեական հետապնդումը դադարեցվի, ցանկացել էին, որ դատաքննությունը շարունակվի եւ դատարանը նրա վերաբերյալ արդարացման դատավճիռ կայացնի։ Այդ պատճառով Արտուշ Սիմոնյանի նկատմամբ քրեական գործի քննությունը շարունակվել է նաեւ հետմահու։

Սակայն օգոստոսի 10-ին առաջին ատյանի դատարանի կայացրած վերդիկտով Արտուշ Սիմոնյանը մեղավոր է ճանաչվել։ Այսպիսով, ավելի քան չորս տարի տեւած դատաքննությունն ավարտվել է չորս մեղադրական եւ մեկ արդարացնող վերդիկտով։ Այժմ դատարանը պետք է անցնի հաջորդ փուլին՝ մեղավոր ճանաչված անձանց նկատմամբ պատժաչափերի որոշմանը։
Սիմոնյանների պաշտպան Մարգար Սողոմյանի հետ փորձեցինք կապ հաստատել՝ դատարանի որոշման վերաբերյալ նրա մեկնաբանությունը ստանալու համար, սակայն մեր զանգին նա չպատասխանեց։

ԱՄՆ-ի Կալիֆոռնիա նահանգի Լոս Անջելես քաղաքում կայացել է UFC 331 մրցաշարին նվիրված մեդիաօրը, որի շրջանակում տեղի է ունեցել Արման Ծառուկյանի և բրազիլացի Մաուրիսիո Ռուֆիի առաջին հայացքների մենամարտը։ Այս մասին գրում է armsport.am-ը։

Մրցաշարի երկրորդ գլխավոր իրադարձության (co-main event) շրջանակում կայանալիք մենամարտից առաջ թեթև քաշային կարգի դասակարգման երկրորդ համար, Հայաստանը ներկայացնող Ծառուկյանի և 7-րդ հորիզոնականը զբաղեցնող Ռուֆիի դեմ առ դեմ հանդիպումը բավականին լարված է ստացվել։ Իրավիճակը մոտ է եղել թեժանալուն, սակայն UFC-ի նախագահ Դանա Ուայթը ժամանակին միջամտել և կանխել է մարտիկների միջև հնարավոր բախումը։

Նշենք, որ 29-ամյա Արման Ծառուկյանը պրոֆեսիոնալ MMA-ում անցկացրել է 26 մենամարտ՝ տոնելով 23 հաղթանակ (որոնցից 15-ը՝ ժամկետից շուտ) և կրել 3 պարտություն։ Նրա 30-ամյա մրցակցի ակտիվում կա գրանցված 14 հաղթանակ, որոնցից 13-ը բրազիլացին ավարտել է ժամկետից շուտ, և 2 պարտություն։

Հիշեցնենք, որ UFC 331 մրցաշարը կկայանա 2026 թվականի սեպտեմբերի 19-ին Լոս Անջելեսում։

ՌԴ-ից Ադրբեջանով Հայաստան է ուղարկվել հացահատիկ։

Ադրբեջանական APA գործակալությունը հայտնում է, որ օգոստոսի 15-ին մեկնել է ութ երկաթուղային վագոն՝ տեղափոխելով 560 տոննա հացահատիկ։