Category: BestNews

Քրեական աշխարհի նորություններով հայտնի «Прайм Крайм» ալիքը գրում է.

Ինչպես հայտնի է դարձել «Прайм Крайм»-ին, աշնանային գիշերահավասարի ժամանակ մեքսիկական կրքերը բորբոքվել էին Երևանում:

Գող Զապ Լենինականսկու (նկարում աջ կողմում) նախկին փեսան՝ Էդգարը, ներխուժել է իր նախկին աներոջ հյուրանոցի համար՝ ինքնաձիգով՝ նրան սպանելու մտադրությամբ։

Զապի հետ էին նրա շրջապատի մի քանի անդամներ և գող Օշականցի Գևորիկը, որը Զապի խնդրանքով Էդգարի հետ պարզաբանումների մեջ էր Զապի դստեր հետ ունեցած ընտանեկան վեճի վերաբերյալ։

Արդյունքում, ինքնաձիգը խլել են Զապի նախկին փեսայից, իսկ փեսան դաժան ծեծի է ենթարկվել։

Գողեր Զապը և Գևորիկը ձերբակալվել են ոստիկանության կողմից և 2 ամսվա կալանքի տարվել։

Էդգարը և նրա Զապի դուստրը ունեն չորս երեխա, և այժմ ամբողջ Հայաստանը (և Թուրքիայի կեսը, որտեղ ապրում են Զապի «երեխաները») մատները խաչած են պահում, որ նրանք, ինչպես Մայքլ Կորլեոնեի զարմիկները, չմնան առանց հոր։

«Փաստ» օրաթերթը գրում է. Երեկ հերթական դատական նիստին ՀՀ երկրորդ նախագահ Ռոբերտ Քոչարյանը ներկայացավ բավականին բարձր տրամադրությամբ, իրեն բնորոշ ձիգ կեցվածքով, կարծես կալանավայրից եկած չլիներ, որտեղ պահվում է արդեն 1 ամիս: Սակայն, մեզ հասած տեղեկություններով, որքան էլ որ նախկին նախագահը իրեն ամուր է պահում, չի բողոքում, իրավիճակն այլ է։

Առնվազն, ըստ իր մոտ շրջապատի ներկայացուցիչների, լուրջ խնդիր կա կալանքի պայմանների առումով: Ասում են՝ Քոչարյանի նախորդ 3 կալանքները ևս «խաղ ու պար» անվանելը դժվար կլիներ, սակայն այս անգամ այն դժվարությունները, որոնք կրում են նախագահն ու իր որդին, առավել ջանասիրությամբ են կազմակերպվում: Մեզ հասած տեղեկությամբ, կալանքի պայմանները չեն համապատասխանում անգամ օրենքի նվազագույն չափանիշներին։ Մեր աղբյուրների փոխանցմամբ, նախկին նախագահը պահվում է «ԿԳԲ պադվալի» ամենամութ և ամենափոքր խցում, որտեղ, չնայած, որ այն մենախուց է, կարծես հատուկ տեղադրվել է երկհարկանի մահճակալ՝ 5×3 վրա տարածքն էլ ավելի անհարմարեցնելու ու սահմանափակելու նպատակով։ Չկա աթոռ, սեղան, որտեղ Քոչարյանը կկարողանար տարրական աշխատանքային գործունեություն իրականացնել կամ պարզապես նստել: Ասում են՝ երբ ՄԻՊ-ն այցելել է, այդ ամենն արձանագրել է, ըստ մեր տեղեկությունների՝ նույնիսկ դիմել է համապատասխան մարմիններին այդ հարցով, սակայն արդեն մեկ ամիս է՝ խնդիրները համառորեն լուծում չեն գտնում:

Մեր աղբյուրների փոխանցմամբ, տեսակցությունները ևս խիստ սահմանափակ են. փաստաբաններից զատ այդպիսի իրավունք ունեն միայն ընտանիքի անդամները, այն էլ՝ ամսական ընդամենը 2 անգամ: Արգելված են տեսակցություններն իր քաղաքական թիմի անդամների հետ. նույնիսկ ԱԺ պատգամավորները, որոնք պետք է հնարավորություն ունենան տեսակցելու առհասարակ կալանքի տակ պահվող ցանկացած անձի, իրենց փաստացի քաղաքական առաջնորդի հետ ստիպված են շփվել փաստաբանների միջոցով, ինչը նոնսենս է:

Այս երևույթներն, ի դեպ, նախագահի շրջապատում չեն կապում միայն Փաշինյանի հրապարակային հրահանգների հետ և վստահ են, որ գործում է նաև միջամտության այլ՝ հատուկ տեսակ՝ նեղություն տալու ամեն մանրուքում: Կարծիք կա, որ այս ամենը կազմակերպվում է «Երևան-Կենտրոն» ՔԿՀ-ի պետի ցուցումներով, որը վերջերս է նշանակվել այդ պաշտոնին, որովհետև Աննա Հակոբյանի վարսավիր ընկերուհու՝ Անուշ Մելքոնյանի ամուսինն է: Խոսքը Ռոբերտ Թամարյանի մասին է, որը 2018-ից հետո թռիչքային կարիերային աճ ունեցավ՝ համակարգի մասնագետից 2025 թվականին դառնալով քրեակատարողականի պետ:

Այսօր «Մեկից մեկ» ֆիլմի պրեմիերայի ժամանակ միջադեպ է եղել Արուսիկ Տիգրանյանի և Կամոբլոգի հաղորդավարուհու միջև։

Բլոգեր, հաղորդավար Կամո Թովմասյանն ինստագրամյան իր էջի սթորի բաժնում տեսանյութ է հրապարակել Արամ MP3-ի հետ հարցազրույցից, որի ժամանակ էլ եղել է միջադեպը, և կից գրել․

Արուսիկ Տիգրանյան, երբ ես դու շնորհք սովորելու, նաև հարգանք կոլեգայի հանդեպ ու քո անձնակարդակ, լկտի պահվածքով չես խանգարելու շատերին, այս դեպքում կոնկրետ իմ թիմին աշխատել։ Լավ, դու ինքանասիրություն չունես, աղջիկ ջան, էսքան ապո՞ւշ»։

https://www.youtube.com/watch?v=pw7ALCpMFJ8

Այսօր Երևան քաղաքի ընդհանուր իրավասության քրեական դատարանի Ավան նստավայրում տեղի ունեցավ ՀՀ նախկին վարչապետ Հովիկ Աբրահամյանի որդու՝ Արգամ Աբրահամյանի թիկնապահ Գեղամ Հակոբյանի գործով դատական նիստը:  Ինչպես հայտնի է օգոստոսի 8-ին կալանավորվեց ՀՀ նախկին վարչապետ Հովիկ Աբրահամյանի որդին՝ Արգամ Աբրահամյանը: Արգամ Աբրահամյանին մեղադրանք է առաջադրվել 2023 թվականին Սողոմոն Վլասյանի պատվերով սպանություն կատարելուն դրդելու համար: Քննչական կոմիտեի վարկածով՝ Աբրահամյանը, անձնական վրեժխնդրության շարժառիթով, իր անվտանգության աշխատակից Գեղամ Հակոբյանին հանձնարարել է սպանել Սողոմոն Վլասյանին։ Արգամ Աբրահամյանի նկատմամբ հանրային քրեական հետապնդում է հարուցվել ՀՀ քրեական օրենսգրքի 46-155-րդ հոդվածի 2-րդ մասի 11-րդ կետով՝ պատվերով սպանություն կատարելուն դրդելու համար:  Արգամ Աբրահամյանի պաշտպանները նրա կալանավորման մասով բողոք էին ներկայացրել վերաքննիչ դատարան, սակայն դատավոր Սևակ Համբարձումյանը մերժել է պաշտպանների բողոքը, ուստի Արգամ Աբրահամյանը կշարունակի մնալ կալանքի տակ: Սպանության ենթադրյալ կատարող Արգամ Աբրահամյանի թիկնապահ Գեղամ Հակոբյանի գործը դեռ 2024 թվականին ուղարկվել է դատարան։Եվ ահա այսօր դատարանում նրան հարցեր ուղղեցինք, թե արդյոք Արգամ Աբրահամյանը դրդել է նրան հոգևոր հովիվին սպանել և, ի վերջո նա է սպանել, թե ոչ, սակայն քրեական ոստիկանները ամեն ինչ անում էին, որ ArmLur.am-ի թղթակցին թույլ չտային նկարահանել մեղադրյալին, որ տնային կալանքի տակ է։